(ուժը կորցրել է 05.11.03 ՀՕ-28-Ն օրենք)
i
010.0106.260397
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՕՐԵՆՔԸ
Ընդունված է Ազգային Ժողովի կողմից
«5» մարտի 1997 թ.
i
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՀԱՐԿԱՅԻՆ ՏԵՍՉՈՒԹՅԱՆ ՆՅՈՒԹԱԿԱՆ ԽՐԱԽՈՒՍՄԱՆ ԵՎ ՍՈՑԻԱԼԱԿԱՆ ԶԱՐԳԱՑՄԱՆ ՖՈՆԴԻ ՄԱՍԻՆ
ԳԼՈՒԽ 1
ԸՆԴՀԱՆՈՒՐ ԴՐՈՒՅԹՆԵՐ
i
ՀՈԴՎԱԾ 1. Սույն օրենքը սահմանում է Հայաստանի Հանրապետության հարկային տեսչության նյութական խրախուսման և սոցիալական զարգացման ֆոնդը /այսուհետ` ֆոնդ/, դրա գոյացման աղբյուրներն ու օգտագործման ուղղությունները:
(1-ին հոդ. փոփ. 26.12.97 օրենք)
i
ՀՈԴՎԱԾ 2. Ֆոնդը ձևավորվում և օգտագործվում են հարկային պարտավորությունների կատարման նկատմամբ` ֆինանսական, հարկային մարմինների հսկողության արդյունավետությունը բարձրացնելու նպատակով:
(2-րդ հոդ. փոփ. 26.12.97 օրենք)
ԳԼՈՒԽ 2
ՖՈՆԴԻ ԳՈՅԱՑՄԱՆ ԱՂԲՅՈՒՐՆԵՐԸ
ՀՈԴՎԱԾ 3 (3-րդ հոդ. ուժը կորցրել է 26.12.97 օրենք)
i
ՀՈԴՎԱԾ 4. Հայաստանի Հանրապետության հարկային տեսչության նյութական խրախուսման և սոցիալական զարգացման ֆոնդը կազմավորվում է Հայաստանի Հանրապետության հարկային տեսչության կողմից պետական բյուջե լրացուցիչ գանձվող հարկերից, պարտադիր վճարումներից և դրանց հետ կապված ֆինանսական պատժամիջոցներից /այսուհետ` լրացուցիչ գումարներ/ տաս տոկոս մասհանումների հաշվին:
Ֆոնդի կազմավորման աղբյուր են հանդիսանում Հայաստանի Հանրապետության հարկային տեսչության կողմից ձեռնարկություններում, կազմակերպություններում, անհատ ձեռներեցների մոտ Հայաստանի Հանրապետության օրենքներով և այլ նորմատիվ իրավական ակտերով սահմանված կարգով կատարված ստուգումներով և վերստուգումներով «Հարկերի մասին» և առանձին հարկատեսակների մասին Հայաստանի Հանրապետության օրենքներով սահմանված հարկերի պարտադիր վճարները թաքցնելը կամ պակաս ցույց տալը բացահայտելու հետևանքով գանձվող գումարները:
Հայաստանի Հանրապետության հարկային տեսչության կողմից Հայաստանի Հանրապետության օրենսդրությամբ սահմանված և հաշվառված տույժերից ֆոնդի մասհանումներ չեն կատարվում, եթե առկա չեն թաքցված կամ պակաս ցույց տրված հարկի գումարները:
(4-րդ հոդ. փոփ. 26.12.97 օրենք)
ԳԼՈՒԽ 3
ՖՈՆԴԻ ՕԳՏԱԳՈՐԾՄԱՆ ՈՒՂՂՈՒԹՅՈՒՆՆԵՐԸ
ՀՈԴՎԱԾ 5. Ֆոնդի միջոցները ծախսվում են հետևյալ ուղղություններով`
i
ա/ լրացուցիչ գումարներ հայտնաբերող աշխատողի, աշխատողների խմբի, ինչպես նաև լրացուցիչ գումարների հայտնաբերման գործում ներդրում ունեցած աշխատողների դրամական պարգևատրման համար.
բ/ համակարգի նյութատեխնիկական և սոցիալական զարգացման նպատակներով:
(5-րդ հոդ. փոփ. 26.12.97 օրենք)
i
ՀՈԴՎԱԾ 6. Լրացուցիչ գումարներից մասհանումները ֆոնդին կատարվում են հարկային մարմինների աշխատողների կողմից` յուրաքանչյուր ստուգման /վերստուգման/ ակտով արձանագրված ընդհանուր գումարից: Միջոցների մուտքագրումը ֆոնդ իրականացվում է միայն հայտնաբերված լրացուցիչ գումարները ամբողջությամբ պետական բյուջե մուտքագրումից /վերականգնումից/ հետո:
(6-րդ հոդ. փոփ. 26.12.97 օրենք)
ԳԼՈՒԽ 4
ԵԶՐԱՓԱԿԻՉ ԴՐՈՒՅԹՆԵՐ
i
ՀՈԴՎԱԾ 7. Ֆոնդի միջոցների օգտագործման մասին հաշվետվությունները ներկայացվում են Հայաստանի Հանրապետության օրենսդրությամբ սահմանված կարգով և ժամկետներում:
(7-րդ հոդ. փոփ. 26.12.97 օրենք)
ՀՈԴՎԱԾ 8. Սույն օրենքն ուժի մեջ է մտնում պաշտոնական հրապարակման պահից:
26 մարտի 1997 թ.
ՀՕ-106