ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԵՆՏՐՈՆԱԿԱՆ ԲԱՆԿԻ ԽՈՐՀՈՒՐԴ
ՊԱՇՏՈՆԱԿԱՆ ՊԱՐԶԱԲԱՆՈՒՄ
26 հոկտեմբերի 2004 թվականի N 10
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԵՆՏՐՈՆԱԿԱՆ ԲԱՆԿԻ ԽՈՐՀՐԴԻ 2002 ԹՎԱԿԱՆԻ ԱՊՐԻԼԻ 2-Ի ԹԻՎ 88 ՈՐՈՇՄԱՄԲ ՀԱՍՏԱՏՎԱԾ «ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆՈՒՄ ԱՐԺՈՒԹԱՅԻՆ ԿԱՐԳԱՎՈՐՈՒՄԸ ԵՎ ԱՐԺՈՒԹԱՅԻՆ ՎԵՐԱՀՍԿՈՂՈՒԹՅՈՒՆԸ» ԿԱՆՈՆԱԿԱՐԳ 8-Ի ՈՐՈՇ ԿԱՆՈՆՆԵՐԻ ԿԻՐԱՌՄԱՆ ՎԵՐԱԲԵՐՅԱԼ
Հիմք ընդունելով «Իրավական ակտերի մասին» Հայաստանի Հանրապետության օրենքի 87-րդ հոդվածի 2-րդ կետի «բ» ենթակետը և «Հայաստանի Հանրապետության կենտրոնական բանկի մասին» Հայաստանի Հանրապետության օրենքի 20-րդ հոդվածի «իէ» կետը` Հայաստանի Հանրապետության կենտրոնական բանկի խորհուրդը պարզաբանում է Հայաստանի Հանրապետության կենտրոնական բանկի խորհրդի 2002 թվականի ապրիլի 2-ի թիվ 88 որոշմամբ հաստատված «Հայաստանի Հանրապետությունում արժութային կարգավորումը և արժութային վերահսկողությունը» կանոնակարգ 8-ի (այսուհետև` Կանոնակարգ 8) հետևյալ դրույթները.
i
1. Ըստ Կանոնակարգ 8-ի 11 կանոնի և 4.2, 4.3 ենթականոնների` Հայաստանի Հանրապետության տարածքում ապրանքների իրացման աշխատանքների կատարման և ծառայությունների մատուցման դիմաց կանխիկ եղանակով վճարումներն իրականացվում են միայն Հայաստանի Հանրապետության դրամով: Հայաստանի Հանրապետության ռեզիդենտների միջև ապրանքների իրացման աշխատանքների կատարման և ծառայությունների մատուցման դիմաց անկանխիկ եղանակով վճարումներն իրականացվում են միայն Հայաստանի Հանրապետության դրամով: Իսկ ռեզիդենտների և ոչ ռեզիդենտների միջև ապրանքների իրացման աշխատանքների կատարման և ծառայությունների մատուցման (այսինքն` ընթացիկ հաշվի գործարքների) դիմաց անկանխիկ վճարումները կարող են իրականացվել նաև արտարժույթով` բանկային պրակտիկայում կիրառվող վճարումների ցանկացած եղանակով:
i
2. Կանոնակարգ 8-ի 2-րդ կանոնում օգտագործված «փոքրածավալ գումարներ» հասկացությունը սահմանված է կապիտալի շարժի հետ կապված գործարքների նկատմամբ Հայաստանի Հանրապետության կենտրոնական բանկի կողմից, Կանոնակարգ 8-ի 5.1 կանոնի համաձայն, սահմանափակումներ նախատեսելու անհրաժեշտության առաջացման դեպքում` այդ «փոքրածավալ գումարները» կապիտալի շարժի հետ կապված գործարքներից բացառելու նպատակով: Հայաստանի Հանրապետության կենտրոնական բանկի կողմից, ինչպես փոքրածավալ գումարների չափը, այնպես էլ կապիտալի շարժի հետ կապված գործարքների նկատմամբ սահմանափակումներ ներկայումս սահմանված չեն:
ՍՏՈՐԱԳՐՎԵԼ Է ՀՀ ԿԵՆՏՐՈՆԱԿԱՆ ԲԱՆԿԻ ՆԱԽԱԳԱՀԻ ԿՈՂՄԻՑ
2004 ԹՎԱԿԱՆԻ ՆՈՅԵՄԲԵՐԻ 18-ԻՆ