040.1727.181204
«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ
«18» դեկտեմբերի 2004 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
9 դեկտեմբերի 2004 թվականի N 1727-Ա
i
«ՖՈՒՏԲՈԼԻ ՕԼԻՄՊԻԱԿԱՆ ՀԵՐԹԱՓՈԽԻ, ՆԵՏԱՁԳՈՒԹՅԱՆ ԵՎ ՄԱԿԱՆԱԽԱՂԻ ՄԱՐԶԱԴՊՐՈՑ» ՊԵՏԱԿԱՆ ՈՉ ԱՌԵՎՏՐԱՅԻՆ ԿԱԶՄԱԿԵՐՊՈՒԹՅՈՒՆԸ ԼՈՒԾԱՐԵԼՈՒ ՄԱՍԻՆ
«Պետական ոչ առևտրային կազմակերպությունների մասին» Հայաստանի Հանրապետության օրենքի 25-րդ հոդվածի 2-րդ կետին համապատասխան` Հայաստանի Հանրապետության կառավարությունը որոշում է.
1. Լուծարել «Ֆուտբոլի օլիմպիական հերթափոխի, նետաձգության և մականախաղի մարզադպրոց» պետական ոչ առևտրային կազմակերպությունը:
2. Երևանի քաղաքապետին` ստեղծել լուծարային հանձնաժողով և Հայաստանի Հանրապետության օրենսդրությամբ սահմանված կարգով ապահովել «Ֆուտբոլի օլիմպիական հերթափոխի, նետաձգության և մականախաղի մարզադպրոց» պետական ոչ առևտրային կազմակերպության լուծարման գործընթացը:
3. Հայաստանի Հանրապետության 2005 թվականի պետական բյուջեով նախատեսված և «Ֆուտբոլի օլիմպիական հերթափոխի, նետաձգության և մականախաղի մարզադպրոց» պետական ոչ առևտրային կազմակերպության լուծարման հետևանքով ազատված ֆինանսական միջոցները նպատակաուղղել «Ա. Ազարյանի անվան մարմնամարզության օլիմպիական հերթափոխի մանկապատանեկան մարզադպրոց» պետական ոչ առևտրային կազմակերպության ֆինանսավորմանը` համաձայնեցնելով Հայաստանի Հանրապետության ֆինանսների և էկոնոմիկայի նախարարության հետ:
ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ
2004 ԹՎԱԿԱՆԻ ԴԵԿՏԵՄԲԵՐԻ 10-ԻՆ