041.0245.170697
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ
ՈՐՈՇՈՒՄ
17 հունիսի 1997 թ. թիվ 245
i
ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆՈՒՄ ՈՐՊԵՍ ԲՆԱԿԵԼԻ ՖՈՆԴ ՎԵՐԱՓՈԽՄԱՆ ԵՆԹԱԿԱ ՇԵՆՔԵՐԻ ԵՎ ՇԻՆՈՒԹՅՈՒՆՆԵՐԻ ՀԱՇՎԱՌՈՒՄ ԿԱԶՄԱԿԵՐՊԵԼՈՒ ՄԱՍԻՆ
Հայաստանի Հանրապետությունում որպես բնակելի ֆոնդ վերափոխման (հարմարեցման ենթակա այլ նշանակության շենքերի և շինությունների հաշվառում կազմակերպելու և հետագայում դրանք նպատակային օգտագործելու նպատակով`
1. Ստեղծել որպես բնակելի ֆոնդ վերափոխման ենթակա շենքերի և շինությունների հաշվառման միջգերատեսչական հանձնաժողով և հաստատել նրա կազմը (կցվում է):
2. Հանձնաժողովին` մինչև 1997 թվականի սեպտեմբերի 1-ը համապատասխան նախարարությունների, վարչությունների, գերատեսչությունների, պետական կառավարման տարածքային և տեղական ինքնակառավարման մարմինների մասնակցությամբ ապահովել Հայաստանի Հանրապետությունում որպես բնակելի ֆոնդ վերափոխման ենթակա պետական սեփականություն հանդիսացող շենքերի և շինությունների ուսումնասիրումն ու հաշվառումը և առաջարկություն ներկայացնել Հայաստանի Հանրապետության կառավարություն:
3. Հայաստանի Հանրապետության նախարարություններին, վարչություններին, գերատեսչություններին, մարզպետներին և համայնքների ղեկավարներին` մինչև 1997 թվականի հուլիսի 30-ը միջգերատեսչական հանձնաժողովին ներկայացնել տվյալներ որպես բնակելի ֆոնդ վերափոխման ենթակա պետական սեփականություն հանդիսացող շենքերի և շինությունների վերաբերյալ:
ՀԱՍՏԱՏՎԱԾ Է
ՀՀ ՎԱՐՉԱՊԵՏԻ 1997 Թ. ՀՈՒՆԻՍԻ 17-Ի
ԹԻՎ 245 ՈՐՈՇՄԱՄԲ
ԿԱԶՄ
ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆՈՒՄ ՈՐՊԵՍ ԲՆԱԿԵԼԻ ՖՈՆԴ ՎԵՐԱՓՈԽՄԱՆ ԵՆԹԱԿԱ ՇԵՆՔԵՐԻ ԵՎ ՇԻՆՈՒԹՅՈՒՆՆԵՐԻ ՀԱՇՎԱՌՄԱՆ ՄԻՋԳԵՐԱՏԵՍՉԱԿԱՆ ՀԱՆՁՆԱԺՈՂՈՎԻ
Ֆ. Փիրումյան - ՀՀ քաղաքաշինության նախարար
(նախագահ)
Ա. Մարկոսյան - ՀՀ սեփականաշնորհման նախարարի տեղակալ
(նախագահի տեղակալ)
Ս. Կոտոլիկյան - ՀՀ էկոնոմիկայի նախարարի տեղակալ
Ա. Գևորգյան - ՀՀ ֆինանսների նախարարի տեղակալ
Կ. Հակոբյան - ՀՀ կառավարության աշխատակազմի
քաղաքաշինության և աղետի գոտու հարցերի
վարչության շինարարության և քաղաքային
տնտեսության բաժնի վարիչ
Կ. Արեյան - Երևանի քաղաքապետի տեղակալ
Ա. Բաղդասարյան - ՀՀ վիճակագրության, պետական ռեգիստրի և
վերլուծության վարչության կապիտալ
շինարարության և ներդրումների բաժնի պետ
Ա. Աթաբեկյան - ՀՀ գյուղատնտեսության նախարարության
կապիտալ շինարարության վարչության պետ
Տ. Բարսեղյան - ՀՀ քաղաքաշինության նախարարության
ճարտարապետության վարչության պետ
Ա. Սիմոնյան - ՀՀ քաղաքաշինության նախարարության
«Կոմունկապշին» ՊՁ-ի տնօրեն
Ա. Արսենյան - ՀՀ կրթության և գիտության նախարարության
սոցիալական հարցերի վարչության պետ