041.0358.040897
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ
ՈՐՈՇՈՒՄ
4 օգոստոսի 1997 թ. թիվ 358
ՀԱՆՁՆԱԺՈՂՈՎ ՍՏԵՂԾԵԼՈՒ ՄԱՍԻՆ
Վտանգավոր բեռների փոխադրումները պատշաճ մակարդակով կազմակերպելու և այդ աշխատանքների իրականացման հստակ մեխանիզմ ձևավորելու նպատակով մինչև Հայաստանի Հանրապետության կողմից միջազգային համապատասխան պայմանագրերի վավերացումը`
1. Վտանգավոր բեռների փոխադրման ժամանակավոր կանոնակարգ մշակելու նպատակով ստեղծել հանձնաժողով Հայաստանի Հանրապետության առողջապահության նախարարության, Հայաստանի Հանրապետության արդարադատության նախարարության, Հայաստանի Հանրապետության արդյունաբերության և առևտրի նախարարության, Հայաստանի Հանրապետության արտաքին գործերի նախարարության, Հայաստանի Հանրապետության բնապահպանության նախարարության, Հայաստանի Հանրապետության ներքին գործերի և ազգային անվտանգության նախարարության, Հայաստանի Հանրապետության պաշտպանության նախարարության, Հայաստանի Հանրապետության տրանսպորտի նախարարության, Հայաստանի Հանրապետության ֆինանսների և էկոնոմիկայի նախարարության, Հայաստանի Հանրապետության գյուղատնտեսության նախարարության, Հայաստանի Հանրապետության էներգետիկայի նախարարության, Հայաստանի Հանրապետության կառավարությանն առընթեր արտակարգ իրավիճակների վարչության, Հայաստանի Հանրապետության մաքսային վարչության, «Հայպետատոմհսկողություն» վարչության մասնագետների մասնակցությամբ:
2. Հանձնաժողովին` եռամսյա ժամկետում ավարտել վտանգավոր բեռների փոխադրման ժամանակավոր կանոնակարգի մշակումը:
i
3. Հայաստանի Հանրապետության վարչապետի 1997 թվականի հունիսի 12-ի «1997-1999 թվականներին Հայաստանի Հանրապետության կառավարության կողմից Հայաստանի Հանրապետության Ազգային Ժողով ներկայացվող Հայաստանի Հանրապետության օրենքների նախագծերի ժամանակացանկը հաստատելու մասին» թիվ 226 որոշմամբ հաստատված ժամանակացանկի 40-րդ կետի 4-րդ և 5-րդ սյունակների «1997 թ. 3-րդ եռամսյակ» բառերը փոխարինել «1997 թ. 4-րդ եռամսյակ» բառերով: