040.2007.301105
«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ
«30» նոյեմբերի 2005 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
15 նոյեմբերի 2005 թվականի N 2007-Ն
i
ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆՈՒՄ ՍԵՐՄԵՐԻ ԽՄԲԱՔԱՆԱԿԻՑ ՆՄՈՒՇ ՎԵՐՑՆԵԼՈՒ ԿԱՐԳԸ ԵՎ ՆՄՈՒՇԱՌՄԱՆ ԱԿՏԻ ՁԵՎԸ ՍԱՀՄԱՆԵԼՈՒ ՄԱՍԻՆ
Համաձայն «Սերմերի մասին» Հայաստանի Հանրապետության օրենքի 7-րդ հոդվածի` Հայաստանի Հանրապետության կառավարությունը որոշում է.
1. Սահմանել`
ա) Հայաստանի Հանրապետությունում սերմերի խմբաքանակից նմուշ վերցնելու կարգը` համաձայն N 1 հավելվածի.
բ) Հայաստանի Հանրապետությունում սերմերի խմբաքանակից նմուշառման ակտի ձևը` համաձայն N 2 հավելվածի:
2. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:
ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ
2005 ԹՎԱԿԱՆԻ ՆՈՅԵՄԲԵՐԻ 28-ԻՆ
Հավելված N 1
ՀՀ կառավարության
2005 թվականի նոյեմբերի 15-ի
N 2007-Ն որոշման
ԿԱՐԳ
ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆՈՒՄ ՍԵՐՄԵՐԻ ԽՄԲԱՔԱՆԱԿԻՑ ՆՄՈՒՇ ՎԵՐՑՆԵԼՈՒ
I. ԸՆԴՀԱՆՈՒՐ ԴՐՈՒՅԹՆԵՐ
1. Սույն կարգով սահմանվում է Հայաստանի Հանրապետություն սերմերի ներմուծման, Հայաստանի Հանրապետությունից սերմերի արտահանման, Հայաստանի Հանրապետությունում հավաստագրման ենթակա սերմերի խմբաքանակից նմուշ վերցնելու (այսուհետ` նմուշառում) ընթացակարգը:
2. Սերմերի նմուշառում կատարվում է սերմերի խմբաքանակներից, որոնք նույնականացված են սերմերի խմբաքանակների հղման (վկայակոչման) թվերով:
II. ՍՈՒՅՆ ԿԱՐԳՈՒՄ ՕԳՏԱԳՈՐԾՎՈՂ ՀԻՄՆԱԿԱՆ ՀԱՍԿԱՑՈՒԹՅՈՒՆՆԵՐԸ
3. Սույն կարգում օգտագործվում են հետևյալ հիմնական հասկացությունները`
նմուշառում` սերմերի հավաստագրման փորձաքննությունների անցկացման նպատակով սերմերի խմբաքանակից սերմերի նմուշներ վերցնելու գործողությունների համալիր.
կետային նմուշ` սերմերի խմբաքանակից մեկ գործողության ընթացքում վերցված սերմերի ոչ մեծ քանակություն, որը վերցված է միացյալ նմուշի ձևավորման համար.
միացյալ նմուշ` սերմերի խմբաքանակից վերցված, կետային նմուշների միացմամբ ստացված սերմերի քանակություն, որից ստացվում է լաբորատոր փորձաքննության համար ներկայացվելիք միջին նմուշ (նմուշներ).
միջին նմուշ` միացյալ նմուշի մի մասը, որն առանձնացվում է լաբորատոր փորձաքննության ներկայացնելու համար.
սերմերի խմբաքանակի հղման (վկայակոչման) թիվ` սերմերի խմբաքանակների նույնականացման համար կազմվող և կիրառվող թվանշաններից ու տառանշաններից բաղկացած ծածկագիր, որը ներառում է բերքահավաքի տարվա վերջին թիվը, սերմի դասի ծածկագիրը, սերմեր արտադրողների, ներկրողների և արտահանողների հաշվառման գրանցամատյանում հաշվառման համարը և բերքահավաքի տարվա արտադրության խմբաքանակի հաջորդական համարը:
III. ՆՄՈՒՇԱՌՄԱՆ ԸՆԹԱՑԱԿԱՐԳԸ
4. Նմուշառման ժամանակ, սերմի խմբաքանակում առկա բոլոր սերմերը պետք է լինեն նույն վիճակում` բեռնամաններով կամ կույտերով, ախտահանված կամ չախտահանված: Եթե սերմերն ախտահանված են տարբեր թունաքիմիկատներով, ապա կազմվում է առանձին խմբաքանակ` միևնույն թունաքիմիկատով ախտահանված սերմերից: Բեռնամանները կամ կույտերը, որտեղից վերցվում է նմուշը, պետք է լինեն նույն չափի և նույն տիպի, պարունակեն սերմի միևնույն քանակությունը:
5. Հայտատուն սերմի խմբաքանակը կազմելուց հետո լիազորված մարմին է ներկայացնում սերմի նմուշառման և փորձաքննության մասին հայտ` Հայաստանի Հանրապետության կառավարության 2005 թվականի օգոստոսի 18-ի «Սերմերի հավաստագրման կարգը հաստատելու մասին» N 1479-Ն որոշմամբ հաստատված կարգի N 6 ձևին համապատասխան:
6. Նմուշառման հայտն ստանալուց հետո 2 օրվա ընթացքում կատարում է նմուշառում:
7. Սերմերի խմբաքանակից նմուշառման համար տարբեր մասերից պատահական վերցվում են մոտավորապես նույն քանակությամբ կետային նմուշներ:
8. Կետային նմուշները միացվում են (խառնվում են), և ստացվում է միացյալ նմուշ, որը բաժանվում է միջին նմուշի (նմուշներ): Սերմերի միջին նմուշի նվազագույն զանգվածը ներկայացված է N 1 աղյուսակում:
ՍԵՐՄԵՐԻ ՄԻՋԻՆ ՆՄՈՒՇՆԵՐԻ ՆՎԱԶԱԳՈՒՅՆ ԶԱՆԳՎԱԾԸ
Աղյուսակ 1
.____________________________________.
| Սերմի տեսակը |Փորձաքննության համար|
| |ներկայացվող միջին |
| |նմուշի նվազագույն |
| |զանգվածը (գրամ) |
|_______________|____________________|
|Ցորեն |2000 |
|_______________|____________________|
|Գարի |2000 |
|_______________|____________________|
|Եգիպտացորեն |2000 |
|_______________|____________________|
|Առվույտ |600 |
|_______________|____________________|
|Արևածաղիկ |2000 |
|_______________|____________________|
|Գետնանուշ |1000 |
|_______________|____________________|
|Լոլիկ (պոմիդոր)|20 |
|_______________|____________________|
|Սմբուկ |20 |
|_______________|____________________|
|Պղպեղ |40 |
|_______________|____________________|
|Վարունգ |25 |
|_______________|____________________|
|Լոբի |1000 |
|_______________|____________________|
|Ոլոռ |500 |
|_______________|____________________|
|Սոյա |1000 |
|_______________|____________________|
|Բակլա |1000 |
|_______________|____________________|
|Գազար |10 |
|_______________|____________________|
|Կաղամբ |25 |
|_______________|____________________|
|Ծաղկակաղամբ |25 |
|_______________|____________________|
|Շաղգամ |20 |
|_______________|____________________|
|Բողկ |50 |
|_______________|____________________|
|Սոխ |25 |
|_______________|____________________|
|Մաղադանոս |10 |
|_______________|____________________|
|Սամիթ |25 |
|_______________|____________________|
|Հազար |10 |
|_______________|____________________|
|Նեխուր |5 |
|_______________|____________________|
|Սպանախ |75 |
|_______________|____________________|
|Ծնեբեկ |100 |
|_______________|____________________|
|Ձմերուկ |250 |
|_______________|____________________|
|Սեխ |100 |
|_______________|____________________|
|Դդում |250 |
|_______________|____________________|
|Դդմիկ |150 |
.____________________________________.
9. Սերմերի խոնավության որոշման փորձաքննության համար սերմերի կետային նմուշները վերցվում են այնպես, որ նվազագույնի հասցվի մթնոլորտի ազդեցությունը: Այդ կերպ ստացված միացյալ նմուշն ամբողջությամբ ներկայացվում է փորձաքննության` հերմետիկ փակվող տարայով (ինքնակնքվող պլաստիկ պարկ, շիշ): Այն պահվում է այլ փորձաքննությունների համար նախատեսված սերմերից առանձին:
10. 15 կիլոգրամը չգերազանցող բեռնամաններից նմուշառումը կատարվում է որպես նմուշառման հիմնական միավոր` ընդունելով 100 կիլոգրամ զանգվածը, իսկ փոքր բեռնամանները համակցվում են այնպես, որ կազմեն 100 կիլոգրամը չգերազանցող նմուշառման միավորներ: Նմուշառման նպատակով յուրաքանչյուր միավոր դիտարկվում է որպես մեկ պայմանական բեռնաման:
11. Սերմերը փոքր ծրարներով (ոչ ավելի, քան 100 գրամ) ներմուծելու կամ արտահանելու դեպքում յուրաքանչյուր ծրար դիտարկվում է որպես կետային նմուշ, և միջին նմուշ ստանալու համար պատահական ընտրությամբ վերցվում են N 1 աղյուսակում ներկայացված միջին նմուշի քանակությունն ապահովող թվով ծրարներ:
12. Միևնույն չափի բեռնամաններում (15 կիլոգրամից ավելի և 100 կիլոգրամից պակաս) պահվող սերմերի դեպքում վերցվող կետային նմուշների քանակը ներկայացված է N 2 աղյուսակում:
Միևնույն չափի բեռնամաններում պահվող սերմերի դեպքում վերցվող
կետային նմուշների քանակը
Աղյուսակ 2
.______________________________________________________________.
|Սերմերի խմբաքանակում| Կետային նմուշների քանակը |
|բեռնամանների քանակը | |
|____________________|_________________________________________|
|1-4 |3 կետային նմուշ` յուրաքանչյուր բեռնամանից|
|____________________|_________________________________________|
|5-8 |2 կետային նմուշ` յուրաքանչյուր բեռնամանից|
|____________________|_________________________________________|
|9-15 |1 կետային նմուշ` յուրաքանչյուր բեռնամանից|
|____________________|_________________________________________|
|16-30 |15 կետային նմուշ` սերմերի խմբաքանակից |
|____________________|_________________________________________|
|31-59 |20 կետային նմուշ` սերմերի խմբաքանակից |
|____________________|_________________________________________|
|60 և ավելի |30 կետային նմուշ` սերմերի խմբաքանակից |
.______________________________________________________________.
13. 15-100 կիլոգրամանոց բեռնամանների դեպքում նմուշառման ենթակա բեռնամաններն ընտրվում են պատահականորեն, իսկ կետային նմուշները վերցվում են բեռնամանների վերին, միջին ու ստորին մասերից:
14. 100 կիլոգրամից ավելի տարողությամբ բեռնամաններից և սերմերի կույտից նմուշառման ժամանակ կետային նմուշները վերցվում են պատահական ընտրված տարբեր հորիզոնական և ուղղահայաց դիրքերից, որը ներկայացված է N 3 աղյուսակում:
Բեռնամաններից և սերմերի կույտից նմուշառման ժամանակ կետային
նմուշների քանակը
Աղյուսակ 3
._____________________________________________________________________.
|Սերմերի խմբաքանակի | Կետային նմուշների քանակը |
| քաշը | |
|____________________|________________________________________________|
|Մինչև 500 կգ |առնվազն 5 կետային նմուշ |
|____________________|________________________________________________|
|501-3000 կգ |մեկ կետային նմուշ` յուրաքանչյուր 300 կգ-ի համար,|
| |բայց ոչ պակաս, քան 5 նմուշ |
|____________________|________________________________________________|
|3001-20000 կգ |մեկ կետային նմուշ` յուրաքանչյուր 500 կգ-ի համար,|
| |բայց ոչ պակաս, քան 10 նմուշ |
|____________________|________________________________________________|
|20001 կգ և ավելի |մեկ կետային նմուշ` յուրաքանչյուր 700 կգ-ի համար,|
| |բայց ոչ պակաս, քան 40 նմուշ |
._____________________________________________________________________.
15. Նմուշառումից անմիջապես հետո սերմերի բեռնամանները կնքվում են նմուշառուի կողմից կամ նրա հսկողությամբ: Սերմերի խմբաքանակը կնքվում է այնպես, որ անհնար լինի սերմերի բեռնամանը բացել առանց կնիքը խախտելու (վնասելու):
16. Նմուշառման գործիքները պետք է սերմերի խմբաքանակի բոլոր մասերից նմուշ վերցնելու հնարավորություն ընձեռեն: Կետային նմուշ վերցնելու համար օգտագործվում են տարբեր տեսակի զննաձողեր, շերեփներ և այլ գործիքներ:
17. Միացյալ նմուշը կարող է օգտագործվել որպես միջին նմուշ, եթե միացյալ նմուշի քաշը փոքր չէ տվյալ տեսակի սերմերի միջին նմուշի համար սահմանված նվազագույն քաշից (N 1 աղյուսակ): Եթե միացյալ նմուշի քաշը գերազանցում է միջին նմուշի համար սահմանված քաշը, ապա միջին նմուշ ստանալու համար օգտագործվում են համապատասխան գործիքներ:
18. Նմուշառուն նմուշառումից հետո`
ա) լրացնում և ստորագրում է N 6 ձևի 4 օրինակ.
բ) վերցված նմուշը փաթեթավորում է, պիտակավորում և կնքում.
գ) N 6 ձևի 2 օրինակը փակցնում է նմուշի փաթեթի պիտակի վրա և նմուշն ուղարկում փորձաքննության.
դ) N 6 ձևի երրորդ օրինակն ուղարկում է լիազորված պետական մարմին.
ե) գրանցում է տեղեկություններ վերցրած նմուշների, ինչպես նաև յուրաքանչյուր դեպքում կիրառված նմուշառման եղանակի ու օգտագործված պիտակների վերաբերյալ.
զ) N 6 ձևի չորրորդ օրինակը հանձնում է հայտատուին:
IV. ՆՄՈՒՇԱՌՄԱՆ ԱԿՏՆ ԱՆՎԱՎԵՐ ՃԱՆԱՉԵԼԸ
19. Նմուշառման ակտը ճանաչվում է անվավեր, եթե`
ա) նմուշառումը չի կատարվել սույն կարգի համաձայն,
բ) նմուշառումը չի կատարվել նմուշառուի կողմից:
20. Անվավեր ճանաչված նմուշառմամբ կատարված փորձաքննությունների արդյունքները համարվում են անվավեր:
Հավելված N 2
ՀՀ կառավարության
2005 թվականի նոյեմբերի 15-ի
N 2007-Ն որոշման
ԱԿՏ
ՍԵՐՄԵՐԻ ԽՄԲԱՔԱՆԱԿԻՑ ՆՄՈՒՇԱՌՄԱՆ
Հայտատու ____________________________
Նմուշառու ____________________________ ____________________________
(անունը, ազգանունը, պաշտոնը) (ամիսը, ամսաթիվը, տարեթիվը)
Կատարվել են սերմերի նմուշառում և զննում` համաձայն ՀՀ կառավարության 2005 թ. նոյեմբերի 15-ի 2007-Ն որոշմամբ հաստատված կարգի, որը պահպանվում է
_________________________________________________________________________
(պահպանության վայրը)
Տեղեկություններ սերմերի մասին
.__________________________________________________________________________
|Մշակա-|Սորտը|Սորտային |Սորտային|Վերարտադրու-|Բերքի|Խմբա- |Խմբա- |Տեղերի|
|բույսը| |փաստա- |մաքրու- |թյունը |տարին|քանակի|քանակի |քանակը|
| | |թղթերի |թյունը | | |համարը|կշիռը | |
| | |անվանումը,|(տոկոս) | | | |(տոննա)| |
| | |համարը և | | | | | | |
| | |ամսաթիվը | | | | | | |
|______|_____|__________|________|____________|_____|______|_______|______|
| 1 | 2 | 3 | 4 | 5 | 6 | 7 | 8 | 9 |
|______|_____|__________|________|____________|_____|______|_______|______|
|______|_____|__________|________|____________|_____|______|_______|______|
.__________________________________________________________________________
._______________________________________________________________________
|Սերմերի |Որտեղից են|Վերջին |կատարվել է |Ինչ փորձա-|Սերմերի |
|պահպանման|ստացվել |փորձաքննության|քիմիական |քննության |նշանակու-|
|վայրը |սերմերը |ամսաթիվը և |մշակում |համար է |թյունը |
| | |համարը |(ախտահանում) |վերցվել | |
| | | |և ինչ բուժա-|նմուշը | |
| | | |նյութով | | |
|_________|__________|______________|_____________|__________|_________|
| 10 | 11 | 12 | 13 | 14 | 15 |
|_________|__________|______________|_____________|__________|_________|
|_________|__________|______________|_____________|__________|_________|
._______________________________________________________________________
._____________________.
|Ներկայացված նմուշների|
| քանակը |
|_____________________|
|պարկով |շշով |փաթեթով|
|_______|_____|_______|
| 16 | 17 | 18 |
|_______|_____|_______|
|_______|_____|_______|
._____________________.
Փորձանմուշներն ուղարկվել են __________ սերմերի փորձաքննության լաբորատորիա
Նմուշառու ___________________ Հայտատու ____________________
(ստորագրությունը) (ստորագրությունը)
Փորձանմուշների պահպանության համար պատասխանատու անձ _____________________
(անունը, ազգանունը,
ստորագրությունը)