040.2287.160106
«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ
«16» հունվարի 2006 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
22 դեկտեմբերի 2005 թվականի N 2287-Ա
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 1998 ԹՎԱԿԱՆԻ ՍԵՊՏԵՄԲԵՐԻ 19-Ի N 597 ՈՐՈՇՄԱՆ ՄԵՋ ՓՈՓՈԽՈՒԹՅՈՒՆ ԿԱՏԱՐԵԼՈՒ ԵՎ ԳՈՒՅՔ ՕՏԱՐԵԼՈՒ ՄԱՍԻՆ
Հայաստանի Հանրապետության կառավարության 2003 թվականի հունիսի 13-ի N 882-Ն որոշմանը համապատասխան` Հայաստանի Հանրապետության կառավարությունը որոշում է.
1. Հայաստանի Հանրապետության կառավարության 1998 թվականի սեպտեմբերի 19-ի «Հայաստանի Հանրապետության աղետի գոտում որոշ օբյեկտներ որպես դպրոցներ օգտագործելու մասին» N 597 որոշման մեջ կատարել հետևյալ փոփոխությունը`
i
որոշման 4-րդ կետում «սեփականության իրավունքով անհատույց հանձնել Ստեփանավանի քաղաքային համայնքին` Ստեփանավանի թիվ 6 դպրոցին տրամադրելու համար» բառերը փոխարինել «ամրացնել «Ստեփանավանի թիվ 6 դպրոց» պետական ոչ առևտրային կազմակերպությանը» բառերով:
2. «Ստեփանավանի թիվ 6 դպրոց» պետական ոչ առևտրային կազմակերպությունից հետ վերցնել և նախօրոք հայտնի գնորդ «Ստեփանավանի ճանապարհների շահագործում և շինարարություն» սահմանափակ պատասխանատվությամբ ընկերությանը (այսուհետ` գնորդ) ուղղակի վաճառքի ձևով օտարել Հայաստանի Հանրապետության կառավարության 1998 թվականի մարտի 27-ի N 209 որոշմամբ հաստատված կարգով 2349 հազ. դրամ գնահատված (գնահատումը կատարվել է 2005 թվականի փետրվարի 23-ին) արժեք ունեցող` Ստեփանավան քաղաքի Վիրահայոց 10 հասցեում գտնվող` 494.7 քառ. մետր մակերեսով շենքը (այսուհետ` գույք) վաճառքի գինը սահմանելով 2349 հազ. դրամ:
3. Սահմանել, որ գնորդին է օտարվում նաև գույքի զբաղեցրած հողատարածքը` կադաստրային արժեքով:
4. Վճարումները կատարել եռամսյա ժամկետում` Հայաստանի Հանրապետության արժույթով` վաճառքի գնի 70 տոկոսն ուղղելով «Պետական սեփականություն համարվող հիմնական միջոցների (ֆոնդերի) օտարումից մուտքեր» գանձապետական հաշվին, 30 տոկոսը` Ստեփանավանի քաղաքային համայնքի բյուջե, իսկ հողի կադաստրային արժեքը վճարել հողի օտարումից մուտքերի համապատասխան հաշվին:
5. Հայաստանի Հանրապետության կառավարությանն առընթեր պետական գույքի կառավարման վարչության պետին` սույն որոշման 4-րդ կետում նշված վճարումները կատարելուց հետո մեկամսյա ժամկետում գնորդի հետ կնքել առուվաճառքի պայմանագիր` դրանում նախատեսելով, որ գնորդը պարտավորվում է իր միջոցների հաշվին վճարել գույքի արժեքի որոշման հետ կապված վճարը` 80489 դրամ (ներառյալ ավելացված արժեքի հարկը) և գույքային իրավունքների պետական գրանցման հետ կապված վճարներն ու տուրքերը` Հայաստանի Հանրապետության օրենսդրությամբ սահմանված կարգով, ինչպես նաև մեկ տարվա ընթացքում կատարել մեկ միլիոն դրամի չափով ներդրում:
6. Հայաստանի Հանրապետության Լոռու մարզպետին`
ա) «Ստեփանավանի թիվ 3 դպրոց» և «Ստեփանավանի թիվ 4 դպրոց» պետական ոչ առևտրային կազմակերպությունների միացման արդյունքում ազատված Ստեփանավան քաղաքի Միլիոնի 7 հասցեում գտնվող «Ստեփանավանի թիվ 3 դպրոց» պետական ոչ առևտրային կազմակերպության ժամանակավոր փայտյա կառույցն անհատույց օտարել Ստեփանավանի քաղաքային համայնքին` քաղաքային գրադարանի աշխատանքները կազմակերպելու նպատակով,
բ) մեկամսյա ժամկետում Ստեփանավանի քաղաքային համայնքի ղեկավարի հետ Հայաստանի Հանրապետության օրենսդրությամբ սահմանված կարգով կնքել սույն կետի «ա» ենթակետում նշված գույքի օտարման պայմանագիր և ապահովել դրա հանձնման-ընդունման աշխատանքների կատարումը` օտարման հետ կապված բոլոր ծախսերն իրականացնելով Ստեփանավանի քաղաքային համայնքի միջոցների հաշվին:
ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ
2005 ԹՎԱԿԱՆԻ ԴԵԿՏԵՄԲԵՐԻ 30-ԻՆ