ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԴԱՏԱՐԱՆՆԵՐԻ ՆԱԽԱԳԱՀՆԵՐԻ ԽՈՐՀՈՒՐԴ
ՈՐՈՇՈՒՄ N 78
i
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԴԱՏԱՐԱՆՆԵՐԻ ՆԱԽԱԳԱՀՆԵՐԻ ԽՈՐՀՐԴԻ ՀԱՆՁՆԱԺՈՂՈՎՆԵՐԻ ԻՐԱՎԱՍՈՒԹՅՈՒՆՆԵՐԸ ՍԱՀՄԱՆԵԼՈՒ ՄԱՍԻՆ
Ղեկավարվելով «Դատարանակազմության մասին» ՀՀ օրենքի 27-րդ հոդվածով` Հայաստանի Հանրապետության դատարանների նախագահների խորհուրդը որոշում է.
1. Հաստատել ՀՀ դատարանների նախագահների խորհրդի հանձնաժողովների իրավասությունները` համաձայն հավելված 1-ի:
2. Հաստատել ՀՀ դատարանների նախագահների խորհրդի հանձնաժողովների պաշտոնական գրությունների ձևը` համաձայն հավելված 2-ի:
8 դեկտեմբերի 2005 թվականի
Հավելված 1
ՀՀ դատարանների
նախագահների խորհրդի
2005 թ. դեկտեմբերի 8-ի
թիվ 78 որոշման
ԻՐԱՎԱՍՈՒԹՅՈՒՆՆԵՐ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԴԱՏԱՐԱՆՆԵՐԻ ՆԱԽԱԳԱՀՆԵՐԻ ԽՈՐՀՐԴԻ ՀԱՆՁՆԱԺՈՂՈՎՆԵՐԻ
1. ՀՀ դատարանների նախագահների խորհրդի 2005 թվականի սեպտեմբերի 20-ի «ՀՀ դատարանների նախագահների խորհրդի հանձնաժողովներ ձևավորելու մասին» թիվ 64 որոշմամբ ստեղծված հանձնաժողովները կոչված են ապահովելու «Դատարանակազմության մասին» ՀՀ օրենքով սահմանված ՀՀ դատարանների նախագահների խորհրդի լիազորությունների լիարժեք իրականացումը:
2. Հանձնաժողովների գործունեությունը կանոնակարգվում է սույն որոշմամբ և իրականացվում Հայաստանի Հանրապետության Սահմանադրությանը, օրենքներին և այլ իրավական ակտերին համապատասխան:
3. ՀՀ դատարանների նախագահների խորհրդում ձևավորված հանձնաժողովները ունեն հետևյալ իրավասությունները`
ա) Էթիկայի հանձնաժողովը`
- քննարկում է «Դատավորի վարքագծի կանոնագրքի» խախտման մասին դիմումները,
- տալիս է եզրակացություն դատավորի կողմից «Դատավորի վարքագծի կանոնագրքի» խախտման մասին:
բ) Օրենսդրական հանձնաժողովը`
- առաջարկություն է ներկայացնում օրենքների և այլ իրավական ակտերի կատարելագործման ուղղությամբ իրավասու պետական մարմիններին դիմելու մասին,
- տալիս է եզրակացություն ՀՀ դատարանների նախագահների խորհրդի` օրենքների կիրառման խորհրդատվական բնույթի պարզաբանում պարունակող որոշումների նախագծերի վերաբերյալ,
- դատական պրակտիկայի ամփոփման հիման վրա առաջարկություն է ներկայացնում ՀՀ դատարանների նախագահների խորհրդի որոշման ընդունման մասին:
գ) Դատական պրակտիկայի և վիճակագրության հանձնաժողովը`
- քննարկում է դատական պրակտիկայի ամփոփման և դատական վիճակագրության նյութերը,
- առաջարկություն է ներկայացնում միասնական դատական պրակտիկայի ապահովման ուղղությամբ իրականացվելիք գործողությունների վերաբերյալ,
- ՀՀ դատարանների նախագահների խորհրդի քննարկմանն է ներկայացնում դատական պրակտիկայի ամփոփման և դատական վիճակագրության արդյունքները:
դ) Դատավորների վերապատրաստման հանձնաժողովը`
- քննարկում և տալիս է եզրակացություն դատավորների վերապատրաստման հետ կապված ուսումնական ծրագրերի վերաբերյալ,
- առաջարկություն է ներկայացնում ՀՀ դատավորների վերապատրաստման ուղղությունների մասին:
ե) Բյուջետային հանձնաժողովը`
- եզրակացություն է տալիս ՀՀ դատարանների կողմից բյուջետային միջոցների օգտագործման արդյունավետության մասին,
- եզրակացություն է տալիս բյուջետային միջոցները խախտումներով օգտագործելու, բյուջետային մուտքերի և ծախսերի հաշվառումը սխալ վարելու համար կիրառվող պատասխանատվության մասին,
- ՀՀ դատարանների նախագահների խորհրդի քննարկմանն է ներկայացնում ՀՀ դատարանների բյուջետային հարաբերությունների հետ կապված ցանկացած հարց:
զ) Կազմակերպական հանձնաժողովը`
- եզրակացություն է տալիս ՀՀ դատարանների բնականոն գործունեության հետ կապված ցանկացած հարցի վերաբերյալ,
- ՀՀ դատարանների նախագահների խորհրդի քննարկմանն է ներկայացնում ՀՀ դատարանների բնականոն գործունեության ապահովմանն ուղղված միջոցառումների մասին:
4. Հանձնաժողովները`
1) իրենց իրավասությունների շրջանակում ուսումնասիրում և տալիս են եզրակացություն ՀՀ դատարանների նախագահների խորհրդի կողմից քննարկվող հարցերի վերաբերյալ,
2) ՀՀ դատարանների նախագահների խորհրդի քննարկմանն են ներկայացնում որոշման նախագծեր,
3) կատարում են ՀՀ դատարանների նախագահների խորհրդի նախագահի հանձնարարությունները:
5. Հանձնաժողովի գործունեությունը ղեկավարում է հանձնաժողովի նախագահը, իսկ գործունեության ապահովումն իրականացնում է ՀՀ դատարանների նախագահների խորհրդի քարտուղարությունը:
5.1. Հանձնաժողովի նախագահը`
ա) վերահսկում է հանձնաժողովի իրավասությանը վերաբերող հարցերի կատարման ընթացքը,
բ) ստորագրում է հանձնաժողովի եզրակացությունները և որոշումները,
գ) հանձնաժողովի իրավասությանը վերաբերող հարցերով ներկայացնում է ՀՀ դատարանների նախագահների խորհրդի որոշման նախագիծ, զեկուցում է օրակարգում ընդգրկված հարցերը:
5.2. Հանձնաժողովների գործունեության ապահովման նպատակով ՀՀ դատարանների նախագահների խորհրդի քարտուղարությունը ուսումնասիրում և առաջարկություններ է ներկայացնում հանձնաժողովների իրավասությանը վերաբերող հարցերի վերաբերյալ:
6. Հանձնաժողովի անդամները տեղեկատվությունը միմյանց կարող են փոխանցել ՀՀ դատարանների նախագահների խորհրդի քարտուղարության միջոցով:
Հավելված 2
ՀՀ դատարանների
նախագահների խորհրդի
2005 թ. դեկտեմբերի 8-ի
թիվ 78 որոշման
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
(ՀՀ զինանշանը) ԴԱՏԱՐԱՆՆԵՐԻ ՆԱԽԱԳԱՀՆԵՐԻ ԽՈՐՀՐԴԻ
_______________________________ ՀԱՆՁՆԱԺՈՂՈՎ
հանձնաժողովի անվանումը
__________________________________________________________________________
փոստային ինդեքս, հասցեն, հեռախոս. այլ կապի միջոց
N _____________________________
գրասենյակի հաշվառման համարը «____»_______________ 200___ թ.
օր ամիս