(ուժը կորցրել է 18.01.2024 թիվ 77-Լ որոշում)
i
040.0024.010206
«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ
«1» փետրվարի 2006 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
19 հունվարի 2006 թվականի N 24-Ն
i
ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆՈՒՄ ՀԱՎԱՍՏԱԳՐՎԱԾ ՍԵՐՄԵՐ ԱՐՏԱԴՐՈՂՆԵՐԻ, ՆԵՐԿՐՈՂՆԵՐԻ ԵՎ ԱՐՏԱՀԱՆՈՂՆԵՐԻ ՀԱՇՎԱՌՄԱՆ ԳՐԱՆՑԱՄԱՏՅԱՆԻ ՎԱՐՄԱՆ ԿԱՐԳԸ ԵՎ ՁԵՎԸ ՀԱՍՏԱՏԵԼՈՒ ՄԱՍԻՆ
Համաձայն «Սերմերի մասին» Հայաստանի Հանրապետության օրենքի 8-րդ հոդվածի 7-րդ մասի երրորդ պարբերության` Հայաստանի Հանրապետության կառավարությունը որոշում է.
1. Հաստատել`
ա) Հայաստանի Հանրապետությունում հավաստագրված սերմեր արտադրողների, ներկրողների և արտահանողների հաշվառման գրանցամատյանի վարման կարգը` համաձայն N 1 հավելվածի.
բ) Հայաստանի Հանրապետությունում հավաստագրված սերմեր արտադրողների, ներկրողների և արտահանողների հաշվառման գրանցամատյանի ձևը` համաձայն N 2 հավելվածի:
2. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը:
ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ
2006 ԹՎԱԿԱՆԻ ՀՈՒՆՎԱՐԻ 26-ԻՆ
Հավելված N 1
ՀՀ կառավարության
2006 թվականի հունվարի 19-ի
N 24-Ն որոշման
ԿԱՐԳ
ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆՈՒՄ ՀԱՎԱՍՏԱԳՐՎԱԾ ՍԵՐՄԵՐ ԱՐՏԱԴՐՈՂՆԵՐԻ, ՆԵՐԿՐՈՂՆԵՐԻ ԵՎ ԱՐՏԱՀԱՆՈՂՆԵՐԻ ՀԱՇՎԱՌՄԱՆ ԳՐԱՆՑԱՄԱՏՅԱՆԻ ՎԱՐՄԱՆ
I. ԸՆԴՀԱՆՈՒՐ ԴՐՈՒՅԹՆԵՐ
1. Սույն կարգով սահմանվում է Հայաստանի Հանրապետությունում հավաստագրված սերմեր արտադրող, ներկրող ու արտահանող ֆիզիկական և իրավաբանական անձանց (այսուհետ` հայտատու) հաշվառման գրանցամատյանի վարման ընթացակարգը:
2. Հավաստագրված սերմեր արտադրողների, ներկրողների և արտահանողների հաշվառման գրանցամատյանը (այսուհետ` գրանցամատյան) Հայաստանի Հանրապետության օրենսդրության և սույն կարգի համաձայն վարում ու պահպանում է Հայաստանի Հանրապետության գյուղատնտեսության նախարարությունը (այսուհետ` լիազորված մարմին):
i
3. Լիազորված մարմինը յուրաքանչյուր տարի Հայաստանի Հանրապետության կառավարության 2005 թվականի օգոստոսի 18-ի «Սերմերի հավաստագրման կարգը հաստատելու մասին» N 1479-Ն որոշմամբ հաստատված կարգի համաձայն սերմերի հավաստագրման մասին հայտ ներկայացնելու համար հայտատուին տրամադրում է տեղեկատվություն գրանցամատյանում հաշվառված լինելու մասին:
II. ԳՐԱՆՑԱՄԱՏՅԱՆՈՒՄ ՀԱՎԱՍՏԱԳՐՎԱԾ ՍԵՐՄԵՐ ԱՐՏԱԴՐՈՂՆԵՐԻ, ՆԵՐԿՐՈՂՆԵՐԻ ՈՒ ԱՐՏԱՀԱՆՈՂՆԵՐԻ ՀԱՇՎԱՌՄԱՆ ԵՎ ՀԱՇՎԱՌՈՒՄԻՑ ՀԱՆՄԱՆ ԸՆԹԱՑԱԿԱՐԳԵՐԸ
4. Հայտատուն հաշվառվում է գրանցամատյանում և հաշվառումից հանվում է իր դիմումի հիման վրա` գրանցամատյանում համապատասխան գրառման կատարմամբ:
5. Դիմումն ստանալուց հետո 3-օրյա ժամկետում` լիազորված մարմինը հայտատուին գրավոր տեղեկացնում է`
ա) հաշվառման մասին` գրության մեջ նշելով գրանցամատյանում հաշվառման համարը,
բ) հաշվառումից հանելու մասին:
6. Հայտատուն դիմումին կից ներկայացնում է`
ա) ֆիզիկական անձինք` անձնագրի պատճենը,
բ) իրավաբանական անձինք` պետական գրանցման վկայականի պատճենը:
7. Հայտատուն գրանցամատյանում առկա տեղեկություններում փոփոխությունների կատարման դեպքում դրա մասին գրավոր տեղեկացնում է լիազորված մարմնին:
III. ԳՐԱՆՑԱՄԱՏՅԱՆՈՒՄ ՀԱՎԱՍՏԱԳՐՎԱԾ ՍԵՐՄԵՐ ԱՐՏԱԴՐՈՂՆԵՐԻ, ՆԵՐԿՐՈՂՆԵՐԻ ԵՎ ԱՐՏԱՀԱՆՈՂՆԵՐԻ ՄԱՍԻՆ ՏԵՂԵԿՈՒԹՅՈՒՆՆԵՐԸ
8. Գրանցամատյանում արձանագրվում են հետևյալ տեղեկությունները`
ա) հայտատուի հաշվառման կամ հաշվառումից հանման տարեթիվը, ամիսը, ամսաթիվը,
բ) հայտատուի անունը, հայրանունը, ազգանունը կամ անվանումը,
գ) հայտատուի բնակության կամ գտնվելու վայրը և հեռախոսահամարը,
դ) գործունեության ոլորտը,
ե) գրանցամատյանում հայտատուի հաշվառման հերթական համարը:
IV. ԱՅԼ ԴՐՈՒՅԹՆԵՐ
9. Գրանցամատյանում հաշվառված հայտատուի կողմից 2 տարի անընդմեջ լիազորված մարմնին սույն կարգի 3-րդ կետով նախատեսված տեղեկատվության տրամադրման համար պահանջ չներկայացվելու դեպքում նրա տվյալները հանվում են գրանցամատյանից:
10. Լիազորված մարմինն ստեղծում և պահպանում է գրանցամատյանի էլեկտրոնային տարբերակը:
11. Գրանցամատյանում հայտատուի հաշվառման համարն այլ հայտատուի չի տրամադրվում:
Հավելված N 2
ՀՀ կառավարության
2006 թվականի հունվարի 19-ի
N 24-Ն որոշման
ԳՐԱՆՑԱՄԱՏՅԱՆ
ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆՈՒՄ ՀԱՎԱՍՏԱԳՐՎԱԾ ՍԵՐՄԵՐ ԱՐՏԱԴՐՈՂՆԵՐԻ, ՆԵՐԿՐՈՂՆԵՐԻ ԵՎ ԱՐՏԱՀԱՆՈՂՆԵՐԻ ՀԱՇՎԱՌՄԱՆ
._________________________________________________________________________.
|NN |Հաշվառման|Հայտատուի |Բնակության |Գործունեու-|Հաշվառումից|Ծանոթագ-|
|ը/կ|տարեթիվը,|անունը, |կամ գտնվելու|թյան |հանելու |րություն|
| |ամիսը, |հայրանունը, |վայրը, |ոլորտը |տարեթիվը, | |
| |ամսաթիվը |ազգանունը կամ|հեռախոսա- | |ամիսը, | |
| | |անվանումը |համարը | |ամսաթիվը | |
|___|_________|_____________|____________|___________|___________|________|
|___|_________|_____________|____________|___________|___________|________|
|___|_________|_____________|____________|___________|___________|________|
|___|_________|_____________|____________|___________|___________|________|
|___|_________|_____________|____________|___________|___________|________|
._________________________________________________________________________.