116.0044.090307
ԳՐԱՆՑՎԱԾ Է
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ԱՐԴԱՐԱԴԱՏՈՒԹՅԱՆ ՆԱԽԱՐԱՐՈՒԹՅԱՆ ԿՈՂՄԻՑ
«09» 03 2007 Թ.
ՊԵՏԱԿԱՆ ԳՐԱՆՑՄԱՆ ԹԻՎ 11607121
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՏՐԱՆՍՊՈՐՏԻ ԵՎ ԿԱՊԻ ՆԱԽԱՐԱՐ ՀՐԱՄԱՆ
26 փետրվարի 2007 թվականի N 44-Ն
i
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՏՐԱՆՍՊՈՐՏԱՅԻՆ ՏԵՍՉՈՒԹՅԱՆ ԱՇԽԱՏԱԿԻՑՆԵՐԻ ԾԱՌԱՅՈՂԱԿԱՆ ՎԿԱՅԱԿԱՆԻ ՁԵՎԸ ՀԱՍՏԱՏԵԼՈՒ ՄԱՍԻՆ
Ղեկավարվելով «Հայաստանի Հանրապետության տրանսպորտային տեսչության մասին» Հայաստանի Հանրապետության օրենքի 4-րդ հոդվածի պահանջներով.
Հաստատել` Հայաստանի Հանրապետության տրանսպորտային տեսչության աշխատակիցների ծառայողական վկայականի ձևը, համաձայն հավելվածի:
Հավելված
Հաստատված է
ՀՀ տրանսպորտի և կապի նախարարի
2007թ. փետրվարի 26-ի
թիվ 44-Ն հրամանի
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՏՐԱՆՍՊՈՐՏԱՅԻՆ ՏԵՍՉՈՒԹՅԱՆ ԱՇԽԱՏԱԿԻՑՆԵՐԻ ԾԱՌԱՅՈՂԱԿԱՆ ՎԿԱՅԱԿԱՆԻ ՁԵՎԸ
1. Վկայականի կազմը` 2x(10x7) պատրաստվում է կարմիր գույնի կաշվից կամ կաշվի փոխանյութից:
2. Վկայականի կազմի աջ կողմի միջնամասում ոսկեգույն պատկերվում է Հայաստանի Հանրապետության զինանշանը, իսկ զինանշանի ներքևում` ոսկեգույն հայերեն մեծատառերով, երկու տողով գրվում են ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՏՐԱՆՍՊՈՐՏԱՅԻՆ ՏԵՍՉՈՒԹՅՈՒՆ բառերը, համաձայն ձև 1-ի (կցվում է):
3. Վկայականի ներսի աջ և ձախ կողմերում փակցվում են 9x6 չափսի վարդագույն վանդակավոր դաշտի ֆոնի վրա, բաց գույնի Հայաստանի Հանրապետության զինանշանի պատկերով մեկական ներդիր, համաձայն ձև 2-ի (կցվում է):
4. Վկայականի ձախ ներդիրի վերևի մասում գրվում են ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՏՐԱՆՍՊՈՐՏԻ ԵՎ ԿԱՊԻ ՆԱԽԱՐԱՐՈՒԹՅՈՒՆ բառերը, որից ներքև դեպի ձախ փակցվում է անձի 3.5x4.5 չափսի լուսանկարը, իսկ նկարի շարունակությամբ մեջտեղում գրվում է` ՎԿԱՅԱԿԱՆ N: Վկայականները համարակալվում են տվյալ պաշտոնին համապատասխան ծածկագրով: Վկայական բառի ներքևում լրացվում են անձի տվյալները` անունը, ազգանունը, հայրանունը, զբաղեցրած պաշտոնը` հայերեն: Վկայականի ձախ ներդիրի ներքևի մասում գրվում է ՆԱԽԱՐԱՐ բառը:
5. Վկայականի աջ ներդիրի վերևի մասում գրվում է ՄԻՆԻՍՏԵՐՍՏՎՕ ՏՐԱՆՍՊՕՐՏԱ Ի ՍՎՅԱԶԻ ՌԵՍՊՈՒԲԼԻԿԻ ԱՐՄԵՆԻՅԱ բառերը, որից ներքև մեջտեղում գրվում է ՈՒԴՕՍՏՕՎԵՐԵՆԻԵ N բառը և վկայականի համարը: Համարից ներքև նշվում են անձի տվյալները` անունը, ազգանունը, հայրանունը, զբաղեցրած պաշտոնը` ռուսերեն: Աջ ներդիրի ներքևի ձախ մասում գրվում է ՄԻՆԻՍՏՐ բառը և որից ներքև նշվում է վկայականի ուժի մեջ գտնվելու և երկարացման ժամկետները հայերեն:
6. Վկայականի ձախ ներդիրի ներքևի աջ անկյունում նախարարի ստորագրելուց հետո, աջ ներդիրի ներքևի ձախ կողմը և ձախ ներդիրը կնքվում են Հայաստանի Հանրապետության տրանսպորտի և կապի նախարարության Հայաստանի Հանրապետության զինանշանի պատկերով համապատասխան կնիքով: Ձախ ներդիրը կնքվում է այնպես, որ կնիքի մի մասը լինի լուսանկարի աջ ստորին մասում, իսկ մնացած մասը` ներդիրի վրա:
Ձև 1
-------------
ԻՐՏԵԿ - Վկայականի ձևը չի բերվում
Ձև 2
-------------
ԻՐՏԵԿ - Վկայականի ձևը չի բերվում