040.0076.100298
«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀԻ ՊԱՇՏՈՆԱԿԱՏԱՐ Ռ. ՔՈՉԱՐՅԱՆ
«10» փետրվարի 1998 Թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
10 փետրվարի 1998 թվականի թիվ 77
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ ՄԻ ՇԱՐՔ ՈՐՈՇՈՒՄՆԵՐՈՒՄ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ
Հայաստանի Հանրապետության կառավարության 1997 թվականի հուլիսի 8-ի «Հայաստանի Հանրապետությունում հաշմանդամների սոցիալական պաշտպանության մասին» , «Զինծառայողների և նրանց ընտանիքների անդամների սոցիալական ապահովության մասին» և «Բռնադատվածների մասին» Հայաստանի Հանրապետության օրենքներում փոփոխություններ կատարելու մասին» Հայաստանի Հանրապետության օրենքի կիրարկումն ապահովելու միջոցառումների և առանձին խմբերի քաղաքացիների արտոնությունների մասին» թիվ 251 որոշմանը համապատասխան Հայաստանի Հանրապետության կառավարությունը որոշում է.
1. Ուժը կորցրած ճանաչել Հայաստանի Հանրապետության կառավարության մի շարք որոշումներ համաձայն հավելվածի:
2. Դադարեցնել Հայաստանի Հանրապետության տարածքում`
ա) ՍՍՀՄ Մինիստրների խորհրդի 1977 թվականի դեկտեմբերի 19-ի «Անհատական կենսաթոշակների մասին կանոնադրությունը հաստատելու մասին» թիվ 1128 որոշմամբ հաստատված կանոնադրության 27-րդ և 28-րդ կետերի գործողությունը (Հայկական ՍՍՀ Մինիստրների խորհրդի 1978 թվականի փետրվարի 27-ի թիվ 100 որոշում).
բ) ՍՍՀՄ Մինիստրների խորհրդի 1980 թվականի հուլիսի 18-ի «Անհատական կենսաթոշակների մասին կանոնադրության 28-րդ կետում փոփոխություն մտցնելու մասին» թիվ 617 որոշման գործողությունը (Հայկական ՍՍՀ Մինիստրների խորհրդի 1980 թվականի հուլիսի 31-ի թիվ 452 որոշում).
գ) ՍՍՀՄ Մինիստրների խորհրդի 1981 թվականի փետրվարի 17-ի «Զինծառայողների, զինապարտների, զինվորական ծառայությունից պաշտոնաթող արված անձանց և նրանց ընտանիքների համար արտոնությունների մասին կանոնադրությունը հաստատելու մասին» թիվ 193 որոշմամբ հաստատված կանոնադրության 26-րդ կետի գործողությունը (Հայկական ՍՍՀ Մինիստրների խորհրդի 1981 թվականի մարտի 5-ի թիվ 108 որոշում).
դ) ՍՍՀՄ Մինիստրների խորհրդի 1981 թվականի փետրվարի 23-ի «Հայրենական պատերազմի հաշմանդամների և զոհված զինծառայողների ընտանիքների համար արտոնությունների մասին կանոնադրությունը հաստատելու մասին» թիվ 209 որոշմամբ հաստատված կանոնադրության 17-րդ և 18-րդ կետերի գործողությունը (Հայկական ՍՍՀ Մինիստրների խորհրդի 1981 թվականի մարտի 12-ի թիվ 120 որոշում):
Հավելված
ՀՀ կառավարության 1998 թվականի
փետրվարի 10-ի թիվ 77 որոշման
Ց Ա Ն Կ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ ՈՒԺԸ ԿՈՐՑՐԱԾ ՄԻ ՇԱՐՔ ՈՐՈՇՈՒՄՆԵՐԻ
i
1. Հայկական ԽՍՀ Մինիստրների խորհրդի և Արհեստակցական միությունների հայկական հանրապետական խորհրդի 1990 թվականի մայիսի 3-ի «ԽՍՀՄ Մինիստրների խորհրդի և ՀԱՄԿԽ-ի 1990 թ. մարտի 31-ի «Չերնոբիլի ԱԷԿ-ում վթարի հետևանքների վերացման աշխատանքներին մասնակցած անձանց բժշկական սպասարկումն ու սոցիալական ապահովումը բարելավելու միջոցառումների մասին» թիվ 325 որոշումը» թիվ 209 որոշման 1-ին կետի «դ» ենթակետի վեցերորդ, յոթերորդ և ութերորդ պարբերությունները:
2. Հրապարակման ենթակա չէ
i
3. Հայաստանի Հանրապետության կառավարության 1992 թվականի նոյեմբերի 18-ի «Հայաստանի Հանրապետության ազգային անվտանգության պետական վարչության համակարգի զինծառայողների սոցիալական պաշտպանվածության մասին» թիվ 586 որոշումը:
i
4. Հայաստանի Հանրապետության կառավարության 1994 թվականի հուլիսի 14-ի «Հայաստանի Հանրապետության ուղևորատար պետական տրանսպորտով առանձին կատեգորիայի քաղաքացիների երթևեկության արտոնությունների մասին» թիվ 318 որոշումը, բացառությամբ 4-րդ կետի:
i
5. Հայաստանի Հանրապետության կառավարության 1995 թվականի մարտի 2-ի «Բռնադատվածների համար օրենքով սահմանված իրավունքների և արտոնությունների իրականացման միջոցառումների մասին» թիվ 116 որոշման 6-րդ և 9-րդ կետերը: