ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎՃՌԱԲԵԿ ԴԱՏԱՐԱՆԻ ՆԱԽԱԳԱՀ
ՈՐՈՇՈՒՄ
11 փետրվարի 2010 թվականի N 02-Ն
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎՃՌԱԲԵԿ ԴԱՏԱՐԱՆԻ ՆԱԽԱԳԱՀԻ 2006 ԹՎԱԿԱՆԻ ՕԳՈՍՏՈՍԻ 30-Ի ԹԻՎ 01-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ
Ղեկավարվելով «Իրավական ակտերի մասին» Հայաստանի Հանրապետության օրենքի 70-րդ հոդվածի երկրորդ մասի 3-րդ ենթակետով, հինգերորդ մասով, «Պետական կառավարչական հիմնարկների մասին» Հայաստանի Հանրապետության օրենքի 11-րդ հոդվածի առաջին մասի «ժգ» ենթակետերով` որոշում եմ.
Հայաստանի Հանրապետության վճռաբեկ դատարանի նախագահի 2006 թվականի օգոստոսի 30-ի ««Հայաստանի Հանրապետության դատական դեպարտամենտ» պետական կառավարչական հիմնարկի կանոնադրությունը և կառուցվածքը հաստատելու մասին» թիվ 01-Ն որոշման (այսուհետ` Որոշում) մեջ կատարել հետևյալ փոփոխությունները.
1) Որոշման հավելված 1-ում 38-րդ կետը շարադրել նոր խմբագրությամբ.
i
«38. Կազմակերպաիրավական վարչությունն իրականացնում է հետևյալ գործառույթները.
ա) նախապատրաստում և կազմում է Դատարանների նախագահների խորհրդի և Դատավորների ընդհանուր ժողովի որոշումների նախագծերն ու վերջնական տարբերակները.
բ) ապահովում է Դատարանների նախագահների խորհրդի և Դատավորների ընդհանուր ժողովի, նրա հանձնաժողովների նիստերի նախապատրաստական, կազմակերպական աշխատանքները.
գ) փորձաքննության է ենթարկում և եզրակացություն է տալիս ՀՀ օրենքների, կառավարության որոշումների, ՀՀ վճռաբեկ դատարանի նորմատիվ հրամանների և այլ իրավական ակտերի նախագծերի վերաբերյալ.
դ) Իրականացնում է դատական հանձնարարությունների փոխանցման հետ կապված աշխատանքներ.
ե) ուսումնասիրում է Սահմանադրական դատարան ներկայացված դիմումները և անհրաժեշտության դեպքում դրանց վերաբերյալ վճռաբեկ դատարանի նախագահին ներկայացնում է պարզաբանումներ.
զ) դատավորների հայտերի հիման վրա տեղեկանք է տալիս`
. Մարդու իրավունքների եվրոպական դատարանի նախադեպերի մասին,
. Վճռաբեկ դատարանի նախադեպային որոշումների մասին,
. Միջազգային պայմանագրերի վերաբերյալ առկա մեկնաբանությունների մասին,
. Իրավունքի կոնկրետ բնագավառում տեսական մոտեցումների և նոր զարգացումների մասին,
. Իրավունքի զարգացման նոր ուղղությունների մասին,
. Սահմանադրական դատարանի որոշումների մասին,
. Հայտով ներկայացված հարցը կարգավորող ՀՀ օրենսդրության դրույթների մասին.
է) վարում է Հայաստանի Հանրապետության օրենքների, ենթաօրենսդրական և գերատեսչական ակտերի շտեմարանը, Հայաստանի Հանրապետության օրենքների, Հայաստանի Հանրապետության օրենսգրքերի ժամանակագրական օրինակները.
ը) կազմում է քաղաքացիների դիմումների պատասխան-գրությունների նախագծերը.
թ) իրականացնում է իր լիազորություններից բխող և Դատարանների նախագահների խորհրդի գործունեության արդյունավետությունն ապահովող այլ գործառույթներ:»:
i
2) Որոշման հավելված 1-ում 42-րդ կետում «Ֆինանսաբյուջետային վարչությունը Ֆինանսաբյուջետային վարչության Հաշվապահական հաշվառման և ֆինանսական բաժնի միջոցով» բառերը փոխարինել «Հաշվապահական հաշվառման և ֆինանսական բաժինը» բառերով:
3) Որոշման հավելված 1-ում 42-րդ կետի «է» ենթակետից հանել «Ֆինանսաբյուջետային վարչությանը վերապահված» բառերը:
i
4) Որոշման հավելված 1-ում 44-րդ կետում «վերլուծության» բառը փոխարինել «ֆինանսական» բառով:
i
5) Որոշման հավելված 2-ում «Կազմակերպական» բառը փոխարինել «Կազմակերպաիրավական» բառով, «համայնքների» բառը` «վարչական շրջանների», «համայնքի» բառը` «վարչական շրջանի» բառով: