Սեղմել Esc փակելու համար:
ՄԻՋԻՆ ՄԱՍՆԱԳԻՏԱԿԱՆ ԿՐԹՈՒԹՅԱՆ 3103 «ԱՆ...
Քարտային տվյալներ

Տեսակ
Չի գործում
Ընդունող մարմին
Ընդունման ամսաթիվ
Համար

Գրանցման ամսաթիվ
ՈՒժի մեջ մտնելու ամսաթիվ
ՈՒժը կորցնելու ամսաթիվ
Ընդունման վայր
Սկզբնաղբյուր

Ժամանակագրական տարբերակ Փոփոխություն կատարող ակտ

Որոնում:
Բովանդակություն

Հղում իրավական ակտի ընտրված դրույթին X
irtek_logo

ՄԻՋԻՆ ՄԱՍՆԱԳԻՏԱԿԱՆ ԿՐԹՈՒԹՅԱՆ 3103 «ԱՆԱՍՆԱԲՈՒԾՈՒԹՅՈ ...

05.06.2012 -ին ուժը կորցրած ակտի տվյալ խմբագրությունը գործել է   19.04.2010  -ից մինչեւ   05.06.2012  -ը:
 

(ուժը կորցրել է 22.03.12 թիվ 201-Ն որոշում)

i

110.1033.220210

ԳՐԱՆՑՎԱԾ Է
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ԱՐԴԱՐԱԴԱՏՈՒԹՅԱՆ ՆԱԽԱՐԱՐՈՒԹՅԱՆ ԿՈՂՄԻՑ

                                      «22»        02            2010 Թ.

                                        ՊԵՏԱԿԱՆ ԳՐԱՆՑՄԱՆ ԹԻՎ 11010076

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿՐԹՈՒԹՅԱՆ ԵՎ ԳԻՏՈՒԹՅԱՆ ՆԱԽԱՐԱՐ ՀՐԱՄԱՆ

 

7 դեկտեմբերի 2009 թվականի N 1033-Ն

 

ՄԻՋԻՆ ՄԱՍՆԱԳԻՏԱԿԱՆ ԿՐԹՈՒԹՅԱՆ 3103 «ԱՆԱՍՆԱԲՈՒԾՈՒԹՅՈՒՆ» ՄԱՍՆԱԳԻՏՈՒԹՅԱՆ ՊԵՏԱԿԱՆ ԿՐԹԱԿԱՆ ՉԱՓՈՐՈՇԻՉԸ ՀԱՍՏԱՏԵԼՈՒ ԵՎ ՀՀ ԿՐԹՈՒԹՅԱՆ ԵՎ ԳԻՏՈՒԹՅԱՆ ՆԱԽԱՐԱՐԻ 2009 Թ. ՀՈՒԼԻՍԻ 13-Ի N 626-Ն ՀՐԱՄԱՆԸ ՉԵՂՅԱԼ ՃԱՆԱՉԵԼՈՒ ՄԱՍԻՆ

(1-ին մաս)

 

Ղեկավարվելով «Նախնական մասնագիտական (արհեստագործական) և միջին մասնագիտական կրթության մասին» ՀՀ օրենքի 16-րդ հոդվածի 2-րդ կետի, «Իրավական ակտերի մասին» ՀՀ օրենքի 75-րդ հոդվածի պահանջներով և հիմք ընդունելով ՀՀ ԿԳ նախարարի 2009 թ. մայիսի 12-ի «Նախնական և միջին մասնագիտական կրթության պետական կրթական չափորոշիչների և ուսումնամեթոդական փաստաթղթերի վերաբերյալ փորձագիտական եզրակացություն տալու նպատակով ստեղծվող ոլորտային հանձնաժողովների կազմը` ըստ մասնագիտական խմբերի հաստատելու մասին» N 445-Ա/Ք հրամանով հաստատված ոլորտային հանձնաժողովների փորձագիտական եզրակացությունը.

 

ՀՐԱՄԱՅՈՒՄ ԵՄ`

 

1. Հաստատել միջին մասնագիտական կրթության 3103 «Անասնաբուծություն» մասնագիտության պետական կրթական չափորոշիչը` համաձայն հավելվածի:

2. Չեղյալ ճանաչել ՀՀ ԿԳ նախարարի 2009 թ. հուլիսի 13-ի «Միջին մասնագիտական կրթության 3103 «Անասնաբուծություն» մասնագիտության պետական կրթական չափորոշիչը հաստատելու մասին» N 626-Ն հրամանը:

3. Նախարարության աշխատակազմի նախնական և միջին մասնագիտական կրթության վարչությանը (պետ` Ա. Աղբալյան) և օրենսդրության և իրավաբանական վարչությանը (պետ` Մ. Գրիգորյան)` սահմանված կարգով հրամանը ներկայացնել ՀՀ արդարադատության նախարարություն` պետական գրանցման:

4. Հրամանի կատարման հսկողությունը հանձնարարել նախարարի տեղակալ Ա. Ավետիսյանին:

 

Հավելված

ՀՀ կրթության և

գիտության նախարարի

2009 թ. դեկտեմբերի 7-ի

N 1033-Ն հրամանի

 

ՄԻՋԻՆ ՄԱՍՆԱԳԻՏԱԿԱՆ ԿՐԹՈՒԹՅԱՆ 3103 «ԱՆԱՍՆԱԲՈՒԾՈՒԹՅՈՒՆ» ՄԱՍՆԱԳԻՏՈՒԹՅԱՆ ՊԵՏԱԿԱՆ ԿՐԹԱԿԱՆ ՉԱՓՈՐՈՇԻՉ

 

ԳԼՈՒԽ 1.
ՄԻՋԻՆ ՄԱՍՆԱԳԻՏԱԿԱՆ ԿՐԹՈՒԹՅԱՆ 3103 «ԱՆԱՍՆԱԲՈՒԾՈՒԹՅՈՒՆ» ՄԱՍՆԱԳԻՏՈՒԹՅԱՆ ԸՆԴՀԱՆՈՒՐ ԲՆՈՒԹԱԳԻՐԸ

 

1. Միջին մասնագիտական կրթության «Մասնագետ» որակավորման աստիճանի 3103 «Անասնաբուծություն» մասնագիտությունը հաստատված է Հայաստանի Հանրապետության կառավարության 2006 թ. հունվարի 12-ի «Նախնական մասնագիտական (արհեստագործական) և միջին մասնագիտական կրթության մասնագիտությունների ցանկերը հաստատելու, Հայաստանի Հանրապետության կառավարության 2000 թվականի մայիսի 18-ի N 242 որոշման մեջ փոփոխություն կատարելու և Հայաստանի Հանրապետության կառավարության մի շարք որոշումներ ուժը կորցրած ճանաչելու մասին» N 73-Ն որոշմամբ:

2. ՀՀ կրթության և գիտության նախարարության կողմից միջին մասնագիտական կրթության 3103 «Անասնաբուծություն» մասնագիտության համար մասնագիտացումներ սահմանված չէ:

3. Միջին մասնագիտական կրթության 3103 «Անասնաբուծություն» մասնագիտության հիմնական կրթական ծրագիրն ավարտած, պետական ամփոփիչ ատեստավորումն անցած շրջանավարտին շնորհվում է «Անասնաբույծ» որակավորում:

4. Միջին մասնագիտական կրթության 3103 «Անասնաբուծություն» մասնագիտության հիմնական կրթական ծրագիրը կարող է իրականացվել հետևյալ ձևերով`

1) առկա,

2) հեռակա,

3) դրսեկության (էքստեռնատ),

4) հեռավար (դիստանցիոն):

5. Միջին մասնագիտական կրթության 3103 «Անասնաբուծություն» մասնագիտության հիմնական կրթական ծրագրի իրականացման համար Հայաստանի Հանրապետության կառավարության 2006 թ. հունվարի 12-ի «Նախնական մասնագիտական (արհեստագործական) և միջին մասնագիտական կրթության մասնագիտությունների ցանկերը հաստատելու, Հայաստանի Հանրապետության կառավարության 2000 թվականի մայիսի 18-ի N 242 որոշման մեջ փոփոխություն կատարելու և Հայաստանի Հանրապետության կառավարության մի շարք որոշումներ ուժը կորցրած ճանաչելու մասին» N 73-Ն որոշմամբ սահմանվում են ուսումնառության հետևյալ նորմատիվային ժամկետները.

1) կրթության առկա ձևով`

ա. միջնակարգ (լրիվ) կրթության հիմքով 3 տարի

բ. հիմնական ընդհանուր կրթության հիմքով 4 տարի

2) կրթության հեռակա ձևով`

ա. միջնակարգ (լրիվ) կրթության հիմքով 4 տարի

3) դրսեկության (էքստեռնատ) և հեռավար (դիստանցիոն) ձևերով ուսուցման տևողությունը համաձայն Հայաստանի Հանրապետության կառավարության 2007 թ. սեպտեմբերի 6-ի «Նախնական մասնագիտական (արհեստագործական) և միջին մասնագիտական հիմնական կրթական ծրագրերի հեռավար (դիստանցիոն) և դրսեկությամբ (էքստեռնատով) ուսուցման կարգերը հաստատելու մասին» N 1028-Ն որոշմամբ սահմանված կարգի որոշում է ուսումնական հաստատությունը:

6. Միջին մասնագիտական կրթության 3103 «Անասնաբուծություն» մասնագիտության հիմնական կրթական ծրագիրը միջնակարգ (լրիվ) ընդհանուր կրթության հիմքով յուրացնող ուսանողի ուսումնական բեռնվածության նվազագույն ծավալը 4284 ժամ է, առավելագույն ծավալը` 7020 ժամ: Հիմնական ընդհանուր կրթության հիմքով հիմնական կրթական ծրագրի յուրացման դեպքում ուսումնառության տևողությունն ավելանում է 52 շաբաթով:

 

ԳԼՈՒԽ 2.
ՄԻՋԻՆ ՄԱՍՆԱԳԻՏԱԿԱՆ ԿՐԹՈՒԹՅԱՆ 3103 «ԱՆԱՍՆԱԲՈՒԾՈՒԹՅՈՒՆ» ՄԱՍՆԱԳԻՏՈՒԹՅԱՄԲ ՄԱՍՆԱԳԵՏԻ ՄԱՍՆԱԳԻՏԱԿԱՆ ԳՈՐԾՈՒՆԵՈՒԹՅԱՆ ԲՆՈՒԹԱԳԻՐԸ

 

7. Միջին մասնագիտական կրթության 3103 «Անասնաբուծություն» մասնագիտությամբ մասնագետն իրականացնում է հետևյալ զբաղմունքները`

1) կազմել տարբեր տեսակի գյուղատնտեսական կենդանիների և թռչունների բոլոր սեռահասակային խմբերի համար կերաբաժիններ,

2) կատարել արտադրական գործընթացներում հանդիպող ոչ բարդ տեխնոլոգիական գործառույթներ,

3) կատարել կենդանիների կերակրման, խնամքի, համարակալման, սկզբնական անասնաբուծական հաշվառման աշխատանքներ:

8. Միջին մասնագիտական կրթության 3103 «Անասնաբուծություն» մասնագիտությամբ մասնագետի` զբաղմունքների ոլորտում մասնագիտական պարտականություններն են.

1) կազմել գյուղատնտեսական կենդանիների և թռչունների տարբեր սեռահասակային խմբերի կերաբաժիններ,

2) կատարել սկզբնական անասնաբուծական հաշվառման, կենդանիների համարակալման, կերակրման, խնամքի աշխատանքներ,

3) իրականացնել ընտրասերման գործընթացին առնչվող պարզ գործառույթներ:

 

ԳԼՈՒԽ 3.
ԸՆԴՀԱՆՈՒՐ ՊԱՀԱՆՋՆԵՐ ՄԻՋԻՆ ՄԱՍՆԱԳԻՏԱԿԱՆ ԿՐԹՈՒԹՅԱՆ 3103 «ԱՆԱՍՆԱԲՈՒԾՈՒԹՅՈՒՆ» ՄԱՍՆԱԳԻՏՈՒԹՅԱՆ ՀԻՄՆԱԿԱՆ ԿՐԹԱԿԱՆ ԾՐԱԳՐԻ ՆԿԱՏՄԱՄԲ

 

9. Միջին մասնագիտական կրթության 3103 «Անասնաբուծություն» մասնագիտության հիմնական կրթական ծրագիրը շրջանավարտի համար պետք է ապահովի`

1) մասնագիտական գործունեության բնագավառի կարողություններն ու հմտությունները ձեռք բերելու համար պահանջվող ծավալով տեսական ու գործնական գիտելիքների յուրացում,

2) աշխատանքային և մասնագիտական պարտականությունները կատարելու ընթացքում աշխատանքային կոլեկտիվի անդամների և ղեկավարների հետ հաղորդակցվելու, մասնագիտական և ընդհանուր բնույթի հարցեր ներկայացնելու, դրանք պարզաբանելու կարողության ձևավորում,

3) ինչպես տիպական, այնպես էլ որոշակի փոփոխվող գործոններով իրավիճակներում մասնագիտական հարցերի լուծումների տարբերակներ առաջարկելու համար անհրաժեշտ կարողությունների ձևավորում,

4) մասնագիտական խնդիրների լուծման համար անհրաժեշտ փաստերը և տեղեկատվությունը որոշակի սոցիալական և էթիկական հարցերի հետ որպես մեկ ամբողջություն դիտարկելու, ակտիվ քաղաքացիական գիտակցության դրսևորման կարողության ձևավորում,

5) մասնագիտական գործունեության գործառնությունները կիրառվող նորմաների սահմաններում իրականացնելու հմտությունների ձևավորում,

6) ինքնազարգացման և մասնագիտական կատարելագործման նպատակով իր և աշխատակիցների ուսումնառության կարիքները գնահատելու, դրանք իրագործելու ուղիներն առաջարկելու կարողության ձևավորում,

7) մասնագիտական և ընդհանուր բնույթի տեղեկատվության գոյություն ունեցող աղբյուրներից օգտվելու, անհրաժեշտ տեղեկատվությունը ձեռք բերելու կարողության ձևավորում,

8) աշխատանքային խմբի գործունեությունը կազմակերպելու, խմբի անդամներին ուղղորդելու, նրանց անհատական հնարավորությունները գնահատելու և արդյունավետ օգտագործելու հմտությունների զարգացում,

9) ընթացիկ մասնագիտական խնդիրների լուծման ժամանակ ռազմավարական մոտեցումների տարրեր կիրառելու կարողությունների ձևավորում,

10) հայտնաբերել կենդանիների պահվածքի, կերակրման և խնամքի արտադրական ամբողջական շղթայի առանձին օղակներում ծառացած անհամապատասխանությունները (թերությունները) և, հնարավորության սահմաններում, ինքնուրույն շտկել դրանք,

11) կերաբաժինների որոշ բաղադրատարրերի բացակայության դեպքում փոխել կերաբաժինները` դրանցում ներառելով այդ պահին առկա կերերը կամ կերային հավելումները,

12) պարզել կենդանիների մթերատվության լիարժեք դրսևորմանը խոչընդոտող գործոնները և առաջարկություններ ներկայացնել դրանց վերացման վերաբերյալ,

13) խստորեն հետևել անասնապահական ֆերմաների օրվա աշխատակարգի սահմանված կարգով իրականացմանը և ղեկավարել կթվորների, անասնապահների և այլ սպասարկող անձնակազմի առօրյա աշխատանքը,

14) համագործակցել գործընկերների հետ և անհրաժեշտության դեպքում պատրաստակամություն ցուցաբերել իր փորձն ու գիտելիքները նրանց փոխանցելու հարցերում,

15) նախաձեռնություն ցուցաբերել գիտելիքների մակարդակը ինքնաստուգման (ինքնագնահատման) միջոցով պարզելու և ինքնուսուցման միջոցով պարբերաբար դրանք կատարելագործելու հարցերում,

16) մշտապես հարստացնել մասնագիտական կարողությունները, ձգտել յուրացնել նոր գիտելիքներ և ժամանակակից տեխնոլոգիաներ և համապատասխան քայլեր ձեռնարկել դրանք արտադրության մեջ ներդնելու ուղղությամբ:

 

ԳԼՈՒԽ 4.
ՊԱՀԱՆՋՆԵՐ 3103 «ԱՆԱՍՆԱԲՈՒԾՈՒԹՅՈՒՆ» ՄԱՍՆԱԳԻՏՈՒԹՅԱՆ ՀԻՄՆԱԿԱՆ ԿՐԹԱԿԱՆ ԾՐԱԳՐԻ ԲՈՎԱՆԴԱԿՈՒԹՅԱՆ ՊԱՐՏԱԴԻՐ ՆՎԱԶԱԳՈՒՅՆԻ ՆԿԱՏՄԱՄԲ

 

10. Միջին մասնագիտական կրթության 3103 «Անասնաբուծություն» մասնագիտության հիմնական կրթական ծրագիրը ընդհանուր հումանիտար և սոցիալ-տնտեսագիտական գիտելիքների բնագավառում շրջանավարտի համար պետք է ապահովի`

1) իմանալ ՀՀ Սահմանադրության, տվյալ բնագավառի աշխատանքները, մարդու և հասարակության, քաղաքացիների միջև հարաբերությունները կարգավորող օրենքների և նորմատիվ փաստաթղթերի հիմնական դրույթները,

2) տիրապետել հայոց լեզվին,

3) հաղորդակցվել երկու օտար լեզուներով,

4) պատկերացում ունենալ առողջ կենսակերպի մասին, տիրապետել ֆիզիկական կատարելագործման ունակություններին և հմտություններին,

5) դրսևորել ազգային և համաշխարհային պատմության և մշակույթի որոշակի իմացություն,

6) պատկերացում ունենալ անձի և հասարակության զարգացման օրինաչափությունների, հասարակության սոցիալական կառուցվածքի, շարժումների, քաղաքականության սուբյեկտների, քաղաքական հարաբերությունների և գործընթացների մասին,

7) իմանալ հոգեբանության, միջանձնային փոխհարաբերությունների վարվելակերպի տարրերը,

8) իմանալ տնտեսագիտության տեսության հիմնադրույթները, մակրոտնտեսության և միկրոտնտեսության օրենքները, անցումային շրջանի տնտեսության առանձնահատկությունները:

11. Միջին մասնագիտական կրթության 3103 «Անասնաբուծություն» մասնագիտության հիմնական կրթական ծրագիրը մաթեմատիկական և ընդհանուր բնագիտական գիտելիքների բնագավառում շրջանավարտի համար պետք է ապահովի`

1) ծանոթ լինել էկոլոգիական հիմնական հասկացություններին, բնապահպանական գլոբալ և տարածաշրջանային հիմնախնդիրներին,

2) պատկերացում ունենալ արտակարգ իրավիճակների մասին, տիրապետել արտակարգ իրավիճակներում գործելու սկզբունքներին, ծանոթ լինել փրկարարական աշխատանքների կազմակերպման կառույցներին և փրկարարական տեխնիկային, կարողանալ օգտագործել անհատական պաշտպանության միջոցներ:

12. Միջին մասնագիտական կրթության 3103 «Անասնաբուծություն» մասնագիտության հիմնական կրթական ծրագիրը պետք է ըստ աղյուսակ 1-ում բերված մոդուլների ապահովի շրջանավարտի կողմից առանցքային հմտություններին տիրապետում:

13. Միջին մասնագիտական կրթության 3103 «Անասնաբուծություն» մասնագիտության հիմնական կրթական ծրագիրը շրջանավարտի համար պետք է ըստ աղյուսակ 2-ում բերված մոդուլների ապահովի ընդհանուր մասնագիտական և հատուկ մասնագիտական կարողությունների ձեռքբերում:

 

ԳԼՈՒԽ 5.
ՊԱՀԱՆՋՆԵՐ ՄԻՋԻՆ ՄԱՍՆԱԳԻՏԱԿԱՆ ԿՐԹՈՒԹՅԱՆ 3103 «ԱՆԱՍՆԱԲՈՒԾՈՒԹՅՈՒՆ» ՄԱՍՆԱԳԻՏՈՒԹՅԱՆ ՀԻՄՆԱԿԱՆ ԿՐԹԱԿԱՆ ԾՐԱԳՐԻ ԻՐԱԿԱՆԱՑՄԱՆ ՊԱՅՄԱՆՆԵՐԻ ՆԿԱՏՄԱՄԲ

 

14. Միջին մասնագիտական կրթության 3103 «Անասնաբուծություն» մասնագիտության հիմնական կրթական ծրագիր իրականացնող հաստատության կադրային ապահովության և կադրային համապատասխանության նկատմամբ սահմանվում են հետևյալ պահանջները.

1) Միջին մասնագիտական կրթության 3103 «Անասնաբուծություն» մասնագիտությամբ մասնագետի պատրաստման հիմնական կրթական ծրագիր իրականացնող հաստատություններում ուսումնական գործընթացն իրականացնում են մանկավարժական և ուսումնաօժանդակ անձնակազմի աշխատողները:

2) Հաստատության մանկավարժական աշխատողների կազմում ընդգրկվում են դասախոսներ, արտադրական ուսուցման վարպետներ: Դասախոսական անձնակազմի աշխատողները, որպես կանոն, պետք է ունենան իրենց կողմից ուսուցանվող դասընթացի գծով բարձրագույն մասնագիտական կրթություն: Հատուկ մասնագիտական դասընթացները պարապող դասախոսների համար մասնագիտական աշխատանքի փորձի առկայությունը ցանկալի է:

3) ՈՒսումնական պրակտիկան վարող արտադրական ուսուցման վարպետը կարող է ունենալ ինչպես բարձրագույն մասնագիտական, այնպես էլ միջին մասնագիտական կրթություն, մասնագիտական աշխատանքի փորձ: Առանձին մասնագիտությունների գծով ուսումնական պրակտիկան կամ նրա որոշակի մասերը կարող է վարել նաև արհեստագործական կրթություն և բավարար մասնագիտական որակավորում ունեցող արհեստավորը:

4) Արտադրական և նախաավարտական պրակտիկաները վարում է մասնագիտական դասընթացի դասախոսը:

15. Միջին մասնագիտական կրթության 3103 «Անասնաբուծություն» մասնագիտության հիմնական կրթական ծրագիր իրականացնող հաստատության ուսումնամեթոդական ապահովության նկատմամբ սահմանվում են հետևյալ պահանջները.

1) Միջին մասնագիտական կրթության 3103 «Անասնաբուծություն» մասնագիտության հիմնական կրթական ծրագրի իրականացումը պետք է ապահովված լինի ուսանողի համար մատչելի տեղեկատվական նյութերով (գրադարանային ֆոնդ, տվյալների համակարգչային բազա), ինչն, ըստ բովանդակության պետք է համապատասխանի մասնագիտության ուսումնական պլանով նախատեսված առարկաների և մոդուլների լրիվ ցանկին: Այդ առարկաների և մոդուլների, ինչպես նաև ուսումնական գործընթացի կազմակերպման բոլոր ձևերի գծով (տեսական, գործնական պարապմունքների, ուսումնական, արտադրական և նախաավարտական պրակտիկաների, կուրսային և դիպլոմային աշխատանքների) պետք է առկա լինեն դասագրքեր, ուսումնամեթոդական, մեթոդական ձեռնարկներ, ուղեցույցեր, գործնական խաղերի սցենարներ, թեստային հանձնարարականների հավաքածուներ, ալգորիթմներ, մեթոդական մշակումներ, ցուցումներ, երաշխավորություններ, տեղեկատվական գրականություն, դիտողական նյութեր, ուսուցման տեխնիկական միջոցներ, ինչպես նաև միջանկյալ և ամփոփիչ ատեստավորման նյութեր:

16. Միջին մասնագիտական կրթության 3103 «Անասնաբուծություն» մասնագիտության հիմնական կրթական ծրագիր իրականացնող կազմակերպության նյութատեխնիկական ապահովության նկատմամբ սահմանվում են հետևյալ պահանջները.

1) ՈՒսումնական կաբինետների երաշխավորվող ցանկը`

ա. հայոց լեզվի և խոսքի մշակույթի,

բ. օտար լեզվի,

գ. մաթեմատիկայի,

դ. իրավունքի հիմունքների,

ե. մասնավոր անասնաբուծության, գյուղատնտեսական կենդանիների և թռչունների ցեղերի ուսումնասիրության,

զ. գյուղատնտեսական կենդանիների կերակրման,

է. անասնաբուծության մեջ օգտագործվող գործիքների և սարքավորումների,

ը. համակարգչային,

թ. աշխատանքի անվտանգության:

2) ՈՒսումնական լաբորատորիաների երաշխավորվող ցանկը`

ա. կերերի քիմիական կազմի որոշման,

բ. անասնաբուծական մթերքների և հումքի,

գ. գյուղատնտեսական կենդանիների արհեստական սերմնավորման:

3) Սպորտային համալիր`

ա. մարզադահլիճ,

բ. մարզահրապարակ,

Կրթական ծրագիր իրականացնող կազմակերպությունը, ելնելով անհրաժեշտությունից, կարող է ձևավորել լրացուցիչ կաբինետներ, լաբորատորիաներ, արհեստանոցներ:

17. Միջին մասնագիտական կրթության 3103 «Անասնաբուծություն» մասնագիտության հիմնական կրթական ծրագրով ուսումնական գործընթացի կազմակերպման նկատմամբ սահմանվում են հետևյալ պահանջները.

1) ՈՒսանողի շաբաթական ուսումնական բեռնվածության առավելագույն ծավալը չպետք է գերազանցի 54 ժամը` ներառյալ լսարանային և արտալսարանային ուսումնական աշխատանքի բոլոր տեսակները:

2) ՈՒսումնառության ընթացքում ուսանողի բեռնվածությունը պարտադիր լսարանային պարապմունքներով չպետք է գերազանցի շաբաթական 36 ժամը, ինչը նաև ուսումնական բեռնվածության նվազագույն ծավալն է, ընդ որում` նշված ծավալը չի ներառում նախասիրական առարկաների պարապմունքները, խորհրդատվությունները և լրացուցիչ արտալսարանային պարապմունքները:

3) ՈՒսումնական խմբի համար սահմանվում են խորհրդատվության ժամեր յուրաքանչյուր ուսումնական տարում մինչև 100 ժամ:

4) ՈՒսումնական տարվա սկիզբը և ավարտը բոլոր կուրսերում որոշվում է ուսումնական պլաններով:

5) Նախասիրական առարկաների ցանկը, դրանց ծավալը (ոչ ավել, քան շաբաթական 4 ժամ` առանձին դասացուցակով) և ուսուցման ժամկետները յուրաքանչյուր ուսումնական տարում որոշվում է հաշվի առնելով ուսանողների ընտրությունը:

6) Հեռակա ձևով ուսուցման դեպքում ուսումնական տարվա ընթացքում դասախոսների հետ ուսանողների պարապմունքների ծավալը պետք է կազմի ոչ պակաս, քան 160 ժամ:

18. Միջին մասնագիտական կրթության 3103 «Անասնաբուծություն» մասնագիտության հիմնական կրթական ծրագրի պրակտիկաների կազմակերպման նկատմամբ սահմանվում են հետևյալ պահանջները.

1) Միջին մասնագիտական կրթության 3103 «Անասնաբուծություն» մասնագիտության հիմնական կրթական ծրագրի որոշակի մասի ուսուցումն իրականացվում է ուսումնական (տեսական ուսուցմամբ և/կամ առանց տեսական ուսուցման), արտադրական և նախաավարտական պրակտիկաների ձևով: Պրակտիկաների ընթացքում ուսանողները կատարելագործում են իրենց գործնական հմտությունները:

2) Պրակտիկայի տևողությունը սահմանվում է մասնագիտության ուսումնական պլանով:

3) Պրակտիկաների ուսումնական ծրագրերը կազմում և հաստատում են ուսումնական հաստատությունները:

4) Պրակտիկաների անցկացումը վարում են արտադրական ուսուցման վարպետները, դասախոսները:

5) ՈՒսումնական պրակտիկաներն անց են կացվում պրակտիկայի ծրագրի կատարումն ապահովելու համար բավարար կահավորում ու տեխնիկական հագեցում ունեցող ուսումնական, ուսումնա-արտադրական արհեստանոցներում, ուսումնական տնտեսություններում, ուսումնափորձնական տեղամասերում, ուսումնական հաստատության այլ ուսումնաօժանդակ օբյեկտներում, ինչպես նաև արտադրական կազմակերպություններում, հաստատություններում:

6) Արտադրական և նախաավարտական պրակտիկաները, որպես կանոն, անց են կացվում պրակտիկաների ուսումնական ծրագրերի բովանդակությանը համապատասխան պայմաններ ունեցող կազմակերպություններում:

19. Միջին մասնագիտական կրթության 3103 «Անասնաբուծություն» մասնագիտության հիմնական կրթական ծրագիրն իրականացնելու ընթացքում ուսանողների միջանկյալ և ամփոփիչ ատեստավորումների նկատմամբ սահմանվում են հետևյալ պահանջները.

1) Միջին մասնագիտական կրթության 3103 «Անասնաբուծություն» մասնագիտության հիմնական կրթական ծրագրով ուսուցման ընթացքը վերահսկելու և արդյունքների ձեռքբերումը գնահատելու նպատակով անց է կացվում ուսանողների միջանկյալ ատեստավորում, իսկ որակավորում շնորհելու համար` շրջանավարտների պետական ամփոփիչ ատեստավորում:

2) Միջանկյալ ատեստավորում կարող է անցկացվել ինչպես ուսումնական կիսամյակի ընթացքում այնպես էլ վերջում:

3) ՈՒսումնական կիսամյակի սկզբում ուսանողը տեղեկացվում է կիսամյակի ընթացքում միջանկյալ ատեստավորման բնույթի, ներառվող նյութի ծավալի և ժամկետների մասին:

4) Միջանկյալ ատեստավորման համար ընտրված ուսումնական նյութը չի կարող ավելին լինել երկու անընդմեջ կիսամյակների նյութից:

5) Շրջանավարտների պետական ամփոփիչ ատեստավորումը երաշխավորվում է անց կացնել առանձին առարկաներից կամ մոդուլներից քննության, համալիր (միջառարկայական կամ միջմոդուլային) քննության կամ ավարտական (դիպլոմային) աշխատանք կատարելու և պաշտպանելու ձևով:

6) Պետական ամփոփիչ ատեստավորման ընտրված ձևը և ներառվող նյութի ծավալը պետք է հնարավորություն տա համոզվել սույն չափորոշչով 3103 «Անասնաբուծություն» մասնագիտությամբ մասնագետի համար սահմանված պահանջներին շրջանավարտի համապատասխանության մեջ:

 

ԳԼՈՒԽ 6.
ՄԻՋԻՆ ՄԱՍՆԱԳԻՏԱԿԱՆ ԿՐԹՈՒԹՅԱՆ 3103 «ԱՆԱՍՆԱԲՈՒԾՈՒԹՅՈՒՆ» ՄԱՍՆԱԳԻՏՈՒԹՅԱՆ ՕՐԻՆԱԿԵԼԻ ՈՒՍՈՒՄՆԱԿԱՆ ՊԼԱՆԸ ԵՎ ՆՐԱ ՊԱՐԶԱԲԱՆՈՒՄՆԵՐԸ

 

20. Միջին մասնագիտական կրթության 3103 «Անասնաբուծություն» մասնագիտության հիմնական կրթական ծրագիրն իրականացվում է համաձայն աղյուսակ 3-ում բերված օրինակելի ուսումնական պլանի:

21. Միջին մասնագիտական կրթության 3103 «Անասնաբուծություն» մասնագիտության հիմնական կրթական ծրագիրն իրականացնող կազմակերպությունը օրինակելի ուսումնական պլանը կիրառելիս`

1) սույն չափորոշչով սահմանված օրինակելի ուսումնական պլանի հիման վրա կազմում և հաստատում է աշխատանքային ուսումնական պլանը,

2) աշխատանքային ուսումնական պլանը կազմելիս կարող է մինչև 5% չափով փոփոխել դասընթացների և մոդուլների ժամաքանակը,

3) կարող է փոփոխել առանձին առարկաների և մոդուլների ծրագրային նյութի բովանդակությունը 15%-ի սահմաններում` չփոփոխելով արդյունքները և կատարման չափանիշները,

4) առարկայի և /կամ/ մոդուլի ընդհանուր ժամաքանակի սահմաններում որոշում է տեսական, գործնական և լաբորատոր պարապմունքների ժամաքանակները,

5) պրակտիկայի համար նախատեսված շաբաթների սահմաններում որոշում է ուսումնական և արտադրական պրակտիկաների տևողությունները, անցկացման ժամկետները, նախաավարտական պրակտիկայի տևողությունը,

6) մասնագիտական առարկաների և մոդուլների ուսումնական ծրագրերը կազմելիս հաշվի է առնում գործատուների, գործադիր իշխանությունների, մասնագիտական ոլորտը կառավարող պետական լիազորված մարմինների, այլ շահագրգիռ սուբյեկտների (սոցիալական գործընկերների) առաջարկությունն երը,

7) ընտրում է շրջանավարտների` սույն չափորոշչով երաշխավորված ամփոփիչ ատեստավորման ձևերից մեկը:

 

Աղյուսակ 1

 

Միջին մասնագիտական կրթության 3103 «Անասնաբուծություն»

մասնագիտության հիմնական կրթական ծրագրի առանցքային հմտությունների

մոդուլներ

 

._____________________________________________________________________.

|               ՄՈԴՈՒԼԻ ԱՆՎԱՆՈՒՄԸ «ՀԱՂՈՐԴԱԿՑՈՒԹՅՈՒՆ»                  |

|_____________________________________________________________________|

|Մոդուլի դասիչը       |ԱՀՀ -4-08-001                                  |

|_____________________|_______________________________________________|

|Մոդուլի նպատակը      |Այս մոդուլը նախատեսված է նրանց համար, ովքեր    |

|                     |կարիք ունեն զարգացնելու և  ամրապնդելու         |

|                     |հաղորդակցության իրենց ունակությունները: Մոդուլը|

|                     |կարելի է սովորել ոչ միայն մասնագիտական         |

|                     |ուսումնառությանը զուգընթաց, այլև  առանձին, քանի|

|                     |որ այն պարունակում է նաև  ընդհանուր կրթության  |

|                     |և  անձի զարգացման համար կարևոր  տարրեր: Սա     |

|                     |նշանակում է, որ դասավանդողները պիտի խրախուսեն  |

|                     |տարբեր մոտեցումներ բացահայտելու                |

|                     |հնարավորությունները, ինչպես օրինակ` դերային    |

|                     |խաղեր, տեսանյութեր, մամուլի ուսումնասիրություն |

|                     |և  այլն: Ավարտելով այս մոդուլը` ուսանողը       |

|                     |կզարգացնի հաղորդակցության կարևոր               |

|                     |ունակություններ, ձեռք կբերի ինքնավստահություն, |

|                     |որպեսզի կարողանա արդյունավետ և  ակտիվ կերպով   |

|                     |հաղորդակցվել աշխատանքային ու մասնագիտական      |

|                     |գործունեության ընթացքում,                      |

|                     |ինչպես նաև`  անձնական կյանքում:                |

|_____________________|_______________________________________________|

|Մոդուլի տևողությունը |54 ժամ                                         |

|_____________________|_______________________________________________|

|Մուտքային պահանջները |Չկան                                           |

|_____________________|_______________________________________________|

|Մոդուլի գնահատման    |Մոդուլի ընդունելի կատարողականը յուրաքանչյուր   |

|կարգը                |արդյունքի համար նախատեսված կատարման չափանիշների|

|                     |բավարար մակարդակի ապահովումն է:                |

|_____________________|_______________________________________________|

|ՈՒսումնառության      |Սահմանել ուսումնառության անձնական նպատակները   |

|արդյունք 1           |                                               |

|_____________________|_______________________________________________|

|Կատարման չափանիշներ  |ա. ճիշտ է սահմանում ուսումնառության անձնական   |

|                     |նպատակները,                                    |

|                     |բ. ճիշտ է պլանավորում և  կիրառում              |

|                     |ուսումնառության անձնական նպատակների ձեռքբերմանն|

|                     |ուղղված ուսումնառության գործընթացները,         |

|                     |գ. ճիշտ է սահմանում ուսումնառության տարբեր     |

|                     |եղանակները                                     |

|_____________________|_______________________________________________|

|ՈՒսումնառության      |Բանավոր և  գրավոր տեղեկատվական հաղորդում       |

|արդյունք 2           |կատարել պարզ թեմաների և  տեքստերի մասին        |

|_____________________|_______________________________________________|

|Կատարման չափանիշներ  |ա. օգտագործում է բանավոր և  գրավոր խոսքի       |

|                     |համապատասխան կառուցվածք,                       |

|                     |բ. հաղորդումը պարունակում է պարզ               |

|                     |տեղեկատվություն, կարծիքներ կամ գաղափարներ,     |

|                     |գ. տեղեկատվության առանձնացում/խմբավորումը      |

|                     |նպատակային է կատարում,                         |

|                     |դ. հաղորդումը իրականացնում է` հաշվի առնելով    |

|                     |իրավիճակը և  լսարանը:                          |

|_____________________|_______________________________________________|

|ՈՒսումնառության      |Նախաձեռնել, պահպանել, եզրափակել                |

|արդյունք 3           |երկխոսություններ և  քննարկումներ               |

|_____________________|_______________________________________________|

|Կատարման չափանիշներ  |ա. ճիշտ է կիրառում «ակտիվ ունկնդրման» ժամանակ  |

|                     |օգտագործվող հմտությունները, (պարզաբանումներ    |

|                     |ստանալու ձգտումը, գրառումներ կատարելը,         |

|                     |ամփոփելը),                                     |

|                     |բ. ազատ կերպով ձևակերպում,  արտահայտում և      |

|                     |պաշտպանում է իր գաղափարները, տեսակետներն ու    |

|                     |կարծիքները,                                    |

|                     |գ. ցուցաբերում է համոզելու հատկություն,        |

|                     |դ. կատարում է ճիշտ ամփոփում/եզրափակում:        |

|_____________________|_______________________________________________|

|ՈՒսումնառության      |Մեկնաբանել սխեմաներ, աղյուսակներ, դիագրամներ,  |

|արդյունք 4           |քարտեզներ և  նկարներ                           |

|_____________________|_______________________________________________|

|Կատարման չափանիշներ  |ա. ճիշտ է նախանշում սխեմաների, աղյուսակների,   |

|                     |դիագրամների, քարտեզների և  նկարների            |

|                     |նշանակությունը և  նրանց միջև  եղած             |

|                     |տարբերությունները,                             |

|                     |բ. մեկնաբանման համար օգտագործում է խոսքի       |

|                     |համապատասխան կառուցվածք:                       |

|_____________________|_______________________________________________|

|ՈՒսումնառության      |Կատարել փաստաթղթավարում                        |

|արդյունք 5           |                                               |

|_____________________|_______________________________________________|

|Կատարման չափանիշներ  |ա. ճիշտ է սահմանում տարբեր փաստաթղթերը` ըստ    |

|                     |նրանց նշանակության,                            |

|                     |բ. ճիշտ է նախանշում տարբեր փաստաթղթերի         |

|                     |օգտագործման տեղը և  դերը,                      |

|                     |գ. ճիշտ է կատարում տարբեր տեսակի               |

|                     |տեղեկատվությունների փաստաթղթավորումը:          |

|_____________________________________________________________________|

|     ՄՈԴՈՒԼԻ ԱՆՎԱՆՈՒՄԸ «ԱՆՎՏԱՆԳՈՒԹՅՈՒՆ ԵՎ ԱՌԱՋԻՆ ՕԳՆՈՒԹՅՈՒՆ»         |

|_____________________________________________________________________|

|Մոդուլի դասիչը       |ԱԱՕ-4-08-001                                   |

|_____________________|_______________________________________________|

|Մոդուլի նպատակը      |Այս մոդուլը մշակվել է արտադրական               |

|                     |կազմակերպություններում աշխատանքի անվտանգության |

|                     |վերաբերյալ ուսանողներին գիտելիքներ, աշխատանքի  |

|                     |պաշտպանության միջոցառումների իրականացման և     |

|                     |առաջին օգնության կազմակերպման հմտություններ    |

|                     |տալու համար: Այն անհրաժեշտ է արտադրական        |

|                     |ձեռնարկության բոլոր մակարդակների աշխատողներին: |

|_____________________|_______________________________________________|

|Մոդուլի տևողությունը |36 ժամ                                         |

|_____________________|_______________________________________________|

|Մուտքային պահանջները |Չկան                                           |

|_____________________|_______________________________________________|

|Մոդուլի գնահատման    |Մոդուլի ընդունելի կատարողականը յուրաքանչյուր   |

|կարգը                |արդյունքի համար նախատեսված կատարման չափանիշների|

|                     |բավարար մակարդակի ապահովումն է:                |

|_____________________|_______________________________________________|

|ՈՒսումնառության      |Իմանալ աշխատանքի պաշտպանության իրավական և      |

|արդյունք 1           |կազմակերպչական դրույթները                      |

|_____________________|_______________________________________________|

|Կատարման չափանիշներ  |ա. տիրապետում է աշխատանքի պաշտպանության        |

|                     |վերաբերյալ իրավական ակտերը և  օրենքները,       |

|                     |բ. տիրապետում է կազմակերպություններում         |

|                     |աշխատանքի պաշտպանության կազմակերպման ներքին    |

|                     |նորմատիվային փաստաթղթերին,                     |

|                     |գ. ներկայացնում է աշխատանքի պաշտպանության      |

|                     |կանոնների խախտման դեպքում պատասխանատվությունը, |

|                     |դ. կարողանում է կատարել աշխատանքի պաշտպանության|

|                     |նորմերի և  կանոնների պահպանման նկատմամբ        |

|                     |վերահսկողության ձևերը  և  մեխանիզմները,        |

|                     |ե. կարողանում է կատարել արտադրությունում դժբախտ|

|                     |դեպքերի և  պատահարների հետաքննության,          |

|                     |փաստաթղթավորման և  հաշվառման կարգը,            |

|                     |զ. կարողանում է կատարել արտադրության տարբեր    |

|                     |մակարդակների ղեկավարների պատասխանատվությունը   |

|                     |աշխատանքի պաշտպանության նորմերի պահպանման      |

|                     |վերաբերյալ:                                    |

|_____________________|_______________________________________________|

|ՈՒսումնառության      |Իմանալ կազմակերպություններում անվտանգության    |

|արդյունք 2           |տեխնիկայի նորմերը և  կանոնները                 |

|_____________________|_______________________________________________|

|Կատարման չափանիշներ  |ա. տիրապետում է տեխնոլոգիական սարքավորումների, |

|                     |մեխանիզմների, փոխադրամիջոցների շահագործման     |

|                     |անվտանգության տեխնիկայի հիմնական պահանջները,   |

|                     |բ. կարողանում է պահպանել էլեկտրաանվտանգության  |

|                     |կանոնները և  պաշտպանությունը,                  |

|                     |գ. կարողանում է պահպանել հրդեհանվտանգության    |

|                     |կանոնները և  պաշտպանությունը,                  |

|                     |դ. պահպանում է ճնշման տակ աշխատող              |

|                     |սարքավորումների և  մեխանիզմների անվտանգ        |

|                     |շահագործման կանոնները:                         |

|_____________________|_______________________________________________|

|ՈՒսումնառության      |Իմանալ արտադրական սանիտարիայի և  հիգիենայի     |

|արդյունք 3           |վերաբերյալ պահանջները                          |

|_____________________|_______________________________________________|

|Կատարման չափանիշներ  |ա. պատկերացնում է արտադրական սանիտարիայի և     |

|                     |հիգիենայի հասկացությունները,                   |

|                     |բ. գիտի արտադրական միկրոկլիմայի վերաբերյալ     |

|                     |նորմատիվային պահանջները,                       |

|                     |գ. գիտի արտադրական աղմուկից և  ցնցումներից     |

|                     |պաշտպանվելու միջոցները,                        |

|                     |դ. գիտի արտադրական լուսավորվածությանը          |

|                     |ներկայացվող պահանջները և  նորմերը:             |

|_____________________|_______________________________________________|

|ՈՒսումնառության      |Իմանալ առաջին օգնության կազմակերպումը և        |

|արդյունք 4           |անհրաժեշտ միջոցները                            |

|_____________________|_______________________________________________|

|Կատարման չափանիշներ  |ա. գիտի ճիշտ կատարել արհեստական շնչառություն,  |

|                     |բ. գիտի ճիշտ կատարել սրտի աշխատանքի            |

|                     |վերականգնում,                                  |

|                     |գ. գիտի դադարեցնել արյան հոսքը և  դնել վիրակապ,|

|                     |դ. գիտի կոտրվածքների վիրակապման կարգը,         |

|                     |ե. ճիշտ է կատարում առաջին օգնությունն          |

|                     |այրվածքների դեպքում,                           |

|                     |զ. ճիշտ է կատարում առաջին օգնությունն          |

|                     |էլեկտրահարման դեպքում:                         |

._____________________________________________________________________.

 

-------------------------------------------------

ԻՐՏԵԿ - շարունակությունը հաջորդ մասերում

 

 

pin
Կրթության, գիտ, մշակ, սպորտ նախ.
07.12.2009
N 1033-Ն
Հրաման