05.05.2011 - 08.12.2023
040.0434.270411
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
7 ապրիլի 2011 թվականի N 434-Ն
i
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՊԵՏԱԿԱՆ ՔԱՐՏԵԶԱԳՐԱԳԵՈԴԵԶԻԱԿԱՆ ՖՈՆԴԻ ՍՏԵՂԾՄԱՆ, ՊԱՀՊԱՆՄԱՆ ԵՎ ՏԵՂԵԿԱՏՎՈՒԹՅԱՆ ՏՐԱՄԱԴՐՄԱՆ ԿԱՐԳԸ ՀԱՍՏԱՏԵԼՈՒ ՄԱՍԻՆ
Ղեկավարվելով «Գեոդեզիայի և քարտեզագրության մասին» Հայաստանի Հանրապետության օրենքի 4-րդ և 11-րդ հոդվածների պահանջներով` Հայաստանի Հանրապետության կառավարությունը որոշում է.
1. Հաստատել Հայաստանի Հանրապետության պետական քարտեզագրագեոդեզիական ֆոնդի ստեղծման, պահպանման և տեղեկատվության տրամադրման կարգը` համաձայն հավելվածի:
2. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:
ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ
2011 ԹՎԱԿԱՆԻ ԱՊՐԻԼԻ 27-ԻՆ
Հավելված
ՀՀ կառավարության
2011 թվականի ապրիլի 7-ի
N 434-Ն որոշման
ԿԱՐԳ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՊԵՏԱԿԱՆ ՔԱՐՏԵԶԱԳՐԱԳԵՈԴԵԶԻԱԿԱՆ ՖՈՆԴԻ ՍՏԵՂԾՄԱՆ, ՊԱՀՊԱՆՄԱՆ ԵՎ ՏԵՂԵԿԱՏՎՈՒԹՅԱՆ ՏՐԱՄԱԴՐՄԱՆ
I. ԸՆԴՀԱՆՈՒՐ ԴՐՈՒՅԹՆԵՐ
1. Սույն կարգով սահմանվում է Հայաստանի Հանրապետության պետական քարտեզագրագեոդեզիական ֆոնդի ստեղծման, պահպանման և տեղեկատվության տրամադրման կարգը:
2. Պետական քարտեզագրագեոդեզիական ֆոնդն ստեղծվում, պահպանվում է, և տեղեկատվությունը տրամադրվում է «Գեոդեզիայի և քարտեզագրության մասին» Հայաստանի Հանրապետության օրենքի պահանջների համաձայն:
3. Հայաստանի Հանրապետության պետական քարտեզագրագեոդեզիական ֆոնդի` պետական գաղտնիք պարունակող փաստաթղթերը պահպանվում, օգտագործվում են, և տեղեկատվությունը տրամադրվում է «Պետական և ծառայողական գաղտնիքի մասին» Հայաստանի Հանրապետության օրենքի և Հայաստանի Հանրապետության կառավարության 2002 թվականի սեպտեմբերի 19-ի «Պետական և ծառայողական գաղտնիք բովանդակող տեղագրագեոդեզիական նյութերից ու տվյալներից օգտվելու համար թույլտվություն ստանալու կարգը հաստատելու մասին» N 1581-Ն որոշման պահանջների համաձայն:
4. Պետական քարտեզագրագեոդեզիական ֆոնդն ստեղծվում, պահպանվում է, և տեղեկատվությունը տրամադրվում է լիազորված մարմնի` Հայաստանի Հանրապետության կառավարությանն առընթեր անշարժ գույքի կադաստրի պետական կոմիտեի կողմից (այսուհետ` կոմիտե):
5. Հայաստանի Հանրապետության պետական քարտեզագրագեոդեզիական ֆոնդում նյութերն ու տվյալները համալրվում և դուրս են գրվում կոմիտեի նախագահի հրամանով ստեղծված փորձագիտական հանձնաժողովի կողմից:
II. ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՊԵՏԱԿԱՆ ՔԱՐՏԵԶԱԳՐԱԳԵՈԴԵԶԻԱԿԱՆ ՖՈՆԴԻ ՍՏԵՂԾՈՒՄԸ ԵՎ ՊԱՀՊԱՆՈՒՄԸ
6. Հայաստանի Հանրապետության պետական քարտեզագրագեոդեզիական ֆոնդը (տեղեկատվական բանկը) ստեղծվում, համալրվում և թարմացվում է լիազորված պետական կառավարման մարմնի կողմից` «Գեոդեզիայի և քարտեզագրության մասին» Հայաստանի Հանրապետության օրենքով նախատեսված` պետական նշանակության քարտեզագրական և գեոդեզիական աշխատանքների իրականացման արդյունքում ստեղծված նյութերի և տվյալների հիման վրա:
7. Հայաստանի Հանրապետության պետական քարտեզագրագեոդեզիական ֆոնդում պահպանվում են «Գեոդեզիայի և քարտեզագրության մասին» Հայաստանի Հանրապետության օրենքով նախատեսված` պետական նշանակության գեոդեզիական և քարտեզագրական աշխատանքների արդյունքում ստացված նյութերն ու տվյալները:
8. Հայաստանի Հանրապետության պետական քարտեզագրագեոդեզիական ֆոնդի նյութերն ու տվյալները պահվում են կոմիտեում` անժամկետ:
9. Կոմիտեն Հայաստանի Հանրապետության պետական քարտեզագրագեոդեզիական ֆոնդում ընդգրկված նյութերի և տվյալների ցանկը տեղադրում է իր պաշտոնական կայքում:
III. ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՊԵՏԱԿԱՆ ՔԱՐՏԵԶԱԳՐԱԳԵՈԴԵԶԻԱԿԱՆ ՖՈՆԴԻ ՆՅՈՒԹԵՐԻ ՏՐԱՄԱԴՐՈՒՄԸ
10. Հայաստանի Հանրապետության պետական քարտեզագրագեոդեզիական ֆոնդի նյութերը և տվյալները ենթակա են տրամադրման` դիմումի` համաձայն N 1 ձևի, կամ գրության հիման վրա, որտեղ նշվում են պահանջվող նյութի անվանումը, քանակը և այլ անհրաժեշտ տվյալներ:
11. Հայաստանի Հանրապետության պետական քարտեզագրագեոդեզիական ֆոնդի նյութերից և տվյալներից կարող են օգտվել ֆիզիկական ու իրավաբանական անձինք, ինչպես նաև Հայաստանի Հանրապետության պետական և տեղական ինքնակառավարման մարմինները:
12. Հայաստանի Հանրապետության պետական քարտեզագրագեոդեզիական ֆոնդից տեղեկատվությունը տրամադրվում է «Գեոդեզիայի և քարտեզագրության մասին» և «Գույքի նկատմամբ իրավունքների պետական գրանցման մասին» Հայաստանի Հանրապետության օրենքների, Հայաստանի Հանրապետության կառավարության 1998 թվականի մարտի 9-ի «Հայաստանի Հանրապետության անշարժ գույքի պետական միասնական կադաստրի տեղեկատվության տրամադրման կարգը հաստատելու մասին» N 155 որոշման պահանջներին համապատասխան:
13. Քարտեզագրագեոդեզիական ֆոնդի նյութերի (ոչ էլեկտրոնային տարբերակով) բնօրինակները տրամադրման ենթակա չեն: Օգտագործողներին քարտեզագրագեոդեզիական ֆոնդի նյութերը տրամադրվում են էլեկտրոնային և (կամ) թղթային կրիչներով: Կոմիտեում ծառայությունների մատուցման ավտոմատացված համակարգի ներդրման դեպքում տեղեկատվությունը կարող է տրամադրվել նաև համացանցի միջոցով:
14. Հայաստանի Հանրապետության քարտեզագրագեոդեզիական ֆոնդի նյութերի և տվյալների հաշվառման, տեղեկատվության տրամադրման հաշվառման մատյանների ձևաթղթերը ներկայացված են NN 2 և 3 ձևերում:
Ձև N 1
Հայաստանի Հանրապետության
կառավարությանն առընթեր անշարժ
գույքի կադաստրի պետական
կոմիտեի աշխատակազմի
«Տեղեկատվական կենտրոն»
ստորաբաժանման ղեկավար`
_______________________________
_______________________________
______________________________________________
(դիմողի անունը, հայրանունը, ազգանունը)
______________________________________________
(դիմողի քաղաքացիությունը)
______________________________________________
(դիմողի բնակության, աշխատանքի կամ ուսումնական
հաստատության գտնվելու վայրը)
Հեռ.` ____________________
ԴԻՄՈՒՄ N _______
Խնդրում եմ տրամադրել`
________________________________________________________________________
________________________________________________________________________
________________________________________________________________________
________________________________________________________________________
________________________________________________________________________
________________________________________________________________________
________________________________________________________________________
Վճարումը երաշխավորում եմ:
Դիմողի վավերապայմանները _________________________________________
ԴԻՄՈՂ _________________ ___________________________
(ստորագրությունը) (անունը, ազգանունը)
______ ________________ 20 թ.
Ձև N 2
ՄԱՏՅԱՆ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՔԱՐՏԵԶԱԳՐԱԳԵՈԴԵԶԻԱԿԱՆ ՖՈՆԴԻ ՀԱՇՎԱՌՄԱՆ
._____________________________________________________________________.
|NN |Գույքա-|Օբյեկտի| Ստացված նյութի տեսակը |Նյութի |Ծանո-|
|ը/կ|գրման |անվա- |___________________________________|ոչնչա- |թա- |
| |համարը |նումը |նյութի |բնօրի- |կազմո-|տեղեկա-|այլ |ցումը, |գրու-|
| | |և |տեսակը,|նակի |ղական |մատյանը|նյու|արձանա-|թյուն|
| | |(կամ) |կոորդի-|(պատ- |բնօրի-|(ֆորմու|թեր |գրու- | |
| | |ծածկա- |նատային|ճենի, |նակը |լյար) | |թյան | |
| | |գիրը |համա- |այդ |(հրա- | | |համարը | |
| | | |կարգը |թվում` |տարակ-| | |և | |
| | | | |էլեկտրո|չական | | |ամսա- | |
| | | | |նային |բնօրի-| | |թիվը | |
| | | | |կրիչի |նակը) | | | | |
| | | | |վրա) | | | | | |
| | | | |անվանա-| | | | | |
| | | | |համարը | | | | | |
|___|_______|_______|_______|_______|______|_______|____|_______|_____|
| 1 | 2 | 3 | 4 | 5 | 6 | 7 | 8 | 9 | 10 |
|___|_______|_______|_______|_______|______|_______|____|_______|_____|
|___|_______|_______|_______|_______|______|_______|____|_______|_____|
|___|_______|_______|_______|_______|______|_______|____|_______|_____|
|___|_______|_______|_______|_______|______|_______|____|_______|_____|
|___|_______|_______|_______|_______|______|_______|____|_______|_____|
|___|_______|_______|_______|_______|______|_______|____|_______|_____|
|___|_______|_______|_______|_______|______|_______|____|_______|_____|
._____________________________________________________________________.
Ձև N 3
ՄԱՏՅԱՆ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՊԵՏԱԿԱՆ ՔԱՐՏԵԶԱԳՐԱԳԵՈԴԵԶԻԱԿԱՆ ՖՈՆԴԻՑ ՏԵՂԵԿԱՏՎՈՒԹՅԱՆ ՏՐԱՄԱԴՐՄԱՆ
._____________________________________________________________________.
|NN |Դիմումի|Դիմողի |Դիմողի |Նյութի կամ տվյալի տեսակը |Տրամա- |Ծանո-|
|ը/կ|համարը |անունը,|վավերա-|___________________________|դրման |թա- |
| | |ազգանու|պայման-|նյութի|չափի |քանակը|գույքա|օրը, |գրու-|
| | |նը (ան-|ները |կամ |միա- | |գրման |ստացողի|թյուն|
| | |վանու- | |տվյալի|վորը | |համարը|ստորա- | |
| | |մը) | |անվա- | | | |գրու- | |
| | | | |նումը | | | |թյունը | |
|___|_______|_______|_______|______|______|______|______|_______|_____|
| 1 | 2 | 3 | 4 | 5 | 6 | 7 | 8 | 9 | 10 |
|___|_______|_______|_______|______|______|______|______|_______|_____|
|___|_______|_______|_______|______|______|______|______|_______|_____|
|___|_______|_______|_______|______|______|______|______|_______|_____|
|___|_______|_______|_______|______|______|______|______|_______|_____|
|___|_______|_______|_______|______|______|______|______|_______|_____|
|___|_______|_______|_______|______|______|______|______|_______|_____|
|___|_______|_______|_______|______|______|______|______|_______|_____|
._____________________________________________________________________.