(ուժը կորցրել է 03.07.00 թիվ 358 որոշում)
i
040.0308.120599
«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ
«12» մայիսի 1999 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
12 մայիսի 1999 թվականի թիվ 308
«ՇԱՆԴՐ ՀԱՐԻՍՈՆ ՍԵԳԱԼ ԸՆԴ ԼԵՎԻՍ» ԻՐԱՎԱԲԱՆԱԿԱՆ ԸՆԿԵՐՈՒԹՅԱՆԸ ԳՈՒՄԱՐ ՀԱՏԿԱՑՆԵԼՈՒ ՄԱՍԻՆ
Ամերիկյան Միացյալ Նահանգների ապրանքավարկային կորպորացիայի և Հայաստանի Հանրապետության միջև նվիրատվության մասին 1992 թվականին կնքված համաձայնագրի համաձայն նավով Հայաստան ներկրված ցորենի բեռնաթափման հետ կապված վիճահարույց հարցերի լուծման համար «Շանդր Հարիսոն Սեգալ ընդ Լեվիս» («SHANDER HARRISON SEGAL & LEVIS») իրավաբանական ընկերության մատուցած իրավաբանական ծառայությունների դիմաց վճարման նպատակով Հայաստանի Հանրապետության կառավարությունը որոշում է.
1. Հայաստանի Հանրապետության արտաքին գործերի նախարարությանը հատկացնել 30 հազ. ԱՄՆ-ի դոլարին համարժեք 16290 հազ. դրամ` Հայաստանի Հանրապետության 1999 թվականի պետական բյուջեով նախատեսված Հայաստանի Հանրապետության կառավարության պահուստային ֆոնդի հաշվին:
2. Հայաստանի Հանրապետության արտաքին գործերի նախարարությանը` հետևել «Շանդր Հարիսոն Սեգալ ընդ Լեվիս» իրավաբանական ընկերության կողմից Հայաստանի Հանրապետության շահերի պաշտպանության ընթացքին:
3. Սույն որոշումն ուժի մեջ է մտնում 1999 թվականի մայիսի 12-ից: