(ուժը կորցրել է 21.02.96 թիվ ՀՕ-37 օրենք)
i
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԳԵՐԱԳՈՒՅՆ ԽՈՐՀՐԴԻ
ՈՐՈՇՈՒՄԸ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՏՈՆԵՐԻ ԵՎ ՀԻՇԱՏԱԿԻ ՕՐԵՐԻ ՄԱՍԻՆ
Հայաստանի Հանրապետության Գերագույն խորհուրդը որոշում է.
1. Մինչև «Հայաստանի Հանրապետության տոների և հիշատակի օրերի մասին» Հայաստանի Հանրապետության օրենքի ընդունումը Հայաստանի Հանրապետության տոներ և հիշատակի օրեր սահմանել.
ապրիլի 24-ը` - Ցեղասպանության զոհերի հիշատակի օր (ոչ աշխատանքային)
մայիսի 9-ը` - Խաղաղության տոն
մայիսի 28-ը` - Անկախության տոն (ոչ աշխատանքային)
դեկտեմբերի 7-ը` - Երկրաշարժի զոհերի հիշատակի օր:
2. Հանձնարարել Հայաստանի Հանրապետության Գերագույն խորհրդի անկախ պետականության հաստատման և ազգային քաղաքականության հարցերի մշտական հանձնաժողովին` հաշվի առնելով արված առաջարկությունները և դիտողությունները, լրամշակել «Հայաստանի Հանրապետության տոների և հիշատակի օրերի մասին» Հայաստանի Հանրապետության օրենքի նախագիծը և այն ներկայացնել Գերագույն խորհրդի քննարկմանը:
17 ապրիլի 1991 թվականի
N Ն-0297-I.