«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Լ. ՏԵՐ-ՊԵՏՐՈՍՅԱՆ
28 սեպտեմբերի 1995 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
28 սեպտեմբերի 1995 թվականի թիվ 41
i
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՆՈՅԵՄԲԵՐՅԱՆԻ ՇՐՋԱՆԻ ԲԱԳՐԱՏԱՇԵՆ ԱՎԱՆԻ ՏԱՐԱԾՔՈՒՄ ՍՏԵՂԾՎԱԾ ՇՈՒԿԱՅՈՒՄ ՍԱՀՄԱՆԱՄԵՐՁ ԱՌԵՎՏՐԻ ԿԱՐԳԱՎՈՐՄԱՆ ՄԱՍԻՆ
Հայաստանի Հանրապետության կառավարությունը որոշում է`
1. Հայաստանի Հանրապետության կառավարության 1994 թվականի հունիսի 13-ի «Հայաստանի Հանրապետության և Իրանի Իսլամական Հանրապետության միջև սահմանամերձ առևտրի միջկառավարական համաձայնագրի կիրառումը ապահովող ժամանակավոր կարգի մասին» թիվ 272 որոշման 1-ին կետի «ա» և «բ» ենթակետերի գործողությունը տարածել Հայաստանի Հանրապետության Նոյեմբերյանի շրջանի Բագրատաշեն ավանում ստեղծված սահմանամերձ առևտրի շուկայի տարածքում:
2. Սույն որոշումն ուժի մեջ է մտնում 1995 թվականի սեպտեմբերի 28-ից: