(ուժը կորցրել է 22.02.01 թիվ 125 որոշում)
i
«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Լ. ՏԵՐ-ՊԵՏՐՈՍՅԱՆ
24 նոյեմբերի 1995 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
24 նոյեմբերի 1995 թվականի թիվ 82
i
ՊԵՏԱԿԱՆ ՁԵՌՆԱՐԿՈՒԹՅՈՒՆՆԵՐԻ, ՀԻՄՆԱՐԿՆԵՐԻ ԵՎ ԿԱԶՄԱԿԵՐՊՈՒԹՅՈՒՆՆԵՐԻ ԳՈՒՅՔՆ ԱՌԱՆՑ ԳՆՄԱՆ ԻՐԱՎՈՒՆՔԻ ՎԱՐՁԱԿԱԼՈՒԹՅԱՆ ՏՐԱՄԱԴՐԵԼԻՍ ՎԱՐՁԱԿԱԼԱԿԱՆ ՎՃԱՐԻ ՈՐՈՇՄԱՆ ԿԱՐԳԻ ՄԱՍԻՆ
Հայաստանի Հանրապետության կառավարությունը որոշում է.
i
1. Հաստատել պետական ձեռնարկությունների, հիմնարկների և կազմակերպությունների գույքն առանց գնման իրավունքի վարձակալության տրամադրելիս վարձակալական վճարի որոշման կարգը (կցվում է):
2. Հայաստանի Հանրապետության նախարարություններին, վարչություններին, գերատեսչություններին, պատգամավորների տեղական խորհուրդների գործադիր կոմիտեներին` մինչև 1995 թվականի դեկտեմբերի 30-ը ավարտել սույն որոշմամբ հաստատված կարգին համապատասխան նախկինում կնքված վարձակալության պայմանագրերով նախատեսված վարձակալական վճարների (այդ թվում` պետական մասնակցությամբ ձեռնարկություններում) վերահաշվարկման գործընթացը:
3. Սույն որոշումն ուժի մեջ է մտնում 1995 թվականի նոյեմբերի 24-ից:
Հաստատված է
ՀՀ կառավարության 1995 թվականի
նոյեմբերի 24-ի թիվ 82 որոշմամբ
ԿԱՐԳ
Պետական ձեռնարկությունների, հիմնարկների և
կազմակերպությունների գույքն առանց գնման իրավունքի
վարձակալության տրամադրելիս վարձակալական վճարի որոշման
1. Վարձակալի կողմից մուծվող վարձավճարի նվազագույն չափը որոշվում է հետևյալ կարգով`
Վ = Ա + Գ%ԳՀ (վարձակալական վճարի հաշվարկման օրինակները կցվում են), որտեղ`
Վ - վարձակալական վճարը եռամսյակային կտրվածքով (եթե վարձակալական պայմանագիրը կնքվել է ոչ եռամսյակի սկզբին, ապա վարձակալական վճարը վերահաշվարկվում է պայմանագրի կնքման պահից մինչև եռամսյակի վերջն ընկած ժամանակահատվածի համար).
Ա - վարձակալության տրամադրված հիմնական միջոցների ամորտիզացիոն մասհանումները վարձակալական պայմանագրի կնքմանը նախորդող եռամսյակում.
i
Գ - վարձակալության տրամադրված հիմնական միջոցների (բացի շենքերից) հաշվեկշռային արժեքը, իսկ շենքերի համար` «Գույքահարկի մասին» Հայաստանի Հանրապետության օրենքի հավելվածի 1.2-րդ կետով սահմանված 1 քառ. մետրի գնահատված արժեքը` կիրառելով գոտիականության գործակիցները.
ԳՀ - գույքահարկի տարեկան դրույքաչափը եռամսյակային կտրվածքով:
Սույն կետում նշված բանաձևի 2-րդ գումարելի հաշվարկը չի տարածվում վարձակալության տրամադրված այն գույքի վրա, որի կազմը սահմանված է Հայաստանի Հանրապետության կառավարության 1995 թվականի հունիսի 1-ի «Ձեռնարկությունների, հիմնարկների և կազմակերպությունների գույքահարկով հարկման օբյեկտ չհանդիսացող գույքի կազմը հաստատելու մասին» թիվ 303 որոշմամբ:
(1-ին կետը փոփ. 02.02.99 թիվ 54 որոշում)
i
2. Վարձակալական վճարի չափը կարող է փոփոխվել կողմերի համաձայնությամբ, սակայն ոչ շուտ, քան 5 տարին մեկ անգամ:
(2-րդ կետն ուժը կորցրել է 05.10.99 թիվ 624 որոշում )
3. Սույն կարգով հաշվարկված վարձակալական վճարի մեծությունը հանդիսանում է`
ա) մեկնարկային գին` աճուրդով կամ մրցույթով վարձակալության տրամադրելիս.
բ) վերջնական գին` աշխատավորական կոլեկտիվների հայտով վարձակալական ձեռնարկությունների ստեղծման դեպքում:
4. Նախկինում կնքված վարձակալական պայմանագրերով նախատեսված վարձակալական վճարները վերահաշվարկվում են սույն կարգին համապատասխան:
i
5. Որպես գոտիականության գործակիցներ կիրառվում են Հայաստանի Հանրապետության կառավարության 1998 թվականի մայիսի 29-ի «Բազմաբնակարան բնակելի տների, բնակարանների, անհատական բնակելի տների, այգետնակների, ավտոտնակների, տնտեսական և դրանց կից օժանդակ շինությունների գնահատման նպատակով դրանց տեղադրության (տարածագնահատման գոտիականության) գործակիցները հաստատելու մասին» թիվ 323 որոշմամբ հաստատված տարածագնահատման գոտիականության գործակիցները:
(5-րդ կետը լրաց. 02.02.99 թիվ 54 որոշում)
ՕՐԻՆԱԿՆԵՐ ՎԱՐՁԱԿԱԼԱԿԱՆ ՎՃԱՐԻ ՀԱՇՎԱՐԿՄԱՆ
Օրինակ 1. Վարձակալական պայմանագրի եռամսյակի սկզբին կնքման դեպքում
Դիցուկ, կողմերի միջև վարձակալական պայմանագիրը կնքվել է 1995 թվականի հունվարի 1-ին:
Ձեռնարկության վարձակալության տրամադրված հիմնական միջոցների ամորտիզացիոն մասհանումները 1994 թվականի 4-րդ եռամսյակում կազմել են 1.0 մլն դրամ: Վարձակալության տրամադրված հիմնական միջոցների հաշվեկշռային արժեքն այդ նույն ժամանակահատվածում կազմել է 60.0 մլն դրամ:
Գույքահարկի եռամսյակային դրույքաչափը (ելնելով դրա տարեկան դրույքաչափից) 0.2 տոկոս է: Այդ դեպքում 1995 թվականի 1-ին եռամսյակի համար վարձակալական վճարի չափը կկազմի`
Վ = 1.0 + (60.0x0.2) / 100
Վ = 1.12 մլն դրամ:
Օրինակ 2. Վարձակալական պայմանագրի ոչ եռամսյակի սկզբին կնքման դեպքում
Դիցուկ, կողմերի միջև վարձակալական պայմանագիրը կնքվել է 1995 թվականի մարտի 10-ին:
Այդ դեպքում, նախ, որոշվում է վերը նշված ամսաթվից մինչև մարտի 31-ն ընկած օրերի տարբերությունը (21 օր) և հարաբերվում եռամսյակի օրերի թվին (90 օր)` տոկոսներով արտահայտված.
21 / 90 x 100 = 23 տոկոս
Հետևաբար, վարձակալական վճարի չափը տվյալ դեպքում կկազմի լրիվ եռամսյակի համար հաշվարկված գումարի (1.12 մլն դրամ) 23 տոկոսը.
Վ = 1.12 x 23 / 100 = 0.25 մլն դրամ