040.0624.051099
«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ
«5» հոկտեմբերի 1999 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
5 հոկտեմբերի 1999 թվականի թիվ 624
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՆԱԽԱՐԱՐՈՒԹՅՈՒՆՆԵՐԻ, ԳԵՐԱՏԵՍՉՈՒԹՅՈՒՆՆԵՐԻ, ՄԱՐԶՊԵՏԱՐԱՆՆԵՐԻ, ԵՐԵՎԱՆԻ ՔԱՂԱՔԱՊԵՏԱՐԱՆԻ, ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԳԻՏՈՒԹՅՈՒՆՆԵՐԻ ԱԶԳԱՅԻՆ ԱԿԱԴԵՄԻԱՅԻ ԵՎ ԴՐԱՆՑ ԵՆԹԱԿԱՅՈՒԹՅԱՆ ՊԵՏԱԿԱՆ ՄԱՐՄԻՆՆԵՐԻ (ԲՅՈՒՋԵՏԱՅԻՆ ՀԻՄՆԱՐԿՆԵՐԻ) ՏՆՕՐԻՆՈՒԹՅԱՆ ՏԱԿ ԳՏՆՎՈՂ ՇԵՆՔԵՐԻ ՈՒ ՇԻՆՈՒԹՅՈՒՆՆԵՐԻ ՏԱՐԱԾՔՆԵՐԻ ՕԳՏԱԳՈՐԾՈՒՄԸ ԿԱՆՈՆԱԿԱՐԳԵԼՈՒ ՄԱՍԻՆ
Հայաստանի Հանրապետության կառավարությունը որոշում է.
1. Հայաստանի Հանրապետության նախարարություններին, գերատեսչություններին, մարզպետարաններին, Երևանի քաղաքապետարանին և Հայաստանի Հանրապետության գիտությունների ազգային ակադեմիային` մեկամսյա ժամկետում Հայաստանի Հանրապետության սեփականաշնորհման նախարարություն ներկայացնել համապատասխան տեղեկանք իրենց տնօրինության տակ գտնվող շենքերի ու շինությունների տարածքների օգտագործման մասին (ձևը կցվում է):
2. Հայաստանի Հանրապետության սեփականաշնորհման նախարարությանը` սույն որոշման 1-ին կետում նշված տեղեկանքներն ստանալուց հետո`
ա) Հայաստանի Հանրապետության քաղաքաշինության նախարարության հետ համատեղ գործող նորմերի հիման վրա, մեկամսյա ժամկետում կատարել Հայաստանի Հանրապետության նախարարություններին, գերատեսչություններին, մարզպետարաններին, Երևանի քաղաքապետարանին, Հայաստանի Հանրապետության գիտությունների ազգային ակադեմիային և դրանց ենթակայության պետական մարմիններին (բյուջետային հիմնարկներին) հանձնվող տարածքների հաշվարկ.
բ) նշված հաշվարկներն ավարտելուց հետո մեկամսյա ժամկետում Հայաստանի Հանրապետության կառավարություն ներկայացնել առաջարկություններ տարածքները վերաբաշխելու և արդյունավետ օգտագործելու վերաբերյալ:
3. Սահմանել, որ`
i
ա) Հայաստանի Հանրապետության նախարարությունների, գերատեսչությունների, մարզպետարանների, Երևանի քաղաքապետարանի, Հայաստանի Հանրապետության գիտությունների ազգային ակադեմիայի և դրանց ենթակայության պետական մարմինների (բյուջետային հիմնարկների) տնօրինության տակ գտնվող շենքերի ու շինությունների տարածքների, այդ թվում` նաև որոշակի ժամով կամ դասաժամով տրվող, վարձակալության հանձնման լիազորություններն իրականացնում են պետական կառավարման համապատասխան մարմինները.
(3-րդ կետի ա ենթակետն ուժը կորցրել է 09.11.00 թիվ 731 որոշում)
i
բ) նշված տարածքները վարձակալության հանձնելիս վարձակալական վճարի չափը որոշվում է Հայաստանի Հանրապետության կառավարության 1995 թվականի նոյեմբերի 24-ի «Պետական ձեռնարկությունների, հիմնարկների և կազմակերպությունների գույքն առանց գնման իրավունքի վարձակալության տրամադրելիս վարձակալական վճարի որոշման կարգի մասին» N 82 որոշմանը (Հայաստանի Հանրապետության կառավարության 1999 թվականի փետրվարի 2-ի N 54 որոշման խմբագրությամբ) համապատասխան.
գ) վարձակալության հանձնված տարածքներն սպասարկվում և պահպանվում են Հայաստանի Հանրապետության օրենսդրությանը համապատասխան.
դ) մինչև սույն որոշումն ուժի մեջ մտնելը կնքված վարձակալական պայմանագրերը մինչև 1999 թվականի նոյեմբերի 1-ը կնքվում են սույն որոշման 3-րդ կետի «ա» ենթակետում նշված համապատասխան պետական կառավարման մարմինների կողմից:
(3-րդ կետի դ ենթակետն ուժը կորցրել է 09.11.00 թիվ 731 որոշում)
i
4. Հայաստանի Հանրապետության նախարարություններին, գերատեսչություններին, մարզպետարաններին, Երևանի քաղաքապետարանին և Հայաստանի Հանրապետության գիտությունների ազգային ակադեմիային` սույն որոշմանը համապատասխան կնքված պայմանագրերը հաշվառման ներկայացնել Հայաստանի Հանրապետության սեփականաշնորհման նախարարություն, որից հետո Հայաստանի Հանրապետության օրենսդրությամբ սահմանված կարգով` Հայաստանի Հանրապետության կառավարությանն առընթեր անշարժ գույքի կադաստրի պետական կոմիտեի համապատասխան տարածքային ստորաբաժանում` գույքի նկատմամբ իրավունքի գրանցման համար:
Պետական գրանցումից հետո Հայաստանի Հանրապետության սեփականաշնորհման նախարարություն ներկայացնել անշարժ գույքի նկատմամբ իրավունքի գրանցման վկայականի պատճենը:
(4-րդ կետն ուժը կորցրել է 09.11.00 թիվ 731 որոշում)
5. Հայաստանի Հանրապետության նախարարությունների, գերատեսչությունների, մարզպետարանների, Երևանի քաղաքապետարանի, Հայաստանի Հանրապետության գիտությունների ազգային ակադեմիայի և դրանց ենթակայության պետական մարմինների (բյուջետային հիմնարկների) տնօրինության տակ գտնվող շենքերի ու շինությունների վարձակալության հանձնված տարածքների, այդ թվում` նաև որոշակի ժամով կամ դասաժամով տրված վարձակալական վճարներն ամբողջությամբ փոխանցվում են Հայաստանի Հանրապետության պետական բյուջե:
(5-րդ կետն ուժը կորցրել է 09.11.00 թիվ 731 որոշում)
i
6. Հայաստանի Հանրապետության նախարարությունների, գերատեսչությունների, մարզպետարանների, Երևանի քաղաքապետարանի, Հայաստանի Հանրապետության գիտությունների ազգային ակադեմիայի և դրանց ենթակայության պետական մարմինների (բյուջետային հիմնարկների) տնօրինության տակ գտնվող շենքերի ու շինությունների տարածքները բյուջետային հիմնարկներին հանձնվում են անվճար:
7. Ուժը կորցրած ճանաչել`
i
ա) Հայաստանի Հանրապետության կառավարության 1999 թվականի փետրվարի 2-ի «Հայաստանի Հանրապետության սեփականաշնորհման նախարարությանը լիազորություններ տալու և Հայաստանի Հանրապետության կառավարության 1995 թվականի նոյեմբերի 24-ի N 82 ու 1998 թվականի մայիսի 21-ի N 311 որոշումներում փոփոխություններ և լրացում կատարելու մասին» N 54 որոշման 1-ին կետը.
i
բ) Հայաստանի Հանրապետության կառավարության 1995 թվականի նոյեմբերի 24-ի «Պետական ձեռնարկությունների, հիմնարկների և կազմակերպությունների գույքն առանց գնման իրավունքի վարձակալության տրամադրելիս վարձակալական վճարի որոշման կարգի մասին» N 82 որոշմամբ հաստատված պետական ձեռնարկությունների, հիմնարկների և կազմակերպությունների գույքն առանց գնման իրավունքի վարձակալության տրամադրելիս վարձակալական վճարի որոշման կարգի 2-րդ կետը:
8. Սույն որոշումն ուժի մեջ է մտնում 1999 թվականի հոկտեմբերի 5-ից:
Ձև
ՏԵՂԵԿԱՆՔ
_____________________________________ և դրա ենթակայությունը
(կառավարման պետական մարմնի անվանումը)
պետական մարմինների (բյուջետային հիմնարկների) տնօրինության
տակ գտնվող շենքերի ու շինությունների տարածքների
օգտագործման վերաբերյալ
1999 թվականի հոկտեմբերի 1-ի դրությամբ
.________________________________________________________________________.
|NN |Կազմակերպության|Հասցեն|Զբաղեցրած|Տարածքի |այդ թվում|Հարկը, |աշխա- |
|ը/կ|հիմնարկի | |շենքի, |ընդհանուր|օգտակար |սենյակ-|տողների|
| |անվանումը | |տարածքի |մակերեսը |մակերեսը |ների |ցուցա- |
| | | |պատկանե- |(քառ. մ) |(քառ. մ) |թիվը |կային |
| | | |լությունը| | | |թիվը |
|___|_______________|______|_________|_________|_________|_______|_______|
| 1 | 2 | 3 | 4 | 5 | 6 | 7 | 8 |
|___|_______________|______|_________|_________|_________|_______|_______|
|1. | | | | | | | |
|___|_______________|______|_________|_________|_________|_______|_______|
|2. | | | | | | | |
|___|_______________|______|_________|_________|_________|_______|_______|
|3. | | | | | | | |
|___|_______________|______|_________|_________|_________|_______|_______|
|___|_______________|______|_________|_________|_________|_______|_______|
|___|_______________|______|_________|_________|_________|_______|_______|
|___|_______________|______|_________|_________|_________|_______|_______|
| | Ընդամենը | | | | | | |
.________________________________________________________________________.
.____________________________________________________________________.
|Վարձակալի|Վարձակալության|Վարձակալության|1 քառ. մետրի|Ծանոթագրություն|
|անվանումը|տրված տարածքի |պայմանագրի |ամսական | |
| |մակերեսը |գործողության |վարձակալական| |
| |(քառ. մ) |ժամկետը |չափը (դրամ) | |
| | | | | |
|_________|______________|______________|____________|_______________|
| 9 | 10 | 11 | 12 | 13 |
|_________|______________|______________|____________|_______________|
|_________|______________|______________|____________|_______________|
|_________|______________|______________|____________|_______________|
|_________|______________|______________|____________|_______________|
|_________|______________|______________|____________|_______________|
|_________|______________|______________|____________|_______________|
|_________|______________|______________|____________|_______________|
.____________________________________________________________________.
Ծանոթագրություն: Տեղեկանքին կցվում է կազմակերպության (հիմնարկի)
աշխատողների թիվն ըստ հաստիքային ցուցակի