(ուժը կորցրել է 21.06.2019 թիվ 425-Ն հրաման)
i
103.0397.050517
ԳՐԱՆՑՎԱԾ Է
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ԱՐԴԱՐԱԴԱՏՈՒԹՅԱՆ ՆԱԽԱՐԱՐՈՒԹՅԱՆ ԿՈՂՄԻՑ
«05» 05 2017 Թ.
ՊԵՏԱԿԱՆ ԳՐԱՆՑՄԱՆ ԹԻՎ 10317179
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՏՆՏԵՍԱԿԱՆ ԶԱՐԳԱՑՄԱՆ ԵՎ ՆԵՐԴՐՈՒՄՆԵՐԻ ՆԱԽԱՐԱՐ ՀՐԱՄԱՆ
27 ապրիլի 2017 թվականի N 397-Ն
i
ԵՎՐԱՍԻԱԿԱՆ ՏՆՏԵՍԱԿԱՆ ՄԻՈՒԹՅԱՆ ՏԵԽՆԻԿԱԿԱՆ ԿԱՆՈՆԱԿԱՐԳԵՐՈՎ ՍԱՀՄԱՆՎԱԾ ԱՐՏԱԴՐԱՆՔԻ ՊԵՏԱԿԱՆ ԳՐԱՆՑՄԱՆ ՎԿԱՅԱԿԱՆԻ ՄԻԱՍՆԱԿԱՆ ՁԵՎԸ ՀԱՍՏԱՏԵԼՈՒ ՄԱՍԻՆ
Հիմք ընդունելով Մաքսային միության հանձնաժողովի 2010 թվականի մայիսի 28-ի «Մաքսային միությունում կիրառվող սանիտարական միջոցների մասին» N 299 որոշման N 3 հավելվածի N 1 հավելվածը, «Տեխնիկական կանոնակարգման մասին» Հայաստանի Հանրապետության օրենքի 9-րդ հոդվածի 1-ին մասի «12.1» կետը`
ՀՐԱՄԱՅՈՒՄ ԵՄ`
1. Հաստատել արտադրանքի Եվրասիական տնտեսական միության տեխնիկական կանոնակարգերի պահանջներին համապատասխանությունը հավաստող անվտանգության միասնական փաստաթղթի` արտադրանքի պետական գրանցման վկայականի ձևը` համաձայն հավելվածի:
2. «Հավատարմագրման ազգային մարմին» ՊՈԱԿ-ին` ապահովել սույն հրամանի հավելվածով հաստատված պետական գրանցման վկայականի տպագրությունը և համապատասխանության գնահատման մարմիններին տրամադրումը:
3. Սահմանել, որ գրանցման վկայականի տրամադրվող համարի 1-ին խմբի լրացման համար հիմք ընդունել երկրի երկնիշ կոդը Հայպետստանդարտի 1999 թվականի մարտի 2-ի «Երկրների անունների դասակարգիչը հաստատելու մասին» թիվ 3-99 հրամանը:
i
4. Սահմանել, որ գրանցման վկայականի տրամադրվող համարի 2-րդ խմբի լրացման համար հիմք ընդունել ՀՀ տնտեսական զարգացման և ներդրումների նախարարի 2016 թ. նոյեմբերի 16-ի «Հայաստանի Հանրապետության տեխնիկատնտեսական և սոցիալական տեղեկատվության «Վարչատարածքային բաժանման միավորների» դասակարգիչ հաստատելու մասին» թիվ 1209-Ն հրամանով հաստատված ՀՀ վարչատարածքային բաժանման միավորները:
5. «Հավատարմագրման ազգային մարմին» ՊՈԱԿ-ին` ապահովել գրանցման վկայականի տրամադրվող համարի 3-րդ խմբի լրացման համար կազմակերպության երկնիշ` թվատառային կոդի տրամադրումը տարածաշրջանի համար յուրահատուկ (01-99 թվերով և ռուսերեն ԱԱ-ՅԱՅԱ մեծատառերով, հնարավոր է նաև տառաթվային համադրությամբ և տեղեկացնել միասնական ռեեստրին):
6. Առաջարկել ՀՀ համապատասխանության գնահատման մարմիններին` գրանցման վկայականի տրամադրվող համարի 4-րդ խմբի լրացման համար սահմանել տվյալ կազմակերպության համար յուրահատուկ աշխատանքային տեղի երկնիշ կոդը, որը ձևավորվում է կազմակերպության շրջանակներում:
i
7. Սահմանել, որ արտադրանքի պետական գրանցման կարգն իրականացվում է Եվրասիական տնտեսական միության տեխնիկական կանոնակարգերով, կամ Մաքսային միության հանձնաժողովի 2010 թվականի մայիսի 28-ի «Մաքսային միությունում կիրառվող սանիտարական միջոցների մասին» N 299 որոշմամբ, կամ Հայաստանի Հանրապետության կառավարության 2016 թվականի դեկտեմբերի 22-ի «Պարենային և ոչ պարենային արտադրանքի գրանցում իրականացնող իրավասու մարմիններ սահմանելու մասին» N 1339-Ն որոշմամբ սահմանված պահանջներին համապատասխան:
8. Սույն հրամանի կատարման հսկողությունը վերապահել ՀՀ տնտեսական զարգացման և ներդրումների նախարարի տեղակալ Է. Տարասյանին:
Հավելված
ՀՀ տնտեսական զարգացման
և ներդրումների նախարարի
2017 թվականի ապրիլի 27-ի
N 397-Ն հրամանի
ԵՎՐԱՍԻԱԿԱՆ ՏՆՏԵՍԱԿԱՆ ՄԻՈՒԹՅՈՒՆ
---------------------------------------------------------------------
(Եվրասիական տնտեսական միության անդամ պետության լիազոր մարմինը)
---------------------------------------------------------------------
(լիազոր մարմնի ղեկավարը)
---------------------------------------------------------------------
(վարչատարածքային միավորի անվանումը)
ՎԿԱՅԱԿԱՆ ԱՐՏԱԴՐԱՆՔԻ ՊԵՏԱԿԱՆ ԳՐԱՆՑՄԱՆ
N թ. -ից
Արտադրանք
---------------------------------------------------------------------
(արտադրանքի անվանումը, նորմատիվ և (կամ) տեխնիկական փաստաթղթեր, որոնց
համապատասխան արտադրված է արտադրանքը, արտադրանք արտադրողի, ստացողի
անվանումը և գտնվելու վայրը)
Համապատասխանում է
---------------------------------------------------------------------
անցել է պետական գրանցում, ներառված է պետական գրանցման վկայականների
ռեեստրում և թույլատրված է արտադրության, օգտագործման և իրացման համար
Սույն վկայականը տրվում է հիմք ընդունելով (թվարկել ուսումնասիրված փորձաքննության արձանագրությունները, հետազոտություններ իրականացնող կազմակերպության (փորձարկման լաբորատորիա, կենտրոն) անվանումը, այլ ուսումնասիրված փաստաթղթեր):
---------------------------------------------------------------------
Պետական գրանցման վկայականի գործողության ժամկետը սահմանվում է հսկողության ենթակա արտադրանքի արտադրման կամ Եվրասիական տնտեսական միության տարածք ներմուծման ամբողջ ընթացքի համար:
Փաստաթուղթ տրամադրող լիազոր անձի ստորագրությունը, ազգանունը, անունը, հայրանունը, պաշտոնը և փաստաթուղթ տրամադրող մարմնի (հաստատություն) կնիքը
---------------------------------------------------------------------
(ազգանունը, անունը, հայրանունը/ստորագրությունը)
Կ.Տ.
ԵՎՐԱՍԻԱԿԱՆ ՏՆՏԵՍԱԿԱՆ ՄԻՈՒԹՅՈՒՆ
---------------------------------------------------------------------
(Եվրասիական տնտեսական միության անդամ պետության լիազոր մարմինը)
---------------------------------------------------------------------
(լիազոր մարմնի ղեկավարը)
---------------------------------------------------------------------
(վարչատարածքային միավորի անվանումը)
ՀԱՎԵԼՎԱԾ ՊԵՏԱԿԱՆ ԳՐԱՆՑՄԱՆ ՎԿԱՅԱԿԱՆԻ
թ._______ -ից
(տեղեկատվություն, որը ներառված չէ պետական գրանցման վկայականի տեքստում)
Փաստաթուղթ տրամադրող լիազոր անձի ստորագրությունը, ազգանունը, անունը, հայրանունը, պաշտոնը և փաստաթուղթ տրամադրող մարմնի (հաստատություն) կնիքը
---------------------------------------------------------------------
(ազգանունը, անունը, հայրանունը/ստորագրությունը)
Կ.Տ.
-----------------------------------
ԻՐՏԵԿ - ռուսերեն տեքստը չի բերվում