040.0225.050500
«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ
«5» մայիսի 2000 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
5 մայիսի 2000 թվականի N 225
i
«ՇՈՂԱԿՆ» ՊԵՏԱԿԱՆ ՓԱԿ ԲԱԺՆԵՏԻՐԱԿԱՆ ԸՆԿԵՐՈՒԹՅԱՆ ԲԱԺՆԵՏՈՄՍԵՐԻ ՄԱՍՆԱՎՈՐԵՑՄԱՆ ՆԱԽԱՊԱՏՐԱՍՏԱԿԱՆ ԱՇԽԱՏԱՆՔՆԵՐԻ ՄԱՍԻՆ
«Պետական գույքի մասնավորեցման (սեփականաշնորհման) մասին» Հայաստանի Հանրապետության օրենքի 24 հոդվածին համապատասխան և «Շողակն» պետական փակ բաժնետիրական ընկերության բաժնետոմսերի մասնավորեցման նախապատրաստական աշխատանքներն իրականացնելու նպատակով Հայաստանի Հանրապետության կառավարությունը որոշում է.
1. «Շողակն» պետական փակ բաժնետիրական ընկերության բաժնետոմսերի մասնավորեցման նախապատրաստական աշխատանքներն իրականացնելու նպատակով ստեղծել հանձնաժողով և հաստատել դրա կազմը (կցվում է):
2. Հանձնաժողովին`
ա) 3-շաբաթյա ժամկետում Հայաստանի Հանրապետության կառավարություն ներկայացնել առաջարկություններ «Շողակն» պետական փակ բաժնետիրական ընկերության բաժնետոմսերի մասնավորեցման վերաբերյալ հիմք ընդունելով հետևյալ մասնավորեցման ձևերից մեկը
պետական գույքի մասնավորեցում` մրցութային եղանակով,
պետական գույքի մասնավորեցում` ուղղակի վաճառքի ձևով,
պետական գույքի նկատմամբ պետությանը պատկանող օգտագործման իրավունքի փոխանցում,
Հայաստանի Հանրապետության օրենսդրությամբ սահմանված այլ ձևեր.
բ) 10-օրա ժամկետում մամուլում և զանգվածային լրատվության մյուս միջոցներով հրապարակել ընդհանուր տեղեկություններ ընկերության, մասնավորեցման նախապատրաստական աշխատանքների, մրցույթի մասնակիցների` մրցույթին մասնակցելու պայմանների վերաբերյալ առաջարկությունների մասին.
գ) ուղղակի բանակցություններ վարել հնարավոր ներդրողների հետ.
դ) հնարավոր ներդրողների հետ քննարկել և համաձայնեցնել կնքվելիք պայմանագրի նախագիծը և այն ներկայացնել Հայաստանի Հանրապետության կառավարություն.
ե) «Շողակն» պետական փակ բաժնետիրական ընկերության ֆինանսատնտեսական գործունեության աուդիտի անհրաժեշտության դեպքում այդ աշխատանքներում ներգրավել Հայաստանի Հանրապետության և օտարերկրյա մասնագիտացված կազմակերպություններ:
3. Հայաստանի Հանրապետության ֆինանսների և էկոնոմիկայի նախարարությանը, Հայաստանի Հանրապետության արդյունաբերության և առևտրի նախարարությանը` 10-օրյա ժամկետում հանձնաժողովին ներկայացնել «Շողակն» պետական փակ բաժնետիրական ընկերության ֆինանսական առողջացման միջոցառումների ժամանակացույցը` մասնավորապես, անհուսալի դեբիտորական պարտքերի (արտահաշվեկշռային հաշիվներ) հավաքագրման նպատակով:
4. Սույն որոշումն ուժի մեջ է մտնում 2000 թվականի մայիսի 5-ից:
Հաստատված է
ՀՀ կառավարության 2000 թ.
մայիսի 5-ի N 225 որոշմամբ
ԿԱԶՄ
«Շողակն» պետական փակ բաժնետիրական ընկերության
բաժնետոմսերի մասնավորեցման նախապատրաստական
աշխատանքներն իրականացնող հանձնաժողովի
Դ. Վարդանյան - ՀՀ պետական գույքի կառավարման նախարար (հանձնաժողովի
նախագահ)
Ա. Ասլիկյան - ՀՀ ֆինանսների նախարարի առաջին տեղակալ
Ա. Շահնազարյան - ՀՀ արդյունաբերության և առևտրի նախարարի առաջին
տեղակալ
Կ. Ադոնց - ՀՀ արտադրական ենթակառուցվածքների գործունեությունը
համակարգող նախարարի տեղակալ
Գ. Մկրտչյան - ՀՀ արդյունաբերության և առևտրի նախարարության
ակնագործության, ոսկերչության և գեղարվեստական
իրերի վարչության պետ
Վ. Առաքելյան - ՀՀ սեփականաշնորհման նախարարության մրցույթների
կազմակերպման բաժնի պետ