| ԻՐՏԵԿ |
Սույն ակտի ուժի մեջ մտնելու ամսաթիվը անհնար է որոշել, քանի որ ակտն ընդունող մարմնի կողմից չի կատարվել «Նորմատիվ իրավական ակտերի մասին» ՀՀ օրենքի 23-րդ հոդվածի 7-րդ մասի` ընդունող մարմնի պաշտոնական կայքէջում իրավական ակտի հրապարակման օրը նշելու պահանջը: |
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
18 ապրիլի 2026 թվականի N 520-Լ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2023 ԹՎԱԿԱՆԻ ԱՊՐԻԼԻ 13-Ի N 532-Լ ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ
Հիմք ընդունելով «Նորմատիվ իրավական ակտերի մասին» օրենքի 33-րդ և 34-րդ հոդվածները` Հայաստանի Հանրապետության կառավարությունը որոշում է.
1. Հայաստանի Հանրապետության կառավարության 2023 թվականի ապրիլի 13-ի «Հայաստանի Հանրապետությունում արդյունաբերական խեցգետնաբուծության զարգացման 2024-2026 թվականների ծրագիրը հաստատելու մասին» N 532-Լ որոշման (այսուհետ` որոշում) մեջ կատարել հետևյալ փոփոխությունները և լրացումները.
i
1) որոշման վերնագրում, 1-ին կետում, որոշմամբ հաստատված հավելվածի (այսուհետ` հավելված) վերնագրում և ամբողջ տեքստում «2024-2026» թվերը փոխարինել «2024-2029» թվերով.
i
2) հավելվածի 10-րդ կետը «ներառում են» բառերից հետո լրացնել «առնվազն» բառով, «1000 մ2» բառերը փոխարինել «1050 մ2» բառերով, իսկ «(+-10% շեղումով)» բառերը հանել.
i
3) հավելվածի 18-րդ կետի վերջին նախադասությունը շարադրել հետևյալ խմբագրությամբ`
«Ծրագրով կանխատեսվում է 2024-2029 թվականներին հիմնել 18 խեցգետնաբուծարան, որից` 10 փոքր, 5 միջին և 3 խոշոր, որոնց փոխհատուցման գումարը կկազմի 960435 հազար ՀՀ դրամ:».
i
4) հավելվածի 22-րդ կետում «2025 թվականի նոյեմբերի 1-ին» բառերը փոխարինել «2028 թվականի դեկտեմբերի 1-ին» բառերով, որից հետո լրացնել հետևյալ բովանդակությամբ նոր նախադասություն`
«2024-2028 թվականներին նախարարություն դիմում-հայտեր ներկայացրած, սակայն սահմանված ժամկետում փաստաթղթերի փաթեթի ոչ ամբողջական լինելու հանգամանքով պայմանավորված` շահառու չհանդիսացած իրավաբանական անձանց կամ անհատ ձեռնարկատերերի կողմից խեցգետնաբուծական համալիր ձեռք բերելու վերաբերյալ ներկայացված դիմումը և կից փաստաթղթերը նախարարությունն ուսումնասիրում է սույն որոշմամբ սահմանված ընթացակարգով:».
i
5) հավելվածի 24-րդ կետի 4-րդ ենթակետը «չօտարել» բառից հետո լրացնել «խեցգետնաբուծական համալիրը» բառերով.
i
6) հավելվածի 26-րդ կետի «Ծախսերի» բառը փոխարինել «Համապատասխան ֆինանսական միջոցների առկայության պարագայում ծախսերի» բառերով.
i
7) հավելվածի 27-րդ կետը «Մինչև փոխհատուցումը» բառերից հետո լրացնել «դիմումատուն պետք է ներկայացնի հաշիվ-վավերագիր կամ հարկային հաշիվ, հանձնման-ընդունման ակտ և վճարման անդորրագրեր, որոնք ուսումնասիրելուց հետո» բառերով.
8) հավելվածի 31-րդ կետը շարադրել հետևյալ խմբագրությամբ`
i
«31. Ծրագիրը նախատեսվում է իրականացնել 2024-2029 թվականներին, որի շրջանակներում հնարավորություն կընձեռվի Հայաստանի Հանրապետությունում հիմնելու 18 խեցգետնաբուծական համալիր, ինչը թույլ կտա արհեստական եղանակով խեցգետնի արտադրության ծավալներն ավելացնելու ավելի քան 174 տոննայով: Ծրագրի իրականացման համար կանխատեսվող ֆինանսական միջոցներն ըստ տարիների ներկայացված են Աղյուսակ 1-ում:
Աղյուսակ 1
ԾՐԱԳՐԻ ԻՐԱԿԱՆԱՑՄԱՆ ՀԱՄԱՐ ԿԱՆԽԱՏԵՍՎՈՂ ՖԻՆԱՆՍԱԿԱՆ ՄԻՋՈՑՆԵՐԸ
._____________________________________________________________________.
|Տարիները |2024թ.|2025թ.|2026թ.|2027թ.|2028թ.|2029թ.|Ընդամենը|
|__________________|______|______|______|______|______|______|________|
|Հիմնադրվող |փոքր | - | - | - | 2 | 4 | 4 | 10 |
|խեցգետնա- |_____| | | | | | | |
|բուծական |միջին| - | - | 2 | 1 | 1 | 1 | 5 |
|համալիրների |_____| | | | | | | |
|քանակը, |խոշոր| - | - | - | 1 | 1 | 1 | 3 |
|միավոր | | | | | | | | |
|__________________|______|______|______|______|______|______|________|
|Փոխհատուցման համար| - | - |129900|228845|300845|300845| 960435|
|անհրաժեշտ գումարը | | | | | | | |
|(հազար դրամ) | | | | | | | |
._____________________________________________________________________.
«.
i
9) հավելվածի 33-րդ կետի 3-րդ ենթակետում «162» թիվը փոխարինել «174» թվով, «1 մլրդ 620 մլն» բառերը փոխարինել «1 մլրդ 740 մլն» բառերով, իսկ 6-րդ ենթակետում «65» թիվը փոխարինել «68» թվով.
i
10) հավելվածի Աղյուսակ 2-ի 6-րդ կետում «1000» թիվը փոխարինել «1050» թվով:
2. Հայաստանի Հանրապետության էկոնոմիկայի նախարարին` սույն որոշումն ընդունվելուց հետո մեկամսյա ժամկետում Հայաստանի Հանրապետության վարչապետի աշխատակազմ ներկայացնել առաջարկություններ «Հայաստանի Հանրապետության 2026 թվականի պետական բյուջեի մասին» Հայաստանի Հանրապետության օրենքում վերաբաշխում և լրացում և Հայաստանի Հանրապետության կառավարության 2025 թվականի դեկտեմբերի 25-ի «Հայաստանի Հանրապետության 2026 թվականի պետական բյուջեի կատարումն ապահովող միջոցառումների մասին» N 1910-Ն որոշման մեջ համապատասխան փոփոխություններ և լրացումներ կատարելու վերաբերյալ:
3. Սույն որոշումն ուժի մեջ է մտնում հրապարակմանը հաջորդող օրվանից և գործում է մինչև 2029 թվականի դեկտեմբերի 30-ը:
4. Փաստաթղթերի ընդունման ժամկետը սահմանվում է սույն որոշման հրապարակմանը հաջորդող օրվանից մինչև 2028 թվականի դեկտեմբերի 1-ը:
Հայաստանի Հանրապետության
վարչապետ Ն. Փաշինյան
2026 թ. ապրիլի
Երևան