Սեղմել Esc փակելու համար:
ԻՆՏԵՐՆԵՏ ՇԱՀՈՒՄՈՎ ԽԱՂԻ, ԻՆՉՊԵՍ ՆԱԵՎ Տ...
Քարտային տվյալներ

Տեսակ
Գործում է
Ընդունող մարմին
Ընդունման ամսաթիվ
Համար

Ստորագրման ամսաթիվ
ՈՒժի մեջ մտնելու ամսաթիվ
ՈՒժը կորցնելու ամսաթիվ
Ընդունման վայր
Սկզբնաղբյուր

Ժամանակագրական տարբերակ Փոփոխություն կատարող ակտ

Որոնում:
Բովանդակություն

Հղում իրավական ակտի ընտրված դրույթին X
irtek_logo
 

ԻՆՏԵՐՆԵՏ ՇԱՀՈՒՄՈՎ ԽԱՂԻ, ԻՆՉՊԵՍ ՆԱԵՎ ՏՈՏԱԼԻԶԱՏՈՐԻ ( ...

 

(որոշումը փոփոխվելու է «Խաղային գործունեության կարգավորման

մասին» օրենքի 23-րդ հոդվածի 1-ին մասով սահմանված կարգով օպերատոր

սահմանելու օրվանից հետո` վեցերորդ ամիսը լրանալու հաջորդ օրը`

13.03.2025 թիվ 287-Ն որոշում)

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

ՈՐՈՇՈՒՄ

 

27 ապրիլի 2023 թվականի N 636-Ն

 

ԻՆՏԵՐՆԵՏ ՇԱՀՈՒՄՈՎ ԽԱՂԻ, ԻՆՉՊԵՍ ՆԱԵՎ ՏՈՏԱԼԻԶԱՏՈՐԻ (ԱՅԴ ԹՎՈՒՄ` ԻՆՏԵՐՆԵՏ ՏՈՏԱԼԻԶԱՏՈՐԻ) ԿԱԶՄԱԿԵՐՊՄԱՆ ԳՈՐԾՈՒՆԵՈՒԹՅՈՒՆ ԻՐԱԿԱՆԱՑՆԵԼՈՒ ԴԵՊՔՈՒՄ ԽԱՂԱԴՐՈՒՅՔ ԸՆԴՈՒՆԵԼՈՒ ԻՐԱՎՈՒՆՔ ՏՐԱՄԱԴՐԵԼՈՒ ԿԱՐԳԸ ՍԱՀՄԱՆԵԼՈՒ ՄԱՍԻՆ

 

Հիմք ընդունելով «Շահումով խաղերի, ինտերնետ շահումով խաղերի և խաղատների մասին» օրենքում լրացումներ և փոփոխություն կատարելու մասին» 2022 թվականի դեկտեմբերի 16-ի ՀՕ-574-Ն և «Վիճակախաղերի մասին» օրենքում լրացումներ կատարելու մասին» 2022 թվականի դեկտեմբերի 16-ի ՀՕ-573-Ն Հայաստանի Հանրապետության օրենքների 1-ին և 2-րդ հոդվածները` Հայաստանի Հանրապետության կառավարությունը որոշում է.

1. Սահմանել «Ինտերնետ շահումով խաղի, ինչպես նաև տոտալիզատորի (այդ թվում` ինտերնետ տոտալիզատորի) կազմակերպման գործունեություն իրականացնելու դեպքում խաղադրույք ընդունելու իրավունք տրամադրելու կարգը` համաձայն N 1 հավելվածի:

2. Սույն որոշումն ուժի մեջ է մտնում 2023 թվականի հուլիսի 1-ից:

 

Հայաստանի Հանրապետության

    վարչապետ                     Ն. Փաշինյան

 

2023 թ. ապրիլի 27

Երևան

 

Հավելված N 1

ՀՀ կառավարության

2023 թվականի ապրիլի 27-ի

N 636-Ն որոշման

 

ԿԱՐԳ

ԻՆՏԵՐՆԵՏ ՇԱՀՈՒՄՈՎ ԽԱՂԻ, ԻՆՉՊԵՍ ՆԱԵՎ ՏՈՏԱԼԻԶԱՏՈՐԻ (ԱՅԴ ԹՎՈՒՄ` ԻՆՏԵՐՆԵՏ ՏՈՏԱԼԻԶԱՏՈՐԻ) ԿԱԶՄԱԿԵՐՊՄԱՆ ԳՈՐԾՈՒՆԵՈՒԹՅՈՒՆ ԻՐԱԿԱՆԱՑՆԵԼՈՒ ԴԵՊՔՈՒՄ ԽԱՂԱԴՐՈՒՅՔ ԸՆԴՈՒՆԵԼՈՒ ԻՐԱՎՈՒՆՔ ՏՐԱՄԱԴՐԵԼՈՒ

 

1. Սույն կարգով սահմանվում է ինտերնետ շահումով խաղի, ինչպես նաև տոտալիզատորի (այդ թվում` ինտերնետ տոտալիզատորի) կազմակերպման գործունեություն իրականացնելու դեպքում խաղադրույք ընդունելու իրավունք (այսուհետ` խաղադրույք ընդունելու իրավունք) տրամադրելու կարգը:

2. Սույն կարգում հասկացություններն օգտագործվում են «Շահումով խաղերի, ինտերնետ շահումով խաղերի և խաղատների մասին» և «Վիճակախաղերի մասին» օրենքներով սահմանված հասկացությունների իմաստով:

3. Խաղադրույք ընդունելու իրավունքը տրվում է լիազոր մարմնի կողմից սույն կարգով` առանց լիցենզավորող հանձնաժողովի որոշման, խաղադրույքներ ընդունելու համար «Պետական տուրքի մասին» Հայաստանի Հանրապետության օրենքով սահմանված ժամկետում սահմանված պետական տուրքի վճարման և համապատասխան տեղեկացումը լիազոր մարմնին ներկայացնելու դեպքում:

4. Կազմակերպիչը խաղադրույք ընդունելու իրավունքն ստանալու համար լիազոր մարմին ներկայացնում է տեղեկացում` համաձայն Ձև 1-ի կամ Ձև 2-ի, որտեղ նշվում են`

ա) կազմակերպության անվանումը և կազմակերպչի համապատասխան լիցենզիայի համարը.

բ) պետական գրանցման համարը.

գ) կազմակերպչի ՀՎՀՀ-ն.

դ) կազմակերպչի կողմից խաղադրույք ընդունելու իրավունք ձեռք բերելու համար վճարված պետական տուրքի դրույքաչափը, գումարը և վճարման ամսաթիվը.

ե) «Պետական տուրքի մասին» օրենքով (այսուհետ` օրենք) խաղադրույք ընդունելու իրավունքի նախատեսված սահմանաչափերն ավարտվելու ամսաթիվը.

զ) տուրքի վճարման անդորրագիրը կամ պետական վճարումների էլեկտրոնային համակարգի կողմից գեներացված անդորրագիրը կամ անդորրագրի 20-նիշանոց ծածկագիրը` ներկայացվում է հայտատուի ցանկությամբ.

է) կապի միջոցները` հեռախոսահամարը և էլեկտրոնային փոստի հասցեն:

5. Եթե սույն կարգի 4-րդ կետով սահմանված անհրաժեշտ տեղեկատվությունը թերի է կամ եթե տեղեկացման մեջ առկա են անհամապատասխանություններ, ապա տեղեկացումը համարվում է չներկայացված, ինտերնետ շահումով խաղի, ինչպես նաև տոտալիզատորի (այդ թվում` ինտերնետ տոտալիզատորի) կազմակերպման գործունեություն իրականացնելու դեպքում խաղադրույք ընդունելու իրավունքի հաշվառումը չի իրականացվում, և իրավունքը չի ծագում, ինչի մասին լիազոր մարմինը 2 աշխատանքային օրվա ընթացքում պատշաճ տեղեկացնում է կազմակերպչին:

6. Եթե սույն կարգի 5-րդ կետով սահմանված դեպքում տեղեկացումը համարվում է չներկայացված, ապա կազմակերպիչը կարող է 2 աշխատանքային օրվա ընթացքում ներկայացնել սույն կարգով սահմանված նոր տեղեկացում:

7. Եթե սույն կարգի 5-րդ կետում նշված ժամկետներում խաղադրույք ընդունելու իրավունք ստանալու տեղեկացումը չի համարվում չներկայացված, ապա կազմակերպիչը համարվում է հաշվառված լիազոր մարմնում, և խաղադրույք ընդունելու իրավունքը համարվում է տրված տեղեկացման մեջ նշված խաղադրույք ընդունելու իրավունքի նախատեսված սահմանաչափերն ավարտվելու ամսաթվից, իսկ ինտերնետ շահումով խաղի և (կամ) վիճակախաղի լիցենզիան նոր ստացող կազմակերպության դեպքում` լիցենզիայի տրման ամսաթվից:

8. Կազմակերպիչը խաղադրույք ընդունելու իրավունքն ստանալու համար լիազոր մարմին տեղեկացում ներկայացնում է «Պետական տուրքի մասին» Հայաստանի Հանրապետության օրենքով (այսուհետ` օրենք) սահմանված պետական տուրքը վճարելուց հետո` մինչև խաղադրույք ընդունելու իրավունքի` օրենքով նախատեսված սահմանաչափերն ավարտվելու օրվան հաջորդող 5-րդ աշխատանքային օրը ներառյալ:

9. Ինտերնետ շահումով խաղի և (կամ) վիճակախաղի լիցենզիան նոր ստացող կազմակերպությունը խաղադրույք ընդունելու իրավունքն ստանալու համար լիազոր մարմին տեղեկացում ներկայացնում է օրենքով սահմանված պետական տուրքն առաջին անգամ վճարելուց հետո` համապատասխան լիցենզիայի տրամադրման օրվան հաջորդող 5 աշխատանքային օրվա ընթացքում:

10. Ինտերնետ շահումով խաղի, ինչպես նաև տոտալիզատորի (այդ թվում` ինտերնետ տոտալիզատորի) կազմակերպման գործունեություն իրականացնելու դեպքում տրված խաղադրույք ընդունելու իրավունքները հաշվառվում են լիազոր մարմնի կողմից, և տեղեկացման մեջ ներկայացված տեղեկատվությունը, ինչպես նաև հաշվառման օրը, ամիսը, տարեթիվը հրապարակվում են լիազոր մարմնի պաշտոնական կայքում տեղեկացումը ներկայացնելուց հետո` հինգ աշխատանքային օրվա ընթացքում:

11. Խաղադրույք ընդունելու իրավունքը գործում է մինչև օրենքով նախատեսված սահմանաչափերն ավարտվելու օրը ներառյալ:

12. Խաղադրույք ընդունելու իրավունքը կասեցվում է համապատասխան լիցենզիայի գործողության կասեցման դեպքում: Խաղադրույք ընդունելու իրավունքի կասեցումը համարվում է վերացված համապատասխան լիցենզիայի գործողության կասեցումը վերացված համարվելու պահից:

i

13. Խաղադրույք ընդունելու իրավունքը դադարում է համապատասխան լիցենզիայի գործողության դադարեցման դեպքում:

14. Տեղեկացումը, սույն կարգով սահմանված այլ անհրաժեշտ փաստաթղթերը կարող են ներկայացվել էլեկտրոնային համակարգի միջոցով` սույն կարգով և Հայաստանի Հանրապետության կառավարության 2010 թվականի սեպտեմբերի 24-ի N 1283-Ն որոշմամբ սահմանված կարգով կամ թղթային տարբերակով:

15. Սույն կարգի իմաստով տեղեկացումը կամ փաստաթղթերի ուղարկումը համարվում է պատշաճ ձևով կատարված, եթե դրանք ուղարկվել են պատվիրված նամակով` հանձնման մասին ծանուցմամբ կամ հաղորդագրության ձևակերպումն ապահովող կապի այլ միջոցների օգտագործմամբ կամ էլեկտրոնային համակարգի միջոցով (այդ թվում` հայտատուի նշած էլեկտրոնային փոստի միջոցով), ինչպես նաև օրենսդրությամբ սահմանված էլեկտրոնային կապի այլ միջոցներով կամ հանձնվել են ստացականով:

 

Ձև 1

 

Տեղեկացում ինտերնետ շահումով խաղի կազմակերպչի կողմից խաղադրույք

ընդունելու իրավունք ձեռք բերելու համար

 

._____________________________________________________________________.

|Իրավաբանական անձի` կազմակերպչի անվանումը    |                        |

|____________________________________________|________________________|

|Պետական գրանցման համարը                     |  | | | | | | | | |  |  |

|____________________________________________|________________________|

|Ինտերնետ շահումով խաղերի կազմակերպման       |                        |

|լիցենզիայի համարը                           |                        |

|____________________________________________|________________________|

|Կազմակերպչի ՀՎՀՀ                            |                        |

|____________________________________________|________________________|

|«Պետական տուրքի մասին» Հայաստանի Հանրապետու-|                        |

|թյան օրենքով խաղադրույք ընդունելու իրավունքի|                        |

|նախատեսված սահմանաչափերն ավարտվելու ամսաթիվը|                        |

|(նշվում է, եթե խաղադրույք ընդունելու        |                        |

|իրավունքի համար առաջին անգամ չի ներկայացնում|                        |

|տեղեկացում)                                 |                        |

|____________________________________________|________________________|

|Խաղադրույք ընդունելու իրավունք ձեռք բերելու |                        |

|համար վճարված պետական տուրքի դրույքաչափը,   |                        |

|գումարը և  վճարման ամսաթիվը                 |                        |

|____________________________________________|________________________|

|Կից ներկայացվում է պետական տուրքի վճարման   |[][][][][][][][][][][][]|

|անդորրագիրը կամ պետական վճարումների էլեկտրո-|[][][][][][][][]        |

|նային համակարգի կողմից գեներացված անդորրա-  |                        |

|գիրը կամ անդորրագրի 20 նիշանոց ծածկագիրը    |                        |

|(ներկայացվում է կազմակերպչի ցանկությամբ)    |                        |

|____________________________________________|________________________|

|Հեռախոսահամարը և  էլեկտրոնային փոստի հասցեն |                        |

._____________________________________________________________________.

 

    _______________                        _____________________________

    Ներկայացրած անձ                        (ստորագրությունը, անունը,

                                           ազգանունը, պաշտոնը

                                           (առկայության դեպքում)

 

____ _____________ 20 թվական

 

Ձև 2

 

Տեղեկացում տոտալիզատորի (ինտերնետ տոտալիզատորի) կազմակերպչի կողմից

խաղադրույք ընդունելու իրավունք ձեռք բերելու համար

 

._____________________________________________________________________.

|Իրավաբանական անձի` կազմակերպչի անվանումը    |                        |

|____________________________________________|________________________|

|Պետական գրանցման համարը                     |  | | | | | | | | |  |  |

|____________________________________________|________________________|

|Տոտալիզատորի (ինտերնետ տոտալիզատորի)        |                        |

|կազմակերպման համապատասխան լիցենզիայի համարը |                        |

|____________________________________________|________________________|

|Կազմակերպչի ՀՎՀՀ                            |                        |

|____________________________________________|________________________|

|«Պետական տուրքի մասին» Հայաստանի Հանրապետու-|                        |

|թյան օրենքով խաղադրույք ընդունելու իրավունքի|                        |

|նախատեսված սահմանաչափերն ավարտվելու ամսաթիվը|                        |

|(նշվում է, եթե խաղադրույք ընդունելու        |                        |

|իրավունքի համար առաջին անգամ չի ներկայացնում|                        |

|տեղեկացում)                                 |                        |

|____________________________________________|________________________|

|Խաղադրույք ընդունելու իրավունք ձեռք բերելու |                        |

|համար վճարված պետական տուրքի դրույքաչափը,   |                        |

|գումարը և  վճարման ամսաթիվը                 |                        |

|____________________________________________|________________________|

|Կից ներկայացվում է պետական տուրքի վճարման   |[][][][][][][][][][][][]|

|անդորրագիրը կամ պետական վճարումների էլեկտրո-|[][][][][][][][]        |

|նային համակարգի կողմից գեներացված անդորրա-  |                        |

|գիրը կամ անդորրագրի 20 նիշանոց ծածկագիրը    |                        |

|(ներկայացվում է կազմակերպչի ցանկությամբ)    |                        |

|____________________________________________|________________________|

|Հեռախոսահամարը և  էլեկտրոնային փոստի հասցեն |                        |

._____________________________________________________________________.

 

    _______________                        _____________________________

    Ներկայացրած անձ                        (ստորագրությունը, անունը,

                                           ազգանունը, պաշտոնը

                                           (առկայության դեպքում)

 

____ ___________ 20 թվական

 

Պաշտոնական հրապարակման օրը` 27 ապրիլի 2023 թվական:

 

 

pin
ՀՀ կառավարություն
27.04.2023
N 636-Ն
Որոշում