041.0544.230902
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ
ՈՐՈՇՈՒՄ
23 սեպտեմբերի 2002 թվականի N 544-Ա
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՊԱՇՏՈՆԱԿԱՆ ՊԱՏՎԻՐԱԿՈՒԹՅՈՒՆ ԱՄՆ ԳՈՐԾՈՒՂԵԼՈՒ ՄԱՍԻՆ
1. Համաշխարհային բանկի և Արժույթի միջազգային հիմնադրամի 2002 թվականի տարեկան համաժողովին մասնակցելու նպատակով 2002 թվականի սեպտեմբերի 25-30-ը ԱՄՆ գործուղել Հայաստանի Հանրապետության պաշտոնական պատվիրակություն հետևյալ կազմով`
Վ. Խաչատրյան - ՀՀ ֆինանսների և էկոնոմիկայի նախարար
(պատվիրակության ղեկավար)
Վ. Ներսիսյանց - ՀՀ Նախագահի տնտեսական հարցերով գլխավոր խորհրդական
(պատվիրակության ղեկավարի տեղակալ)
Տ. Սարգսյան - ՀՀ կենտրոնական բանկի նախագահ
Ա. Բարոյան - ՀՀ ֆինանսների և էկոնոմիկայի նախարարի գլխավոր
խորհրդական
Ա. Էմին - թարգմանիչ
2. Վ. Խաչատրյանի, Ա. Բարոյանի և Ա. Էմինի գործուղման հետ կապված ծախսերը կատարել Հայաստանի Հանրապետության 2002 թվականի պետական բյուջեով արտասահմանյան պաշտոնեական գործուղումների համար նախատեսված միջոցների, Վ. Ներսիսյանցինը` Հայաստանի Հանրապետության Նախագահի աշխատակազմի միջոցների, իսկ Տ. Սարգսյանինը` Հայաստանի Հանրապետության կենտրոնական բանկի միջոցների հաշվին` համաձայն փաստացի կատարված ծախսերը հիմնավորող փաստաթղթերի (այդ թվում` հյուպատոսական, սրահի և սարքավորումների վարձակալության, բանկային միջնորդավճարի, թարգմանչի վարձատրության հետ կապված ծախսերը):
3. Հայաստանի Հանրապետության արտաքին գործերի նախարարին և Հայաստանի Հանրապետության կառավարությանն առընթեր քաղաքացիական ավիացիայի գլխավոր վարչության պետին` լուծել Հայաստանի Հանրապետության պատվիրակության ԱՄՆ մեկնելու հետ կապված հարցերը:
i
4. ՈՒժը կորցրած ճանաչել Հայաստանի Հանրապետության վարչապետի 2002 թվականի օգոստոսի 13-ի «Հայաստանի Հանրապետության պատվիրակություն ԱՄՆ գործուղելու մասին» N 483-Ա որոշումը:
ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ
2002 ԹՎԱԿԱՆԻ ՍԵՊՏԵՄԲԵՐԻ 23-ԻՆ