https://petekamutner.am/shared/Information/Irazekum%20260.pdf
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՊԵՏԱԿԱՆ ԵԿԱՄՈՒՏՆԵՐԻ ԿՈՄԻՏԵ
ԻՐԱԶԵԿՄԱՆ ԹԵՐԹԻԿ
15 հոկտեմբերի 2021 թվականի N 260
ՌՈՒՍԱՍՏԱՆԻ ԴԱՇՆՈՒԹՅԱՆ ԿՈՂՄԻՑ ՀՀ ՔԱՂԱՔԱՑՈՒՆ ՏՐՎԱԾ ՊԵՏԱԿԱՆ ՊԱՐԳԵՎԸ ՆՎԱԶԵՑՎՈՂ ԵԿԱՄՈՒՏ ՀԱՄԱՐԵԼՈՒ ՎԵՐԱԲԵՐՅԱԼ
Հարց
Ռուսաստանի Դաշնության կողմից ՀՀ քաղաքացուն տրված պետական պարգևը ՀՀ հարկային օրենսգրքի 147-րդ հոդվածի 1-ին մասի 25-րդ կետի համաձայն համարվու՞մ է նվազեցվող եկամուտ:
Պատասխան
ՀՀ հարկային օրենսգրքի`
- 140-րդ հոդվածի 1-ին մասի համաձայն` եկամտային հարկ վճարողներ են համարվում ռեզիդենտ և ոչ ռեզիդենտ ֆիզիկական անձինք,
- 141-րդ հոդվածի 1-ին մասին համապատասխան` եկամտային հարկով հարկման օբյեկտ է համարվում` ֆիզիկական անձանց համախառն եկամուտը, բացառությամբ նույն մասով սահմանված դեպքերի,
- 143-րդ հոդվածի 1-ին մասի համաձայն` ֆիզիկական անձանց համար հարկվող եկամուտը (հարկման բազան) որոշվում է որպես օրենսգրքի 141-րդ հոդվածի 1-ին մասի 1-ին կետով սահմանված համախառն եկամտի և օրենսգրքի 147-րդ հոդվածով սահմանված նվազեցվող եկամուտների դրական տարբերություն,
- 147-րդ հոդվածի 1-ին մասի 25-րդ կետի համաձայն` եկամտային հարկով հարկման բազան որոշելու նպատակով նվազեցվող եկամուտներ են համարվում պետական պարգևները (մրցանակները):
Հաշվի առնելով վերոնշյալը, հայտնում ենք, որ պետական պարգևները (այդ թվում` այլ պետությունում ստացված) համարվում են նվազեցվող եկամուտներ և եկամտային հարկով հարկման ենթակա չեն:
ՀՀ ՊԵՏԱԿԱՆ ԵԿԱՄՈՒՏՆԵՐԻ ԿՈՄԻՏԵ