ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
2 ապրիլի 2026 թվականի N 406-Ա
ՈՐՊԵՍ ՆՎԻՐԱՏՎՈՒԹՅՈՒՆ ԳՈՒՅՔ ԸՆԴՈՒՆԵԼՈՒ, ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՏԱՐԱԾՔԱՅԻՆ ԿԱՌԱՎԱՐՄԱՆ ԵՎ ԵՆԹԱԿԱՌՈՒՑՎԱԾՔՆԵՐԻ ՆԱԽԱՐԱՐՈՒԹՅԱՆ ՋՐԱՅԻՆ ԿՈՄԻՏԵԻՆ ԱՄՐԱՑՆԵԼՈՒ ԵՎ «ՎԵՈԼԻԱ ՋՈՒՐ» ՓԱԿ ԲԱԺՆԵՏԻՐԱԿԱՆ ԸՆԿԵՐՈՒԹՅԱՆԸ ՎԱՐՁԱԿԱԼՈՒԹՅԱՆ ՀԱՆՁՆԵԼՈՒ ՄԱՍԻՆ
Ղեկավարվելով Հայաստանի Հանրապետության քաղաքացիական օրենսգրքի 594-րդ հոդվածի և «Կառավարչական իրավահարաբերությունների կարգավորման մասին» օրենքի 5-րդ հոդվածի 5-րդ, 6-րդ և 8-րդ մասերի, 9-րդ հոդվածի 5-րդ մասի պահանջներով` Հայաստանի Հանրապետության կառավարությունը որոշում է.
1. Որպես նվիրատվություն Հայաստանի Հանրապետությանն ընդունել «ՄԵՐԱՐՄԻՆՎԵՍԹ» սահմանափակ պատասխանատվությամբ ընկերությանը սեփականության իրավունքով պատկանող` Երևան քաղաքի Նորք-Մարաշ վարչական շրջանի Է. Իսաբեկյան փողոց 1/2 շենք, 115 հասցեի 18.3 քառ. մետր մակերեսով պոմպակայանը (անշարժ գույքի նկատմամբ իրավունքների պետական գրանցման վկայական` N 17062025-01-0262, շենքի պահպանման և սպասարկման համար անհրաժեշտ (հատկացված) 0.459757 հեկտար մակերեսով հողամասի և շենքի 2085.42 քառ. մետր ընդհանուր օգտագործման տարածքների նկատմամբ սեփականատիրոջ բաժնեմասը կազմում է 18/16340) և պոմպակայանի սարքավորումները` 13901585 դրամ շուկայական արժեքով` համաձայն հավելվածի:
2. Սույն որոշման 1-ին կետում նշված գույքն ամրացնել Հայաստանի Հանրապետության տարածքային կառավարման և ենթակառուցվածքների նախարարության ջրային կոմիտեին:
3. Հայաստանի Հանրապետության տարածքային կառավարման և ենթակառուցվածքների նախարարության ջրային կոմիտեի նախագահին`
1) սույն որոշումն ուժի մեջ մտնելուց հետո մեկամսյա ժամկետում, «ՄԵՐԱՐՄԻՆՎԵՍԹ» սահմանափակ պատասխանատվությամբ ընկերության տնօրենի հետ համատեղ, ապահովել սույն որոշման 1-ին կետում նշված գույքի` սահմանված կարգով Հայաստանի Հանրապետության անունից նվիրատվության պայմանագրի կնքման, նվիրատվության պայմանագրի նոտարական վավերացման, պայմանագրից բխող գույքային իրավունքի պետական գրանցման աշխատանքները և նշված գործողությունների իրականացման համար անհրաժեշտ ծախսերն իրականացնել «ՄԵՐԱՐՄԻՆՎԵՍԹ» սահմանափակ պատասխանատվությամբ ընկերության միջոցների հաշվին.
2) սույն որոշման 1-ին կետում նշված գույքը Հայաստանի Հանրապետության տարածքային կառավարման և ենթակառուցվածքների նախարարության ջրային կոմիտեին ամրացնելուց հետո եռամսյա ժամկետում «Վեոլիա Ջուր» փակ բաժնետիրական ընկերության հետ կնքել համաձայնագիր` 2016 թվականի նոյեմբերի 21-ին Հայաստանի Հանրապետության էներգետիկ ենթակառուցվածքների և բնական պաշարների նախարարության ջրային տնտեսության պետական կոմիտեի ու «Վեոլիա Ջուր» փակ բաժնետիրական ընկերության միջև կնքված «Երևան Ջուր», «Հայջրմուղկոյուղի», «Լոռի-ջրմուղկոյուղի», «Շիրակ-ջրմուղկոյուղի» և «Նոր Ակունք» փակ բաժնետիրական ընկերությունների կողմից օգտագործվող ու պահպանվող ջրային համակարգերի և այլ գույքի վարձակալության պայմանագրի շրջանակներում «Վեոլիա Ջուր» փակ բաժնետիրական ընկերությանը վարձակալության հանձնելու նպատակով և իրականացնել գույքերի հանձնման-ընդունման աշխատանքների կատարումը:
4. Առաջարկել «Վեոլիա Ջուր» փակ բաժնետիրական ընկերությանն ապահովել սույն որոշման 3-րդ կետի 2-րդ ենթակետում նշված համաձայնագրի նոտարական վավերացումը, դրանից բխող գույքային իրավունքների պետական գրանցման և նշված գործողությունների իրականացման համար անհրաժեշտ ծախսերի կատարումը:
Հայաստանի Հանրապետության
վարչապետ Ն. Փաշինյան
2026 թ. ապրիլի
Երևան
Հավելված
ՀՀ կառավարության
2026 թվականի ապրիլի 2-ի
N 406-Ա որոշման
ՑԱՆԿ
ԵՐԵՎԱՆ ՔԱՂԱՔԻ ՆՈՐՔ-ՄԱՐԱՇ ՎԱՐՉԱԿԱՆ ՇՐՋԱՆԻ Է. ԻՍԱԲԵԿՅԱՆ ՓՈՂՈՑ 1/2 ՇԵՆՔ, 115 ՀԱՍՑԵԻ ՊՈՄՊԱԿԱՅԱՆԻ ԵՎ ՊՈՄՊԱԿԱՅԱՆԻ ՍԱՐՔԱՎՈՐՈՒՄՆԵՐԻ
._____________________________________________________________________.
|NN |Անվանումը |Չափի |Քանակը/ |Միավորի |Ընդհանուր |
|ը/կ| |միավորը|զբաղեցրած|արժեքը |շուկայական|
| | | |մակերեսը |(ՀՀ դրամ)|արժեքը (ՀՀ|
| | | | | |դրամ) |
|___|__________________________|_______|_________|_________|__________|
|1. |Ջրի զտիչ RASTELLI Y 1» |հատ | 3 | 10000 | 30000|
| |զ 412040 MADE IN ITALY | | | | |
|___|__________________________|_______|_________|_________|__________|
|2. |Ջրի փական գնդիկավոր |հատ | 6 | 29000 | 174000|
| |ամերիկանկայով GENERAL | | | | |
| |FITTINGS 1» 1/2 | | | | |
| |7100L5N141401A MADE IN | | | | |
| |ITALY | | | | |
|___|__________________________|_______|_________|_________|__________|
|3. |Չ/Ժ Մ հետադարձ փական DN 40|հատ | 3 | 10000| 30000|
|___|__________________________|_______|_________|_________|__________|
|4. |Ընդարձակման Մեմբրանային |հատ | 1 | 155000| 155000|
| |Բաքեր TANK AQUASYSTEM | | | | |
| |VB100 100-16bar | | | | |
|___|__________________________|_______|_________|_________|__________|
|5. |Ճնշման էլեկտրական կարգավո-|հատ | 1 | 16050| 16050|
| |րիչ (հոսքի դաչիկ) INTOP | | | | |
| |WPC-10 զ կապույտ | | | | |
|___|__________________________|_______|_________|_________|__________|
|6. |Պոմպ ջրի բազմաստիճան հաճա-|հատ | 3 | 2400000| 7200000|
| |խականության կարգավորիչով | | | | |
| |LOWARA 10SVH11F040T/4 MADE| | | | |
| |IN ITALY 102833351 | | | | |
|___|__________________________|_______|_________|_________|__________|
|7. |Դրենաժային պոմպ |հատ | 1 | 65520| 65520|
|___|__________________________|_______|_________|_________|__________|
|8. |Սողնակային փական D 80 մմ |հատ | 2 | 30000| 60000|
|___|__________________________|_______|_________|_________|__________|
|9. |Պոմպակայանի տարածք` Նորք- |քառ. մ | 18.3 | 311475| 5700000|
| |Մարաշ, Է. Իսաբեկյան փողոց | | | | |
| |1/2 շենք, 115 | | | | |
|___|__________________________|_______|_________|_________|__________|
|10.|Նորք-Մարաշ, Է. Իսաբեկյան |մ | 2 | 1100| 2200|
| |փողոց 1/2 շենք, 115 հասցեի| | | | |
| |ջրագիծ, D=90 մմ, L=2 մ | | | | |
|___|__________________________|_______|_________|_________|__________|
|11.|Նորք-Մարաշ, Է. Իսաբեկյան |հատ | 2 | 118920| 237840|
| |փողոց 1/2 շենք, 115 հասցեի| | | | |
| |ջրագծի Ե/Բ դիտահոր | | | | |
| |D=1500 մմ, D=63 մմ թուջե | | | | |
| |մտոցով | | | | |
|___|__________________________|_______|_________|_________|__________|
|12.|Նորք-Մարաշ, Է. Իսաբեկյան |մ | 9.19 | 2500| 22975|
| |փողոց 1/2 շենք, 115 հասցեի| | | | |
| |ծալքավոր կոյուղագիծ | | | | |
| |D=200 մմ, L=9.19 մ | | | | |
|___|__________________________|_______|_________|_________|__________|
|13.|Նորք-Մարաշ, Է. Իսաբեկյան |հատ | 2 | 104000| 208000|
| |փողոց 1/2 շենք, 115 հասցեի| | | | |
| |կոյուղու Ե/Բ դիտահոր | | | | |
| |D=1000 մմ, D=53 մմ թուջե | | | | |
| |մտոցով | | | | |
|__________________________________________________________|__________|
| Ընդամենը | 13901585|
._____________________________________________________________________.