(ուժը կորցրել է 14.12.2022 թվականից` 01.06.2022 թիվ 10-Ն հրաման)
i
320.0177.101110
ԳՐԱՆՑՎԱԾ Է
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ԱՐԴԱՐԱԴԱՏՈՒԹՅԱՆ ՆԱԽԱՐԱՐՈՒԹՅԱՆ ԿՈՂՄԻՑ
«10» 11 2010 Թ.
ՊԵՏԱԿԱՆ ԳՐԱՆՑՄԱՆ ԹԻՎ 32010409
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆՆ ԱՌԸՆԹԵՐ ՔԱՂԱՔԱՑԻԱԿԱՆ ԱՎԻԱՑԻԱՅԻ ԳԼԽԱՎՈՐ ՎԱՐՉՈՒԹՅԱՆ ՊԵՏ ՀՐԱՄԱՆ
20 հոկտեմբերի 2010 թվականի N 177-Ն
ԵՎՐՈՊԱԿԱՆ ԱՎԻԱՑԻԱՅԻ ԱՆՎՏԱՆԳՈՒԹՅԱՆ ԳՈՐԾԱԿԱԼՈՒԹՅԱՆ «ԹՌԻՉՔԱՅԻՆ ՊԻՏԱՆԻՈՒԹՅԱՆ ՊԱՀՊԱՆՈՒՄ» ՓԱՐՏ-Մ-Ի ՄԱՍԻՆ
Համաձայն «Իրավական ակտերի մասին» Հայաստանի Հանրապետության օրենքի 36-րդ հոդվածի 1.1 մասի և Հայաստանի Հանրապետության կառավարության 19.11.2009թ. N 1318-Ա որոշման.
ՀՐԱՄԱՅՈՒՄ ԵՄ`
1. Ընդունել և անգլերեն լեզվով կիրառել Եվրոպական ավիացիայի անվտանգության գործակալության (EASA) «Թռիչքային պիտանիության պահպանում» ՓԱՐՏ-Մ (PART-M) կանոնակարգը` համաձայն հավելվածի:
2. Սույն հրամանն ուժի մեջ մտնելու պահից օդանավ շահագործող կազմակերպություններին մինչև 2011 թվականի մարտի 1-ը համապատասխան օդանավ շահագործողի վկայական և ավիափոխադրողի մասնագիր է տրվում Հայաստանի Հանրապետության կառավարությանն առընթեր քաղաքացիական ավիացիայի գլխավոր վարչության պետի 2009 թվականի հուլիսի 29-ի «Օդանավ շահագործողի վկայականի և ավիափոխադրողի մասնագրի տրման նկատմամբ պահանջների և դրանց տալու կարգ հաստատելու և Հայաստանի Հանրապետության կառավարությանն առընթեր քաղաքացիական ավիացիայի գլխավոր վարչության պետի 2003 թվականի հունվարի 10-ի հրամանը ուժը կորցրած ճանաչելու մասին» N 108-Ն հրամանով հաստատված «Օդանավ շահագործողի վկայականի և ավիափոխադրողի մասնագրի տրման նկատմամբ պահանջների և դրանց տալու կարգ»-ին համապատասխան, դրա մեջ հայտատուի ցանկությամբ ներառելով «Թռիչքային պիտանիության պահպանում» ՓԱՐՏ-Մ (PATR-M) կանոնակարգի դրույթներին համապատասխան փաստաթղթեր:
3. 2011 թվականի մարտի 1-ից Հայաստանի Հանրապետության կառավարությանն առընթեր քաղաքացիական ավիացիայի գլխավոր վարչության պետի 2009 թվականի հուլիսի 29-ի «Օդանավ շահագործողի վկայականի և ավիափոխադրողի մասնագրի տրման նկատմամբ պահանջների և դրանց տալու կարգ հաստատելու և Հայաստանի Հանրապետության կառավարությանն առընթեր քաղաքացիական ավիացիայի գլխավոր վարչության պետի 2003 թվականի հունվարի 10-ի հրամանը ուժը կորցրած ճանաչելու մասին» N 108-Ն հրամանով հաստատված «Օդանավ շահագործողի վկայականի և ավիափոխադրողի մասնագրի տրման նկատմամբ պահանջների և դրանց տալու կարգ»-ին համապատասխան օդանավ շահագործողի վկայական և ավիափոխադրողի մասնագիր ստանալու, կամ դրանց ժամկետները երկարացնելու հայտ ներկայացնող կազմակերպությունները պետք է ներկայացնեն միաժամանակ «Թռիչքային պիտանիության պահպանում» ՓԱՐՏ-Մ (PATR-M) կանոնակարգի դրույթներին համապատասխան փաստաթղթեր:
4. Սույն հրամանն ուժի մեջ է պաշտոնական հրապարակման օրվան հաջորդող տասներորդ օրը:
______________________________
ԻՐՏԵԿ - հավելվածը չի բերվում
i
(հավելվածը փոփ. 10.04.17 թիվ 103-Ն հրաման, որը չի բերվում)