040.0236.120500
«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ
«12» մայիսի 2000 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
12 մայիսի 2000 թվականի N 236
i
«ՏՐԱՆԶԻՍՏՈՐ» ՊԵՏԱԿԱՆ ՓԱԿ ԲԱԺՆԵՏԻՐԱԿԱՆ ԸՆԿԵՐՈՒԹՅԱՆ ԲԱԺՆԵՏՈՄՍԵՐԻ ՄԱՍՆԱՎՈՐԵՑՄԱՆ ՆԱԽԱՊԱՏՐԱՍՏԱԿԱՆ ԱՇԽԱՏԱՆՔՆԵՐԻ ՄԱՍԻՆ
«Պետական գույքի մասնավորեցման (սեփականաշնորհման) մասին» Հայաստանի Հանրապետության օրենքի 24 հոդվածին համապատասխան և «Տրանզիստոր» պետական փակ բաժնետիրական ընկերության բաժնետոմսերի մասնավորեցման նախապատրաստական աշխատանքներն իրականացնելու նպատակով Հայաստանի Հանրապետության կառավարությունը որոշում է.
1. «Տրանզիստոր» պետական փակ բաժնետիրական ընկերության բաժնետոմսերի մասնավորեցման նախապատրաստական աշխատանքներն իրականացնելու նպատակով ստեղծել հանձնաժողով և հաստատել դրա կազմը (կցվում է):
2. Հանձնաժողովին`
i
ա) քառամսյա ժամկետում Հայաստանի Հանրապետության կառավարություն ներկայացնել «Տրանզիստոր» պետական փակ բաժնետիրական ընկերության բաժնետոմսերի մասնավորեցման վերաբերյալ առաջարկություններ` հիմք ընդունելով հետևյալ մասնավորեցման ձևերից մեկը`
պետական գույքի մասնավորեցում` մրցույթային եղանակով` մասնավորեցման ենթակա բաժնետոմսերի փաթեթի նվազագույն գինը սահմանելով մասնավորեցման ենթակա բաժնետոմսերի արժեքի 25 տոկոսի չափով,
պետական գույքի նկատմամբ պետությանը պատկանող օգտագործման իրավունքի փոխանցում,
Հայաստանի Հանրապետության օրենսդրությամբ սահմանված այլ ձևեր.
(2-րդ կետի ա ենթակետը փոփ. 17.08.00 թիվ 494 որոշում)
բ) մեկամսյա ժամկետում մամուլում և զանգվածային լրատվության մյուս միջոցներով հրապարակել ընդհանուր տեղեկություններ ընկերության և դրա մասնավորեցման նախապատրաստական աշխատանքների վերաբերյալ.
գ) նշված գործընթացը հստակեցնելու նպատակով ուղղակի բանակցություններ վարել հնարավոր ներդրողների հետ.
դ) ընկերության ֆինանսատնտեսական գործունեության աուդիտի անհրաժեշտության դեպքում նշված աշխատանքներում ներգրավել Հայաստանի Հանրապետության և օտարերկրյա մասնագիտացված կազմակերպություններ:
3. Սույն որոշումն ուժի մեջ է մտնում 2000 թվականի մայիսի 12-ից:
Հաստատված է
ՀՀ կառավարության 2000 թ.
մայիսի 12-ի N 236 որոշմամբ
ԿԱԶՄ
i
«Տրանզիստոր» պետական փակ բաժնետիրական ընկերության
բաժնետոմսերի մասնավորեցման նախապատրաստական
աշխատանքներն իրականացնող հանձնաժողովի
Դ. Վարդանյան - ՀՀ պետական գույքի կառավարման նախարար (հանձնաժողովի
նախագահ)
Մ. Միքայելյան - ՀՀ ֆինանսների նախարարի առաջին տեղակալ
Ա. Շահնազարյան - ՀՀ արդյունաբերության և առևտրի նախարարի առաջին
տեղակալ
Կ. Ադոնց - ՀՀ արտադրական ենթակառուցվածքների գործունեությունը
համակարգող նախարարի տեղակալ
Հ. Մարգարյան - ՀՀ արդյունաբերության և առևտրի նախարարության
մասնավորեցման վարչության պետ
Վ. Առաքելյան - ՀՀ սեփականաշնորհման նախարարության մրցույթների
կազմակերպման բաժնի պետ
Հ. Դավթյան - ՀՀ ֆինանսների և էկոնոմիկայի նախարարության
իրավաբանական գլխավոր վարչության պետ
(կազմը փոփ. 26.08.00 թիվ 516 որոշում)