(ուժը կորցրել է 17.07.00 թիվ 186 որոշում)
i
050.0119.190799
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԵՆՏՐՈՆԱԿԱՆ ԲԱՆԿԻ ԽՈՐՀՈՒՐԴ
ՈՐՈՇՈՒՄ
19 հուլիսի 1999 թվականի թիվ 119
i
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՏԱՐԱԾՔՈՒՄ ԳՈՐԾՈՂ ԲԱՆԿԵՐԻ ՀԱՇՎԱՊԱՀԱԿԱՆ ՀԱՇՎԱՌՄԱՆ ՀԱՇԻՎՆԵՐԻ ՊԼԱՆՈՒՄ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ
Հիմք ընդունելով «Բանկերի և բանկային գործունեության մասին» Հայաստանի Հանրապետության օրենքի 50-րդ հոդվածը և «Հաշվապահական հաշվառման մասին» Հայաստանի Հանրապետության օրենքի 4-րդ հոդվածը, ղեկավարվելով «Հայաստանի Հանրապետության կենտրոնական բանկի մասին» Հայաստանի Հանրապետության օրենքի 20-րդ հոդվածի դրույթներով, ելնելով Հայաստանի Հանրապետության կենտրոնական բանկի և Հայաստանի Հանրապետության ֆինանսների և էկոնոմիկայի նախարարության կողմից համատեղ հաստատված «Հայաստանի Հանրապետության տարածքում գործող բանկերի վարկերի ու դեբիտորական պարտքերի դասակարգման և հնարավոր կորուստների պահուստների ձևավորման կարգի» կիրառման նպատակներից` Հայաստանի Հանրապետության կենտրոնական բանկի խորհուրդը որոշում է.
1. Հաստատել Հայաստանի Հանրապետության տարածքում գործող բանկերի հաշվապահական հաշվառման հաշիվների պլանի փոփոխությունները և լրացումները (կցվում է):
2. Հանձնարարել Հայաստանի Հանրապետության կենտրոնական բանկի հաշվապահական հաշվառման վարչությանը` սույն որոշումն ուժի մեջ մտնելու պահից եռօրյա ժամկետում սույն որոշմամբ հաստատված փոփոխություններն ու լրացումները ներկայացնել Հայաստանի Հանրապետության ֆինանսների նախարարության համաձայնեցմանը:
3. Սույն որոշումն ուժի մեջ է մտնում ընդունման պահից:
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՏԱՐԱԾՔՈՒՄ ԳՈՐԾՈՂ ԲԱՆԿԵՐԻ ՀԱՇՎԱՊԱՀԱԿԱՆ ՀԱՇՎԱՌՄԱՆ ՀԱՇԻՎՆԵՐԻ ՊԼԱՆԻ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ
i
1.1. 1471 «Վարկերի հնարավոր կորուստների ծածկման պահուստ» հաշիվը վերանվանել 1471 «Վարկերի ու դեբիտորական պարտքերի ընդհանուր պահուստ»:
1.2. 1472 «Դեբիտորական պարտքերի հնարավոր կորուստների ծածկման պահուստ» հաշիվը վերանվանել 1472 «Վարկերի ու դեբիտորական պարտքերի հատուկ պահուստ»:
i
1.3. «Հաշվարկված (ստացվելիք) տոկոսներ» 15 կարգը լրացնել նոր` 158 «Չճանաչված տոկոսային եկամուտ» բաժնով և 1581 «Չճանաչված տոկոսային եկամուտ» հաշվով:
i
1.4. 6211 «Ծախսերով դուրս գրված վարկերի վերականգնում» հաշիվը վերանվանել 6211 «Ծախսերով դուրս գրված վարկերի ու դեբիտորական պարտքերի վերականգնում»:
i
1.5. ՈՒժը կորցրած ճանաչել 6213 «Ծախսերով դուրս գրված այլ ստացվելիք գումարների վերականգնում» և 6214 «Ծախսերով դուրս գրված դեբիտորական պարտքերի վերականգնում» հաշիվները:
i
1.6. 7211 «Հատկացումներ վարկերի հնարավոր կորուստների ծածկման պահուստին» հաշիվը վերանվանել 7211 «Հատկացումներ վարկերի ու դեբիտորական պարտքերի ընդհանուր պահուստին»:
i
1.7. 7213 «Ստացվելիք գումարների դուրսգրումներ, որոնց համար նախատեսված չեն պահուստներ» հաշիվը վերանվանել 7213 «Հատկացումներ վարկերի ու դեբիտորական պարտքերի հատուկ պահուստին»:
i
1.8. ՈՒժը կորցրած ճանաչել 7214 «Հատկացումներ դեբիտորական պարտքերի հնարավոր կորուստների ծածկման պահուստին» հաշիվը: