040.0871.251200
«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ
«25» դեկտեմբերի 2000 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
25 դեկտեմբերի 2000 թվականի N 871
i
«ԿՈՒՐՈՐՏԱԲԱՆՈՒԹՅԱՆ ԵՎ ՖԻԶԻԿԱԿԱՆ ԲԺՇԿՈՒԹՅԱՆ ԳՀԻ» ՊԵՏԱԿԱՆ ՓԱԿ ԲԱԺՆԵՏԻՐԱԿԱՆ ԸՆԿԵՐՈՒԹՅԱՆ ԲԱԺՆԵՏՈՄՍԵՐԻ ՄԱՍՆԱՎՈՐԵՑՄԱՆ ՆԱԽԱՊԱՏՐԱՍՏԱԿԱՆ ԱՇԽԱՏԱՆՔՆԵՐՆ ԻՐԱԿԱՆԱՑՆԵԼՈՒ ՄԱՍԻՆ
«Պետական գույքի մասնավորեցման (սեփականաշնորհման) մասին» Հայաստանի Հանրապետության օրենքի 24 հոդվածին և Հայաստանի Հանրապետության կառավարության 1999 թվականի դեկտեմբերի 13-ի «Պետական գույքի մասնավորեցման նախապատրաստական աշխատանքների արդյունավետության բարձրացման միջոցառումների մասին» N 747 որոշման 9-րդ կետի «ա» ենթակետին համապատասխան, ինչպես նաև «Կուրորտաբանության և ֆիզիկական բժշկության ԳՀԻ» պետական փակ բաժնետիրական ընկերության բաժնետոմսերի մասնավորեցման նախապատրաստական աշխատանքներն իրականացնելու նպատակով Հայաստանի Հանրապետության կառավարությունը որոշում է.
1. «Կուրորտաբանության և ֆիզիկական բժշկության ԳՀԻ» պետական փակ բաժնետիրական ընկերության բաժնետոմսերի մասնավորեցման նախապատրաստական աշխատանքներն իրականացնելու նպատակով ստեղծել հանձնաժողով և հաստատել դրա կազմը (կցվում է):
2. Հանձնաժողովին`
i
ա) ընկերության ֆինանսատնտեսական գործունեության աուդիտի անհրաժեշտության դեպքում այդ աշխատանքներում ներգրավել մասնագիտացված, խորհրդատվական ծառայություններ մատուցող կազմակերպություններ.
բ) 4-ամսյա ժամկետում Հայաստանի Հանրապետության կառավարություն ներկայացնել առաջարկություն «Կուրորտաբանության և ֆիզիկական բժշկության ԳՀԻ» պետական փակ բաժնետիրական ընկերության բաժնետոմսերի մասնավորեցման վերաբերյալ:
(2-րդ կետը փոփ. 14.03.01 թիվ 194 որոշում)
3. Սույն որոշումն ուժի մեջ է մտնում 2000 թվականի դեկտեմբերի 25-ից:
Հաստատված է
ՀՀ կառավարության 2000 թվականի
դեկտեմբերի 25-ի N 871 որոշմամբ
ԿԱԶՄ
i
«Կուրորտաբանության և ֆիզիկական բժշկության ԳՀԻ» պետական
փակ բաժնետիրական ընկերության բաժնետոմսերի մասնավորեցման
նախապատրաստական աշխատանքներն իրականացնող հանձնաժողովի
Դ. Վարդանյան - ՀՀ պետական գույքի կառավարման նախարար
(նախագահ)
Ա. Մարկոսյան - ՀՀ պետական գույքի կառավարման նախարարի
առաջին տեղակալ
Լ. Յոլյան - ՀՀ առողջապահության նախարարի տեղակալ
Ժ. Ասատրյան - ՀՀ ֆինանսների և էկոնոմիկայի
նախարարության սոցիալական ոլորտում
բյուջետային ծախսերի ֆինանսական
ծրագրավորման վարչության պետ
Ա. Օհանյան - ՀՀ պետական գույքի կառավարման
նախարարության մասնավորեցման
նախապատրաստման բաժնի պետ
(կազմը փոփ. 12.04.01 թիվ 293 որոշում)