040.1575.270109
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
18 դեկտեմբերի 2008 թվականի N 1575-Ն
«ԳԱՌՆԻ-ԳԵՂԱՐԴ» ԶԲՈՍԱՇՐՋԱՅԻՆ ԵՐԹՈՒՂՈՒ ՀԵՏ ԿԱՊՎԱԾ ԽՆԴԻՐՆԵՐԻ ԼՈՒԾՄԱՆ ՄԻՋՈՑԱՌՈՒՄՆԵՐԻ ՄԱՍԻՆ
«Զբոսաշրջության և զբոսաշրջային գործունեության մասին» Հայաստանի Հանրապետության օրենքի 4-րդ հոդվածի 1-ին և 2-րդ կետերին, 5-րդ հոդվածի 1-ին մասի 2-րդ և 3-րդ մասի 5-րդ կետերին ու 7-րդ հոդվածի 2-րդ մասի 9-րդ կետին, «Ավտոմոբիլային ճանապարհների մասին» Հայաստանի Հանրապետության օրենքի 4-րդ հոդվածին և 15-րդ հոդվածի 1-ին մասին, «Պատմության և մշակույթի անշարժ հուշարձանների և պատմական միջավայրի պահպանության և օգտագործման մասին» Հայաստանի Հանրապետության օրենքի 2-րդ գլխին և «Բնության հատուկ պահպանվող տարածքների մասին» Հայաստանի Հանրապետության օրենքի 2-րդ գլխին, Հայաստանի Հանրապետության կառավարության 2017 թվականի մայիսի 4-ի N 526-Ն որոշմամբ հաստատված` գնումների գործընթացի կազմակերպման կարգի (այսուհետ` կարգ) 23-րդ կետի 5-րդ ենթակետի «բ» պարբերության համապատասխան` Հայաստանի Հանրապետության կառավարությունը որոշում է.
1. Հաստատել «Գառնի-Գեղարդ» զբոսաշրջային երթուղու բարեկարգման միջոցառումների ցանկը` համաձայն հավելվածի:
2. Սահմանել, որ սույն որոշման հավելվածով նախատեսված միջոցառումները, բացառությամբ սույն որոշման հավելվածի 4-րդ կետով նախատեսված միջոցառումների, իրականացվում են համապատասխան պատասխանատու մարմիններին` իրենց գործունեության իրականացման համար Հայաստանի Հանրապետության պետական բյուջեից հատկացված միջոցների հաշվին:
2.1. Սահմանել, որ սույն որոշման հավելվածի 1-ին կետով նախատեսված աշխատանքները յուրաքանչյուր տարի իրականացվում են Աբովյանի տարածաշրջանի ընթացիկ ամառային և ընթացիկ ձմեռային պահպանման աշխատանքներն իրականացնող կապալառու կազմակերպության կողմից:
(2.1-ին կետը լրաց. 29.04.2021 թիվ 656-Ն որոշում)
3. Հայաստանի Հանրապետության ֆինանսների նախարարին` մեկամսյա ժամկետում Հայաստանի Հանրապետության կառավարություն ներկայացնել առաջարկություն սույն որոշման հավելվածի 4-րդ կետով նախատեսված միջոցառումն իրականացնելու նպատակով Հայաստանի Հանրապետության 2009 թվականի պետական բյուջեով նախատեսված Հայաստանի Հանրապետության կառավարության պահուստային ֆոնդից Հայաստանի Հանրապետության Կոտայքի մարզպետարանին 29000.0 հազ. դրամ հատկացնելու վերաբերյալ:
4. Սույն որոշման հավելվածով նախատեսված միջոցառումների իրականացման համար պատասխանատու մարմիններին` համապատասխան միջոցառման համար սահմանված ժամկետի ավարտից հետո տասնօրյա ժամկետում Հայաստանի Հանրապետության էկոնոմիկայի նախարարին ներկայացնել միջոցառման կատարման մասին տեղեկատվություն:
5. Հայաստանի Հանրապետության տրանսպորտի և կապի նախարարին` մեկշաբաթյա ժամկետում Հայաստանի Հանրապետության կառավարություն ներկայացնել առաջարկություն Երևանի Նոր Նորք թաղային համայնքի սահմանից սկսած` Ջրվեժի գյուղական համայնքի տարածքով անցնող ավտոճանապարհի առաջին կիլոմետրի սպասարկումն ապահովելու վերաբերյալ:
5.1. Թույլատրել Հայաստանի Հանրապետության տարածքային կառավարման և ենթակառուցվածքների նախարարությանը Հ3, Երևան-Գառնի-Գեղարդ ավտոմոբիլային ճանապարհի սողանքային կմ15+000-կմ16+800 հատվածի անցանելիության ապահովման ամենամյա աշխատանքները յուրաքանչյուր տարի մեկ անձից գնման ընթացակարգով ձեռք բերել Աբովյանի տարածաշրջանի ընթացիկ ամառային և ընթացիկ ձմեռային պահպանման աշխատանքներն իրականացնող կապալառու կազմակերպությունից` չկիրառելով կարգի 21-րդ կետի 1-ին ենթակետի «դ» պարբերության, 71-րդ կետի 1-ին ենթակետի «ա», «բ», «գ», «դ» պարբերությունների և Հայաստանի Հանրապետության կառավարության 2017 թվականի ապրիլի 6-ի N 386-Ն որոշման 2-րդ կետի 1-ին ենթակետի պահանջները:
(5.1-ին կետը լրաց. 29.04.2021 թիվ 656-Ն որոշում)
6. Հայաստանի Հանրապետության էկոնոմիկայի նախարարին`
1) սույն որոշման 4-րդ կետով նախատեսված տեղեկատվությունն ստանալուց հետո տասնհինգօրյա ժամկետում Հայաստանի Հանրապետության կառավարություն ներկայացնել իրականացված միջոցառումների մասին ամփոփ հաշվետվություն.
2) Երևան-Գառնի-Գեղարդ զբոսաշրջային երթուղու հետ կապված և համապատասխան տեղական ինքնակառավարման մարմինների իրավասությանը վերաբերող խնդիրների հայտնաբերման դեպքում այդ մարմիններ ներկայացնել նշված խնդիրների լուծման վերաբերյալ առաջարկություններ, իսկ Հայաստանի Հանրապետության կառավարություն` կատարված աշխատանքների մասին հաշվետվություն:
(նախաբանը փոփ. 29.04.2021 թիվ 656-Ն որոշում)
ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ
2009 ԹՎԱԿԱՆԻ ՀՈՒՆՎԱՐԻ 27-ԻՆ
Հավելված
ՀՀ կառավարության
2008 թվականի դեկտեմբերի 18-ի
N 1575-Ն որոշման
ՑԱՆԿ
«ԳԱՌՆԻ-ԳԵՂԱՐԴ» ԶԲՈՍԱՇՐՋԱՅԻՆ ԵՐԹՈՒՂՈՒ ՀԵՏ ԿԱՊՎԱԾ ԽՆԴԻՐՆԵՐԻ ԼՈՒԾՄԱՆ ՄԻՋՈՑԱՌՈՒՄՆԵՐԻ
._________________________________________________________________________.
|NN |Միջոցառումը |Կատարողը |Ժամկետը |Ֆինանսավորման|
|ը/կ| |(պատասխանատուն)| |աղբյուրը |
|___|_____________________________|_______________|_________|_____________|
| 1 | 2 | 3 | 4 | 5 |
|___|_____________________________|_______________|_________|_____________|
|1. |Հ3, Երևան-Գառնի-Գեղարդ |ՀՀ տարածքային |Յուրա- |ՀՀ պետական |
| |ավտոմոբիլային ճանապարհի |կառավարման և |քանչյուր |բյուջե |
| |սողանքային կմ15+000-կմ16+800 |ենթակառուց- |տարի | |
| |հատվածի անցանելիության |վածքների |ապրիլի | |
| |ապահովման ամենամյա |նախարարություն |1-ից | |
| |աշխատանքների իրականացում | |մինչև | |
| | | |նոյեմբերի| |
| | | |16-ը | |
|___|_____________________________|_______________|_________|_____________|
|2. |Երևան-Գառնի-Գեղարդ |ՀՀ տրանսպորտի |պարբերա- |ՀՀ պետական |
| |ավտոճանապարհի աղբահանություն |և կապի |բար |բյուջե |
| | |նախարարություն | | |
| | |Երևանի | | |
| | |քաղաքապետարան | | |
|___|_____________________________|_______________|_________|_____________|
|3. |Երևան քաղաքի վարչական |Երևանի |2008 թ. | |
| |սահմաններում գտնվող Երևան - |քաղաքապետարան |դեկտեմբե-| |
| |Ջրվեժ ավտոճանապարհին հարակից`|ՀՀ Կոտայքի |րի 31 | |
| |մանր եղջերավոր անասունների |մարզպետարան | | |
| |վաճառակետերի տեղափոխում այլ` | | | |
| |սահմանված պահանջներին | | | |
| |համապատասխանող վայրեր | | | |
|___|_____________________________|_______________|_________|_____________|
|4. |Համայնքներում կանոնավոր |ՀՀ Կոտայքի |2009 թ. |ՀՀ պետական |
| |աղբահանության կազմակերպման |մարզպետարան |ապրիլի 1 |բյուջե |
| |նպատակով` | | | |
| |1) մեկ մաքրման և | | | |
| |աղբահեռացման կազմտեխնիկայի | | | |
| |ձեռքբերում և նվիրատվություն | | | |
| |Գողթի գյուղական համայնքին` | | | |
| |Գողթի գյուղական համայնքի և | | | |
| |«Գառնի-Գեղարդ» զբոսաշրջային | | | |
| |երթուղում ընդգրկված մյուս | | | |
| |համայնքների միջև կանոնավոր | | | |
| |աղբահանության ապահովման | | | |
| |մասին պայմանագրի առկայության | | | |
| |դեպքում. | | | |
| |2) 200 մեծ և 150 փոքր | | | |
| |աղբամանների ձեռքբերում և | | | |
| |նվիրատվություն | | | |
| |Գառնի-Գեղարդ զբոսաշրջային | | | |
| |երթուղում ընդգրկված | | | |
| |համայնքներին | | | |
|___|_____________________________|_______________|_________|_____________|
| 5.|Երևան-Գառնի-Գեղարդ երթուղու |ՀՀ մշակույթի |2009 թ. | |
| |ավտոճանապարհի վրա գտնվող |նախարարություն |փետրվարի | |
| |ավանդական ուտեստների, | |1 | |
| |հուշանվերների և | | | |
| |արհեստագործական արտադրանքի | | | |
| |վաճառակետերի համար միասնական | | | |
| |նախագծերի ու նախահաշվի | | | |
| |մշակում և տրամադրում | | | |
| |համապատասխան տեղական | | | |
| |ինքնակառավարման մարմիններին` | | | |
| |նախագիծը համաձայնեցնելով ՀՀ | | | |
| |վարչապետի 2008 թվականի | | | |
| |նոյեմբերի 27-ի N 970-Ա | | | |
| |որոշմամբ ստեղծված | | | |
| |աշխատանքային խմբի հետ | | | |
| |(այսուհետ` աշխատանքային | | | |
| |խումբ) | | | |
|___|_____________________________|_______________|_________|_____________|
|6. |Ողջաբերդ գյուղում գտնվող |ՀՀ Կոտայքի |2009 թ. |ՀՀ պետական |
| |կիսաքանդ շինության |մարզպետարան |մարտի 1 |բյուջե |
| |ապամոնտաժում |ՀՀ քաղաքաշինու-| | |
| | |թյան | | |
| | |նախարարություն | | |
|___|_____________________________|_______________|_________|_____________|
|7. |«Խոսրովի անտառ» պետական |ՀՀ |2009 թ. | |
| |արգելոցի կառավարման պլանի |բնապահպանության|ապրիլի 1 | |
| |մշակում (հստակեցնելով |նախարարություն | | |
| |զբոսաշրջիկների համար | | | |
| |նախատեսված երթուղիներն ու | | | |
| |կածանները) և այն ՀՀ | | | |
| |կառավարություն ներկայացնելը | | | |
|___|_____________________________|_______________|_________|_____________|
|8. |«Ջրվեժ» անտառ-պարկի տարածքում|ՀՀ |2009 թ. |ՀՀ պետական |
| |գտնվող գերեզմանատան` փողոցից |բնապահպանության|ապրիլի 1 |բյուջե |
| |անջատող պատի կառուցում, |նախարարություն | | |
| |տարածքի բարեկարգում և | | | |
| |աղբահեռացում | | | |
|___|_____________________________|_______________|_________|_____________|
|9. |Երևան-Գառնի-Գեղարդ |ՀՀ |2009 թ. |ՀՀ պետական |
| |զբոսաշրջային երթուղով անցնող |էներգետիկայի և |ապրիլի 1 |բյուջե |
| |գազամատակարարման խողովակների |բնական | | |
| |ներկում |պաշարների | | |
| | |նախարարություն | | |
|___|_____________________________|_______________|_________|_____________|
|10.|Երևան-Գառնի-Գեղարդ |ՀՀ տրանսպորտի |2009 թ. |ՀՀ պետական |
| |ավտոճանապարհի անբարեկարգ |և կապի |ապրիլի 1 |բյուջե |
| |հատվածների նորոգում |նախարարություն | | |
| | |Երևանի | | |
| | |քաղաքապետարան | | |
|___|_____________________________|_______________|_________|_____________|
|11.|Գառնիի գյուղական համայնքում, |ՀՀ տրանսպորտի |2009 թ. |ՀՀ պետական |
| |մայրուղու և դեպի Գառնիի |և կապի |ապրիլի 1 |բյուջե |
| |տաճար տանող ճանապարհի |նախարարություն | | |
| |խաչմերուկի կահավորում` | | | |
| |լուսացույցներով, և | | | |
| |նվիրատվություն Գառնիի | | | |
| |գյուղական համայնքին | | | |
|___|_____________________________|_______________|_________|_____________|
|12.|Չարենցի կամարի շրջակա տարածքի|ՀՀ մշակույթի |2009 թ. |ՀՀ պետական |
| |կազմակերպում` նախագիծը |նախարարություն |մայիսի 1 |բյուջե |
| |համաձայնեցնելով աշխատանքային | | | |
| |խմբի հետ | | | |
|___|_____________________________|_______________|_________|_____________|
|13.|Գառնիի ամրոցի մուտքի հարթակի |ՀՀ մշակույթի |2009 թ. |ՀՀ պետական |
| |կազմակերպում` նախագիծը |նախարարություն |մայիսի 1 |բյուջե |
| |համաձայնեցնելով աշխատանքային | | | |
| |խմբի հետ | | | |
|___|_____________________________|_______________|_________|_____________|
|14.|Գեղարդի վանական համալիրի |ՀՀ մշակույթի |2009 թ. |ՀՀ պետական |
| |մուտքի հրապարակի |նախարարություն |փետրվարի |բյուջե |
| |կազմակերպման, գետին հարող | |1 | |
| |տարածքի փլուզման | | | |
| |վերականգնման, | | | |
| |ավտոկայանատեղիի և մայթի | | | |
| |կառուցման նախագծի ու | | | |
| |նախահաշվի մշակում և | | | |
| |տրամադրում Հայաստանյայց | | | |
| |առաքելական սուրբ եկեղեցուն` | | | |
| |նախագիծը համաձայնեցնելով | | | |
| |աշխատանքային խմբի հետ | | | |
|___|_____________________________|_______________|_________|_____________|
|15 |Գեղարդի վանական համալիրի |Հայաստանյայց |2009 թ. |Հայաստանյայց |
| |մուտքի հրապարակի |առաքելական |մայիսի 1 |առաքելական |
| |կազմակերպում, գետին հարող |սուրբ եկեղեցի | |սուրբ եկեղեցի|
| |տարածքի փլուզման |(համաձայնու- | |(համաձայնու- |
| |վերականգնում, |թյամբ) | |թյամբ) |
| |ավտոկայանատեղիի և մայթի | | | |
| |կառուցում` ՀՀ մշակույթի |ՀՀ տրանսպորտի | |ՀՀ պետական |
| |նախարարության կողմից |և կապի | |բյուջե |
| |ներկայացված նախագծին |նախարարություն | | |
| |համապատասխան | | | |
|___|_____________________________|_______________|_________|_____________|
|16.|Գեղարդը խորհրդանշող առյուծի |ՀՀ մշակույթի |2009 թ. |ՀՀ պետական |
| |քանդակի պատվանդանի ամրացում |նախարարություն |մայիսի 1 |բյուջե |
|___|_____________________________|_______________|_________|_____________|
|17.|Խորհրդային Միության |ՀՀ մշակույթի |2009 թ. |ՀՀ պետական |
| |կազմավորման 60-ամյակին |նախարարություն |մայիսի 1 |բյուջե |
| |նվիրված հուշարձանի | | | |
| |վերականգնում, շրջակա տարածքի | | | |
| |բարեկարգում | | | |
|___|_____________________________|_______________|_________|_____________|
|18.|Երևան-Գառնի-Գեղարդ |ՀՀ էկոնոմիկայի |2009 թ. |ՀՀ պետական |
| |զբոսաշրջային երթուղում |նախարարություն |1-ին |բյուջե |
| |զբոսաշրջային տեղեկատվական |«Զբոսաշրջության|կիսամյակ | |
| |կենտրոնի ստեղծում և |զարգացման | | |
| |գործարկում |հայկական գործա-| | |
| | |կալություն» | | |
| | |ՓԲԸ-ի միջոցով | | |
._________________________________________________________________________.
(հավելվախը փոփ. 29.04.2021 թիվ 656-Ն որոշում)