ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
19 մարտի 2020 թվականի N 336-Լ
i
ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ ՎԵՐԱԴԱՐՁՈՂ (ԱՅԴ ԹՎՈՒՄ` ՀԱՐԿԱԴԻՐ ՎԵՐԱԴԱՐՁՈՂ) ՔԱՂԱՔԱՑԻՆԵՐԻ ՎԵՐԱԻՆՏԵԳՐՄԱՆՆ ՈՒՂՂՎԱԾ ԱՌԱՋՆԱՅԻՆ ԱՋԱԿՑՈՒԹՅԱՆ ՊԵՏԱԿԱՆ ԾՐԱԳՐԻ ՄԱՍԻՆ
i
Հիմք ընդունելով Հայաստանի Հանրապետության Սահմանադրության 146-րդ հոդվածի 4-րդ մասը, «Հայաստանի Հանրապետության 2021 թվականի պետական բյուջեի մասին» Հայաստանի Հանրապետության օրենքի N 1 հավելվածի N 2 աղյուսակի «Աջակցություն փախստականների ինտեգրմանը» 1070 ծրագրի «Հայաստանի Հանրապետություն վերադարձող քաղաքացիների վերաինտեգրմանն ուղղված առաջնային աջակցության պետական ծրագիր» 12004 միջոցառումը, Հայաստանի Հանրապետության կառավարության 2018 թվականի հունիսի 8-ի N 667-Լ որոշման հավելվածի 2-րդ կետը, հաշվի առնելով Հայաստանի Հանրապետության կառավարության 2019 թվականի փետրվարի 8-ի N 65-Ա որոշմամբ հաստատված` Հայաստանի Հանրապետության կառավարության ծրագրի հավելվածի 6.7-րդ կետը և Հայաստանի Հանրապետության կառավարության 2017 թվականի օգոստոսի 31-ի նիստի N 37 արձանագրային որոշման հավելվածի 3-րդ կետի 1-ին ենթակետի «Գործողություն» բաժնի «դ» կետի «Միջոցառում» բաժնի 2-րդ կետը` Հայաստանի Հանրապետության կառավարությունը որոշում է.
1. Հաստատել «Հայաստանի Հանրապետություն վերադարձող (այդ թվում` հարկադիր վերադարձող) քաղաքացիների վերաինտեգրմանն ուղղված առաջնային աջակցության պետական ծրագիրը»` համաձայն N 1 հավելվածի:
2. Հաստատել «Հայաստանի Հանրապետություն վերադարձող քաղաքացիների կարիքների գնահատման հարցաթերթը»` համաձայն N 2 հավելվածի:
(նախաբանը փոփ. 06.05.2021 թիվ 706-Լ որոշում)
(վերնագիրը փոփ. 14.12.2023 թիվ 2190-Լ որոշում)
Հայաստանի Հանրապետության
վարչապետ Ն. Փաշինյան
2020 թ. մարտի 24
Երևան
Հավելված N 1
ՀՀ կառավարության
2020 թվականի մարտի 19-ի
N 336-Լ որոշման
ՀՀ ՎԵՐԱԴԱՐՁՈՂ (ԱՅԴ ԹՎՈՒՄ` ՀԱՐԿԱԴԻՐ ՎԵՐԱԴԱՐՁՈՂ) ՔԱՂԱՔԱՑԻՆԵՐԻ ՎԵՐԱԻՆՏԵԳՐՄԱՆՆ ՈՒՂՂՎԱԾ ԱՌԱՋՆԱՅԻՆ ԱՋԱԿՑՈՒԹՅԱՆ ՊԵՏԱԿԱՆ ԾՐԱԳԻՐ
I. ԾՐԱԳՐԻ ՆՊԱՏԱԿԸ
1. ՀՀ վերադարձող (այդ թվում` հարկադիր վերադարձող) քաղաքացիների վերաինտեգրմանն ուղղված առաջնային աջակցության պետական ծրագրի (այսուհետ` ծրագիր) նպատակն է առաջնային օժանդակություն ցուցաբերել Հայաստան վերադարձող (այդ թվում` հարկադիր վերադարձող) ՀՀ քաղաքացիներին` հետագայում նրանց լիարժեք և կայուն վերաինտեգրումը ապահովելու նպատակով:
i
2. Ծրագիրը բաղկացած է երկու բաղադրիչից` տեղեկատվական աջակցության տրամադրում և կարիքներին համապատասխան ուղղորդում, ինչպես նաև կացարանով ապահովում: Առաջին բաղադրիչը վերաբերում է հավասարապես հարկադիր և կամավոր վերադարձող ՀՀ քաղաքացիներին (այսուհետ` վերադարձող ՀՀ քաղաքացիներ), երկրորդ բաղադրիչը` հիմնականում հարկադիր, իսկ առանձին դեպքերում` նաև կամավոր վերադարձած ՀՀ քաղաքացիներին:
(2-րդ կետը փոփ. 06.05.2021 թիվ 706-Լ որոշում)
II. ԾՐԱԳՐԻ ԹԻՐԱԽԱՅԻՆ ԽՄԲԵՐԸ
i
3. Սույն ծրագրի երկրորդ բաղադրիչի հիմնական թիրախային խումբը հարկադիր վերադարձող ՀՀ քաղաքացիներն են, այդ թվում`
1) հետընդունման (ռեադմիսիոն) համաձայնագրերի շրջանակներում վերադարձողները.
2) օտարերկրյա պետություններից արտաքսված կամ վտարված ՀՀ քաղաքացիները:
(3-րդ կետը փոփ. 06.05.2021 թիվ 706-Լ որոշում)
i
3.1. Ծրագրի երկրորդ բաղադրիչի շահառու կարող են դառնալ առնվազն մեկ տարի արտերկրում բնակվելուց հետո ՀՀ հարկադիր, իսկ առանձին դեպքերում` նաև կամավոր վերադարձած այն քաղաքացիները, ովքեր վերադարձից հետո առավելագույնը երեք ամսվա ընթացքում դիմում են ծրագրին` աջակցություն ստանալու նպատակով, և Հայաստանի Հանրապետությունում չունեն սեփականության իրավունքով բնակելի տարածություն:
(3.1-ին կետը լրաց. 06.05.2021 թիվ 706-Լ որոշում)
i
4. Ծրագրի շրջանակներում երկրորդ բաղադրիչի համար աջակցություն ստանալու հարցում կարող են դիմել կամավոր վերադարձած այն ՀՀ քաղաքացիները, ովքեր կբավարարեն 3.1-ին կետում նշված պայմաններին և կհամապատասխանեն հետևյալ խոցելի խմբերից առնվազն մեկին`
1) բազմազավակ ընտանիք (4 և ավելի երեխաներ ունեցող).
2) հաշմանդամություն ունեցող անձինք:
(4-րդ կետը փոփ. 06.05.2021 թիվ 706-Լ որոշում)
5. Միևնույն պայմաններին բավարարելու դեպքում ծրագրի շրջանակներում աջակցություն ստանալու առաջնահերթությունը տրվելու է ըստ շահառուների` ծրագրին դիմելու հերթականության:
6. (6-րդ կետն ուժը կորցրել է 06.05.2021 թիվ 706-Լ որոշում)
i
III. ՎԵՐԱԴԱՐՁՈՂՆԵՐԻ ԿԱՐԻՔՆԵՐԸ ԵՎ ԴՐԱՆՑ ԼՈՒԾՄԱՆ ՈՒՂԻՆԵՐԸ
7. Հայաստան վերադարձող միգրանտների վերաինտեգրման գործընթացում առաջանում են մի շարք հիմնախնդիրներ` իրազեկման, զբաղվածության, բնակարանային, սոցիալ-տնտեսական ապահովության, հոգեբանական, կրթամշակութային և այլն:
8. Ծրագրի առաջնային խնդիրներից է վերոնշյալ հիմնախնդիրների շարքում առանձնացնել առաջին անհրաժեշտության և հրատապության կարիքների այն շրջանակը, որոնց առնչությամբ վերադարձողները կարող են ակնկալել պետության աջակցությունը, և որոնց լուծման ուղղությամբ պետությունը կարող է ձեռնարկել որոշակի քայլեր:
i
9. Նշված հիմնախնդիրների լուծման ուղղությամբ նախատեսվում է իրականացնել միջոցառումներ` հետևյալ հիմնական ուղղություններով`
1) Տեղեկատվական աջակցություն: Վերադարձածի համար առաջնահերթ խնդիրներից մեկն էլ տեղեկատվության պակասն է, որը լուրջ խոչընդոտ է ծագման երկրում նրանց վերահաստատման համար: Ելնելով վերոհիշյալից` կիրականացվեն հետևյալ միջոցառումները`
ա. վերադարձած միգրանտների` իրենց հիմնախնդիրների լուծման ուղղությամբ առկա մեխանիզմների վերաբերյալ իրազեկվածության աստիճանի բարձրացում հետևյալ ուղղություններով`
- Հայաստանի Հանրապետության օրենսդրական դաշտի, պետական կառավարման համապատասխան հիմնարկների ու վերադարձողների հիմնախնդիրների լուծմանն առնչվող այլ կազմակերպությունների գործունեություն,
- առողջապահական ծառայությունների, մասնավորապես` պետության կողմից երաշխավորված անվճար և արտոնյալ պայմաններով բժշկական օգնություն և սպասարկում իրականացնող կազմակերպությունների ցանկի և պետության կողմից երաշխավորված անվճար և արտոնյալ պայմաններով բժշկական օգնություն և սպասարկում ստանալու իրավունք ունեցող բնակչության սոցիալապես անապահով ու առանձին (հատուկ) խմբերում ընդգրկված անձանց բժշկական օգնության և սպասարկման կազմակերպման մեխանիզմներ,
- սոցիալական աջակցության ծրագրերի և դրանք իրականացնող մարմիններ,
- կենսաթոշակային ապահովության համակարգ,
- զինապարտության հետ կապված հարցեր,
- անձնական իրերի տեղափոխման մաքսազերծման արտոնություններ,
- փաստաթղթային խնդիրներ, մասնավորապես` անձնագրային և երկքաղաքացիության ձեռքբերման հետ կապված հարցեր և այլն:
2) Ժամանակավոր կացարանով ապահովում: Որոշ ընտանիքներ նախքան մեկնելը վաճառում են իրենց բնակարանները` ճանապարհածախսը և այլ կարիքներ հոգալու նպատակով, ուստի վերադառնալով նրանք առաջնահերթ ունենում են կացարանի խնդիր: Սա մեծագույն խնդիր է հատկապես հարկադիր վերադարձածների շրջանում, ավելի հազվադեպ, բայց խնդիրն առկա է նաև կամավոր վերադարձածների մոտ.
ա. հարկադիր վերադարձած ՀՀ քաղաքացիներին բնակարաններ վարձակալելու համար տրամադրվելու է սուբսիդիա: Սուբսիդավորումը` 60.000 դրամի(1) չափով և 6 ամիս տևողությամբ(2): Այդ նպատակով միգրացիայի բնագավառում լիազորված պետական կառավարման մարմնի կողմից տվյալ բյուջետային տարում իրականացվող ծախսային ծրագրերի ցանկում կներառվի «ՀՀ հարկադիր վերադարձած, իսկ առանձին դեպքերում նաև կամավոր վերադարձած անձանց համար վարձակալությամբ բնակարանների ձեռքբերման համար սուբսիդավորում» ծախսային ծրագիրը:
_____________________
1) Առաջարկի հիմքում ընկած է ՀՀ կառավարության 2016 թ. հուլիսի 21-ի նիստի N 28 արձանագրային որոշմամբ հաստատված «Հայաստանի Հանրապետությունում փախստական ճանաչված և ապաստան ստացած անձանց, ինչպես նաև երկարաժամկետ միգրանտների ինտեգրման քաղաքականության հայեցակարգում» սահմանված գումարի չափը, տես` էջ 35:
2) Նշված ժամանակահատվածն ընդունված չափանիշ է միջազգային դոնոր կազմակերպությունների կողմից իրականացվող ծրագրերում:
3) Առողջապահական խնդիրների լուծման նպատակով վերադարձողների ուղղորդում.
ա. առողջության հրատապ խնդիրներ ունեցող վերադարձողները, ըստ իրենց կարիքների, բանավոր տեղեկատվության տրամադրման միջոցով ուղղորդվելու են ԱԱՊ (առողջության առաջնային պահպանման) կազմակերպություններ:
4) Խնամքի տրամադրում: Կյանքի դժվարին իրավիճակում հայտնված անձին, սոցիալական կարիքին համապատասխան, բնակչության սոցիալական պաշտպանության հաստատություններում խնամք ստանալու նպատակով ուղղորդում`
ա. կկազմակերպվեն առանց ուղեկցության վերադարձած անչափահասներին և Հայաստանում առանց ծնողական խնամքի մնացած երեխաներին օդանավակայանում և սահմանի այլ անցման կետերում դիմավորելու, համապատասխան հաստատություններում նրանց հետագա խնամքը կազմակերպելու հարցերը,
բ. կկազմակերպվեն տարեց, ինչպես նաև հաշմանդամություն ունեցող անձանց համապատասխան խնամքի հաստատություններում նրանց հետագա խնամքը կազմակերպելու հարցերը:
(9-րդ կետը փոփ. 06.05.2021 թիվ 706-Լ, 14.12.2023 թիվ 2190-Լ որոշումներ)
IV. ԾՐԱԳՐԻ ՖԻՆԱՆՍԱԿԱՆ ԳՆԱՀԱՏԱԿԱՆԸ
10. Ծրագրի արժեքը կազմում է 13,680,000 դրամ, որը նախատեսվում է իրականացնել ՀՀ պետական բյուջեի գումարների հաշվին: Այն ներառում է միայն ժամանակավոր կացարանի տրամադրման համար անհրաժեշտ միջոցները, քանի որ նախատեսվող միջոցառումների մյուս տեսակների համար` տեղեկատվական աջակցություն, առողջապահական խնդիրների լուծում, խոցելի խմբերին համապատասխան հաստատություններում տեղավորում, լրացուցիչ ֆինանսական միջոցներ չեն պահանջվում, դրանք տրամադրվելու են առկա հատկացումների կամ ծրագրերի շրջանակներում:
11. Ժամանակավոր կացարանի տրամադրման իրականացման ֆինանսական գնահատականը ներառում է հետևյալը`
1) շահառուների ընտրություն` 0 դրամ.
2) ժամանակավոր կացարանի տրամադրման իրականացման ապահովում 38 ընտանիքների համար, որը կազմում է վերադարձողների շուրջ 10 %-ը, բնակարանների վարձակալության սուբսիդավորման տրամադրում` տարեկան 13 մլն 680 հազ. դրամ (38ճ60.000ճ6)` հաշվի առնելով, որ ՀՀ-ում տարեկան միջին հաշվով հարկադիր վերադառնում են շուրջ 300 անձինք:
V. ԾՐԱԳՐԻ ԻՐԱԿԱՆԱՑՈՒՄԸ
i
12. Ծրագրի իրականացման համար պատասխանատու է Հայաստանի Հանրապետության աշխատանքի և սոցիալական հարցերի նախարարության միասնական սոցիալական ծառայությունը (այսուհետ` ծառայություն):
(12-րդ կետը փոփ. 14.12.2023 թիվ 2190-Լ որոշում)
13. Պետական միջամտությամբ առաջնային աջակցության ծրագրի իրականացման աշխատանքներն իրագործվելու են պետական այն մարմինների, միջազգային և հասարակական այն կազմակերպությունների հետ համագործակցությամբ, որոնք ներգրավված են վերադարձի և վերաինտեգրման գործընթացներում:
14. Ծառայության աշխատակիցները Հայաստանի Հանրապետություն վերադարձող քաղաքացիների կարիքների գնահատման հարցաթերթի (տե՛ս սույն որոշման N 2 հավելված) միջոցով վարում են հարցազրույց` վեր հանելով շահառուների հիմնական կարիքները:
15. Կարիքների գնահատման հարցաթերթում լրացվում են ընդհանուր տեղեկություններ` վերադարձողի անձնական տվյալների, վերադարձի ժամանակ առաջացած խնդիրների, փաստաթղթերի առկայության, եկամտի հիմնական աղբյուրների և չափերի, սոցիալական աջակցության ծրագրերում ընդգրկվածության, զբաղվածության, վերադարձողի հատուկ կարիքների, կացարանով ապահովվածության, առողջական խնդիրների, խնամքի հատուկ հաստատություններում տեղավորման և հարցաթերթում նշված այլ հարցերի վերաբերյալ:
16. Ծառայության աշխատակիցները ՀՀ վերադարձող քաղաքացիներից հավաքագրում են վերջիններիս անձնական գործի կազմման համար անհրաժեշտ փաստաթղթերը:
17. Դիմողի անձնական տվյալները հավաքագրվում են վերջինիս համաձայնությամբ:
18. Հավաքված բոլոր փաստաթղթերը պատճենահանվում և կցվում են դիմողի անձնական գործին:
i
19. Ծրագրի մասնակցության համար ինչպես հարկադիր, այնպես էլ կամավոր վերադարձող քաղաքացիները ներկայացնում են հետևյալ փաստաթղթերը`
1) անձը հաստատող փաստաթուղթ (առկայության դեպքում).
2) վերադարձի վկայական.
3) դատարանի կամ վարչական մարմնի կողմից արտաքսման կամ վտարման վերաբերյալ որոշումները.
4) լրացուցիչ փաստաթղթեր, որոնցով հնարավոր է տեղեկություններ ստանալ արտերկրում գտնվելու և Հայաստան վերադարձի ժամկետների, հաշմանդամություն ունենալու, բազմազավակ լինելու մասին և այլն:
(19-րդ կետը փոփ. 06.05.2021 թիվ 706-Լ, 14.12.2023 թիվ 2190-Լ որոշումներ)
i
20. Կյանքի դժվարին իրավիճակում հայտնված տարեց, ինչպես նաև հաշմանդամություն ունեցող անձինք, առանց ուղեկցության վերադարձած և Հայաստանում առանց ծնողական խնամքի մնացած երեխաները, իրենց սոցիալական կարիքի համապատասխան, ենթական են բնակչության սոցիալական պաշտպանության հաստատություններում խնամքի տրամադրման: Դրա անհնարինության դեպքում, նշված անձանց` ծրագրի չափանիշներին համապատասխանության դեպքում տրամադրվում է փոխհատուցում սույն որոշման 9-րդ կետի 2-րդ ենթակետի «ա» պարբերության համաձայն:
(20-րդ կետը փոփ. 06.05.2021 թիվ 706-Լ, 14.12.2023 թիվ 2190-Լ որոշումներ)
i
21. Ծառայության աշխատակիցը հարցազրույցի կամ դիմողի ներկայության անհնարինության դեպքում ուղարկված փաստաթղթերի միջոցով ՀՀ աշխատանքի և սոցիալական հարցերի նախարարության օգնությամբ 3 աշխատանքային օրվա ընթացքում վեր է հանում բնակչության սոցիալական պաշտպանության կամ կացարանով ապահովման հաստատություններում տեղավորվելու խնդիր ունեցող անձանց կարիքները:
(21-րդ կետը փոփ. 14.12.2023 թիվ 2190-Լ որոշում)
22. Ծառայության աշխատակիցն անձի` բնակչության սոցիալական պաշտպանության կամ կացարանով ապահովման հաստատությունում տեղավորվելու կարիքը վեր հանելուց հետո 2 աշխատանքային օրվա ընթացքում կազմում է դիմողի անձնական գործը` կցելով նրա կարգավիճակը հավաստող առկա բոլոր փաստաթղթերը:
(22-րդ կետը փոփ. 14.12.2023 թիվ 2190-Լ որոշում)
23. Դիմողի անձնական գործը կազմելուց հետո 3-օրյա ժամկետում անձն ուղղորդվում է համապատասխան հաստատություն:
(23-րդ կետը փոփ. 14.12.2023 թիվ 2190-Լ որոշում)
24. Անհրաժեշտության դեպքում ՀՀ աշխատանքի և սոցիալական հարցերի նախարարության և ՀՀ ոստիկանության հետ նախապես ձեռք բերված պայմանավորվածության հիման վրա կազմակերպվում է օդանավակայանում առանց ուղեկցության վերադարձած անչափահասներին և Հայաստանում առանց ծնողական խնամքի մնացած երեխաներին դիմավորելու, համապատասխան հաստատություններում տեղավորելու և նրանց հետագա խնամքը կազմակերպելու հարցերը:
i
25. Ծառայության աշխատակիցն առանց ուղեկցության վերադարձած անչափահասներին և Հայաստանում առանց ծնողական խնամքի մնացած երեխաներին ՀՀ աշխատանքի և սոցիալական հարցերի նախարարության հետ համատեղ օդանավակայանում դիմավորելու անհրաժեշտության մասին տեղեկացնում է Հայաստանի Հանրապետության ոստիկանությանը և համապատասխան խնամակալության և հոգաբարձության մարմնին վերջինիս (վերջիններիս) վերադարձից առնվազն մեկ շաբաթ առաջ նախապես ուղարկված գրության միջոցով, որի մեջ նշվում է վերադարձի օրը, ամիսը, չվերթի համարը և վերադարձողին առնչվող առկա տեղեկատվությունը: Դիմավորումից հետո առանց ուղեկցության վերադարձած անչափահասների և Հայաստանում առանց ծնողական խնամքի մնացած երեխաների հետագա խնամքը կազմակերպում է ՀՀ աշխատանքի և սոցիալական հարցերի նախարարությունը:
(25-րդ կետը փոփ. 14.12.2023 թիվ 2190-Լ որոշում)
i
26. Հայաստանի Հանրապետություն հարկադիր, առանձին դեպքերում` նաև կամավոր վերադարձած անձանց, ժամանակավոր կացարան վարձակալելու նպատակով, տրամադրվում է փոխհատուցում` վեց ամիս ժամկետով, 60.000 դրամի չափով:
(26-րդ կետը փոփ. 06.05.2021 թիվ 706-Լ որոշում)
27. Փոխհատուցման տրամադրման շահառուների ընտրության հայտանիշներն են`
1) ծրագրում սահմանված թիրախային խմբում ընդգրկված լինելը.
2) սեփականության իրավունքով բնակելի տարածություն չունենալը:
i
28. Փոխհատուցում ստանալու համար Հայաստանի Հանրապետություն ինչպես հարկադիր, այնպես էլ կամավոր վերադարձած անձը, իսկ ընտանիքի առկայության դեպքում` ընտանիքի չափահաս անդամներից մեկը (այսուհետ` դիմող), ծառայություն է ներկայացնում դիմում` համաձայն սույն N 1 հավելվածի N 1 ձևի:
(28-րդ կետը փոփ. 06.05.2021 թիվ 706-Լ որոշում)
i
29. Դիմումին կից ներկայացվում են նաև ընտանիքի անդամների անձը հաստատող փաստաթղթերը ծրագրում սահմանված թիրախային խմբում ընդգրկված լինելը հավաստող այլ փաստաթուղթ (փաստաթղթեր):
(29-րդ կետը փոփ. 06.05.2021 թիվ 706-Լ որոշում)
30. Ծառայության աշխատակիցը դիմումը և անհրաժեշտ փաստաթղթերն ընդունելու օրը պարզում է դիմողի` ծրագրի չափանիշներին համապատասխանելիությունը, որից հետո երկօրյա ժամկետում հարցում է ուղարկում Կադաստրի կոմիտե` դիմողի անվամբ Հայաստանի Հանրապետության տարածքում բնակելի տարածության նկատմամբ սեփականության իրավունքի գրանցման մասին տվյալներ ստանալու նպատակով: Միաժամանակ հարցում է ուղարկվում Հայաստանում գործող միջազգային և հասարակական կազմակերպություններին` իրենց կողմից վարվող ծրագրերի շրջանակներում դիմողին` բնակարան վարձակալելու նպատակով, փոխհատուցման տրամադրման, կամ այլ կացարանով ապահովման փաստը պարզելու նպատակով:
31. Կադաստրի կոմիտեն հարցումը ստանալուց հետո պատասխանում է 7 աշխատանքային օրվա ընթացքում:
32. Դիմումը ենթակա չէ բավարարման, եթե`
i
1) չի բավարարում սույն հավելվածի 27-րդ կետով սահմանված հայտանիշներին.
2) դիմողը, որպես առանց ուղեկցողի կամ ընտանիքից անջատված կամ հատուկ կարիք ունեցող, իրավասու մարմինների կողմից տեղավորվել է այնպիսի հաստատությունում, որտեղ ապահովվում են նրա կենսական հիմնական կարիքները.
3) դիմողին Հայաստանում գործող միջազգային և հասարակական կազմակերպությունների կողմից, բնակարան վարձակալելու նպատակով, փոխհատուցում կամ կացարան է տրամադրվել:
(32-րդ կետը փոփ. 06.05.2021 թիվ 706-Լ որոշում)
33. ՀՀ օրենսդրությամբ սահմանված կարգով յուրաքանչյուր դիմողի համար ծառայությունում բացվում է անձնական գործ:
34. Դիմումն ընդունելիս` ծառայության աշխատակիցը դիմողին ծանոթացնում է փոխհատուցման տրամադրման ընթացակարգին և դադարեցման հիմքերին:
35. Սույն հավելվածի 29-րդ կետում թվարկված անհրաժեշտ փաստաթղթերը հավաքագրելուց հետո 3 աշխատանքային օրվա ընթացքում դրանք ներկայացվում են ծառայության պետին:
36. Ծառայության պետը 2 աշխատանքային օրվա ընթացքում ընդունում է որոշում դիմողին փոխհատուցում տրամադրելու կամ փոխհատուցման տրամադրումը մերժելու մասին:
37. Փոխհատուցում տրամադրելու կամ փոխհատուցման տրամադրումը մերժելու մասին որոշման մասին ծառայության աշխատակիցը 3 աշխատանքային օրվա ընթացքում տեղեկացնում է դիմողին, մերժման դեպքում` նշելով մերժելու պատճառը:
38. Փոխհատուցումը տրամադրվում է բանկային փոխանցումով: Փոխհատուցումը չի կարող տրամադրվել դիմողի ներկայացուցչին` բացառությամբ սույն հավելվածի 44-րդ կետով սահմանված դեպքի և հատուկ կարիքներ ունեցող դիմողի ներկայացուցիչների: Փաստաթղթի պատճենը կցվում է դիմողի անձնական գործին:
39. Փոխհատուցումը տրամադրվում է ծառայության պետի` փոխհատուցումը տրամադրելու մասին որոշման ընդունմանը հաջորդող օրվանից սկսած:
40. Դիմողը փոխհատուցման տրամադրման մասին որոշումը ստանալուց հետո 7 աշխատանքային օրվա ընթացքում ծառայությանը տրամադրում է բնակարանի վարձակալության վերաբերյալ պայմանագրի պատճենը (առկայության դեպքում) կամ հայտնում է վարձակալած բնակարանի հասցեն և բնակարանի սեփականատիրոջ կոնտակտային տվյալները: Վարձակալած բնակարանի փոփոխության դեպքում դիմողը պարտավոր է նույն տեղեկությունները 7-օրյա ժամկետում հայտնել ծառայությանը:
41. Փոխհատուցման տրամադրման մասին որոշումը դիմողին հանձնելիս` ծառայությունը միաժամանակ նրան տեղեկացնում է փոխհատուցումը նպատակային չօգտագործելու հետևանքների մասին:
42. Դիմողի կողմից փոխհատուցման նպատակային չօգտագործումը բացահայտելու դեպքում ծառայության պետի կողմից 2 աշխատանքային օրվա ընթացքում ընդունվում է որոշում փոխհատուցման տրամադրումը դադարեցնելու մասին:
43. Փոխհատուցման տրամադրումը դադարեցվում է, եթե`
1) դիմողն ինքնակամ հրաժարվել է հետագա փոխհատուցումից` սեփական դիմումի հիման վրա.
2) դիմողն օգտագործել է փոխհատուցումը ոչ նպատակային.
3) դիմողը մեկնել է Հայաստանի Հանրապետությունից:
44. Սույն հավելվածի 43-րդ կետի 3-րդ ենթակետով սահմանված դեպքում, երբ դիմողը մեկնում է ՀՀ-ից, ՀՀ-ում գտնվող վերջինիս ընտանիքի անդամը կարող է դիմել ծառայությանը` դիմումատուի փոխարեն իրեն շահառու ճանաչելու նպատակով:
45. Ծառայությունը 3 աշխատանքային օրվա ընթացքում դիմողին գրավոր տեղեկացնում է փոխհատուցման տրամադրումը դադարեցնելու մասին:
46. Փոխհատուցման ստանալու մասին դիմումները, ըստ դրանք ներկայացնելու ժամկետների, ծառայության աշխատակցի կողմից գրանցվում են փոխհատուցում ստանալու համար դիմողների գրանցամատյանում (այսուհետ` գրանցամատյան)` համաձայն սույն հավելվածի N 2 ձևի:
47. Գրանցամատյանում նշվում են դիմողի անունը, հայրանունը, ազգանունը, ծննդյան օրը, ամիսը, տարեթիվը, սեռը, քաղաքացիությունը, արտերկրում բնակության տևողությունը և Հայաստան վերադարձի ամսաթիվը, փոխհատուցման ստացման դիմումին կից ներկայացված փաստաթղթերը, Հայաստանի Հանրապետությունում փաստացի բնակության վայրը, հեռախոսահամարը, փոխհատուցման տրամադրման մասին որոշման ամսաթիվը, ամիսը, տարեթիվը:
48. Յուրաքանչյուր տարվա վերջում գրանցամատյանը կարվում է, կնքվում ծառայության աշխատակազմի կլոր կնիքով և պահվում ծառայությունում` Հայաստանի Հանրապետության օրենսդրությամբ սահմանված կարգով ու ժամկետներում:
VI. ՄՇՏԱԴԻՏԱՐԿՈՒՄ
i
49. Ծառայության աշխատակիցն իրականացնում է գրանցամատյանում (Ձև N 3) հաշվառված` բնակչության սոցիալական պաշտպանության և կացարանով ապահովման հաստատություններում տեղավորվելու կարիք ունեցող դիմողներին աջակցության տրամադրման գործընթացի մշտադիտարկում` պարբերաբար կապ հաստատելով վերոնշյալ կենտրոնների հետ:
(49-րդ կետը փոփ. 14.12.2023 թիվ 2190-Լ որոշում)
50. Վերոնշյալ կենտրոններում տեղավորվելու կարիք ունեցող դիմողներին աջակցության տրամադրման գործընթացի մշտադիտարկման վերաբերյալ արդյունքները գրանցվում են գրանցամատյանում:
51. Փոխհատուցման նպատակային օգտագործումը պարզելու նպատակով` ծառայության աշխատակիցների կողմից իրականացվում է մշտադիտարկում` առնվազն ամիսը մեկ անգամ վարձակալած բնակարաններ այցելությունների, հեռախոսազանգերի միջոցով:
VII. ԱԿՆԿԱԼՎՈՂ ԱՐԴՅՈՒՆՔՆԵՐԸ
52. Պետության օժանդակությամբ վերադարձողները ի վիճակի կլինեն վերահաստատվելու և նոր կյանք սկսելու հայրենիքում: Սա կարևոր խթան կհանդիսանա վերադարձի և վերաինտեգրման գործընթացի արդյունավետ կազմակերպման, վերադարձողների հոսքերի ավելացման և Հայաստան ներգաղթի քաղաքականության խրախուսման համար:
53. Պետության կողմից դրամական միջոցների ներդրումն արձանագրում է նաև պետության շահագրգռվածությունը վերադարձած միգրանտների` հայրենիք վերադարձի խրախուսման և վերաինտեգրման հարցում, ինչը նաև կարևոր ազդակ կարող է լինել ՀՀ-ԵՄ վիզաների ազատականացման գործընթացն արագացնելու հարցում:
54. Բացի այդ` պետության հետաքրքրվածությունը և ներդրումը նպաստավոր գործոն են այլ աղբյուրներից (դոնոր կառույցներից) դրամական միջոցների հայթայթման համար:
Ձև N 1
i
ԴԻՄՈՒՄ
ՓՈԽՀԱՏՈՒՑՈՒՄ ՏՐԱՄԱԴՐԵԼՈՒ ՄԱՍԻՆ
Ես`________________________________________________________________,
(ԱՆՈՒՆԸ, ՀԱՅՐԱՆՈՒՆԸ, ԱԶԳԱՆՈՒՆԸ)
________- ______ թթ. (նշել ամիսներով և օրերով) բնակվել եմ ___________________ (երկրի անվանումը) և ս.թ. _________________ հարկադիր /կամավոր (ընդգծել) վերադարձել Հայաստան:
___________________________________________________________________
Միևնույն ժամանակ տեղեկացնում եմ, որ ունեմ (չունեմ) բավարար միջոցներ սեփական կացարան ապահովելու համար:
ԺԱՄԱՆԱԿԱՎՈՐ ԿԱՑԱՐԱՆՈՎ ԱՊԱՀՈՎՄԱՆ ԽՆԴՐԻ ԼՈՒԾՄԱՆ ՆՊԱՏԱԿՈՎ ԽՆԴՐՈՒՄ ԵՄ ՏՐԱՄԱԴՐԵԼ ՓՈԽՀԱՏՈՒՑՈՒՄ: ԿՑՎՈՒՄ Է` 1. ԸՆՏԱՆԻՔԻ ԱՆԴԱՄՆԵՐԻ ԱՆՁԸ ՀԱՍՏԱՏՈՂ ՓԱՍՏԱԹՂԹԵՐԸ` ___________________________________________________________________ ___________________________________________________________________
2. (2-րդ կետն ուժը կորցրել է 06.05.2021 թիվ 706-Լ որոշում)
2. ԾՐԱԳՐՈՒՄ ՍԱՀՄԱՆՎԱԾ ԹԻՐԱԽԱՅԻՆ ԽՄԲՈՒՄ ԸՆԴԳՐԿՎԱԾ ԼԻՆԵԼԸ ՀԱՎԱՍՏՈՂ ԱՅԼ ՓԱՍՏԱԹՈՒՂԹ (ՓԱՍՏԱԹՂԹԵՐ)` ___________________________________________________________________
ԴԻՄՈՂ` ___________________ _______________________
(ստորագրությունը) (անունը, ազգանունը)
_____ ______________ 20 թ.
(1-ին ձևը փոփ. 06.05.2021 թիվ 706-Լ որոշում)
Ձև N 2
ՓՈԽՀԱՏՈՒՑՈՒՄ ՍՏԱՆԱԼՈՒ ՄԱՍԻՆ ԴԻՄՈՂՆԵՐԻ ԳՐԱՆՑԱՄԱՏՅԱՆ
._________________________________________________________________________.
|NN|Անուն, |Ծննդյան|Սեռ|Քաղա- |Արտ- |ՀՀ |Դի- |Դիմու-|Բնա- |Փոխ- |Նշում|
| |հայրա- |օր, | |քացիու|երկ- |վերա-|մումը|մին |կու- |հա- |ներ |
| |նուն, |ամիս | |թյուն |րում |դարձի|ներ- |կից |թյան |տուց-| |
| |ազգանուն|տարի | | |բնա- |ամսա-|կայաց|ներ- |վայր,|ման | |
| | | | | |կու- |թիվ |նելու|կայաց |հեռա-|տրա- | |
| | | | | |թյան | |օր |ված |խոս |մա- | |
| | | | | |տևո- | | |փաստա-| |դրման| |
| | | | | |ղու- | | |թղթեր | |մասին| |
| | | | | |թյուն| | | | |որոշ-| |
| | | | | | | | | | |ման | |
| | | | | | | | | | |օր, | |
| | | | | | | | | | |ամիս,| |
| | | | | | | | | | |տարի | |
|__|________|_______|___|______|_____|_____|_____|______|_____|_____|_____|
|__|________|_______|___|______|_____|_____|_____|______|_____|_____|_____|
|__|________|_______|___|______|_____|_____|_____|______|_____|_____|_____|
|__|________|_______|___|______|_____|_____|_____|______|_____|_____|_____|
|__|________|_______|___|______|_____|_____|_____|______|_____|_____|_____|
|__|________|_______|___|______|_____|_____|_____|______|_____|_____|_____|
._________________________________________________________________________.
Ձև N 3
ՀԱՄԱՊԱՏԱՍԽԱՆ ՀԱՍՏԱՏՈՒԹՅՈՒՆՆԵՐՈՒՄ ՏԵՂԱՎՈՐՎԵԼՈՒ ԿԱՐԻՔ ՈՒՆԵՑՈՂ ԴԻՄՈՂՆԵՐԻ ԳՐԱՆՑԱՄԱՏՅԱՆ
._________________________________________________________________________.
|NN|Անուն, |Ծննդյան|Սեռ|Քաղա- |Արտ- |ՀՀ |Դի- |Դիմու-|Բնա- |Ուղ- |Նշում|
| |հայրա- |օր, | |քացիու|երկ- |վերա-|մումը|մին |կու- |ղորդ-|ներ |
| |նուն, |ամիս | |թյուն |րում |դարձի|ներ- |կից |թյան |ման | |
| |ազգանուն|տարի | | |բնա- |ամսա-|կայաց|ներ- |վայր,|մասին| |
| | | | | |կու- |թիվ |նելու|կայաց |հեռա-|որոշ-| |
| | | | | |թյան | |օր |ված |խոս |ման | |
| | | | | |տևո- | | |փաստա-| |օր, | |
| | | | | |ղու- | | |թղթեր | |ամիս,| |
| | | | | |թյուն| | | | |տարի | |
|__|________|_______|___|______|_____|_____|_____|______|_____|_____|_____|
|__|________|_______|___|______|_____|_____|_____|______|_____|_____|_____|
|__|________|_______|___|______|_____|_____|_____|______|_____|_____|_____|
|__|________|_______|___|______|_____|_____|_____|______|_____|_____|_____|
|__|________|_______|___|______|_____|_____|_____|______|_____|_____|_____|
|__|________|_______|___|______|_____|_____|_____|______|_____|_____|_____|
._________________________________________________________________________.
Հավելված N 2
ՀՀ կառավարության
2020 թվականի մարտի
19-ի N 336-Լ որոշման
ՀԱՐՑԱԹԵՐԹ
Հայաստանի Հանրապետություն վերադարձող քաղաքացիների
կարիքների գնահատման
._____________________________________________________________________.
|1. Ընդհանուր տեղեկություններ |
|_____________________________________________________________________|
|1.1. Անուն, հայրանուն, ազգանուն |1.2. Ծննդյան տարեթիվ |
|_______________________________ |____________________օր, ամիս, տարի |
|_________________________________|___________________________________|
|1.3. Քաղաքացիություն |1.4. Ծննդավայր |
|________________________________ |________________________________ |
|_________________________________|___________________________________|
|1.5. Սեռ |1.6. Ամուսնական կարգավիճակ |
|Ար [] Իգ [] |Ամուս. [] Չամուսն. [] |
| |Բաժան. [] Այրի [] |
|_________________________________|___________________________________|
|1.7 Բնակության հասցեն ՀՀ-ում` |1.8. Հեռախոսահամարը ՀՀ-ում` |
|Մարզ` |_________________________________ |
|Քաղաք` Գյուղ` | |
|Փաստացի`________________________ | |
|Հաշվառված է` ___________________ | |
|_________________________________|___________________________________|
|1.9. Կրթական մակարդակը` |1.10. Ուսումնառության տարիները |
|. տարրական [] |և վայրը |
|. միջնակարգ [] |__________________________________ |
|. միջին մասնագիտական [] |__________________________________ |
|. բարձրագույն մասնագիտական [] | |
| |1.11. Մասնագիտությունը |
| |__________________________________ |
|_________________________________|___________________________________|
|1.12. Զինվորական ծառայությունը |1.13. Երեխաների առկայություն |
|Այո [] |Այո, _____________________ երեխա |
|Ոչ [] |Ոչ [] |
|Այլ ___________________________ | |
|_________________________________|___________________________________|
|1.14. ՀՀ-ից մեկնելու պատճառ(ներ)ը|1.15. Ընդունող երկիրը, բնակության |
|___________________________ |տևողությունը |
|___________________________ |___________________________ |
| |___________________________ |
|_________________________________|___________________________________|
|1.16. Իրավական կարգավիճակը |1.17. Հայաստան վերադարձի ամսաթիվը |
|ընդունող երկրում ապաստան |______________________ |
|հայցող [] | |
| | |
|անկանոն / անօրինական | |
|կարգավիճակում գտնվող | |
| | |
|միգրանտ [] | |
| | |
|հումանիտար | |
|պաշտպանություն [] | |
|ստացած | |
| | |
|օժանդակ պաշտպանություն [] | |
|ստացած | |
| | |
|այլ [] | |
|_________________________________|___________________________________|
|1.18. ՀՀ վերադառնալու |1.19. Վերադարձող քաղաքացու հետ ՀՀ |
|պատճառ(ներ)ը |վերադարձած ընտանիքի անդամների |
|___________________ |թվարկում (ազգանունը, անունը, |
|___________________ |ծննդյան տարեթիվը) |
| |___________________ |
| |___________________ |
| |___________________ |
|_____________________________________________________________________|
|2. Վերադարձի ժամանակ առաջացած խնդիրները |
|_____________________________________________________________________|
|. Փաստաթղթային խնդիրներ Այո [] Ոչ []|
|. Տեղափոխվող ապրանքների մաքսազերծման հետ կապված Այո [] Ոչ []|
| խնդիրներ |
|. Վերադարձի գործընթացի ճիշտ կազմակերպման, վերադարձից Այո [] Ոչ []|
|հետո վերաինտեգրման ծրագրեր իրականացնող |
|կազմակերպությունների / Ձեր խնդիրների լուծմանն օժանդակող |
|պետական գերատեսչությունների վերաբերյալ տեղեկատվության |
|պակաս |
|. Այլ _________________________________________ |
|_____________________________________________________________________|
|3. Փաստաթղթեր |
|_____________________________________________________________________|
|Փաստաթղթի տեսակը |Վավերականության ժամկետը |
|3.1. ՀՀ քաղաքացու անձնագիր [] |3.1._____________________________ |
|3.2. ՀՀ վերադարձի վկայական [] |3.2._____________________________ |
|3.3. Ծննդյան վկայական [] |3.3._____________________________ |
|3.4. Այլ___________________ [] |3.4._____________________________ |
|_____________________________________________________________________|
|4. Եկամտի հիմնական աղբյուրները և չափերը |
|_____________________________________________________________________|
|4.1. Աշխատավարձ [] |4.1._____________________________ |
|4.2. Կենսաթոշակ [] |4.2._____________________________ |
|4.3. Նպաստ [] |4.3._____________________________ |
|4.4. Ձեռնարկատիրական [] |4.4._____________________________ |
|գործունեություն |4.5._____________________________ |
|4.5. Դրամական փոխանցումներ [] |4.6._____________________________ |
|4.6. Այլ_________________ [] | |
|_____________________________________________________________________|
|5. Սոցիալական աջակցության ծրագրերում ընդգրկվածություն |
|_____________________________________________________________________|
|5.1. ՀՀ ԱՍՀՆ սոցիալական աջակցության տարածքային գործակալությունում ...|
|բաժնում հաշվառված լինելը |
| |
| Այո [] Ոչ [] |
| |
|5.2. Պետական սոցիալական աջակցության ծրագրերում ընդգրկված լինելը |
| |
| Այո [] Ոչ [] |
|_____________________________________________________________________|
|5.3. Եթե այո, ապա նշել |չափը |
|Աջակցության տեսակը |5.3.1____________________________ |
|5.3.1. Սոցիալական կամ [] |5.3.2____________________________ |
|ընտանեկան նպաստ |5.3.3____________________________ |
|5.3.2. Հաշմանդամության նպաստ [] |5.3.4____________________________ |
|5.3.3. Կենսաթոշակ [] |5.3.5____________________________ |
|5.3.4. Ծերության նպաստ [] |5.3.6____________________________ |
|5.3.5. Կերակրողին կորցնելու [] | |
|դեպքում նպաստ | |
|5.3.6. Այլ_________________ [] | |
|_____________________________________________________________________|
|6. Զբաղվածություն |
|_____________________________________________________________________|
|6.1. Նախքան մեկնելը ՀՀ-ում |6.3. Հաշվառվա՞ծ եք արդյոք |
|ունեցած զբաղվածությունը |ՀՀ ԱՍՀՆ աշխատակազմի զբաղվածության |
|________________________________ |պետական գործակալությունում |
|Ներկայումս աշխատու՞մ եք, թե՞ ոչ | Այո [] Ոչ [] |
| | |
|6.2. Եթե այո, ապա նշել ներկայիս |6.4. Եթե այո, ապա նշել |
|աշխատանքի վայրը և հաստիքը |զբաղվածության ո՞ր ծրագրում |
|_______________________________ |__________________________________ |
|_______________________________ |6.5. Դիմողը հաշվառվա՞ծ է արդյոք |
|_______________________________ |զգբաղվածության հարցերով |
|_______________________________ |օժանդակություն տրամադրող որևէ այլ |
|_______________________________ |կազմակերպությունում/ծրագրում |
|_______________________________ | Այո [] Ոչ [] |
| | |
| |6.6. Եթե այո, ապա նշել |
| |կազմակերպությունը, հաշվառման |
| |ամսաթիվը և ծրագրի բնույթը |
| |_______________________________ |
| |_______________________________ |
| |_______________________________ |
| |_______________________________ |
| |_______________________________ |
|_____________________________________________________________________|
|7. Հատուկ կարիքներ |
|_____________________________________________________________________|
|7.1. Վերադարձողի հատուկ կարիքներ |7.2. Վերադարձող քաղաքացու ընտանիքի |
| Այո [] Ոչ [] |անդամների հատուկ կարիքներ |
| | Այո [] Ոչ [] |
|Եթե այո, ապա նշել ունեցած կարիքի |Եթե այո, ապա նշել ունեցած կարիքի |
|տեսակը |տեսակը |
|________________________________ |________________________________ |
|_______________________________ |_______________________________ |
|_____________________________________________________________________|
|7.3. Կացարանով ապահովվածություն |
| Այո [] Ոչ [] |
|_____________________________________________________________________|
|7.4. Առողջական խնդիրներ |
| Այո [] Ոչ [] _________________ |
|Անհետաձգելի բժշկական օգնություն և սպասարկում պահանջող վիճակների(3) |
|և հիվանդությունների առկայություն |
|Այո [] Ոչ [] _________________ |
| |
|Դեղերով մշտապես ապահովման կարիք |
|Այո [] Ոչ [] |
|Տեսակները ________________________________________________ |
|_____________________________________________________________________|
|7.5. Սոցիալական տներում/ ծերանոցներում տեղավորման կարիք |
|Այո [] Ոչ [] |
|_____________________________________________________________________|
|8. Ամփոփիչ հարցեր |
|_____________________________________________________________________|
|8.1. Դիմողի կարծիքով` Հայաստանում ունեցած իր և իր ընտանիքի |
|ամենաառաջնային, հրատապ լուծում պահանջող խնդիրը |
|__________________________________________________________________ |
|__________________________________________________________________ |
|_____________________________________________________________________|
|8.2. Դիմողի կարծիքով` պետական աջակցության ի՞նչ լրացուցիչ |
|միջոցառումներ պետք է իրականացվեն ՀՀ վերադարձող խոցելի խմբերի |
|վերաինտեգրման գործընթացն առավել դյուրին դարձնելու համար |
|__________________________________________________________________ |
|_____________________________________________________________________|
|8.3. Որևէ այլ տեղեկատվություն, որը դիմողը կցանկանար հայտնել |
|__________________________________________________________________ |
|_____________________________________________________________________|
|Հարցաթերթը լրացրեց` |Դիմողի ստորագրությունը` |
|_________________________________|___________________________________|
|Անունը, ազգանունը, պաշտոնը | |
|_____________________________________________________________________|
|Ամսաթիվ |
._____________________________________________________________________.
___________________________
3) Ներկայում պետական պատվերի շրջանակներում արտահիվանդանոցային և արտագնա պալիատիվ բժշկական օգնության փորձարարական ծրագիրը մեկնարկել է Երևանի «Թիվ 13 պոլիկլինիկա» ՓԲԸ-ում, որի շրջանակներում պալիատիվ բուժօգնության թիմի մասնագետների կողմից ցուցաբերվում են պալիատիվ բուժօգնության ծառայություններ պոլիկլինիկայի բնակիչ հանդիսացող պալիատիվ բուժօգնության կարիք ունեցող շահառուներին:
ո