(ուժը կորցրել է 07.11.03 թիվ 26-Ն որոշում)
i
120.0030.120101
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԻՃԱԿԱԳՐՈՒԹՅԱՆ, ՊԵՏԱԿԱՆ ՌԵԳԻՍՏՐԻ
ԵՎ ՎԵՐԼՈՒԾՈՒԹՅԱՆ ՆԱԽԱՐԱՐՈՒԹՅՈՒՆ ՀՐԱՄԱՆ
6 ապրիլի 2000 թվականի N 30
i
ՊԵՏԱԿԱՆ ՎԻՃԱԿԱԳՐԱԿԱՆ ՀԱՇՎԵՏՎՈՒԹՅՈՒՆՆԵՐ ԵՎ ԴՐԱՆՑ ԼՐԱՑՄԱՆ ՀՐԱՀԱՆԳ ՀԱՍՏԱՏԵԼՈՒ ՄԱՍԻՆ
Հիմք ընդունելով «Պետական վիճակագրության մասին» ՀՀ օրենքի 9 հոդվածի «ժ» ենթակետը և Հայաստանի Հանրապետության վիճակագրության, պետական ռեգիստրի և վերլուծության նախարարության կանոնադրության 12 կետի «թ» ենթակետը`
ՀՐԱՄԱՅՈՒՄ ԵՄ
Հաստատել պետական վիճակագրական հետևյալ հաշվետվությունները և դրանց լրացման հրահանգը.
«Կապի հիմնական ծառայությունների և աշխատանքի մասին»` ձև թիվ 11-կապ
«Կապի հիմնական գործունեությունից ստացված եկամուտների մասին»` ձև թիվ 12-կապ
«Կապի ծառայություններից ստացված եկամուտների մասին»` ձև թիվ 13-կապ
«Կապի կազմակերպությունների մասին»` ձև թիվ 18-կապ
«Փոստային կապի մասին»` ձև թիվ 21-կապ
«Հեռագրային կապի կապուղիների (կանալների) և կոմուտացիոն հանգույցների մասին»` ձև թիվ 31-կապ
«Միջազգային և ներհանրապետական (միջքաղաքային) հեռախոսային կապի տեխնիկական միջոցների մասին»` ձև թիվ 41-կապ
«Հեռախոսային կապի միջոցների մասին»` ձև թիվ 42-կապ
«Հեռուստատեսության, ռադիոհաղորդումների և ռադիոկապի տեխնիկական միջոցների մասին»` ձև թիվ 51-կապ
«Լարային ռադիոհեռարձակման մասին»` ձև թիվ 57-կապ
«Մայրուղային և ներհանրապետական կապի գծերի մասին»` ձև թիվ 61-կապ
Հաստատված է
Հայաստանի Հանրապետության
Վիճակագրության, պետական
ռեգիստրի և վերլուծության նախարարի
2000 թվականի ապրիլի 6-ի
թիվ 30 հրամանով
ՀՐԱՀԱՆԳ ԿԱՊԻ ԱՇԽԱՏԱՆՔԻ ՎԵՐԱԲԵՐՅԱԼ ՊԵՏԱԿԱՆ ՎԻՃԱԿԱԳՐԱԿԱՆ ՀԱՇՎԵՏՎՈՒԹՅՈՒՆՆԵՐԻ ԼՐԱՑՄԱՆ
Սույն հրահանգը մշակված է ՀՀ Ազգային ժողովի կողմից 29.05.96 թ. ընդունված «Պետական վիճակագրության մասին» ՀՀ օրենքի 9 հոդվածի «ժ» կետի և պետական վիճակագրական աշխատանքների ծրագրի համաձայն:
1. ԸՆԴՀԱՆՈՒՐ ԴՐՈՒՅԹՆԵՐ
1.1. Հրահանգը սահմանում է կապի ծառայություններ իրականացնող կազմակերպությունների կողմից կապի աշխատանքի վերաբերյալ պետական վիճակագրական հաշվետվությունների (ձև թիվ 11-կապ (եռամսյակային) «Կապի հիմնական ծառայությունների և աշխատանքի մասին», ձև թիվ 12-կապ (շտապ-ամսական) «Կապի հիմնական գործունեությունից ստացված եկամուտների մասին», ձև թիվ 13-կապ (եռամսյակային) «Կապի ծառայություններից ստացված եկամուտների մասին», ձև թիվ 18-կապ (տարեկան) «Կապի կազմակերպությունների մասին», ձև թիվ 21-կապ (տարեկան) «Փոստային կապի մասին», ձև թիվ 31-կապ (տարեկան) «Հեռագրային կապի կապուղիների (կանալներ) և կոմուտացիոն հանգույցների մասին», ձև թիվ 41-կապ (տարեկան) «Միջազգային և ներհանրապետական (միջքաղաքային) հեռախոսային կապի տեխնիկական միջոցների մասին», ձև թիվ 42-կապ (տարեկան) «Հեռախոսային կապի միջոցների մասին», ձև թիվ 51-կապ (տարեկան) «Հեռուստատեսության, ռադիոհաղորդումների և ռադիոկապի տեխնիկական միջոցների մասին», ձև թիվ 57-կապ (տարեկան) «Լարային ռադիոհեռարձակման մասին», ձև թիվ 61-կապ (տարեկան) «Մայրուղային և ներհանրապետական կապի գծերի մասին») լրացման կարգը:
1.2. Հաշվետվությունները ներկայացնում են վիճնախարարության կողմից ընտրանքային կարգով ընտրված կապի ծառայություններ իրականացնող կազմակերպությունները (այսուհետ` կազմակերպություններ), ՀՀ Տրանսպորտի և կապի նախարարությունը և «ԱրմենՏել» ՀՁ ՓԲԸ:
1.3. Կազմակերպությունները կազմում են կապի ամսական, եռամսյակային (կիսամյակային) և տարեկան հաշվետվություններ կապի աշխատանքի վերաբերյալ, տարվա սկզբից` աճողական կարգով:
1.4. Փաստացի գործունեության հիմնական տեսակ է համարվում գործունեության այն տեսակը, որը հաշվետու ժամանակաշրջանում հավելյալ արժեքի ընդհանուր ծավալում փաստացի ունեցել է առավել մեծ տեսակարար կշիռ (1):
_____________
(1) առավել մեծ տեսակարար կշռի որոշման համար առաջարկվում է կողմնորոշվել ընդհանուր հասույթի, հավելյալ արժեքի կամ աշխատողների ընդհանուր թվաքանակի մեջ ունեցած բաժնով և այլ համանման բնութագրող չափանիշներով
Փաստացի գործունեության հիմնական տեսակի ծածկագիրը լրացվում է կազմակերպությունների պետական ռեգիստրի կողմից տրված վկայականից կամ (եթե վկայականում տվյալ գործունեության տեսակը նշված չէ) տնտեսական գործունեության ընդհանուր դասակարգիչի հիման վրա` անհրաժեշտության դեպքում ստանալով դրա համար խորհրդատվություն վիճակագրական մարմիններից:
1.5. Հաշվետվության բոլոր տվյալներն (բնեղեն և դրամական արտահայտությամբ) արտացոլվում են հաշվետվության մեջ նշված չափման միավորներով:
1.6. Վիճակագրական հաշվետվությունը ստորագրում է կազմակերպության ղեկավարը կամ դրա համար լիազորված անձը:
1.7. Վիճակագրական տեղեկությունների ներկայացման հետ կապված այլ խնդիրները կարգավորվում են ՀՀ օրենքներով և այլ իրավական ակտերով (տես` «Պետական վիճակագրական աշխատանքների իրականացման համար վիճակագրական տեղեկությունների ներկայացման կարգը հաստատելու մասին» ՀՀ կառավարության 1999 թ. հունվարի 15-ի թիվ 23 որոշումը):
2. ԼՐԱՑՄԱՆ ԿԱՐԳԸ
2.1. ՀԱՇՎԵՏՎՈՒԹՅՈՒՆ «ԿԱՊԻ ՀԻՄՆԱԿԱՆ ԾԱՌԱՅՈՒԹՅՈՒՆՆԵՐԻ ԵՎ ԱՇԽԱՏԱՆՔԻ ՄԱՍԻՆ» ՁԵՎ ԹԻՎ 11-ԿԱՊ (ԵՌԱՄՍՅԱԿԱՅԻՆ)
Հաշվետվությունը կազմված է երկու բաժնից. Կապի ծառայությունները (բաժին 1), Կապի աշխատանքի որակը (բաժին 2):
2.1.1. Հաշվետվության առաջին բաժնում ցույց են տրվում կապի հիմնական ծառայությունների ծավալները:
1-ին բաժինը (տող 110-231) լրացնելու համար հիմք են հանդիսանում փոստային փոխանակումների հաշվառման ձևերը, ինչպես նաև փոստային, հեռագրային և միջազգային հեռախոսային փոխանակումների ամփոփացուցակները:
2.1.2. 240-255 տողերում լրացվում են միջազգային փոստի փաստացի ծավալները:
Նամակագրության գծով (տող 240-245) տվյալները ցույց են տրվում կիլոգրամներով` առանձնացված ըստ ելքային և մուտքային փոխանակումների, վերջիններիս էլ` ըստ ցամաքային և օդային տրանսպորտով առաքումների:
Ծանրոցների գծով (տող 250-255) տվյալները ցույց են տրվում հատերով` առանձնացված ըստ ելքային և մուտքային փոխանակումների, վերջիններիս էլ` ըստ ցամաքային և օդային տրանսպորտով առաքումների:
2.1.3. Հաշվետվության երկրորդ բաժնի 260-271 տողերում ցույց է տրվում փոստային առաքումների կորուստների և հափշտակումների, փոխանցված միջոցների պակասորդների և հափշտակումների գումարը հաշվետու ժամանակաշրջանում:
Փոստային առաքումների կորուստներին և հափշտակումներին (տող 260) վերաբերվում են պատվիրված նամակների և խաչկապերի, գնահատված նամակների և խաչկապերի, սովորական և գնահատված ծանրոցների առաքումների հետ կապված կորուստներն ու հափշտակումները` կատարված կապի կազմակերպությունների և այլ գերատեսչությունների (քաղաքացիական ավիացիայի մարմինների, երկաթուղային տրանսպորտի) մեղքով, ներառյալ հրդեհների և այլ բնական աղետների հետ կապված կորուստներն ու հափշտակումները:
Փոխանցվող դրամական միջոցների պակասորդի և հափշտակումների (տող 270) մեջ ներառվում են փոխանցվող դրամական միջոցների պակասած գումարները, ներառյալ կապի բաժանմունքների աշխատողների և փոստատարների կողմից կատարված հափշտակումները, ինչպես նաև ճանապարհին կատարված կողոպուտները և կեղծ փաստաթղթերով վճարված գումարները:
2.1.4. 280 և 290 տողերի ցուցանիշները բնութագրում են ներհանրապետական (միջքաղաքային) և միջազգային հեռախոսակայանների աշխատանքը: 280 տողում ցույց է տրվում վերը նշված հեռախոսակայանների չաշխատած կապուղի/ժամերի քանակը, 290 տողում` ներհանրապետական (միջքաղաքային) և միջազգային մայրուղային գծերի խափանումները (վնասվածքները):
2.1.5. Հաշվետվության 300-322 տողերը բնութագրում են քաղաքային և գյուղական հեռախոսային կապի աշխատանքի որակը (ՔՀԿ-ի և ԳՀԿ-ի չաշխատած կապուղի/ժամերի և հեռախոսակայանների խափանումները): 310 և 320 տողերում լրացվում է ՔՀԿ-ի և ԳՀԿ-ի խափանումների վերաբերյալ հայտերի ընդհանուր քանակը: 311 և 321 տողերում ցույց են տրվում հայտնաբերված խափանումները, որոնց հետևանքով խախտվել է հեռախոսակապը (հեռախոսը չի աշխատել):
Հաշվետվության բոլոր ցուցանիշները լրացվում են հաշվետու և նախորդ տարվա ժամանակաշրջանի համար:
2.2. ՀԱՇՎԵՏՎՈՒԹՅՈՒՆ «ԿԱՊԻ ՀԻՄՆԱԿԱՆ ԳՈՐԾՈՒՆԵՈՒԹՅՈՒՆԻՑ ՍՏԱՑՎԱԾ ԵԿԱՄՈՒՏՆԵՐԻ ՄԱՍԻՆ» ՁԵՎ ԹԻՎ 12-ԿԱՊ (ՇՏԱՊ-ԱՄՍԱԿԱՆ)
«Կապի հիմնական գործունեությունից ստացված եկամուտները, հազ. դրամ» ցուցանիշն իրենից ներկայացնում է փոստային, հեռագրային, հեռախոսային ծառայություններից, բաժանորդային վարձերից և միանվագ ծառայություններից, ձայնային-լարային կապից, հատուկ կապից, ռադիո և հեռուստատեսային ծրագրերի ընդունումից ու հաղորդումից, ռադիոկապից, ռադիոհաճախականությունների պաշտպանությունից, վերահսկումից և գրանցումից, ինչպես նաև այլ ծառայություններից ստացված եկամուտների հանրագումարը:
2.3. ՀԱՇՎԵՏՎՈՒԹՅՈՒՆ «ԿԱՊԻ ԾԱՌԱՅՈՒԹՅՈՒՆՆԵՐԻՑ ՍՏԱՑՎԱԾ ԵԿԱՄՈՒՏՆԵՐԻ ՄԱՍԻՆ» ՁԵՎ ԹԻՎ 13-ԿԱՊ (ԵՌԱՄՍՅԱԿԱՅԻՆ)
Հաշվետվությունում ցույց են տրվում հաշվետու ժամանակաշրջանում (եռամսյակ, կիսամյակ, 9 ամիս և տարի) ընդհանուր օգտագործման կապի ծառայություններից ստացված եկամուտները` առանց ավելացված արժեքի հարկի:
i
2.3.1. 110 տողում լրացվում են ընդհանուր եկամուտները (հասույթ առանց ավելացված արժեքի հարկի):
(2.3.1 կետը խմբ. 23.10.01 թիվ 83 որոշում)
2.3.2. 120 տողում ցույց է տրվում 110 տողից հիմնական գործունեությունից ստացված եկամուտները: Եկամուտների մեջ մտնում են նաև այլ գերատեսչությունների ռադիոհեռարձակման կետերի և ռադիոկապի բաժանորդագրական վճարումները:
121-131 տողերում առանձնացվում են 120 տողից եկամուտներն ըստ ծառայությունների տեսակների (փոստային, հեռագրային կապ, հեռախոսային` միջքաղաքային, բաժանորդային վարձեր և միանվագ ծառայություններ, ձայնային-լարային, հատուկ կապ, ռադիո և հեռուստատեսային ծրագրերի ընդունում և հաղորդում, ռադիոկապ, ռադիոհաճախականությունների պաշտպանություն, վերահսկում և գրանցում, ինչպես նաև այլ ծառայություններ):
2.3.3. 132 տողում ցույց են տրվում 110 տողից այլ գործունեությունից ստացված եկամուտները:
Հաշվետվության բոլոր ցուցանիշները լրացվում են հաշվետու և նախորդ տարվա ժամանակաշրջանի համար:
2.4. ՀԱՇՎԵՏՎՈՒԹՅՈՒՆ «ԿԱՊԻ ԿԱԶՄԱԿԵՐՊՈՒԹՅՈՒՆՆԵՐԻ ՄԱՍԻՆ»
ՁԵՎ ԹԻՎ 18-ԿԱՊ (ՏԱՐԵԿԱՆ)
Հաշվետվությունը կազմված է 4 բաժնից. Կազմակերպությունների քանակը տարվա վերջի դրությամբ (բաժին 1), Հեռագրային գործառույթներ իրականացնող կապի կազմակերպությունների և բաժանմունքների քանակը տարվա վերջի դրությամբ (բաժին 2), Միջքաղաքային հեռախոսային խոսակցություններ ներկայացնող կազմակերպությունների խոսակցական կետերի, կապի բաժանմունքների և կետերի քանակը տարվա վերջի դրությամբ (բաժին 3), Գյուղական համայնքի կապի կազմակերպություններով և բաժանմունքներով ապահովվածությունը տարվա վերջի դրությամբ (բաժին 4):
2.4.1. 1-ին բաժնում լրացվում են կազմակերպությունների քանակը (հաշվետվության ձևում նշված կազմակերպությունների և առանձնացված ստորաբաժանումների անվանումներին համապատասխան)` դրանցից առանձնացնելով մասնաճյուղերը, ինչպես նաև աշխատողների միջին ցուցակային թվաքանակը:
100-200 տողերում ցույց են տրվում այն կազմակերպությունների քանակը, որոնց համար կապի ծառայությունը հանդիսանում է հիմնական գործունեություն (210-240 տողերում առանձնացվում է դրանց կազմակերպական-իրավական ձևը), իսկ 250-300 տողերում` որոնց համար կապի ծառայությունը հանդիսանում է ոչ հիմնական գործունեություն:
2.4.2. 2-րդ բաժնում լրացվում է հեռագրային և հեռախոսային ապարատներով (լարային և ռադիո) հեռագրեր ընդունող և հաղորդող բոլոր կազմակերպությունների քանակը, ներառյալ այդ գործառնության համար այլ կազմակերպությունների հեռախոսային ապարատներից օգտվող կապի կազմակերպությունները:
2.4.3. Հաշվետվության 3-րդ բաժնում լրացվում է միջքաղաքային հեռախոսային կապի ծառայություններ մատուցող կազմակերպության խոսակցական կետերի, ինչպես նաև կապի բաժանմունքների և կետերի քանակը (ներառյալ այդ գործառնության համար այլ կազմակերպությունների հեռախոսային ապարատներից օգտվող կապի կազմակերպությունները):
2.4.4. Հաշվետվության 4-րդ բաժնի 510 սյունակում լրացվում է գյուղական բնակավայրերի քանակը, որտեղ գտնվում են կապի կազմակերպությունները կամ բաժանմունքները: Այդ ցուցանիշը պետք է համապատասխանի գյուղական բնակավայրերի կապի կազմակերպությունների և բաժանմունքների ընդհանուր քանակին, բացառությամբ այն դեպքերի, երբ միևնույն բնակավայրում առկա են մի քանի կապի բաժանմունք:
2.5. ՀԱՇՎԵՏՎՈՒԹՅՈՒՆ «ՓՈՍՏԱՅԻՆ ԿԱՊԻ ՄԱՍԻՆ» ՁԵՎ ԹԻՎ 21-ԿԱՊ (ՏԱՐԵԿԱՆ)
Հաշվետվությունը կազմված է 4 բաժնից. Փոստային կապի բաժանմունքների քանակը (բաժին 1), Փոստի տեղափոխումը գերատեսչական շարժակազմով (բաժին 2), Փոստային կապի միջոցների քանակը (բաժին 3), Տրանսպորտի և կապի նախարարության փոստատարների թվաքանակը (բաժին 4):
2.5.1. 1-ին բաժնի 110 տողում ցույց է տրվում փոստային կապի բաժանմունքների քանակը տարվա վերջի դրությամբ, իսկ 120 տողում` առաքման տեղամասերի քանակը:
2.5.2. 2-րդ բաժնի 200-210 տողերում լրացվում են օդային տրանսպորտով փոստային առաքումների փաստացի ծավալները (կիլոգրամ), որոնց լրացման համար հիմք են հանդիսանում փոստային առաքումների բեռնագրերը և ավիաընկերությունների հետ կնքված պայմանագրերը:
2.5.3. Հաշվետվության 220 տողում` «Շահագործվող փոստային վագոններ», լրացվում է կապի կազմակերպությունների հաշվեկշռում առկա փոստային վագոնների (ներառյալ վերանորոգման մեջ գտնվող վագոնների) քանակը, որոնք օգտագործվում են փոստային առաքումներ իրականացնելու համար:
Այս ցուցանիշում չեն ներառվում փոստային այն վագոնները, որոնք օգտագործվում են կապի կազմակերպությունների կողմից արտադրական ծառայությունների, ինչպես նաև փոստային առաքումների հետ կապ չունեցող այլ կարիքների համար:
2.5.4. «Գերատեսչական ավտոմեքենաներ փոստի տեղափոխման համար» (տող 230) ցուցանիշում ներառվում են կազմակերպությունների հաշվեկշռում առկա ավտոմեքենաները, մոտոցիկլետները (ներառյալ նորոգման մեջ գտնվող), որոնք շահագործվում են փոստային առաքումների համար:
2.5.5. 240 տողում լրացվում է փոստային փոխադրումներ իրականացնող փոստային վագոնների վազքը: Այդ ցուցանիշի մեջ ներառվում է նաև ըստ կապի կազմակերպությունների հայտերի` փոստային լրացուցիչ վագոնների և վերանորոգման ուղարկվող փոստային վագոնների վազքը:
Փոստային վագոնների վազքը որոշվում է ուղիղ և հետադարձ գծի երկարության (որը նշված է փոստային պայմանագրերում) և հաշվետու տարվա ընթացքում կատարված երթերի փաստացի քանակի արտադրյալով:
2.5.6. 250 տողի ցուցանիշում ցույց է տրվում տեղական հաղորդակցության փոստային վագոնների վազքը:
2.5.7. 260 տողի ցուցանիշում լրացվում է քաղաքային, շրջանային երթուղիներով փոստային առաքումներ իրականացնող գերատեսչական ավտոմեքենաների (ներառյալ մոտոցիկլետներ) վազքը:
Վազքի ցուցանիշի մեծությունն ըստ ուղիղ երթուղու, որոշվում է երթուղիների երկարության կրկնապատիկի (ուղիղ և հետադարձ ուղղություններ) և հաշվետու տարվա երթերի քանակի արտադրյալով, իսկ ըստ օղակաձև երթուղիների` ամբողջ երթուղու երկարության և կատարված երթերի թվի արտադրյալով:
Ավտոմեքենաների վազքի մեջ չի ներառվում ավտոպարկից մինչև կապի կազմակերպության և հետադարձ` մինչև ավտոպարկ ընկած հեռավորությունը:
Երթուղիների երկարության տվյալները վերցվում են միջմարզային, միջշրջանային, ներշրջանային քաղաքային երթուղիներով փոստի շարժման չվացուցակից:
Կատարված երթերի քանակը հաշվետու ժամանակաշրջանի համար որոշվում է փոստային փոխադրումների ապրանքատրանսպորտային բեռնագրերի հիման վրա:
2.5.8. 3-րդ բաժնի 300 տողում ցույց է տրվում շահագործման մեջ գտնվող փոստարկղերի, ներառյալ շենքի (կապի կազմակերպություններ, ֆաբրիկաներ, գործարաններ, զինվորական տեղամասեր, հանգստյան տներ, առողջարաններ, կայաններ և այլն) ներսում տեղադրված փոստարկղերի քանակը:
2.5.9. 3-րդ բաժնի 305 տողում լրացվում է փոստարկղերի քանակը տեղադրված կապի կազմակերպության սպասարկման տարածքում, որն օրենսգրքով համարվում է գյուղական վայր:
2.5.10. 310-350 տողերում ցույց են տրվում շահագործման մեջ, ինչպես նաև վերանորոգման նպատակով պահեստում գտնվող տեխնիկական միջոցների քանակը` հիմնված գույքագրման և հաշվապահական հաշվառման փաստաթղթերի տվյալների վրա:
2.5.11. Հաշվետվության 4-րդ բաժնում լրացվում է հաստիքային և ոչ հաստիքային փոստատարների թվաքանակը, որոնք իրականացնում են միայն ՀՀ Փոստի և հեռահաղորդակցության նախարարության համակարգի փոստափոխադրումները: 400 տողում ցույց է տրվում փոստատարների ընդհանուր թվաքանակը, իսկ 410 և 420 տողերում համապատասխանաբար` քաղաքային և գյուղական փոստատարների թվաքանակը:
Ոչ լրիվ աշխատանքային շաբաթ կամ աշխատանքային օր աշխատող փոստատարների թվաքանակը 4-րդ բաժնում հաշվի են առնվում որպես լրիվ միավոր: Այդ բաժինը լրացնելու համար հիմք են հանդիսանում կապի կազմակերպության հաստիքային ցուցակները:
2.6. ՀԱՇՎԵՏՎՈՒԹՅՈՒՆ ՀԵՌԱԳՐԱՅԻՆ ԿԱՊԻ, ԿԱՊՈՒՂԻՆԵՐԻ (ԿԱՆԱԼՆԵՐԻ) ԵՎ ԿՈՄՈՒՏԱՑԻՈՆ ՀԱՆԳՈՒՅՑՆԵՐԻ ՄԱՍԻՆ ՁԵՎ ԹԻՎ 31-ԿԱՊ (ՏԱՐԵԿԱՆ)
Հաշվետվությունը կազմված է 2 բաժնից. Հեռագրային կապերի և կապուղիների քանակը (բաժին 1), Հեռագրային կոմուտացիոն կապուղիների հանգույցների ունակությունը, բաժանորդային սարքավորումներ (բաժին 2):
2.6.1. 110 տողի 3-րդ սյունակում լրացվում է «խտացման» սարքավորումներով առաջացած հեռագրային բոլոր կապուղիների քանակը (բացառությամբ ներքաղաքայինների), այդ թվում նաև պահեստայինները, 4-րդ և 5-րդ սյունակներում առանձնացնելով` մայրուղային կապուղիների փաստացի քանակը, որոնք հանգույցով միացված են հակառակ կողմին, և ներհանրապետական կապուղիների փաստացի քանակը:
Մայրուղային կապուղիներ են համարվում այն կապուղիները, որոնք ապահովում են հեռագրային կապը Հայաստանի Հանրապետության և այլ երկրների միջև, իսկ ներհանրապետական` այն կապուղիները, որոնք ապահովում են հեռագրային կապը տարածաշրջանների կենտրոնների և Երևանի միջև:
110 տողում չեն ներառվում կապի կազմակերպությունների կողմից մշտական կամ ժամանակավոր շահագործատեխնիկական սպասարկման համար ընդունված այլ գերատեսչությունների կապուղիները:
2.6.2. 120 տողում լրացվում է այլ նախարարություններին (կազմակերպություններին) վարձակալությամբ տրված հեռագրային կապուղիների քանակը:
Կապուղիների հաշվառում կատարում են միայն այն կազմակերպությունները, որոնք հանդիսանում են վարձակալված կապուղիների համար փոստի և հեռահաղորդակցության նախարարության վերջնամասային կետեր, այսինքն իրականացնում են մալուխային զույգերով կապուղու հաղորդում սպառողի կապի հանգույցին:
Այն կազմակերպությունները, որոնցով տարանցիկ անցնում են վարձակալված կապուղիները, այդպիսի կապուղիների հաշվառում 120 տողում չեն կատարում:
2.6.3. 140 տողի 4-րդ սյունակում հաշվի է առնվում կոմուտացիոն կայանների միջև կապի փնջերի կապուղիները, իսկ 5-րդ սյունակում` կայանների և վերջնամասային կետերի միջև կամ կապուղիները, կամ միացման գծերը:
2.6.4. 150 տողում հաշվի են առնվում հաղորդումների կոմուտացիոն կենտրոնների (ՀԿԿ) միջև միջկենտրոնային կապերը, ՀԿԿ-ների և վերջնամասային կետերի միջև կապերը:
130-150 տողերում չեն ընդգրկվում հեռագրատների և կապի հանգույցների աշխատատեղերը, ինչպես նաև այլ ծառայողական աշխատատեղերը, որոնք տեղակայված են ՀԿԿ-ներում և կապուղիների կոմուտացիոն կայաններում (ԿԿԿ):
2.6.5. 160 տողում լրացվում է ՀԿԿ-ների և ԿԿԿ-ների միջև կապերը:
2.6.6. 2-րդ բաժնի 210-240 տողերի 3-րդ սյունակում լրացվում է կոմուտացիոն հանգույցների մոնտաժային և օգտագործված ունակությունը (հաղորդակցության հաղորդման ունակություն):
4-6 սյունակներում լրացվում են կայանների մոնտաժված և օգտագործվող ունակությունը` ըստ ցանցի տեսակների: Խառը տիպի կայանների առկայության դեպքում դրանց ունակության բաշխումը իրականացվում է ըստ կայանների անձնագրերի կամ նախագծերի:
2.6.7. 250 տողում ցույց է տրվում սպասարկվող բաժանորդային սարքերի (կայանք) քանակը, որոնք գտնվում են այլ կազմակերպություններում (անկախ նրանից, թե այդ սարքավորումները առկա են կապի կազմակերպության, թե` բաժանորդի հաշվեկշռում):
2.6.8. 260 տողի 3-րդ սյունակում ցույց է տրվում ՀԿԿ-ների նախագծային հզորությունը կապուղիներով:
2.6.9. 270 և 280 տողերի 3-րդ սյունակներում ցույց է տրվում ՀԿԿ-ների կամ հաղորդումների կոմուտացիոն այլ կոնցենտրատների (վերծանվում է լրացուցիչ տողում) օգտագործված ուղղությունները և կապուղիները:
2.7. ՀԱՇՎԵՏՎՈՒԹՅՈՒՆ «ՄԻՋԱԶԳԱՅԻՆ ԵՎ ՆԵՐՀԱՆՐԱՊԵՏԱԿԱՆ (ՄԻՋՔԱՂԱՔԱՅԻՆ) ՀԵՌԱԽՈՍԱՅԻՆ ԿԱՊԻ ՏԵԽՆԻԿԱԿԱՆ ՄԻՋՈՑՆԵՐԻ ՄԱՍԻՆ» ՁԵՎ ԹԻՎ 41-ԿԱՊ (ՏԱՐԵԿԱՆ)
Հաշվետվությունը կազմված է 3 բաժնից. Հեռախոսային կապուղիներ (բաժին 1), Միջքաղաքային հեռախոսային կայանների ունակությունը (բաժին 2), Միջազգային հեռախոսային կայանների ունակությունը (բաժին 3):
2.7.1. 10-41 տողերում միջազգային հեռախոսային կապուղիների երկարությունը, որոնք առաջացել են հաղորդման համակարգերի սարքավորումներով (սարքերով), լրացվում է միայն այն կազմակերպությունների կողմից, որոնց հաշվեկշռում առկա են այդ սարքերը:
Միջքաղաքային հեռախոսային կապուղիների երկարությունը որոշվում է հաղորդման գծերի բոլոր տեղամասերի կտրվածքով` դրանց երկարության և տոնային հաճախականության կապուղիների (հաղորդման համակարգերի տարբեր սարքերի կիրառմամբ), ինչպես նաև հեռախոսային կապուղիների (որոնք առաջացել են լարերի ֆիզիկական զույգերով) քանակի արտադրյալների հանրագումարով: Միջքաղաքային հեռախոսային կապուղիների երկարության մեջ չի ընդգրկվում կապի սիմետրիկ և կոակսալ մալուխային ու ռադիոռելեային գծերի ռեզերվի գծային, ինչպես նաև խմբակային տրակտերի պահեստային գծերի երկարությունը:
20-34 տողերում առանձնացվում է միջքաղաքային հեռախոսային կապուղիների երկարությունը, որոնք առաջացել են մայրուղային (20-24) և ներհանրապետական (30-34) կապի ցանցերում` հաշվի առնելով այն հեռախոսային կապուղիները, որոնք վարձակալությամբ տրվել են այլ նախարարություններին (կազմակերպություններին):
Կապուղիների երկարությունը և տվյալները լրացվում են հեռախոսային ցանցի սխեմաների և այլ փաստաթղթերի հիման վրա:
21 և 31 տողերում (հեռախոսային կապուղիների երկարությունը օդային գծերով) հաշվի է առնվում միջքաղաքային հեռախոսային կապուղիների երկարությունը կապի օդային գծերի մալուխային ներդիրների վրա:
22 և 32 տողերում (հեռախոսային կապուղիների երկարությունը մալուխային գծերով) հաշվի է առնվում միջքաղաքային հեռախոսային այն կապուղիների երկարությունը, որոնք կապի միացման մալուխային գծերով կապվում են ռադիոռելեային և տիեզերական կապի կայաններին, այլ նախարարությունների (կազմակերպությունների) կողմից սպասարկվող և չսպասարկվող կապի կետերին:
23 և 33 տողերում (հեռախոսային կապուղիների երկարությունը ռադիոռելեային գծերով) ցույց է տրվում կապի մալուխային գծերի ռադիոռելեային ներդիրների վրայի և կապի ռադիոռելեային միացման գծերով միջքաղաքային հեռախոսային կապուղիների երկարությունը:
24 և 34 տողերում (հեռախոսային կապուղիների երկարությունը կապի արբանյակային գծերով) ցույց է տրվում մայրուղային և ներհանրապետական միջքաղաքային հեռախոսային կապուղիների երկարությունը, որոնք առաջացել են կապի արբանյակային գծերով:
2.7.2. 40 տողում ցույց է տրվում միջքաղաքային հեռախոսային կապուղիների երկարությունը, որոնք առաջացել են հաղորդման թվային համակարգով: Սույն տողում բերված տվյալների անճշտությունների վերացման նպատակով միջքաղաքային հեռախոսային կապուղիների երկարությունը հաշվառվում է այն կազմակերպության կողմից, որի հաշվեկշռում առկա են այլ կազմակերպությունների ներշրջանային գծերը խտացնող հաղորդման համակարգի սարքավորումներ:
2.7.3. 50 տողում ցույց է տրվում վերջնամասային հեռախոսային կապուղիների քանակը, որոնք վարձակալվել են այլ նախարարությունների (կազմակերպությունների) կողմից:
2.7.4. 60 տողում հաշվի են առնվում վերջնամասային միջքաղաքային հեռախոսային կապուղիների քանակը, որոնք հաղորդման տարբեր համակարգերի վերջնամասային սարքավորումներով առաջացել են կապի օդային, մալուխային, ռադիոռելեային և արբանյակային գծերի վրա:
60 տողում լրացվում է բոլոր վերջնամասային կապուղիների քանակը, որոնք առաջացել են հաղորդման համակարգերի սարքավորումներով, անկախ այն բանից, թե դրանք հասցված են կոմուտատոր, ավտոմատ կամ կիսաավտոմատ կապի տեղամաս, տրված են վարձակալության, փոխանցվում են տոնային հեռագրատանը կամ օգտագործվում են ցածր հաճախականության տարանցիկության կազմակերպման համար:
61 տողում լրացվում է միայն գործածության մեջ դրված կապուղիների քանակը, այսինքն սպառողին հասցված կապուղիները:
2.7.5. 70 տողում ցույց է տրվում բոլոր ելակետային կապուղիների քանակը, որոնք ունեն ելակետային ավտոմատ սարքեր և ներշրջանային կապի ավտոմատ սարքեր, 71 տողում` ազգային կապուղիների քանակը, որոնք ունեն ելակետային ավտոմատ սարքեր, իսկ 72 տողում` միջազգային կապուղիների քանակը, որոնք ունեն ելակետային ավտոմատ սարքեր:
2.7.6. 2-րդ բաժնի 3-րդ սյունակում (մոնտաժված ունակությունը) լրացվում է տվյալ կազմակերպության հաշվեկշռում առկա միջքաղաքային հեռախոսային կայանների մոնտաժված ունակությունը տարվա վերջի դրությամբ, իսկ 4-րդ սյունակում` գործածության մեջ դրված ունակությունը:
80 տողի (միջքաղաքային կոմուտատորներ) մոնտաժված և գործածության մեջ դրված ունակությունները որոշվում են միջքաղաքային կոմուտատորներով ըստ կապի ձեռքի կոմպլեկտների քանակի, որոնք ներառված են ավտոմատ միջքաղաքային հեռախոսային կայաններում (ԱՄՀԿ):
81 տողի (ավտոմատ միջքաղաքային կապի սարքավորումներ) մոնտաժված և գործածության մեջ դրված ունակությունները պետք է համապատասխանեն ԱՄՀԿ-ների զոնային կապի կապուղիների և գծերի քանակի հանրագումարին, որոնք առանձնացվում են 82, 83, 84 տողերում:
2.7.7. 3-րդ բաժնի (Միջազգային հեռախոսային կայանների ունակությունը) լրացման կարգը նույնն է ինչ 2-րդ բաժինը:
2.7.8. 100 տողում (Միջքաղաքային հեռախոսային կապի խոսակցության կետերի քանակը) լրացվում է այն միջքաղաքային հեռախոսային կապի կետերի քանակը, որոնցում կատարվում է միջքաղաքային և միջազգային հեռախոսային խոսակցությունների պատվերների ընդունում հաճախորդից, անկախ այն բանից` կայանները ապահովված են հեռախոսախցիկներով, թե ոչ, ինչպես նաև այն ավտոմատ խոսակցական կետերը, որտեղ կիրառվում են էլեկտրոնային հաշվիչ մեքենաներ: Հաշվետու տարվա ընթացքում ժամանակավոր բացվող հեռախոսային խոսակցության կետերը հաշվետվության մեջ չեն ընդգրկվում: 100 տողի տվյալները պետք է կապակցվեն ձև թիվ 18-կապ «Կապի կազմակերպությունների մասին» հաշվետվության 3-րդ բաժնի տվյալների հետ (41-կապ հաշվետվության 100 տողի և 18-կապ հաշվետվության 400 տողի 4-րդ սյունակի հանրագումարը պետք է համապատասխանի 18-կապ հաշվետվության 400 տողի 3-րդ սյունակի տվյալներին):
2.8. ՀԱՇՎԵՏՎՈՒԹՅՈՒՆ «ՀԵՌԱԽՈՍԱՅԻՆ ԿԱՊԻ ՄԻՋՈՑՆԵՐԻ ՄԱՍԻՆ» ՁԵՎ ԹԻՎ 42-ԿԱՊ (ՏԱՐԵԿԱՆ)
Հաշվետվությունը կազմված է 4 բաժնից. Կայանները, ենթակայանները և դրանց հնարավորությունը (բաժին 1), Ապարատների և բաժանորդների թվաքանակը (բաժին 2), Գծային տնտեսությունը տարվա վերջի դրությամբ (բաժին 3), Բնակարաններում հեռախոս տեղադրելու գործընթացը (բաժին 4):
Բոլոր ցուցանիշները քաղաքային և գյուղական պայմաններում բաշխվում են ըստ ՀՀ «Վարչատարածքային բաժանման մասին» օրենքով սահմանված քաղաքային և գյուղական բնակավայրերի:
1 բաժինը լրացնելու համար հիմք են հանդիսանում կայանների սարքավորումների անձնագրերի տվյալները:
2.8.1. 110 տողում` «Հեռախոսային կայանների, ենթակայանների քանակը» լրացվում է քաղաքային և գյուղական բնակավայրերում տեղադրված ավտոմատ հեռախոսային կայանների (ԱՀԿ) քանակը (անկախ սեփականության ձևից), որոնք նախատեսված են ընդհանուր օգտագործման համար, ներառյալ «Իսկրա» ցանցի կայանները:
2.8.2. «110 տողից հեռախոսային կայանների, ենթակայանների ընդհանուր ունակությունը-մոնտաժված» (տող 113) և «110 տողից հեռախոսային կայանների, ենթակայանների ընդհանուր ունակությունը-օգտագործված» (տող 114) ցուցանիշներում հաշվի են առնվում տեղակայված բոլոր բաժանորդային և հատուկ կոմպլեկտները, սարքավորումները, որոնք օգտագործվում են տաքսաֆոնների միացման համար, գերատեսչական կայանների ելքային և մուտքային միացնող գծերը և գերատեսչական, տեղեկատվական-ինֆորմացիոն, պատվերային ծառայություններին մշտական օգտագործման տրամադրված գծերը:
Մոնտաժված և օգտագործված ունակությունների մեջ հաշվի են առնվում նաև բոլոր ստուգիչ համարները, ինքնապատասխանողների համարները, այն համարները, որոնք օգտագործվում են ծառայողական նպատակներով սրահներում, գծային-մալուխային ծառայություններում և այլն, աբոնենտային կոմպլեկտներում ներառված վերանորոգման ծառայության գծերը, ինչպես նաև «Իսկրա» բաժանորդային ցանցի համարները:
Օգտագործված ունակության մեջ մտնում են ամրագրված հեռախոսային բաժանորդային համարները, որոնց համար գանձվում են բաժանորդագրական վճարումներ:
2.8.3. 120 տողում լրացվում է այլ նախարարությունների, կազմակերպությունների կայանների քանակը, որոնք ելք ունեն Տրանսպորտի և կապի նախարարության ցանց, իսկ 121 և 122 տողերում` համապատասխանաբար վերը նշված կայանների մոնտաժված և օգտագործված ունակությունը:
2.8.4. 2 բաժնի 130 տողում` «Հիմնական հեռախոսային ապարատների քանակը (առանց տաքսաֆոնների և «Իսկրա» ցանցի հեռախոսային ապարատների)» հաշվառվում են Տրանսպորտի և կապի նախարարության և այլ գերատեսչությունների ու կազմակերպությունների բոլոր հիմնական հեռախոսային ապարատները, որոնք ելք ունեն ընդհանուր օգտագործման ցանց:
2.8.5. 140 տողում լրացվում է տաքսաֆոնների ընդհանուր քանակը, առանձնացնելով դրանք ունիվերսալների (տող 141) և տեղականների (տող 142), իսկ 150 տողում` «Իսկրա» ցանցի հեռախոսային ապարատների քանակը: Ունիվերսալ են այն տաքսաֆոնները, որոնց միջոցով իրականացվում են ինչպես միջքաղաքային, այնպես էլ տեղական հեռախոսային խոսակցությունները:
2-րդ, 3-րդ, 4-րդ բաժինների ցուցանիշների լրացման վերաբերյալ առանձնացված պարզաբանումներ չի տրվում, քանի որ դրանք իրենից ներկայացնում են ցուցանիշներ բնեղեն (քանակական) արտահայտությամբ:
2.9. ՀԱՇՎԵՏՎՈՒԹՅՈՒՆ «ՀԵՌՈՒՍՏԱՏԵՍՈՒԹՅԱՆ, ՌԱԴԻՈՀԱՂՈՐԴՈՒՄՆԵՐԻ ԵՎ ՌԱԴԻՈԿԱՊԻ ՏԵԽՆԻԿԱԿԱՆ ՄԻՋՈՑՆԵՐԻ ՄԱՍԻՆ» ՁԵՎ ԹԻՎ 51-ԿԱՊ
Հաշվետվությունը կազմված է հինգ բաժնից. Հեռուստատեսային կայանների և հաղորդակների քանակը (բաժին 1), Բնակավայրերի ընդգրկումը հեռուստատեսության և ռադիոհաղորդումներով (բաժին 2), Կաբելային հեռուստատեսության համակարգեր (բաժին 3), Ռադիոհաղորդման հաղորդակներ (բաժին 4), Ռադիոկապի հաղորդակներ (բաժին 5):
Հաշվետվությունը կազմելու համար հիմք են հանդիսանում սարքավորումների տեխնիկական անձնագրերի տվյալները:
2.9.1. 1-ին բաժնի 1-ին սյունակում լրացվում է 1 կվտ և ավելի հզորությամբ հեռուստակայանների քանակն (այդ թվում բազմածրագրային)` ըստ դրանց տեղակայման բնակավայրերի թվի, իսկ 3-րդ սյունակում` 1 կվտ-ից պակաս հզորությամբ հեռուստակայանների (այդ թվում բազմածրագրային) քանակը:
5-րդ և 6-րդ սյունակներում ցույց է տրվում համապատասխանաբար` 1 կվտ և ավելի ու 1 կվտ-ից պակաս հզորությամբ հեռուստահաղորդակների քանակը:
2.9.2. 3-րդ բաժնի 46 տողում լրացվում է կաբելային հեռուստատեսության համակարգերի (հանգույցների) (ԿՀՀՀ) ընդհանուր քանակը, որոնք գործում են անկախ բաժանորդների քանակից և գերատեսչական պատկանելությունից:
47 տողում լրացվում է ԿՀՀՀ-ի բաժանորդների թվաքանակը, որը որոշվում է կաբելային հեռուստատեսության համակարգին միացված բնակարանների թվով:
48 տողում լրացվում է բնակավայրերի քանակը, որտեղ գործում են ԿՀՀՀ: Եթե մի բնակավայրում գործում են կաբելային հեռուստատեսության մի քանի տարբեր համակարգեր, ապա տվյալների հաշվարկման ժամանակ այն ընդունում են որպես մեկ կետ:
2.9.3. 4-րդ բաժնում ցույց են տրվում ռադիոհաղորդման հաղորդակները (երկար-միջին ալիք, կարճ ալիք), անկախ դրանց փաստացի օգտագործումից (ռադիոհաղորդումներ, ռադիոկապ, այլ տիպի աշխատանքներ տարբեր պատվիրատուների համար), և գերկարճ (FM) ալիք ռադիոկայանները:
2.9.4. 5-րդ բաժնի 53 տողում ցույց է տրվում մարզկենտրոնների ռադիոկենտրոններում տեղակայված ռադիոկապի բոլոր հաղորդակները, անկախ տարբեր տեսակի աշխատանքներում (այդ թվում ռադիոհաղորդումներում) դրանց օգտագործումից:
54 տողում լրացվում է համայնքների կենտրոններում և այլ բնակավայրերում տեղակայված ռադիոկապի բոլոր հաղորդակների քանակը` բացի 1 կվտ-ից պակաս հզորությամբ ռադիոկայանների, որոնք օգտագործվում են ներգերատեսչական և դիսպետչերական կապի ծառայությունների համար:
2.10. ՀԱՇՎԵՏՎՈՒԹՅՈՒՆ «ԼԱՐԱՅԻՆ ՀԵՌԱՐՁԱԿՄԱՆ ՄԱՍԻՆ» ՁԵՎ ԹԻՎ 57-ԿԱՊ
Հաշվետվությունը կազմված է 3 բաժնից. (բաժին 1) Ձայնային լարային ռադիոհեռարձակման ցանց, (բաժին 2) Լարային ռադիոհեռարձակման գծերի երկարությունը, (բաժին 3) Ձայնային լարային ռադիոհեռարձակման ցանց ունեցող բնակավայրերի քանակը տարվա վերջի դրությամբ:
Հաշվետվությունում ցույց է տրվում ռադիոֆիկացիոն տնտեսությունը, ներառյալ այն կառույցները, որոնք փոխանցվել են հաշվեկշիռ լրիվ կամ մասնակիորեն կամ փոխանցվել են հանգույցների սպասարկման:
2.10.1. 110 տողում լրացվում է վերջնամասային ուժեղացուցիչ սարքերով սարքավորված հանգույցների, ինչպես նաև այլ բնակավայրերից կառավարվող ուժեղացուցիչ կայանների քանակը:
110 տողի ցուցանիշում որպես մեկ ռադիոհանգույց են հաշվի առնվում միևնույն բնակավայրում տեղակայված կայանները և ենթակայաններն իրենց միացված ցանցերի հետ, անկախ կառավարման ձևից (դիստանցիոն կամ ձեռքի):
111 տողում ցույց է տրվում կանոնավոր կերպով միաժամանակյա մեկից ավելի ծրագրեր հեռարձակող ռադիոհանգույցների քանակը:
120 տողում լրացվում է ուժեղացուցիչ կայանների աշխատանքի մեջ գտնվող ուժեղարարների ընդհանուր հզորությունը (վատ):
110-120 տողերի ցուցանիշները լրացվում են լարային հաղորդման հանգույցների տեխնիկական անձնագրերի տվյալների հիման վրա:
2.10.2. 130-173 տողերում լրացվում է բոլոր հանգույցների ռադիոկետերի քանակը, առանձնացնելով դրանցից գյուղականները` համաձայն 1995 թ. նոյեմբերի 7-ին ընդունված «ՀՀ վարչատարածքային բաժանման մասին» օրենքի:
140 տողում լրացվում է հիմնական ռադիոկետերի քանակը (առանց լրացուցիչների): Լրացուցիչ ռադիոկետեր են համարվում լրացուցիչ վարդակները, որոնք միացված են առկա հիմնական ռադիոկետերին և տեղակայված են բնակարանների ցանկացած տարածքում:
150 տողում լրացվում է այն ռադիոկետերի քանակը, որոնք ապահովում են հեռարձակման լրացուցիչ ծրագրերի ընդունման ունակությունը, համապատասխան բաժանորդային սարքի վարդակին միացնելու դեպքում (անկախ բաժանորդների մոտ դրանց առկայությունից):
160 տողում լրացվում է բնակարանային ռադիոկետերի քանակը, որոնք գտնվում են բնակարաններում և բնակելի մասնավոր տներում, հանրակացարաններում, անկախ գերատեսչական ենթակայությունից:
2.10.3. 2-րդ բաժնի 200 տողում լրացվում է միայն ռադիոհեռարձակման օդային գծերի երկարությունը:
200 և 222 տողերի ցուցանիշներում չպետք է հաշվի առնել ռադիոհեռարձակման կետեր մուտք գործող արտաքին բաժանորդագրական գծերի երկարությունը (հենասյուների մեկուսիչներից մինչև տան մեկուսիչ մտնող գծի երկարությունը):
220-222 տողերում լրացվում է գծերի վերանորոգման ցուցանիշները: 220 տողում ցույց է տրվում վերանորոգված գծերի ընդհանուր երկարությունը (հենասյունային, մալուխային), 221 տողում` կապիտալ վերանորոգված օդային գծերի երկարությունը, 222 տողում` կապիտալ վերանորոգված մալուխային գծերի երկարությունը:
2.10.4. 3 բաժնում ցույց է տրվում այն բնակավայրերի քանակը, որոնք ունեն ձայնային լարային հեռարձակման կետեր (230 տող), այդ թվում` բազմածրագրային (231 տող):
2.11. ՀԱՇՎԵՏՎՈՒԹՅՈՒՆ «ՄԱՅՐՈՒՂԱՅԻՆ ԵՎ ՆԵՐՀԱՆՐԱՊԵՏԱԿԱՆ ԿԱՊԻ ԳԾԵՐԻ ՄԱՍԻՆ» ՁԵՎ ԹԻՎ 61-ԿԱՊ
2.11.1. Հաշվետվությունում ցույց է տրվում կազմակերպությունների մայրուղային և ներհանրապետական ցանցի գծային տնտեսությունը:
61-կապ հաշվետվության մեջ չեն ներառվում քաղաքային և գյուղական հեռախոսային կապի հանգույցի և ռադիոֆիկացիայի գծային սարքավորումները, որոնք փոխանցվել են կապի շահագործատեխնիկական հանգույցի հաշվեկշիռ կամ վերջինիս կողմից սպասարկման համար: Դրանք հաշվառվում են ձև թիվ 42-կապ «Հեռախոսային կապի տեխնիկական միջոցների մասին» և ձև թիվ 57-կապ «Լարային ռադիոհեռարձակման մասին» հաշվետվությունների մեջ:
10-31 տողերի 3 սյունակում` լրացվում է մայրուղային, ներհանրապետական և միջազգային մալուխային գծերի երկարությունը (որից` օպտիկական), իսկ 4-րդ սյունակում` նույն գծերի մալուխի երկարությունը` անկախ հաղորդման համակարգերից (միամալուխային, երկմալուխային):
10-31 տողերում հաշվի են առնվում բոլոր մալուխները` ներառյալ ռեզերվայինները և անսարքները:
Վերը նշված տողերը լրացվում են ուժեղացուցիչ տեղամասերի միջքաղաքային մալուխային գծերի անձնագրերի տվյալների հիման վրա:
2.11.2. 40 տողում լրացվում է բոլոր ռադիոռելեային գծերի երկարությունը` անկախ նրանց բեռնվածությունից, տիպից և այդ գծերի վրա տեղադրված սարքավորումների քանակից:
50 տողի «Ռադիոռելեային գծերի հեռախոսային փողերի երկարությունը» ցուցանիշը որոշվում է ռադիոռելեային գծերի երկարության (կմ) և հեռախոսային փողերի քանակի արտադրյալով:
60 տողի «Հեռուստատեսային փողերի երկարությունը սիմպլեքս հաշվարկով» ցուցանիշը որոշվում է ռադիոռելեային գծերի յուրաքանչյուր հեռուստատեսային փողի երկարության և փողում ալիքների քանակի արտադրյալով, անկախ դրանց բեռնվածությունից: Այդ դեպքում յուրաքանչյուր դումպլեքս (կրկնակի) հեռուստատեսային ալիք հավասարեցվում է 2 սիմպլեքս ալիքի:
Հեռուստատեսային սիմպլեքս ալիքները դրանք այն ալիքներն են, որոնք ձևավորվել են հեռուստածրագրերի ընդունումը և հաղորդումը ապահովող վերջնամասային հեռուստատեսային սարքավորումներով:
-------------------
ԻՐՏԵԿ- Պետական վիճակագրական հաշվետվությունների ձևերը չեն բերվում
i
ԳՐԱՆՑՎԱԾ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՐԴԱՐԱԴԱՏՈՒԹՅԱՆ ՆԱԽԱՐԱՐՈՒԹՅԱՆ ԿՈՂՄԻՑ
«12» 01 2001 Թ.
ՊԵՏԱԿԱՆ ԳՐԱՆՑՄԱՆ ԹԻՎ 12001019