ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՔԱՂԱՔԱՇԻՆՈՒԹՅԱՆ ԿՈՄԻՏԵԻ ՆԱԽԱԳԱՀ
ՀՐԱՄԱՆ
14 ապրիլի 2022 թվականի N 09-Ն
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆՆ ԱՌԸՆԹԵՐ ՔԱՂԱՔԱՇԻՆՈՒԹՅԱՆ ՊԵՏԱԿԱՆ ԿՈՄԻՏԵԻ ՆԱԽԱԳԱՀԻ 2017 ԹՎԱԿԱՆԻ ՍԵՊՏԵՄԲԵՐԻ 11-Ի N 128-Ն ՀՐԱՄԱՆՈՒՄ ԼՐԱՑՈՒՄ ԵՎ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ
i
Ղեկավարվելով «Քաղաքաշինության մասին» օրենքի 10.1-րդ հոդվածի 3-րդ մասի 5.1-րդ կետով, և հիմք ընդունելով «Նորմատիվ իրավական ակտերի մասին» օրենքի 33-րդ և 34-րդ հոդվածները
ՀՐԱՄԱՅՈՒՄ ԵՄ
1. Հայաստանի Հանրապետության կառավարությանն առընթեր քաղաքաշինության պետական կոմիտեի նախագահի 2017 թվականի սեպտեմբերի 11-ի «Բնակելի, հասարակական, արտադրական շենքերի և շինությունների նախագծային փաստաթղթերի կազմը և բովանդակությունը սահմանող կանոնները հաստատելու և Հայաստանի Հանրապետության քաղաքաշինության նախարարի 2006 թվականի նոյեմբերի 29-ի N 273-Ն հրամանն ուժը կորցրած ճանաչելու մասին» N 128-Ն հրամանի.
i
1) նախաբանի «Հիմք ընդունելով «Քաղաքաշինության մասին» Հայաստանի Հանրապետության օրենքի 16-րդ հոդվածը և 10.1 հոդվածի առաջին մասի «գ» պարբերությունը, «Իրավական ակտերի մասին» Հայաստանի Հանրապետության օրենքի 72-րդ հոդվածը, Հայաստանի Հանրապետության կառավարության 2016 թվականի հոկտեմբերի 13-ի N 1111-Ն որոշման N 1 հավելվածի 15-րդ կետի 1-ին ենթակետը և 2015 թվականի մարտի 19-ի N 596-Ն որոշման N 1 հավելվածի 77-րդ կետը.» բառերը փոխարինել «Ղեկավարվելով «Քաղաքաշինության մասին» օրենքի 10.1-րդ հոդվածի 3-րդ մասի 5.1-րդ կետով» բառերով,
i
2) II գլխի 2-րդ կետի 4-րդ ենթակետի «ինժեներաերկրաբանական հետազննման նյութերը» բառերից հետո լրացնել «, սողանքային երևույթներից տարածքների ինժեներական պաշտպանությունն ապահովող միջոցառումների ընդհանուր նկարագիրը» բառերը,
i
3) IV գլխի N 2 Աղյուսակի «Շինարարության կազմակերպման նախագիծ» բաժնի «Շրջակա միջավայրի պահպանմանն ուղղված միջոցառումներ» բառերը փոխարինել «Շրջակա միջավայրի պահպանմանն (այդ թվում` սողանքների առաջացման կանխարգելմանն) ուղղված միջոցառումներ» բառերով,
i
4) IV գլխի N 3 Աղյուսակի «Շրջակա միջավայրի պահպանմանն ուղղված միջոցառումներ» բառերը փոխարինել «Շրջակա միջավայրի պահպանմանն (այդ թվում` սողանքների առաջացման կանխարգելմանն) ուղղված միջոցառումներ» բառերով,
i
5) IV գլխի 5-րդ կետի 8-րդ ենթակետի 1-ին պարբերության «շրջակա միջավայրի» բառերը փոխարինել «շրջակա միջավայրի (այդ թվում` սողանքային երևույթների)» բառերով, «Տեքստային նյութեր» պարբերության «ազդեցության նվազեցմանը,» բառերը փոխարինել «ազդեցության նվազեցմանը և սողանքների առաջացման կանխարգելմանը,)» բառերով:
Ա. ՂՈՒԼԱՐՅԱՆ
Պաշտոնական հրապարակման օրը` 21 ապրիլի 2022 թվական: