040.2014.251202
«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ
«25» դեկտեմբերի 2002 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
28 նոյեմբերի 2002 թվականի N 2014-Ա
ԱՆԱՎԱՐՏ ՇԻՆԱՐԱՐՈՒԹՅԱՆ ՕԲՅԵԿՏ ՄԱՍՆԱՎՈՐԵՑՆԵԼՈՒ ՄԱՍԻՆ
i
Հիմք ընդունելով «Պետական գույքի մասնավորեցման (սեփականաշնորհման) մասին» Հայաստանի Հանրապետության օրենքի 18-րդ հոդվածը` Հայաստանի Հանրապետության կառավարությունը որոշում է.
1. Հաշվեկշռային մեթոդով 5330,6 հազար դրամ գնահատված և 72 քառակուսի մետր մակերես ունեցող` Գայի անվան N 129 դպրոցի հարևանությամբ գտնվող Երևանի քաղաքապետարանի տնօրինության անավարտ շինարարության օբյեկտը (տրանսֆորմատորային ենթակայան, այսուհետ` օբյեկտ) ուղղակի վաճառքի ձևով մասնավորեցնել նախօրոք հայտնի գնորդ Գագիկ Ֆարմանյանին (քաղաք Երևան, Գ. Արծրունու 88, բն. 9, անձնագիր` N AB03675428, տրված 004-ի կողմից):
2. Սահմանել օբյեկտի վաճառքի գինը` 1332650 դրամ:
3. Սահմանել, որ գնորդը պարտավոր է`
ա) վճարումները կատարել երկամսյա ժամկետում Հայաստանի Հանրապետության օրենսդրությամբ սահմանված կարգով.
բ) իր միջոցների հաշվին վճարել անշարժ գույքի վաճառքից ծագող գույքային իրավունքների պետական գրանցման և օբյեկտի արժեքի որոշման հետ կապված վճարներն ու տուրքերը.
գ) անավարտ շինարարության օբյեկտն ավարտին հասցնելու նպատակով մեկ տարվա ընթացքում ներդնել չորս միլիոն դրամ:
4. Երևանի քաղաքապետին` երկամսյա ժամկետում ճշգրտել օբյեկտի սպասարկման համար անհրաժեշտ հողատարածքի սահմանները և գնորդի հետ կնքել հողօգտագործման պայմանագիր:
ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ
2002 ԹՎԱԿԱՆԻ ԴԵԿՏԵՄԲԵՐԻ 20-ԻՆ