040.2032.261202
«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ
«26» դեկտեմբերի 2002 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
13 դեկտեմբերի 2002 թվականի N 2032-Ա
i
«ՊԵՐԻՆԱՏԱԼՈԳԻԱՅԻ, ՄԱՆԿԱԲԱՐՁՈՒԹՅԱՆ ԵՎ ԳԻՆԵԿՈԼՈԳԻԱՅԻ ԿԵՆՏՐՈՆ» ԲԱՑ ԲԱԺՆԵՏԻՐԱԿԱՆ ԸՆԿԵՐՈՒԹՅԱՆ ՊԵՏԱԿԱՆ ՍԵՓԱԿԱՆՈՒԹՅՈՒՆ ՀԱՆԴԻՍԱՑՈՂ ԲԱԺՆԵՏՈՄՍԵՐՆ ՈՒՂՂԱԿԻ ՎԱՃԱՌՔԻ ՁԵՎՈՎ ՄԱՍՆԱՎՈՐԵՑՆԵԼՈՒ ՄԱՍԻՆ
Հաշվի առնելով «Պերինատալոգիայի, մանկաբարձության և գինեկոլոգիայի կենտրոն» բաց բաժնետիրական ընկերության առաջարկությունը ընկերության պետական սեփականություն հանդիսացող բաժնետոմսերն ուղղակի վաճառքի ձևով մասնավորեցնելու վերաբերյալ, ինչպես նաև ղեկավարվելով «Պետական գույքի մասնավորեցման (սեփականաշնորհման) մասին» Հայաստանի Հանրապետության օրենքի 18-րդ հոդվածով` Հայաստանի Հանրապետության կառավարությունը որոշում է.
1. «Պերինատալոգիայի, մանկաբարձության և գինեկոլոգիայի կենտրոն» բաց բաժնետիրական ընկերության կանոնադրական կապիտալում առկա` 34 տոկոս կազմող` պետական սեփականություն հանդիսացող 49664 բաժնետոմսը` յուրաքանչյուրը 1000 դրամ անվանական արժեքով, ուղղակի վաճառքի ձևով մասնավորեցնել ընկերությանը:
2. Սահմանել`
ա) մասնավորեցման ենթակա բաժնետոմսերի գնահատված արժեքը` 54780,5 հազար դրամ,
բ) մասնավորեցման ենթակա բաժնետոմսերի գինը` 13695 հազար դրամ, որը համապատասխանում է գնահատված արժեքի 25 տոկոսին:
3. «Պերինատալոգիայի, մանկաբարձության և գինեկոլոգիայի կենտրոն» բաց բաժնետիրական ընկերության պարտավորությունները 2002 թվականի հոկտեմբերի 1-ի դրությամբ կազմել են 70890 հազար դրամ, այդ թվում`
առևտրական կրեդիտորական պարտքերի գծով` 734 հազար դրամ,
կարճաժամկետ կրեդիտորական պարտք Հայաստանի Հանրապետության պետական բյուջեի նկատմամբ` 165 հազար դրամ,
անձնակազմին աշխատանքի վարձատրության գծով` 51421 հազար դրամ,
սոցիալական ապահովագրության գծով` 18570 հազար դրամ:
4. «Պերինատալոգիայի, մանկաբարձության և գինեկոլոգիայի կենտրոն» բաց բաժնետիրական ընկերությունը 1998-2001 թվականների տնտեսական գործունեության արդյունքներով վճարման ենթակա շահութաբաժինների գծով պարտավորություններ չունի:
5. Հայաստանի Հանրապետության պետական գույքի կառավարման նախարարին` մասնավորեցման պայմանագրում նախատեսել, որ գույքային իրավունքների պետական գրանցման և գույքի արժեքի որոշման հետ կապված վճարները և տուրքերը կատարվելու են գնորդի հաշվին` Հայաստանի Հանրապետության օրենսդրությամբ սահմանված կարգով:
6. Վճարումներն իրականացնել մասնավորեցման պայմանագրի կնքումից հետո 1-ամսյա ժամկետում` Հայաստանի Հանրապետության արժույթով:
ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ
2002 ԹՎԱԿԱՆԻ ԴԵԿՏԵՄԲԵՐԻ 18-ԻՆ