(ուժը կորցրել է 07.04.05 թիվ 659-Ն որոշում)
i
040.1050.090804
«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ
«9» օգոստոսի 2004 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
25 հունիսի 2004 թվականի N 1050-Ն
ԳՈՒՅՔ ՕՏԱՐԵԼՈՒ ՄԱՍԻՆ
i
Համաձայն Հայաստանի Հանրապետության կառավարության 2003 թվականի հունիսի 13-ի N 882-Ն որոշման` Հայաստանի Հանրապետության կառավարությունը որոշում է.
i
1. Թույլատրել «Երևանի ֆիզիկայի ինստիտուտ» պետական ոչ առևտրային կազմակերպությանը դասական աճուրդով վաճառել իր սեփականությունը հանդիսացող` Հայաստանի Հանրապետության կառավարության 1998 թվականի մարտի 27-ի N 209 որոշմամբ հաստատված կարգով 54851 հազ. դրամ գնահատված արժեք ունեցող` Երևանի Ալիխանյան եղբայրների N 12 հասցեում գտնվող` 1363.4 քառ. մետր տարածք զբաղեցնող մսուր-մանկապարտեզային համալիրը` մեկնարկային գինը սահմանելով 150 մլն դրամ (գնահատվել է 2004 թ. մարտի 15-ին):
2. Սույն որոշման 1-ին կետում նշված մսուր-մանկապարտեզային համալիրն առաջին աճուրդով չվաճառվելու դեպքում` կազմակերպվող յուրաքանչյուր հերթական աճուրդում դրա գինը կարող է իջեցվել առավելագույնը 5 տոկոսով: Գույքի վաճառքի վերջնական գինը պետք է լինի առնվազն 120 մլն դրամ:
3. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:
ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ
2004 ԹՎԱԿԱՆԻ ՀՈՒԼԻՍԻ 29-ԻՆ