ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ
ՎՃՌԱԲԵԿ ԴԱՏԱՐԱՆ
ՀՀ քաղաքացիական գործերով Քաղաքացիական գործ թիվ 3-2469 (ՎԴ)
վերաքննիչ դատարանի վճիռ 2006 թ.
Նախագահող դատավոր` Կ. Հակոբյան
Դատավորներ` Վ. Ավանեսյան
Դ. Խաչատրյան
Քաղաքացիական գործ թիվ 06-2010/2006 թ.
ՈՐՈՇՈՒՄ ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՀՀ վճռաբեկ դատարանի քաղաքացիական պալատը (այսուհետ` Վճռաբեկ դատարան)
նախագահությամբ Հ. ՄԱՆՈՒԿՅԱՆԻ
մասնակցությամբ դատավորներ Ա. ՄԿՐՏՈՒՄՅԱՆԻ
Ս. ՍԱՐԳՍՅԱՆԻ
Է. ՀԱՅՐԻՅԱՆԻ
Ս. ԳՅՈՒՐՋՅԱՆԻ
Ս. ԱՆՏՈՆՅԱՆԻ
Վ. ԱԲԵԼՅԱՆԻ
2006 թվականի դեկտեմբերի 21-ին
դռնբաց դատական նիստում, քննելով Կամո և Նելսոն Մարտիրոսյանների ներկայացուցիչ Լեռնիկ Հովհաննիսյանի վճռաբեկ բողոքը ՀՀ քաղաքացիական գործերով վերաքննիչ դատարանի 01.08.2006 թվականի վճռի դեմ` ըստ հայցի «Էքսպրես Կրեդիտ ունիվերսալ վարկային կազմակերպություն» փակ բաժնետիրական ընկերության (այսուհետ` Ընկերություն) ընդդեմ Նելսոն և Կամո Մարտիրոսյանների` փոխառության, հաշվեգրված տոկոսների և տուգանքների բռնագանձման ու գրավադրված բնակարանի վրա բռնագանձում տարածելու պահանջի մասին,
ՊԱՐԶԵՑ
1. Գործի դատավարական նախապատմությունը.
Դիմելով դատարան` Ընկերությունը պահանջել է բռնագանձել Նելսոն և Կամո Մարտիրոսյաններից 14.06.2002 թվականի թիվ 95 փոխառության պայմանագրով տրամադրված 3.955.500 ՀՀ դրամը, պայմանագրով հաշվեգրված և չվճարված 744.600 ՀՀ դրամ տոկոսների և 51.000 ՀՀ դրամ տուգանքի գումարները` ընդհանուրը 4.750.600 ՀՀ դրամ, բռնագանձումը տարածելով թիվ 95 հիփոթեքի պայմանագրով գրավ դրված Երևանի Այգեձորի փողոցի թիվ 69 շենքի թիվ 1 բնակարանի վրա:
Դիմելով դատարան` Նելսոն և Կամո Մարտիրոսյանները պահանջել են անվավեր ճանաչել 14.06.2002 թվականի թիվ 95 փոխառության և թիվ 95 հիփոթեքի պայմանագրերը:
Երևանի Արաբկիր և Քանաքեռ-Զեյթուն համայնքների առաջին ատյանի դատարանի 30.03.2006 թվականի վճռով հայցը բավարարվել է, իսկ հակընդդեմ հայցը` մերժվել:
ՀՀ քաղաքացիական գործերով վերաքննիչ դատարանի (այսուհետ` Վերաքննիչ դատարան) 01.08.2006 թվականի վճռով հայցը բավարարվել է, իսկ 01.08.2006 թվականի որոշմամբ հակընդդեմ հայցը թողնվել է առանց քննության:
Սույն գործով Վերաքննիչ դատարանի վճռի դեմ վճռաբեկ բողոք է ներկայացրել Նելսոն և Կամո Մարտիրոսյանների ներկայացուցիչ Լեռնիկ Հովհաննիսյանը:
Վճռաբեկ բողոքին պատասխան չի ներկայացվել:
Կողմերը Վճռաբեկ դատարան են ներկայացրել 14.11.2006 թվականին գրավոր ձևակերպված հաշտության համաձայնություն և պահանջել` հաստատել այն:
2. Վճռաբեկ դատարանի պատճառաբանությունները և եզրահանգումը.
i
ՀՀ քաղաքացիական դատավարության օրենսգրքի 33-րդ հոդվածի համաձայն` կողմերը դատավարության ցանկացած փուլում կարող են գործն ավարտել հաշտության համաձայնությամբ: Կողմերի միջև կայացված հաշտության համաձայնությունը ձևակերպվում է գրավոր:
Կողմերին պարզաբանվեց ՀՀ քաղաքացիական դատավարության օրենսգրքի 110-րդ հոդվածով սահմանված հաշտության համաձայնությամբ գործի վարույթը կարճելու դատավարական հետևանքները:
ՈՒսումնասիրելով ներկայացված հաշտության համաձայնությունը` Վճռաբեկ դատարանը գտնում է, որ կողմերի 14.11.2006 թվականի հաշտության համաձայնությունը չի հակասում օրենքին և չի խախտում այլ անձանց իրավունքներն ու օրինական շահերը: Հետևաբար, կողմերի հաշտության համաձայնությունը պետք է հաստատել:
Ելնելով վերոգրյալից և ղեկավարվելով ՀՀ քաղաքացիական դատավարության օրենսգրքի 33-րդ, 133-րդ, 236-239-րդ հոդվածներով` Վճռաբեկ դատարանը
ՈՐՈՇԵՑ
1. Հաստատել կողմերի 14.11.2006 թվականի հաշտության համաձայնությունը` հետևյալ բովանդակությամբ.
«ՀԱՇՏՈՒԹՅԱՆ ՀԱՄԱՁԱՅՆՈՒԹՅՈՒՆ
ք. Երևան երկու հազար վեց թվականի նոյեմբերի տասնչորսին
Քաղաքացիական գործերով վերաքննիչ դատարանի թիվ 06-2010 քաղ. գործով հայցվոր «Էքսպրես Կրեդիտ ունիվերսալ վարկային կազմակերպություն» ՓԲԸ-ն, ի դեմ տնօրեն Ա. Արզումանյանի, որը գործում է Ընկերության կանոնադրության հիման վրա (այսուհետև` Կողմ 1), մի կողմից, և նույն քաղ. գործով պատասխանողներ` Նելսոն և Կամո Մարտիրոսյանները (այսուհետև` Կողմ 2), մյուս կողմից կնքեցին սույն հաշտության համաձայնությունը հետևյալ կետերով.
1. Կողմ 2-ը Կողմ 1-ի «Անելիք բանկ» ՍՊԸ 118001155134 հաշվեհամարին պարտավորվում է վճարել 5826600 (հինգ միլիոն ութ հարյուր քսանվեց հազար վեց հարյուր) ՀՀ դրամ գումար, որպես պարտք, համաձայն 14.06.2002 թ. կնքված թիվ 95 Փոխառության պայմանագրի:
2. Կողմ 1-ը պարտավորվում է տրամադրել տեղեկանք Կողմ 2-ին առ այն, որ առ 14.06.2002 թ. թիվ 95 փոխառության և հիփոթեքի պայմանագրերի հիմքերով որևէ գումարային պահանջ չունի:
3. Կողմ 1-ը պարտավորվում է հետագայում որևէ գումարային պահանջ չներկայացնել Կողմ 2-ին, ինչպես նաև առ 14.06.2002 թ. թիվ 95 հիփոթեքի պայմանագրի կողմ հանդիսացող Նաիրա Աղբալյանին (Մարտիրոսյանին):
Կողմ 1 Կողմ 2
«Էքսպրես Կրեդիտ ունիվերսալ վարկային Նելսոն Մարտիրոսյան
ստորագրություն
կազմակերպություն» ՓԲԸ Կամո Մարտիրոսյան
ստորագրություն
տնօրեն` ստորագրություն Ա. Արզումանյան»:
2. ՀՀ քաղաքացիական գործերով վերաքննիչ դատարանի 01.08.2006 թվականի վճիռը բեկանել և գործի վարույթը կարճել:
3. Սույն որոշումն օրինական ուժի մեջ է մտնում հրապարակման պահից և ենթակա չէ բողոքարկման:
ՆԱԽԱԳԱՀՈՂ` Հ. ՄԱՆՈՒԿՅԱՆ ԴԱՏԱՎՈՐՆԵՐ` Ա. ՄԿՐՏՈՒՄՅԱՆ Ս. ՍԱՐԳՍՅԱՆ Է. ՀԱՅՐԻՅԱՆ Ս. ԳՅՈՒՐՋՅԱՆ Ս. ԱՆՏՈՆՅԱՆ Վ. ԱԲԵԼՅԱՆ