040.0732.170610
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
3 հունիսի 2010 թվականի N 732-Ն
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ 2010 ԹՎԱԿԱՆԻ ՊԵՏԱԿԱՆ ԲՅՈՒՋԵՈՒՄ ՎԵՐԱԲԱՇԽՈՒՄ, ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2009 ԹՎԱԿԱՆԻ ԴԵԿՏԵՄԲԵՐԻ 24-Ի N 1522-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ, ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՍՓՅՈՒՌՔԻ ՆԱԽԱՐԱՐՈՒԹՅԱՆԸ ԳՈՒՄԱՐ ՀԱՏԿԱՑՆԵԼՈՒ, ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՍՓՅՈՒՌՔԻ ՆԱԽԱՐԱՐՈՒԹՅԱՆ ԵՆԹԱԿԱՅՈՒԹՅԱՆ «ՀԱՅՐԵՆԻՔ-ՍՓՅՈՒՌՔ ԿԵՆՏՐՈՆ» ՊԵՏԱԿԱՆ ՈՉ ԱՌԵՎՏՐԱՅԻՆ ԿԱԶՄԱԿԵՐՊՈՒԹՅՈՒՆ ՍՏԵՂԾԵԼՈՒ ԵՎ ՆՐԱ ԿԱՆՈՆԱԴՐՈՒԹՅՈՒՆԸ ՀԱՍՏԱՏԵԼՈՒ ՄԱՍԻՆ
«Հայաստանի Հանրապետության բյուջետային համակարգի մասին» Հայաստանի Հանրապետության օրենքի 19-րդ հոդվածի 3-րդ կետին ու 23-րդ հոդվածի 3-րդ մասին համապատասխան և ղեկավարվելով «Պետական ոչ առևտրային կազմակերպությունների մասին» Հայաստանի Հանրապետության օրենքի 5-րդ և 9-րդ հոդվածներով` Հայաստանի Հանրապետության կառավարությունը որոշում է.
i
1. «Հայաստանի Հանրապետության 2010 թվականի պետական բյուջեի մասին» Հայաստանի Հանրապետության օրենքի N 1 հավելվածում կատարել վերաբաշխում և Հայաստանի Հանրապետության կառավարության 2009 թվականի դեկտեմբերի 24-ի «Հայաստանի Հանրապետության 2010 թվականի պետական բյուջեի կատարումն ապահովող միջոցառումների և Հայաստանի Հանրապետության 2010 թվականի պետական բյուջեում վերաբաշխում կատարելու մասին» N 1522-Ն որոշման N 5 հավելվածի N 1 աղյուսակում և N 17 հավելվածում կատարել փոփոխություններ` համաձայն NN 1 և 2 հավելվածների:
2. Ստեղծել Հայաստանի Հանրապետության սփյուռքի նախարարության ենթակայության «Հայրենիք-սփյուռք կենտրոն» պետական ոչ առևտրային կազմակերպություն:
3. «Հայրենիք-սփյուռք կենտրոն» պետական ոչ առևտրային կազմակերպության ստեղծման և մինչև 2010 թվականի դեկտեմբերի 31-ը ընկած ժամանակահատվածում պահպանման ծախսերի ու տարածքի վարձակալության համար Հայաստանի Հանրապետության սփյուռքի նախարարությանը հատկացնել 17299826 դրամ (այդ թվում` 2010 թվականի առաջին կիսամյակ` 4743000 դրամ, ինն ամիս` 10205742.5 դրամ, տարի` 17299826 դրամ)` Հայաստանի Հանրապետության 2010 թվականի պետական բյուջեով նախատեսված Հայաստանի Հանրապետության կառավարության պահուստային ֆոնդի հաշվին (բյուջետային ծախսերի տնտեսագիտական դասակարգման «Ընթացիկ դրամաշնորհներ պետական և համայնքային ոչ առևտրային կազմակերպություններին» (4637) հոդվածով):
4. Սահմանել, որ Հայաստանի Հանրապետության սփյուռքի նախարարության ենթակայության «Հայրենիք-սփյուռք կենտրոն» պետական ոչ առևտրային կազմակերպության գործունեության առարկան և նպատակներն են`
1) Հայաստան-սփյուռք գործակցության վերաբերյալ տեղեկատվական-վերլուծական նյութերի պատրաստումը և տարածումը, համահայկական լրատվական ռեսուրսների (այդ թվում` համահայկական կայքերի, տեղեկագրերի, թերթերի, հեռուստատեսային լրատվական հաղորդումների, հեռուստակամուրջների, ինտերնետային քննարկումների և այլնի) ստեղծումը և շահագործումը.
2) Հայաստան-սփյուռք գործակցության ոլորտում մասնագետների վերապատրաստման, վերաորակավորման, մասնագիտական որակավորման բարձրացման ծրագրերի մշակումը և իրականացումը.
3) հայապահպանությանը նվիրված ծրագրերի իրականացումը.
4) հայրենադարձության, հայրենադարձների ինտեգրման ծրագրերի իրականացումը.
5) սփյուռքի ներուժի հայտնաբերումը և Հայաստանի Հանրապետության տնտեսության մեջ այդ ներուժի ներդրման ծրագրերի մշակումը և իրականացումը.
6) գիտատեսական և կիրառական հետազոտությունների ու գնահատումների կատարումը.
7) սփյուռքի հետ իրականացվող աշխատանքներում միջազգային գիտակրթական համագործակցությանը մասնակցությունը:
5. Թույլատրել Հայաստանի Հանրապետության սփյուռքի նախարարության ենթակայության «Հայրենիք-սփյուռք կենտրոն» պետական ոչ առևտրային կազմակերպությանը, որպես ձեռնարկատիրական գործունեության տեսակներ, իրականացնել`
1) տեղեկատվական ծառայությունների մատուցում.
2) հեռուստառադիոծրագրերի կազմում.
3) հրատարակչական գործ.
4) գիտական հետազոտություններ և մշակումներ.
5) վեհաժողովների, առևտրային ցուցահանդեսների կազմակերպում.
6) նեղ մասնագիտական գիտելիքների ձեռքբերման այլ դասընթացներ, այլ կրթություն` չներառված ուրիշ խմբավորումներում:
6. Հաստատել Հայաստանի Հանրապետության սփյուռքի նախարարության ենթակայության «Հայրենիք-սփյուռք կենտրոն» պետական ոչ առևտրային կազմակերպության կանոնադրությունը` համաձայն N 3 հավելվածի:
7. Հայաստանի Հանրապետության սփյուռքի նախարարության ենթակայության «Հայրենիք-սփյուռք կենտրոն» պետական ոչ առևտրային կազմակերպության կառավարման` «Պետական ոչ առևտրային կազմակերպությունների մասին» Հայաստանի Հանրապետության օրենքի 13-րդ հոդվածի 2-րդ կետի «գ», «ե» և «է» ենթակետերով նախատեսված լիազորությունները վերապահել Հայաստանի Հանրապետության սփյուռքի նախարարությանը:
8. Սահմանել, որ Հայաստանի Հանրապետության սփյուռքի նախարարության ենթակայության`
1) «Հայրենիք-սփյուռք կենտրոն» պետական ոչ առևտրային կազմակերպությանը սեփականության իրավունքով չեն հանձնվում նվազագույն աշխատավարձի 10000-ապատիկը գերազանցող գույք, պետական սեփականություն հանդիսացող հողեր, շինություններ, պատմամշակութային նշանակություն ունեցող գույք, թանկարժեք մետաղներ և քարեր.
2) «Հայրենիք-սփյուռք կենտրոն» պետական ոչ առևտրային կազմակերպությունն իր գործունեության ընթացքում առաջացած շահույթն օգտագործում է իր կանոնադրությամբ նախատեսված նպատակների իրականացման համար:
9. Հայաստանի Հանրապետության սփյուռքի նախարարին` մեկամսյա ժամկետում ապահովել Հայաստանի Հանրապետության սփյուռքի նախարարության ենթակայության «Հայրենիք-սփյուռք կենտրոն» պետական ոչ առևտրային կազմակերպության պետական գրանցումը:
10. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:
ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ
2010 ԹՎԱԿԱՆԻ ՀՈՒՆԻՍԻ 17-ԻՆ
Հավելված N 1
ՀՀ կառավարության
2010 թվականի հունիսի 3-ի
N 732-Ն որոշման
«ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ 2010 ԹՎԱԿԱՆԻ ՊԵՏԱԿԱՆ ԲՅՈՒՋԵԻ ՄԱՍԻՆ» ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՕՐԵՆՔԻ N 1 ՀԱՎԵԼՎԱԾՈՒՄ ԿԱՏԱՐՎՈՂ ՎԵՐԱԲԱՇԽՈՒՄԸ ԵՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2009 ԹՎԱԿԱՆԻ ԴԵԿՏԵՄԲԵՐԻ 24-Ի N 1522-Ն ՈՐՈՇՄԱՆ N 5 ՀԱՎԵԼՎԱԾԻ N 1 ԱՂՅՈՒՍԱԿՈՒՄ ԿԱՏԱՐՎՈՂ ՓՈՓՈԽՈՒԹՅՈՒՆՆԵՐԸ
(հազ. դրամ)
._____________________________________________________________________.
|Բյուջե- |Բյուջետային ծախսերի գործառական |Ցուցանիշների փոփոխությունը |
|տային |դասակարգման բաժինների, խմբերի |(ավելացումները նշված են |
|ծախսերի |և դասերի, տնտեսագիտական |դրական նշանով, իսկ |
|գործառա-|դասակարգման հոդվածների, |նվազեցումները` փակագծերում) |
|կան դասա|ֆինանսավորվող ծրագրերի և դրանք|____________________________|
|կարգման |իրականացնող մարմինների |առաջին |ինն ամիս | տարի |
|________|անվանումները |կիսամյակ| | |
|բ |խ |դ | | | | |
|ա |ու|ա | | | | |
|ժ |մ |ս | | | | |
|ի |բ |ը | | | | |
|ն |ը | | | | | |
|ը | | | | | | |
|__|__|__|_______________________________|________|_________|_________|
|1 |2 |3 | 4 | 5 | 6 | 7 |
|__|__|__|_______________________________|________|_________|_________|
| | | |ԸՆԴԱՄԵՆԸ` ԾԱԽՍԵՐ | | | |
|__|__|__|_______________________________|________|_________|_________|
| | | |այդ թվում` | | | |
|__|__|__|_______________________________|________|_________|_________|
|08| | |ՀԱՆԳԻՍՏ, ՄՇԱԿՈՒՅԹ ԵՎ ԿՐՈՆ |(5000.0)|(12000.0)|(14300.0)|
|__|__|__|_______________________________|________|_________|_________|
| | | |այդ թվում` | | | |
|__|__|__|_______________________________|________|_________|_________|
| |02| |Մշակութային ծառայություններ |(5000.0)|(12000.0)|(14300.0)|
|__|__|__|_______________________________|________|_________|_________|
| | | |այդ թվում` | | | |
|__|__|__|_______________________________|________|_________|_________|
| | |05|Արվեստ |(5000.0)|(12000.0)|(14300.0)|
|__|__|__|_______________________________|________|_________|_________|
| | | |այդ թվում` | | | |
|__|__|__|_______________________________|________|_________|_________|
| | | |04. Մշակութային միջոցառումների | | | |
| | | |իրականացում |(5000.0)|(12000.0)|(14300.0)|
|__|__|__|_______________________________|________|_________|_________|
| | | |ՀՀ սփյուռքի նախարարություն |(5000.0)|(12000.0)|(14300.0)|
|__|__|__|_______________________________|________|_________|_________|
| | | |ԸՆԹԱՑԻԿ ԾԱԽՍԵՐ |(5000.0)|(12000.0)|(14300.0)|
|__|__|__|_______________________________|________|_________|_________|
| | | |այդ թվում` | | | |
|__|__|__|_______________________________|________|_________|_________|
| | | |ԴՐԱՄԱՇՆՈՐՀՆԵՐ |(5000.0)|(12000.0)|(14300.0)|
|__|__|__|_______________________________|________|_________|_________|
| | | |այդ թվում` | | | |
|__|__|__|_______________________________|________|_________|_________|
| | | |Ընթացիկ դրամաշնորհներ պետական |(5000.0)|(12000.0)|(14300.0)|
| | | |հատվածի այլ մակարդակներին | | | |
|__|__|__|_______________________________|________|_________|_________|
| | | |այդ թվում` | | | |
|__|__|__|_______________________________|________|_________|_________|
| | | |Այլ ընթացիկ դրամաշնորհներ |(5000.0)|(12000.0)|(14300.0)|
|__|__|__|_______________________________|________|_________|_________|
|08| | |ՀԱՆԳԻՍՏ, ՄՇԱԿՈՒՅԹ ԵՎ ԿՐՈՆ |(1000.0)| (2000.0)| (3000.0)|
|__|__|__|_______________________________|________|_________|_________|
| | | |այդ թվում` | | | |
|__|__|__|_______________________________|________|_________|_________|
| |03| |Ռադիո- և հեռուստահաղորդումների| | | |
| | | |հեռարձակման և հրատարակչական | | | |
| | | |ծառայություններ |(1000.0)| (2000.0)| (3000.0)|
|__|__|__|_______________________________|________|_________|_________|
| | | |այդ թվում` | | | |
|__|__|__|_______________________________|________|_________|_________|
| | |01|Հեռուստառադիոհաղորդումներ |(1000.0)| (2000.0)| (3000.0)|
|__|__|__|_______________________________|________|_________|_________|
| | | |այդ թվում` | | | |
|__|__|__|_______________________________|________|_________|_________|
| | | |09. Հայաստան-սփյուռք հեռավար |(1000.0)| (2000.0)| (3000.0)|
| | | |կոնֆերանսների կազմակերպում, | | | |
| | | |ֆիլմաշարերի, տեսահոլովակների և | | | |
| | | |հեռուստահաղորդումների | | | |
| | | |պատրաստում | | | |
|__|__|__|_______________________________|________|_________|_________|
| | | |ՀՀ սփյուռքի նախարարություն |(1000.0)| (2000.0)| (3000.0)|
|__|__|__|_______________________________|________|_________|_________|
| | | |ԸՆԹԱՑԻԿ ԾԱԽՍԵՐ |(1000.0)| (2000.0)| (3000.0)|
|__|__|__|_______________________________|________|_________|_________|
| | | |այդ թվում` | | | |
|__|__|__|_______________________________|________|_________|_________|
| | | |ԴՐԱՄԱՇՆՈՐՀՆԵՐ |(1000.0)| (2000.0)| (3000.0)|
|__|__|__|_______________________________|________|_________|_________|
| | | |այդ թվում` | | | |
|__|__|__|_______________________________|________|_________|_________|
| | | |Ընթացիկ դրամաշնորհներ պետական |(1000.0)| (2000.0)| (3000.0)|
| | | |հատվածի այլ մակարդակներին | | | |
|__|__|__|_______________________________|________|_________|_________|
| | | |այդ թվում` | | | |
|__|__|__|_______________________________|________|_________|_________|
| | | |Այլ ընթացիկ դրամաշնորհներ |(1000.0)| (2000.0)| (3000.0)|
|__|__|__|_______________________________|________|_________|_________|
|11| | |ՀԻՄՆԱԿԱՆ ԽՄԲԻՆ ՉԴԱՍՎՈՂ | | | |
| | | |ՊԱՀՈՒՍՏԱՅԻՆ ՖՈՆԴԵՐ | 6000.0 | 14000.0 | 17300.0 |
|__|__|__|_______________________________|________|_________|_________|
| | | |այդ թվում` | | | |
|__|__|__|_______________________________|________|_________|_________|
| |01| |ՀՀ կառավարության և համայնքների| | | |
| | | |պահուստային ֆոնդ | 6000.0 | 14000.0 | 17300.0 |
|__|__|__|_______________________________|________|_________|_________|
| | | |այդ թվում` | | | |
|__|__|__|_______________________________|________|_________|_________|
| | |01|ՀՀ կառավարության պահուստային | | | |
| | | |ֆոնդ | 6000.0 | 14000.0 | 17300.0 |
|__|__|__|_______________________________|________|_________|_________|
| | | |այդ թվում` | | | |
|__|__|__|_______________________________|________|_________|_________|
| | | |01. ՀՀ կառավարության | | | |
| | | |պահուստային ֆոնդ | 6000.0 | 14000.0 | 17300.0 |
|__|__|__|_______________________________|________|_________|_________|
| | | |ՀՀ կառավարություն | 6000.0 | 14000.0 | 17300.0 |
._____________________________________________________________________.
Հավելված N 2
ՀՀ կառավարության
2010 թվականի հունիսի 3-ի
N 732-Ն որոշման
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2009 ԹՎԱԿԱՆԻ ԴԵԿՏԵՄԲԵՐԻ 24-Ի N 1522-Ն ՈՐՈՇՄԱՆ N 17 ՀԱՎԵԼՎԱԾՈՒՄ ԿԱՏԱՐՎՈՂ ՓՈՓՈԽՈՒԹՅՈՒՆՆԵՐԸ
.______________________________________________________________________.
|Բյուջե- |Ծախսային ծրագրի |Ծախսային |Տնտեսա- |Դրամաշնորհ |
|տային |անվանումը, համարը |ծրագիրը |վարող |ստացող |
|ծախսերի | |կատարող ՀՀ |սուբյեկտ-|տնտեսավարող |
|գործառա-| |պետական |ներին |սուբյեկտի |
|կան դասա| |կառավարման |տրամա- |անվանումը |
|կարգման | |մարմնի |դրվող | |
|________| |անվանումը |դրամա- | |
|բ |խ |դ | | |շնորհի | |
|ա |ու|ա | | |գումարը | |
|ժ |մ |ս | | |(հազ. | |
|ի |բ |ը | | |դրամ) | |
|ն |ը | | | | | |
|ը | | | | | | |
|__|__|__|___________________|______________|_________|________________|
|1 |2 |3 | 4 | 5 | 6 | 7 |
|__|__|__|___________________|______________|_________|________________|
| | | | |ՀՀ սփյուռքի |315,037.3| |
| | | | |նախարարություն| | |
|__|__|__|__________________________________|_________|________________|
|08|02|05|Մշակութային միջոցառումների |244,831.0| |
| | | |իրականացում | | |
|__|__|__|__________________________________|_________|________________|
| | | |այդ թվում` | | |
|__|__|__|__________________________________|_________|________________|
| | | |«Մեր մեծերը» խորագրով մշակութային | 3,000.0|»Հայրենիք - |
| | | |միջոցառումներ | |սփյուռք կենտրոն»|
| | | | | |պետական ոչ |
| | | | | |առևտրային |
| | | | | |կազմակերպություն|
|__|__|__|__________________________________|_________|________________|
| | | |ՀՀ-ում համահայկական | 20,000.0|«Մեկ ազգ, մեկ |
| | | |խորհրդաժողովներ | |մշակույթ» |
| | | | | |հիմնադրամ |
|__|__|__|__________________________________|_________|________________|
| | | |Ցեղասպանության 100-ամյա տարելիցին | 18,700.0|«Հայրենիք - |
| | | |նվիրված միջոցառումներ | |սփյուռք կենտրոն»|
| | | | | |պետական ոչ |
| | | | | |առևտրային |
| | | | | |կազմակերպություն|
|__|__|__|__________________________________|_________|________________|
| | | |Հայ բարերարների մեծարման | 5,000.0|«Հայրենիք - |
| | | |միջոցառումների նախապատրաստում | |սփյուռք կենտրոն»|
| | | | | |պետական ոչ |
| | | | | |առևտրային |
| | | | | |կազմակերպություն|
|__|__|__|__________________________________|_________|________________|
| | | |Համահայկական մրցանակաբաշխություն | 5,000.0|«Հայրենիք - |
| | | | | |սփյուռք կենտրոն»|
| | | | | |պետական ոչ |
| | | | | |առևտրային |
| | | | | |կազմակերպություն|
|__|__|__|__________________________________|_________|________________|
| | | |Աջակցություն սփյուռքի համայնքներին| 8,000.0|«Հայրենիք - |
| | | | | |սփյուռք կենտրոն»|
| | | | | |պետական ոչ |
| | | | | |առևտրային |
| | | | | |կազմակերպություն|
|__|__|__|__________________________________|_________|________________|
| | | |Աշխատանք սփյուռքի համայնքների հետ | 10,000.0|«Հայրենիք - |
| | | | | |սփյուռք կենտրոն»|
| | | | | |պետական ոչ |
| | | | | |առևտրային |
| | | | | |կազմակերպություն|
|__|__|__|__________________________________|_________|________________|
| | | |Կրթամշակութային աջակցություն | 20,131.0|«Մեկ ազգ, մեկ |
| | | |Ամերիկայի հայ համայնքներին | |մշակույթ» |
| | | | | |հիմնադրամ |
|__|__|__|__________________________________|_________|________________|
| | | |Ազգային խորհրդի ձևավորման | 17,000.0|«Հայրենիք - |
| | | |աշխատանքների իրականացում | |սփյուռք կենտրոն»|
| | | | | |պետական ոչ |
| | | | | |առևտրային |
| | | | | |կազմակերպություն|
|__|__|__|__________________________________|_________|________________|
| | | |«Մեկ ազգ, մեկ մշակույթ» |138,000.0|»Մեկ ազգ, մեկ |
| | | |համահայկական մշակութային փառատոնի | |մշակույթ» |
| | | |կազմակերպում | |հիմնադրամ |
|__|__|__|__________________________________|_________|________________|
| | | |Տարածքային համագործակցության և | 18,606.3|«Մեկ ազգ, մեկ |
| | | |համահայկական մշակութային ծրագրերի | |մշակույթ» |
| | | |իրականացում | |հիմնադրամ |
|__|__|__|__________________________________|_________|________________|
|08|03|01|Հայաստան-սփյուռք հեռավար | 16,600.0|«Հայրենիք - |
| | | |համաժողովների կազմակերպում, | |սփյուռք կենտրոն»|
| | | |ֆիլմաշարերի, տեսահոլովակների և | |պետական ոչ |
| | | |հեռուստահաղորդումների պատրաստում | |առևտրային |
| | | | | |կազմակերպություն|
|__|__|__|__________________________________|_________|________________|
|08|04|01|Սփյուռքի երիտասարդության |35,000.0 |«Հայրենիք - |
| | | |այցելություններ Հայաստան | |սփյուռք կենտրոն»|
| | | | | |պետական ոչ |
| | | | | |առևտրային |
| | | | | |կազմակերպություն|
.______________________________________________________________________.
Հավելված N 3
ՀՀ կառավարության
2010 թվականի հունիսի 3-ի
N 732-Ն որոշման
ԿԱՆՈՆԱԴՐՈՒԹՅՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՍՓՅՈՒՌՔԻ ՆԱԽԱՐԱՐՈՒԹՅԱՆ ԵՆԹԱԿԱՅՈՒԹՅԱՆ «ՀԱՅՐԵՆԻՔ-ՍՓՅՈՒՌՔ ԿԵՆՏՐՈՆ» ՊԵՏԱԿԱՆ ՈՉ ԱՌԵՎՏՐԱՅԻՆ ԿԱԶՄԱԿԵՐՊՈՒԹՅԱՆ
I. ԸՆԴՀԱՆՈՒՐ ԴՐՈՒՅԹՆԵՐ
1. Հայաստանի Հանրապետության սփյուռքի նախարարության ենթակայության «Հայրենիք-սփյուռք կենտրոն» պետական ոչ առևտրային կազմակերպությունը (այսուհետ` կենտրոն) շահույթ ստանալու նպատակ չհետապնդող, իրավաբանական անձի կարգավիճակ ունեցող ոչ առևտրային կազմակերպություն է: Կենտրոնն ստեղծված է համարվում նրա` օրենքով սահմանված կարգով պետական գրանցման պահից:
2. Կենտրոնը կարող է իր անունից ձեռք բերել և իրականացնել գույքային ու անձնական ոչ գույքային իրավունքներ, կրել պարտականություններ, դատարանում հանդես գալ որպես հայցվոր կամ պատասխանող:
3. Կենտրոնը գործում է Հայաստանի Հանրապետության օրենսդրությանը և սույն կանոնադրությանը համապատասխան:
4. Կենտրոնն այլ կազմակերպության հիմնադիր կամ մասնակից կարող է հանդիսանալ միայն հիմնադրի որոշմամբ:
5. Կենտրոնը պետք է ունենա Հայաստանի Հանրապետության զինանշանի պատկերով և իր` հայերեն, ռուսերեն ու անգլերեն անվանումներով կլոր կնիք, կարող է ունենալ ձևաթղթեր, խորհրդանիշ և այլ անհատականացման միջոցներ:
6. Կենտրոնն ունի ինքնուրույն հաշվեկշիռ, եկամուտների ու ծախսերի նախահաշիվ և բանկային հաշիվ:
7. Կենտրոնն իր պարտավորությունների համար պատասխանատու է իրեն պատկանող գույքով:
8. Կենտրոնի անվանումն է`
հայերեն լրիվ` Հայաստանի Հանրապետության սփյուռքի նախարարության «Հայրենիք-սփյուռք կենտրոն» պետական ոչ առևտրային կազմակերպություն,
հայերեն կրճատ` «Հայրենիք-սփյուռք կենտրոն» ՊՈԱԿ,
ռուսերեն լրիվ` «Ցենտռ Ռօդինա-դիասպօռա» մինիստեռստվա դիասպօռի Ռեսպուբլիկի Առմենիյա գօսուդառստվեննայա նեկօմմեռչեսկայա օռգանիզացիյա,
ռուսերեն կրճատ` «Ցենտռ Ռօդինա-դիասպօռա» ԳՆՕ,
անգլերեն լրիվ` «Center Matherland-Diaspora» State Non-Commercial Organizatiօn (SNCO) of the Ministry of Diaspora of the Republic օf Armenia,
անգլերեն կրճատ` «Center Matherland - Diaspora» SNCO:
9. Կենտրոնի իրավաբանական հասցեն է` Հայաստանի Հանրապետություն, քաղ. Երևան, Վազգեն Սարգսյան 26/1:
II. ԿԵՆՏՐՈՆԻ ԳՈՐԾՈՒՆԵՈՒԹՅԱՆ ԱՌԱՐԿԱՆ ԵՎ ՆՊԱՏԱԿՆԵՐԸ
10. Կենտրոնի գործունեության առարկան և նպատակներն են`
1) Հայաստան-սփյուռք գործակցության վերաբերյալ տեղեկատվական-վերլուծական նյութերի պատրաստումը և տարածումը, համահայկական լրատվական ռեսուրսների (այդ թվում` համահայկական կայքերի, տեղեկագրերի, թերթերի, հեռուստատեսային լրատվական հաղորդումների, հեռուստակամուրջների, ինտերնետային քննարկումների և այլնի) ստեղծումը և շահագործումը.
2) Հայաստան-սփյուռք գործակցության ոլորտում մասնագետների վերապատրաստման, վերաորակավորման, մասնագիտական որակավորման բարձրացման ծրագրերի մշակումը և իրականացումը.
3) հայապահպանությանը նվիրված ծրագրերի իրականացումը.
4) հայրենադարձության և հայրենադարձների ինտեգրման ծրագրերի իրականացումը.
5) սփյուռքի ներուժի հայտնաբերումը և Հայաստանի Հանրապետության տնտեսության մեջ այդ ներուժի ներդրման ծրագրերի իրականացումը.
6) գիտատեսական և կիրառական հետազոտությունների ու գնահատումների կատարումը.
7) սփյուռքի հետ իրականացվող աշխատանքներում միջազգային գիտակրթական համագործակցությանը մասնակցությունը:
11. Իր առջև դրված խնդիրներին համապատասխան` կենտրոնը`
1) կազմում է աշխատանքային ծրագրեր և դրանք ներկայացնում համապատասխան մարմնի հաստատմանը.
2) կնքում է պայմանագրեր Հայաստանի Հանրապետության և օտարերկրյա իրավաբանական ու ֆիզիկական անձանց հետ.
3) իր գործունեության նպատակներին համապատասխան` կարող է զբաղվել հիմնադրի կողմից թույլատրված ձեռնարկատիրական գործունեության տեսակներով:
12. Կենտրոնը, որպես ձեռնարկատիրական գործունեության տեսակներ, իրականացնում է`
1) տեղեկատվական ծառայությունների մատուցում.
2) հեռուստառադիոծրագրերի կազմում.
3) հրատարակչական գործ.
4) գիտական հետազոտություններ և մշակումներ.
5) վեհաժողովների, առևտրային ցուցահանդեսների կազմակերպում.
6) նեղ մասնագիտական գիտելիքների ձեռքբերման այլ դասընթացներ, այլ կրթություն` չներառված ուրիշ խմբավորումներում:
13. Կենտրոնը կարող է լիցենզավորման ենթակա գործունեության տեսակներով զբաղվել միայն լիցենզիայի հիման վրա:
III. ԿԵՆՏՐՈՆԻ ԿԱՌԱՎԱՐՈՒՄԸ
14. Կենտրոնի կառավարումը Հայաստանի Հանրապետության օրենսդրությանը և սույն կանոնադրությանը համապատասխան իրականացնում են հիմնադիրը` Հայաստանի Հանրապետության կառավարությունը, նրա կողմից լիազորված պետական մարմինը` Հայաստանի Հանրապետության սփյուռքի նախարարությունը, գործադիր մարմինը` տնօրենը:
15. Լիազոր մարմինը`
1) իրականացնում է կենտրոնի ընդհանուր կառավարումը, ապահովում նրա բնականոն գործունեությունը և կրում պատասխանատվություն դրանք չկատարելու կամ ոչ պատշաճ կատարելու համար.
2) սույն կանոնադրությամբ սահմանված կարգով ձևավորում է նրա կառավարման մարմինները և վաղաժամկետ դադարեցնում դրանց լիազորությունները.
3) իրականացնում է վերահսկողություն կենտրոնի գործունեության նկատմամբ.
4) կասեցնում կամ ուժը կորցրած է ճանաչում կենտրոնի տնօրենի` Հայաստանի Հանրապետության օրենսդրության պահանջներին հակասող հրամանները, հրահանգները, կարգադրությունները և ցուցումները.
5) լսում է կենտրոնի գործունեության մասին հաշվետվություններ, քննում դրա գործունեության արդյունքները.
6) իրականացնում է վերահսկողություն կենտրոնին ամրացված պետական սեփականության օգտագործման և պահպանության նկատմամբ.
7) օրենքով, հիմնադրի որոշմամբ կամ սույն կանոնադրությամբ նախատեսված դեպքերում համաձայնություն է տալիս կենտրոնի գույքն օտարելու կամ վարձակալության հանձնելու համար.
8) քննարկում և հաստատում է կենտրոնի տարեկան ծախսերի նախահաշիվը, տարեկան հաշվեկշիռը, հաստիքացուցակը, տարեկան ֆինանսական և այլ հաշվետվություններ.
9) իրականացնում է օրենքով, հիմնադրի որոշումներով և սույն կանոնադրությամբ նախատեսված այլ գործառույթներ:
16. Կենտրոնի ընթացիկ գործունեության ղեկավարումն իրականացնում է կենտրոնի տնօրենը, որը պաշտոնի նշանակվում և պաշտոնից ազատվում է (նրա լիազորությունները դադարեցվում են) լիազոր մարմնի հրամանով` Հայաստանի Հանրապետության օրենսդրությամբ սահմանված կարգով: Կենտրոնի տնօրենի հետ օրենքով սահմանված կարգով կնքվում է պայմանագիր, որը հիմնադրի անունից ստորագրում է լիազորված պետական մարմնի ղեկավարը:
17. Տնօրենը Հայաստանի Հանրապետության օրենսդրությամբ և սույն կանոնադրությամբ իրեն վերապահված լիազորությունների սահմաններում ղեկավարում է կենտրոնի գործունեությունը և կրում պատասխանատվություն Հայաստանի Հանրապետության օրենսդրության, այլ իրավական ակտերի, կենտրոնի կանոնադրության և կնքված պայմանագրերի պահանջները չկատարելու կամ ոչ պատշաճ կատարելու համար:
18. Տնօրենը լրիվ գույքային պատասխանատվություն է կրում իր մեղքով կենտրոնին և (կամ) պետությանը պատճառած վնասի համար: Տնօրենի լիազորությունների դադարեցումը հիմք չէ պատճառված վնասը հատուցելու պարտականությունները չկատարելու համար:
19. Տնօրենը չի կարող զբաղեցնել այլ պաշտոն կամ կատարել այլ վճարովի աշխատանք` բացի գիտական, մանկավարժական և ստեղծագործական աշխատանքից:
20. Տնօրենը`
1) առանց լիազորագրի հանդես է գալիս կենտրոնի անունից և ներկայացնում նրա շահերը, կնքում գործարքներ.
2) Հայաստանի Հանրապետության օրենսդրությամբ, հիմնադրի ու լիազորված պետական մարմնի որոշումներով և սույն կանոնադրությամբ սահմանված կարգով տնօրինում է կենտրոնի գույքը, այդ թվում` ֆինանսական միջոցները.
3) տալիս է կենտրոնի անունից հանդես գալու լիազորագրեր, այդ թվում` նաև վերալիազորման իրավունքով լիազորագրեր.
4) աշխատանքի նշանակում և աշխատանքից ազատում է կենտրոնի բաժինների ղեկավարներին ու աշխատողներին, նրանց նկատմամբ կիրառում խրախուսանքի և կարգապահական տույժի միջոցներ.
5) բանկերում բացում է հաշվարկային հաշիվներ.
6) կատարում է աշխատանքի բաշխում իր տեղակալների միջև.
7) սահմանում է կենտրոնի կառուցվածքը և կառուցվածքային ստորաբաժանումների իրավասությունները.
8) օրենքով և սույն կանոնադրությամբ սահմանված իր լիազորությունների սահմաններում արձակում է հրամաններ, հրահանգներ, տալիս կատարման համար պարտադիր ցուցումներ և վերահսկում դրանց կատարումը.
9) իրականացնում է Հայաստանի Հանրապետության օրենսդրությանը չհակասող այլ լիազորություններ:
IV. ԿԵՆՏՐՈՆԻ ԳՈՒՅՔԸ ԵՎ ՖԻՆԱՆՍԱԿԱՆ ԳՈՐԾՈՒՆԵՈՒԹՅՈՒՆԸ
21. Կենտրոնի սեփականությունը ձևավորվում է կենտրոնի հիմնադրման ժամանակ` հիմնադրման մասին հիմնադրի որոշմամբ սահմանված չափով հանձնված գույքից, հետագայում հիմնադրի կողմից սեփականության իրավունքով նրան հանձնվող, ինչպես նաև կենտրոնի գործունեության ընթացքում արտադրված և ձեռք բերված գույքից:
22. Կենտրոնը ֆինանսավորվում է Հայաստանի Հանրապետության պետական բյուջեից և օրենքով չարգելված այլ աղբյուրներից:
23. Կենտրոնի ֆինանսատնտեսական գործունեությունը ենթակա է ֆինանսական վերստուգման (աուդիտի)` լիազորված մարմնի կողմից ընտրված անկախ աուդիտորական կազմակերպության կամ Հայաստանի Հանրապետության օրենսդրությամբ նախատեսված վերահսկողության այլ ստորաբաժանման կողմից:
24. Կենտրոնն իր գործունեության ընթացքում առաջացած շահույթն օգտագործում է իր կանոնադրությամբ նախատեսված նպատակների իրականացման համար:
25. Կենտրոնն իրավունք ունի օրենքին, հիմնադրի որոշումներին կամ սույն կանոնադրությանը համապատասխան տիրապետելու, տնօրինելու և օգտագործելու սեփականության իրավունքով իրեն պատկանող գույքը:
26. Կենտրոնի սեփականության պահպանման պատասխանատվությունը կրում է կենտրոնը:
27. Կենտրոնի սեփականության վրա կարող է տարածվել բռնագանձում` միայն դատական կարգով:
28. Հիմնադիրը կարող է կենտրոնին անժամկետ և անհատույց օգտագործման իրավունքով ամրացնել ցանկացած գույք: Հիմնադիրն իրավունք ունի հետ վերցնելու իր կողմից կենտրոնին ամրացված գույքը:
29. Կենտրոնն իրավունք չունի ամրացված գույքը կամ դրա նկատմամբ իր իրավունքներն օտարելու, գրավ դնելու և հանձնելու անհատույց օգտագործման:
30. Կենտրոնն իրավունք ունի իրեն ամրագրված գույքը պետության անունից հանձնելու վարձակալության, եթե դա արգելված չէ հիմնադրի որոշմամբ: Ամրացված գույքի վարձակալության ժամկետը չի կարող սահմանվել մեկ տարվանից ավելի` բացառությամբ հիմնադրի կողմից սահմանված դեպքերի:
31. Ամրացված գույքի օգտագործման արդյունքում ստացված եկամուտները կենտրոնի սեփականությունն են` բացառությամբ ամրացված գույքի վարձակալությունից գոյացած վճարների, որոնք սահմանված կարգով ուղղվում են Հայաստանի Հանրապետության պետական բյուջե:
32. Կենտրոնին ամրացված գույքի օգտագործման ընթացքում առաջացած անբաժանելի բարելավումները հիմնադրի սեփականությունն են:
33. Հիմնադրի կողմից կենտրոնին գույքն ամրացնելը հիմք չէ այդ գույքի նկատմամբ հիմնադրի կամ երրորդ անձանց իրավունքները դադարեցնելու կամ փոփոխելու համար:
34. Հիմնադրի կողմից կենտրոնին ամրացված անշարժ գույքի և (կամ) պարտադիր պետական գրանցման ենթակա գույքի նկատմամբ կենտրոնի օգտագործման իրավունքը ծագում է դրանց նկատմամբ իրավունքի պետական գրանցման պահից:
V. ԿԵՆՏՐՈՆԻ ՎԵՐԱԿԱԶՄԱԿԵՐՊՈՒՄԸ ԵՎ ԼՈՒԾԱՐՈՒՄԸ
35. Կենտրոնը կարող է վերակազմակերպվել կամ լուծարվել հիմնադրի որոշմամբ` օրենքով սահմանված կարգով: Կենտրոնը դատական կարգով կարող է լուծարվել միայն օրենքով սահմանված դեպքերում և կարգով:
36. Կենտրոնի լուծարմամբ նրա գործունեությունը դադարում է` առանց նրա իրավունքները և պարտականություններն իրավահաջորդության կարգով այլ անձանց անցնելու: Կենտրոնի լուծարման դեպքում պետական կազմակերպության պարտատերերի պահանջների բավարարումից հետո մնացած գույքն ուղղվում է Հայաստանի Հանրապետության պետական բյուջե: