040.0367.180413
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
28 մարտի 2013 թվականի N 367-Ն
i
ԸՆԴԵՐՔՕԳՏԱԳՈՐԾՄԱՆ ԻՐԱՎՈՒՆՔ ՀԱՅՑՈՂ ԿԱԶՄԱԿԵՐՊՈՒԹՅԱՆ ՖԻՆԱՆՍԱԿԱՆ ԵՎ ՏԵԽՆԻԿԱԿԱՆ ԿԱՐՈՂՈՒԹՅՈՒՆՆԵՐԻ ՈՒ ՄԻՋՈՑՆԵՐԻ ՄԱՍԻՆ ՏԵՂԵԿՈՒԹՅՈՒՆՆԵՐԻ ԲՈՎԱՆԴԱԿՈՒԹՅՈՒՆԸ ԵՎ ԴՐԱՆՑ ՆԵՐԿԱՅԱՑՎՈՂ ՊԱՀԱՆՋՆԵՐԸ ՍԱՀՄԱՆԵԼՈՒ ՄԱՍԻՆ
Համաձայն Ընդերքի մասին Հայաստանի Հանրապետության օրենսգրքի 38-րդ հոդվածի 2-րդ մասի 8-րդ կետի և 49-րդ հոդվածի 2-րդ մասի 9-րդ կետի` Հայաստանի Հանրապետության կառավարությունը որոշում է.
1. Սահմանել ընդերքօգտագործման իրավունք հայցող կազմակերպության ֆինանսական և տեխնիկական կարողությունների ու միջոցների մասին տեղեկությունների բովանդակությունը և դրանց ներկայացվող պահանջները` համաձայն հավելվածի:
2. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը:
ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ
2013 ԹՎԱԿԱՆԻ ԱՊՐԻԼԻ 18-ԻՆ
Հավելված
ՀՀ կառավարության
2013 թվականի մարտի 28-ի
N 367-Ն որոշման
ԸՆԴԵՐՔՕԳՏԱԳՈՐԾՄԱՆ ԻՐԱՎՈՒՆՔ ՀԱՅՑՈՂ ԿԱԶՄԱԿԵՐՊՈՒԹՅԱՆ ՖԻՆԱՆՍԱԿԱՆ ԵՎ ՏԵԽՆԻԿԱԿԱՆ ԿԱՐՈՂՈՒԹՅՈՒՆՆԵՐԻ ՈՒ ՄԻՋՈՑՆԵՐԻ ՄԱՍԻՆ ՏԵՂԵԿՈՒԹՅՈՒՆՆԵՐԻ ԲՈՎԱՆԴԱԿՈՒԹՅՈՒՆԸ ԵՎ ԴՐԱՆՑ ՆԵՐԿԱՅԱՑՎՈՂ ՊԱՀԱՆՋՆԵՐԸ
1. Ընդերքն օգտակար հանածոների արդյունահանման նպատակով երկրաբանական ուսումնասիրությունների և օգտակար հանածոների արդյունահանման համար ընդերքօգտագործման իրավունք հայցող կազմակերպությունը (այսուհետ` դիմումատու) Ընդերքի մասին Հայաստանի Հանրապետության օրենսգրքի համաձայն դիմումին կից ներկայացվող ֆինանսական և տեխնիկական կարողությունների ու միջոցների մասին տեղեկությունները ներկայացնում է սույն պահանջներին համապատասխան:
2. Դիմումատուն լիազոր մարմին է ներկայացնում`
1) ընդերքօգտագործման ոլորտում ունեցած մասնագիտական աշխատանքի փորձի մասին տեղեկանք` համաձայն N 1 ձևի.
2) օգտակար հանածոյի արդյունահանման նպատակով երկրաբանական ուսումնասիրության աշխատանքների ծրագրով (այսուհետ` ծրագիր) կամ օգտակար հանածոյի արդյունահանման աշխատանքների նախագծով (այսուհետ` նախագիծ) պահանջվող ինժեներատեխնիկական կազմի առկայության մասին տեղեկանք` համաձայն N 2 ձևի, իսկ համապատասխան մասնագետների հետ կնքված պայմանագրերի դեպքում` նաև համապատասխան պայմանագրերի պատճենները.
3) ծրագրի կամ նախագծի իրականացման համար անհրաժեշտ`
ա. տեխնիկական կարողությունների ու միջոցների առկայության մասին տեղեկանք` համաձայն N 3 ձևի, իսկ օրենքով սահմանված կարգով օգտագործման իրավունքով պատկանող տեխնիկական միջոցի համար` նաև համապատասխան պայմանագրի պատճենը,
բ. ֆինանսական միջոցների մասին տեղեկանք` համաձայն N 4 ձևի, իսկ տրամադրված վարկային գծի կամ բանկային երաշխիքի, կամ ֆինանսական միջոցների փոխառության առկայության դեպքում` նաև համապատասխան ֆինանսական կազմակերպության հետ կնքված պայմանագրի պատճենը.
4) Հայաստանի Հանրապետության հարկային մարմինների կողմից տրված` հարկային պարտավորություններ չունենալու մասին տեղեկանք` դիմումը ներկայացնելուն նախորդող 5 օրվա դրությամբ:
3. Մետաղական օգտակար հանածոների արդյունահանման նպատակով ընդերքի երկրաբանական ուսումնասիրության և արդյունահանման իրավունք հայցելու համար կարող են դիմել առնվազն 5 տարվա մասնագիտական աշխատանքի փորձ ունեցող կազմակերպությունները, իսկ մասնագիտական աշխատանքի փորձի բացակայության դեպքում` 5 տարվա մասնագիտական աշխատանքի փորձ ունեցող` ինժեներատեխնիկական կազմ կամ մասնագիտական աշխատանքի փորձ ունեցող մասնագետների հետ կնքված պայմանագրեր ունեցող կազմակերպությունները:
4. Ոչ մետաղական օգտակար հանածոների արդյունահանման նպատակով ընդերքի երկրաբանական ուսումնասիրության և արդյունահանման իրավունք հայցելու համար կարող են դիմել առնվազն 3 տարվա մասնագիտական աշխատանքի փորձ ունեցող կազմակերպությունները, իսկ մասնագիտական աշխատանքի փորձի բացակայության դեպքում` 3 տարվա մասնագիտական աշխատանքի փորձ ունեցող` ինժեներատեխնիկական կազմ կամ մասնագիտական աշխատանքի փորձ ունեցող մասնագետների հետ կնքված պայմանագրեր ունեցող կազմակերպությունները:
Ձև N 1
ՏԵՂԵԿԱՆՔ ԸՆԴԵՐՔՕԳՏԱԳՈՐԾՄԱՆ ՈԼՈՐՏՈՒՄ ՈՒՆԵՑԱԾ ՄԱՍՆԱԳԻՏԱԿԱՆ ՓՈՐՁԻ ՄԱՍԻՆ
Սույնով___________________________________ -ը հայտնում է, որ դիմումը
(կազմակերպության անվանումը) ներկայացնելու տարվան նախորդող տարիների ընթացքում ընդերքօգտագործման ոլորտում իրականացրել է աշխատանքներ (այդ թվում` նաև պայմանագրային), որոնց ցանկը ներկայացվում է ստորև.
.________________________________________________.
|NN | Նախկինում կատարված աշխատանքների` |
|ը/կ| ընդերքօգտագործման ձևերը |
|___|____________________________________________|
|1 | 2 |
|___|____________________________________________|
|1. | |
|___|____________________________________________|
|2. | |
|___|____________________________________________|
|3. | |
.________________________________________________.
______________________________________________ ____________________
(կազմակերպության անվանումը, ղեկավարի պաշտոնը, (ստորագրությունը)
անունը, ազգանունը)
_____ _______________20 թ.
Ձև N 2
ՏԵՂԵԿԱՆՔ ՕԳՏԱԿԱՐ ՀԱՆԱԾՈՅԻ ԱՐԴՅՈՒՆԱՀԱՆՄԱՆ ՆՊԱՏԱԿՈՎ ԵՐԿՐԱԲԱՆԱԿԱՆ ՈՒՍՈՒՄՆԱՍԻՐՈՒԹՅԱՆ ԱՇԽԱՏԱՆՔՆԵՐԻ ԾՐԱԳՐՈՎ ԿԱՄ ՕԳՏԱԿԱՐ ՀԱՆԱԾՈՅԻ ԱՐԴՅՈՒՆԱՀԱՆՄԱՆ ԱՇԽԱՏԱՆՔՆԵՐԻ ՆԱԽԱԳԾՈՎ ՊԱՀԱՆՋՎՈՂ ԻՆԺԵՆԵՐԱՏԵԽՆԻԿԱԿԱՆ ԿԱԶՄԻ ԱՌԿԱՅՈՒԹՅԱՆ ՄԱՍԻՆ
.____________________________________________________________________.
|NN |Մասնագետի անունը,|Որակավորումը|Մասնագիտական |Նախկինում կատարած|
|ը/կ|ազգանունը | |աշխատանքի փորձը|աշխատանքի |
| | | | |անվանումը |
|___|_________________|____________|_______________|_________________|
| 1 | 2 | 3 | 4 | 5 |
|___|_________________|____________|_______________|_________________|
|1. | | | | |
|___|_________________|____________|_______________|_________________|
|2. | | | | |
|___|_________________|____________|_______________|_________________|
|3. | | | | |
.____________________________________________________________________.
Կից ներկայացնում եմ ___________________________________ ինժեներատեխնիկական կազմը հավաստող աշխատանքային պայմանագրերի պատճենները:
______________________________________________ ____________________
(կազմակերպության անվանումը, ղեկավարի պաշտոնը, (ստորագրությունը)
անունը, ազգանունը)
_____ _______________20 թ.
Ձև N 3
ՏԵՂԵԿԱՆՔ ՏԵԽՆԻԿԱԿԱՆ ԿԱՐՈՂՈՒԹՅՈՒՆՆԵՐԻ ՈՒ ՄԻՋՈՑՆԵՐԻ ԱՌԿԱՅՈՒԹՅԱՆ ՄԱՍԻՆ
.____________________________________________________________________.
|NN |Տեխնիկական միջոցի|Քանակը|Տեխնիկական միջոցի |Տեխնիկական միջոցի |
|ը/կ|անվանումը | |նկատմամբ իրավունքի|տեխնիկական վիճակը |
| | | |տեսակը |(սարքին է կամ ենթակա|
| | | | |է վերանորոգման) |
|___|_________________|______|__________________|____________________|
| 1 | 2 | 3 | 4 | 5 |
|___|_________________|______|__________________|____________________|
|1. | | | | |
|___|_________________|______|__________________|____________________|
|2. | | | | |
|___|_________________|______|__________________|____________________|
|3. | | | | |
.____________________________________________________________________.
Կից ներկայացնում եմ ______________________________________ տեխնիկական միջոցների նկատմամբ օգտագործման իրավունքը հավաստող պայմանագրերի պատճենները:
______________________________________________ ____________________
(կազմակերպության անվանումը, ղեկավարի պաշտոնը, (ստորագրությունը)
անունը, ազգանունը)
_____ _______________20 թ.
Ձև N 4
ՏԵՂԵԿԱՆՔ ՖԻՆԱՆՍԱԿԱՆ ՄԻՋՈՑՆԵՐԻ ԵՎ ՖԻՆԱՆՍԱԿԱՆ ԿԱԶՄԱԿԵՐՊՈՒԹՅԱՆ ՀԵՏ ԿՆՔՎԱԾ ՎԱՐԿԱՅԻՆ ԳԾԻ ՏՐԱՄԱԴՐՄԱՆ ԿԱՄ ԲԱՆԿԱՅԻՆ ԵՐԱՇԽԻՔԻ, ԿԱՄ ՆԵՐԳՐԱՎՎԱԾ ՖԻՆԱՆՍԱԿԱՆ ՄԻՋՈՑՆԵՐԻ ՓՈԽԱՌՈՒԹՅԱՆ ՄԱՍԻՆ
______________________________________ -ը հավաստում է, որ իր
(կազմակերպության անվանումը)
ֆինանսական միջոցները ________________________________________
(տարեթիվը, ամիսը, ամսաթիվը)
դրությամբ կազմում են ________________________________ դրամ:
Կից ներկայացնում եմ __________________________________ ֆինանսական կազմակերպության հետ կնքված վարկային գծի տրամադրման կամ բանկային երաշխիքի, կամ ներգրավված ֆինանսական միջոցների փոխառության մասին պայմանագրի պատճենը:
______________________________________________ ____________________
(կազմակերպության անվանումը, ղեկավարի պաշտոնը, (ստորագրությունը)
անունը, ազգանունը)
_____ _______________20 թ.