(ուժը կորցրել է 31.05.01 թիվ 147 որոշում)
i
050.0130.030899
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԵՆՏՐՈՆԱԿԱՆ ԲԱՆԿԻ ԽՈՐՀՈՒՐԴ
ՈՐՈՇՈՒՄ
3 օգոստոսի 1999 թվականի թիվ 130
i
«ԲԱՆԿԵՐԻ ԳՈՐԾՈՒՆԵՈՒԹՅԱՆ ԿԱՐԳԱՎՈՐՈՒՄԸ, ԲԱՆԿԱՅԻՆ ԳՈՐԾՈՒՆԵՈՒԹՅԱՆ ՏՆՏԵՍԱԿԱՆ ՆՈՐՄԱՏԻՎՆԵՐԸ» ԿԱՆՈՆԱԿԱՐԳ 2-ՈՒՄ (ՆՈՐ ԽՄԲԱԳՐՈՒԹՅԱՄԲ) ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ
Հիմք ընդունելով «Բանկերի և բանկային գործունեության մասին» Հայաստանի Հանրապետության օրենքը, ղեկավարվելով «Հայաստանի Հանրապետության կենտրոնական բանկի մասին» Հայաստանի Հանրապետության օրենքի 20-րդ հոդվածի «ե» ենթակետով և 37-րդ հոդվածով` Հայաստանի Հանրապետության կենտրոնական բանկի խորհուրդը որոշում է.
1. «Բանկերի գործունեության կարգավորումը, բանկային գործունեության տնտեսական նորմատիվները» կանոնակարգ 2-ում (նոր խմբագրությամբ) կատարել հետևյալ փոփոխությունները`
1.1. կանոն 7.1-ը վերաշարադրել հետևյալ բովանդակությամբ.
i
«Կանոն 7.1.
Բանկերի վարկերի և դեբիտորական պարտքերի դասակարգումը, դրանց հնարավոր կորուստների պահուստների ձևավորումը և դուրսգրումը կատարվում է համաձայն ՀՀ կենտրոնական բանկի և ՀՀ ֆինանսների և էկոնոմիկայի նախարարության կողմից համատեղ հաստատված «Հայաստանի Հանրապետության տարածքում գործող բանկերի վարկերի ու դեբիտորական պարտքերի դասակարգման և հնարավոր կորուստների պահուստների ձևավորման կարգի»».
1.2. ուժը կորցրած ճանաչել 7.2 կանոնը.
i
1.3. 7.3 կանոնը վերահամարակալել որպես 7.2 կանոն.
i
1.4. մաս 8-ը վերաշարադրել հետևյալ բովանդակությամբ`
i
«Մաս 8. Չաշխատող ակտիվների տոկոսների (և (կամ) տուժանքների) հաշվեգրման դադարեցումը և դուրսգրումը
Կանոն 8.1.
Չաշխատող ակտիվների տոկոսների (և (կամ) տուժանքների) հաշվեգրման դադարեցումը և դուրսգրումը կատարվում է համաձայն ՀՀ կենտրոնական բանկի և ՀՀ ֆինանսների և էկոնոմիկայի նախարարության կողմից համատեղ հաստատված «Հայաստանի Հանրապետության տարածքում գործող բանկերի վարկերի ու դեբիտորական պարտքերի դասակարգման և հնարավոր կորուստների պահուստների ձևավորման կարգի»».
i
1.5. կանոն 24.3-ի երրորդ պարբերության փակագծերից հանել «ինչպես նաև Հայաստանի Հանրապետության կենտրոնական բանկի խորհրդի համաձայնությամբ` այլ նմանատիպ կազմակերպություններ» արտահայտությունը:
2. Սույն որոշումն ուժի մեջ է մտնում ընդունման պահից: