040.0134.310300
«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ
«31» մարտի 2000 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
31 մարտի 2000 թվականի N 134
i
ՀԱՄԱՆՄԱՆ ՁԵՌՆԱՐԿՈՒԹՅՈՒՆՆԵՐԻ ԳՆԻ ԿԻՐԱՌՄԱՆ ՄԵԹՈԴՈՎ ՄԱՍՆԱՎՈՐԵՑՎՈՂ ՊԵՏԱԿԱՆ ԳՈՒՅՔԻ ԳՆԱՀԱՏՄԱՆ ԿԱՐԳԸ ՀԱՍՏԱՏԵԼՈՒ ՄԱՍԻՆ
Համաձայն «Պետական գույքի մասնավորեցման (սեփականաշնորհման) մասին» Հայաստանի Հանրապետության օրենքի 12 հոդվածի «ե» ենթակետի և 25 հոդվածի` Հայաստանի Հանրապետության կառավարությունը որոշում է.
Հաստատել համանման ձեռնարկությունների գնի կիրառման մեթոդով մասնավորեցվող պետական գույքի գնահատման կարգը (կցվում է):
Հաստատված է
ՀՀ կառավարության 2000 թվականի
մարտի 31-ի N 134 որոշմամբ
ԿԱՐԳ
ՀԱՄԱՆՄԱՆ ՁԵՌՆԱՐԿՈՒԹՅՈՒՆՆԵՐԻ ԳՆԻ ԿԻՐԱՌՄԱՆ ՄԵԹՈԴՈՎ ՄԱՍՆԱՎՈՐԵՑՎՈՂ ՊԵՏԱԿԱՆ ԳՈՒՅՔԻ ԳՆԱՀԱՏՄԱՆ
I. ԸՆԴՀԱՆՈՒՐ ԴՐՈՒՅԹՆԵՐ
1. Սույն կարգով կարգավորվում է համանման ձեռնարկությունների գնի կիրառման մեթոդով մասնավորեցվող պետական գույքի գնահատումը:
2. Մասնավորեցվող պետական գույքի գնահատման (այսուհետև` գույքի գնահատման) պահ է հանդիսանում մասնավորեցում իրականացնող պետական կառավարման լիազորված մարմնի (այսուհետև` լիազորված պետական մարմին) ղեկավարի կողմից գույքի գնահատման համար տրված հրամանի ամսաթվին նախորդող եռամսյակի վերջին օրը:
II. ՀԱՄԵՄԱՏՈՒԹՅԱՆ ԲԱԶԱՅԻ ԸՆՏՐՈՒԹՅՈՒՆԸ
i
3. Պետական գույքի մասնավորեցման ժամանակ համապատասխան ընկերությունները (ձեռնարկությունները) (այսուհետև` գնահատվող ընկերություն) գնահատելիս որպես համեմատության բազա ընտրվում են տնտեսության նույն ճյուղին պատկանող և համանման արտադրանք թողարկող (ծառայություն մատուցող) գնահատման պահին նախորդող 36 ամսվա ընթացքում գնահատված այն ընկերությունները (ձեռնարկությունները), որոնք մասնավորեցվել են (բացառությամբ այն ընկերությունների (ձեռնարկությունների), որոնց մասնավորեցման ժամանակ գնորդները գույքի գինը վճարելուց բացի ստանձնել են այլ պարտավորություններ:
(3-րդ կետը փոփ. 03.10.01 թիվ 933 որոշում)
i
4. Համեմատության բազայի ընտրության ժամանակ որպես համանմանության չափանիշներ ընտրվում են մասնավորեցված և գնահատվող ընկերությունների`
(4-րդ կետի ա-բ ենթակետերը հավել են 03.10.01 թիվ 933 որոշում)
գ) ապրանքների, արտադրանքի իրացումից և ծառայությունների մատուցումից ստացված հասույթը.
դ) հաշվեկշռային շահույթը.
ե) հիմնական միջոցների (բացառությամբ շենքերի և շինությունների), կապիտալ ներդրումների, տեղակայման ենթակա սարքավորումների (այսուհետև` հիմնական միջոցներ) հաշվեկշռային համադրելի արժեքները:
Գնահատվող ընկերության մինչև 1993 թվականի հուլիսի 1-ը ձեռք բերված և Հայաստանի Հանրապետության կառավարության 1995 թվականի փետրվարի 15-ի N 73 որոշմամբ վերագնահատված հիմնական միջոցները համադրելի դարձնելու համար դրանց հաշվեկշռային արժեքները բազմապատկվում են ճշգրտման ԳՃ գործակցով`
Հհ = ՀՄ x ԳՃ, որտեղ`
Հհ-ն գնահատվող ընկերության մինչև 1993 թվականի հուլիսի 1-ը ձեռք բերված հիմնական միջոցների համադրելի արժեքն է,
Հմ-ն գնահատվող ընկերության մինչև 1993 թվականի հուլիսի 1-ը ձեռք բերված հիմնական միջոցների հաշվեկշռային արժեքն է,
ԳՃ-ն ճշգրտման գործակիցն է, որը հաշվարկվում է հետևյալ բանաձևով`
Գ1բ,
ԳՃ = _____ Գ1Մ որտեղ`
Գ1բ-ն մասնավորեցված ընկերության (ձեռնարկության) մինչև 1993 թվականի հուլիսի 1-ը ձեռք բերված հիմնական միջոցների վերագնահատման Գ1 գործակիցն է,
Գ1Մ-ն գնահատվող ընկերության մինչև 1993 թվականի հուլիսի 1-ը ձեռք բերված հիմնական միջոցների վերագնահատման Գ1 գործակիցն է.
զ) ընթացիկ և ոչ ընթացիկ ակտիվները (բացառությամբ շենքերի և շինությունների, հիմնական միջոցների).
է) ընթացիկ և ոչ ընթացիկ պարտավորությունները:
(4-րդ կետի ը ենթակետը հավել է 03.10.01 թիվ 933 որոշում)
Գնահատվող ընկերության համանմանության չափանիշները հաշվարկվում են գույքի գնահատման պահի դրությամբ (բացառությամբ հասույթի և շահույթի, որոնք վերցվում են գույքի գնահատման պահին նախորդող տարվա կտրվածքով):
(4-րդ կետը փոփ. 03.10.01 թիվ 933 որոշում)
i
5. Համանմանության գործակիցը հավասար է մասնավորեցված և գնահատվող ընկերությունների համանմանության չափանիշների հարաբերության ու համանմանության չափանիշների համադրման գործակիցների արտադրյալների գումարին:
Այն հաշվարկվում է հետևյալ բանաձևով`
Գ=Բ1/Մ1xԳ1+Բ2/Մ2xԳ2+....+Բ5/Մ5xԳ5 որտեղ`
Գ-ն համանմանության գործակիցն է,
Բ1 - Բ5-ը մասնավորեցված ընկերության համանմանության չափանիշներն են,
Մ1 - Մ5-ը գնահատվող ընկերության համանմանության չափանիշներն են,
Գ1 - Գ5-ը համանմանության չափանիշների համադրման գործակիցներն են համաձայն հավելվածի:
(5-րդ կետը փոփ. 03.10.01 թիվ 933 որոշում)
i
6. Գնահատվող և մասնավորեցված ընկերությունները (ձեռնարկությունները) համարվում են համանման և գնահատվում են սույն կարգով, եթե համանմանության գործակիցն ընկած է 0,5 - 1-ի միջակայքում:
(6-րդ կետը փոփ. 03.10.01 թիվ 933 որոշում)
7. Եթե 0,5 - 1-ի միջակայքում գտնվում են մեկից ավելի մասնավորեցված ընկերություններ (ձեռնարկություններ), ապա որպես համեմատության բազա է համարվում դրանցից առավելագույն գին ունեցող ընկերությունը (ձեռնարկությունը):
(7-րդ կետը փոփ. 03.10.01 թիվ 933 որոշում)
III. ԳՆԱՀԱՏՎՈՂ ԸՆԿԵՐՈՒԹՅԱՆ ԳՆԻ ՀԱՇՎԱՐԿԸ
i
8. Գնահատվող ընկերության գինը հավասար է որպես համեմատության բազա ընդունած ընկերության (ձեռնարկության) մասնավորեցման ժամանակ ձևավորված փաստացի գնի և գնահատվող ընկերության գնահատման պահին Հայաստանի Հանրապետության կենտրոնական բանկի կողմից հրապարակված մեկ ԱՄՆ-ի դոլարի նկատմամբ դրամի` արժութային շուկաներում ձևավորված միջին փոխարժեքի ու մասնավորեցված ընկերության (ձեռնարկության) գնահատման պահին Հայաստանի Հանրապետության կենտրոնական բանկի կողմից հրապարակված մեկ ԱՄՆ-ի դոլարի նկատմամբ դրամի` արժութային շուկաներում ձևավորված միջին փոխարժեքի հարաբերության արտադրյալին: Այն հաշվարկվում է հետևյալ բանաձևով`
Գպ,
Գ = Գփ x ____
Մպ որտեղ`
Գ-ն գնահատվող ընկերության գինն է,
Գփ-ն մասնավորեցված ընկերության (ձեռնարկության) մասնավորեցման ժամանակ ձևավորման փաստացի գինն է,
Մպ-ն մասնավորեցված ընկերության (ձեռնարկության) գույքի գնահատման պահին Հայաստանի Հանրապետության կենտրոնական բանկի կողմից հրապարակված մեկ ԱՄՆ-ի դոլարի նկատմամբ դրամի` արժութային շուկաներում ձևավորված միջին փոխարժեքն է,
Գպ-ն գնահատվող ընկերության գույքի գնահատման պահին Հայաստանի Հանրապետության կենտրոնական բանկի կողմից հրապարակված մեկ ԱՄՆ-ի դոլարի նկատմամբ դրամի` արժութային շուկաներում ձևավորված միջին փոխարժեքն է:
(8-րդ կետը փոփ. 08.11.07 թիվ 1318-Ն որոշում)
IV. ԳՈՒՅՔԻ ԳՆԱՀԱՏՄԱՆ ԱՐԴՅՈՒՆՔՆԵՐԻ ՁԵՎԱԿԵՐՊՈՒՄԸ
9. Սույն կարգի համաձայն գույքի գնահատման արդյունքները ձևակերպվում են համապատասխան ակտերով և եզրափակիչ ակտով, որոնք ստորագրում են գնահատող հանձնաժողովի բոլոր անդամները, իսկ ակտերն ու եզրափակիչ ակտը հաստատում է լիազորված պետական մարմնի ղեկավարը:
Գույքի գնահատման ելակետային տվյալները կազմվում են ընկերություններում (ձեռնարկություններում), գնահատման են ներկայացվում Հայաստանի Հանրապետության համապատասխան նախարարության, գերատեսչության, տարածքային պետական կառավարման մարմնի կողմից, միաժամանակ Հայաստանի Հանրապետության համապատասխան նախարարության, գերատեսչության, տարածքային պետական կառավարման մարմնի կողմից ներկայացվում են գնահատվող ընկերության և մասնավորեցված համանման ընկերությունների (ձեռնարկությունների) համանմանության չափանիշները:
ՀԱՎԵԼՎԱԾ
i
ՀԱՄԱՆՄԱՆ ՁԵՌՆԱՐԿՈՒԹՅՈՒՆՆԵՐԻ ԳՆԻ
ԿԻՐԱՌՄԱՆ ՄԵԹՈԴՈՎ ՄԱՍՆԱՎՈՐԵՑՎՈՂ
ՊԵՏԱԿԱՆ ԳՈՒՅՔԻ ԳՆԱՀԱՏՄԱՆ ԿԱՐԳԻ
(հավելվածը խմբ. 03.10.01 թիվ 933 որոշում)
._________________________________________________________________________.
| | | Ոլորտի անվանումը |
| | |____________________________________________________|
|NN |Համանմանության |արդյունա- |ավտոմո-|ծառայու- |կոմունալ|սոցիալական |
|ը/կ|չափանիշը |բերության, |բիլային|թյունների |տնտեսու-|(առողջա- |
| | |գյուղատնտե-|տրանս- |(առևտուր, |թյան |պահություն,|
| | |սության, |պորտի |հանրային | |կրթություն)|
| | |շինարարու- |և կապի|սնունդ, | | |
| | |թյան | |կենցաղ- | | |
| | | | |սպասարկում)| | |
|___|________________|___________|_______|___________|________|___________|
|1. |Ապրանքների, | 0.15 | 0.15 | 0.15 | 0.15 | - |
| |արտադրանքի | | | | | |
| |իրացումից և | | | | | |
| |ծառայությունների| | | | | |
| |մատուցումից | | | | | |
| |ստացված հասույթը| | | | | |
|___|________________|___________|_______|___________|________|___________|
|2. |Հաշվեկշռային | 0.15 | 0.15 | 0.15 | 0.15 | - |
| |շահույթը | | | | | |
|___|________________|___________|_______|___________|________|___________|
|3. |Ընթացիկ և ոչ | 0.45 | 0.45 | 0.45 | 0.45 | 0.6 |
| |ընթացիկ | | | | | |
| |ակտիվները | | | | | |
| |(բացառությամբ | | | | | |
| |շենքերի, | | | | | |
| |շինությունների | | | | | |
| |և հիմնական | | | | | |
| |միջոցների) | | | | | |
|___|________________|___________|_______|___________|________|___________|
|4. |Ընթացիկ և ոչ | 0.15 | 0.15 | 0.15 | 0.15 | 0.2 |
| |ընթացիկ պարտավո-| | | | | |
| |րությունները | | | | | |
|___|________________|___________|_______|___________|________|___________|
|5. |Հիմնական | 0.1 | 0.1 | 0.1 | 0.1 | 0.2 |
| |միջոցների | | | | | |
| |համադրելի | | | | | |
| |հաշվեկշռային | | | | | |
| |արժեքները | | | | | |
._________________________________________________________________________.