041.0254.150500
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ
ՈՐՈՇՈՒՄ
15 մայիսի 2000 թվականի N 254
ԱՇԽԱՏԱՆՔԱՅԻՆ ԽՈՒՄԲ ՍՏԵՂԾԵԼՈՒ ՄԱՍԻՆ
Հայաստանի Հանրապետության բյուջետային հատվածում ֆինանսական հոսքերի կառավարման համակարգի կատարելագործման ծրագիրը և նշված հատվածում ենթակառուցվածքային բարեփոխումների հայեցակարգը մշակելու ու դրա դրույթների ներդրումն ապահովելու նպատակով`
1. Ստեղծել աշխատանքային խումբ և հաստատել դրա հետևյալ կազմը`
Լ. Բարխուդարյան - ՀՀ ֆինանսների և էկոնոմիկայի նախարար (աշխատանքային
խմբի ղեկավար)
Է. Ղազարյան - ՀՀ կրթության և գիտության նախարար
Ռ. Շառոյան - ՀՀ մշակույթի, երիտասարդության հարցերի և սպորտի
նախարար
Ա. Ջանջուղազյան - ՀՀ ֆինանսների նախարարի տեղակալ-գլխավոր գանձապետ
Ա. Աբովյան - ՀՀ արդարադատության նախարարի տեղակալ
Կ. Արիստակեսյան - ՀՀ մշակույթի, երիտասարդության հարցերի և սպորտի
նախարարի տեղակալ
Ռ. Զարգարյան - ՀՀ կրթության և գիտության նախարարի տեղակալ
Վ. Նազարյան - ՀՀ Ազգային ժողովի աշխատակազմի իրավաբանական
վարչության պետ (համաձայնությամբ)
Ե. Մուրադյան - ՀՀ մշակույթի, երիտասարդության հարցերի և սպորտի
նախարարության վարչության պետ
Հ. Ասատրյան - ՀՀ առողջապահության և սոցիալական ապահովության
նախարարության բաժնի պետ
Տ. Գույումջյան - ՀՀ մշակույթի, երիտասարդության հարցերի և սպորտի
նախարարության բաժնի պետ
Գ. Հակոբյան - ՀՀ առողջապահության և սոցիալական ապահովության
նախարարության գլխավոր մասնագետ
Կ. Բրուտյան - ՀՀ ֆինանսների նախարարության գլխավոր մասնագետ
(քարտուղար)
2. Աշխատանքային խմբին` երկամսյա ժամկետում Հայաստանի Հանրապետության կառավարություն ներկայացնել`
ա) Հայաստանի Հանրապետության բյուջետային հատվածում ֆինանսական հոսքերի կառավարման համակարգի կատարելագործման ծրագրի նախագիծը և դրա իրականացման միջոցառումների ցանկն ու ժամանակացույցը.
բ) Հայաստանի Հանրապետության բյուջետային հատվածում ենթակառուցվածքային բարեփոխումների հայեցակարգը և դրա դրույթների ներդրման միջոցառումների ցանկն ու ժամանակացույցը: