ՄԱՐԴՈՒ ԿՅԱՆՔԻՆ ԵՎ (ԿԱՄ) ՇՐՋԱԿԱ ՄԻՋԱՎԱՅՐԻՆ ՎՏԱՆԳ ՍՊԱՌՆԱՑՈՂ (ՎՏԱՆԳԱՎՈՐ ՆՅՈՒԹԵՐ ՊԱՐ ...

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

ՈՐՈՇՈՒՄ

15 օգոստոսի 2019 թվականի N 1041-Ն

ՄԱՐԴՈՒ ԿՅԱՆՔԻՆ ԵՎ (ԿԱՄ) ՇՐՋԱԿԱ ՄԻՋԱՎԱՅՐԻՆ ՎՏԱՆԳ ՍՊԱՌՆԱՑՈՂ (ՎՏԱՆԳԱՎՈՐ ՆՅՈՒԹԵՐ ՊԱՐՈՒՆԱԿՈՂ) ԷՆԵՐԳԱԱՐԴՅՈՒՆԱՎԵՏ ՍԱՐՔԵՐԻ, ՍԱՐՔՎԱԾՔՆԵՐԻ ԵՎ ԱՐՏԱԴՐԱՆՔԻ ՑԱՆԿԸ ՍԱՀՄԱՆԵԼՈՒ ՄԱՍԻՆ

Ղեկավարվելով «Էներգախնայողության և վերականգնվող էներգետիկայի մասին» Հայաստանի Հանրապետության օրենքի 8-րդ հոդվածի 2-րդ մասով` Հայաստանի Հանրապետության կառավարությունը որոշում է.

1. Սահմանել մարդու կյանքին և (կամ) շրջակա միջավայրին վտանգ սպառնացող (վտանգավոր նյութեր պարունակող) էներգաարդյունավետ սարքերի, սարքվածքների և արտադրանքի ցանկը` համաձայն հավելվածի:

2. Սույն որոշումն ուժի մեջ է մտնում պաշտոնական հրապարակման օրվան հաջորդող քսաներորդ օրը:

Հայաստանի Հանրապետության

    վարչապետ                     Ն. Փաշինյան

2019 թ. օգոստոսի 21

Երևան

Հավելված

ՀՀ կառավարության

2019 թվականի օգոստոսի 15-ի

N 1041-Ն որոշման

ՑԱՆԿ

ՄԱՐԴՈՒ ԿՅԱՆՔԻՆ ԵՎ (ԿԱՄ) ՇՐՋԱԿԱ ՄԻՋԱՎԱՅՐԻՆ ՎՏԱՆԳ ՍՊԱՌՆԱՑՈՂ (ՎՏԱՆԳԱՎՈՐ ՆՅՈՒԹԵՐ ՊԱՐՈՒՆԱԿՈՂ) ԷՆԵՐԳԱԱՐԴՅՈՒՆԱՎԵՏ ՍԱՐՔԵՐԻ, ՍԱՐՔԱՎՈՐՈՒՄՆԵՐԻ ԵՎ ԱՐՏԱԴՐԱՆՔԻ

1. Հեռուստացույց (որը պարունակում է սնդիկի և կապարի պարունակությամբ բաղադրանյութեր)

2. Սառնարան/սառցարան, սառցարան (որոնք պարունակում են օզոնային շերտը քայքայող նյութեր, այդ թվում` խառնուրդներ, ինչպես նաև հիդրոֆտորածխածիններ)

3. Օդորակիչներ ու օդակարգավորման այլ սարքավորումներ (որոնք պարունակում են օզոնային շերտը քայքայող նյութեր, այդ թվում` խառնուրդներ, ինչպես նաև հիդրոֆտորածխածիններ)

4. Վոլֆրամային հալոգենային լամպեր

5. Լյումինեսցենտային երկցոկոլ և միացոկոլ կոմպակտ (ԿԼԼ) լամպեր

6. Սնդիկի պարունակությամբ գազապարպման էլեկտրական լամպեր

7. Բարձր և ցածր ճնշման նատրիումային գազապարպման լամպեր

8. Հալոիդներ և այլ գազեր պարունակող գազապարպման լամպեր