ԵՐԵՎԱՆԻ ԷՐԵԲՈՒՆԻ ԹԱՂԱՅԻՆ ՀԱՄԱՅՆՔԻՆ ՇԵՆՔ ՀԱՆՁՆԵԼՈՒ ՄԱՍԻՆ

040.0262.260500

«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ

«26» մայիսի 2000 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

ՈՐՈՇՈՒՄ

26 մայիսի 2000 թվականի N 262

ԵՐԵՎԱՆԻ ԷՐԵԲՈՒՆԻ ԹԱՂԱՅԻՆ ՀԱՄԱՅՆՔԻՆ ՇԵՆՔ ՀԱՆՁՆԵԼՈՒ ՄԱՍԻՆ

Հայաստանի Հանրապետության կառավարությունը որոշում է.

1. «Երևանի ուղևորատար տրանսպորտային N 1» պետական փակ բաժնետիրական ընկերության գույքի կազմից Հայաստանի Հանրապետության օրենսդրությամբ սահմանված կարգով առանձնացնել Երևանի Արցախի փողոցի N 23 հասցեում գտնվող հանրակացարանի շենքը և անհատույց սեփականության իրավունքով հանձնել Երևանի Էրեբունի թաղային համայնքին` վերջինիս համաձայնությամբ այն որպես բնակարանային ֆոնդ վերափոխելու համար:

2. Երևանի քաղաքապետին`

ա) Երևանի Էրեբունի թաղային համայնքի ղեկավարի հետ համատեղ մեկամսյա ժամկետում ապահովել նշված շենքի սահմանված կարգով հանձնման-ընդունման աշխատանքների կատարումը և գույքային իրավունքների պետական գրանցումը.

բ) կատարել նշված շենքի սպասարկման համար անհրաժեշտ հողամասի սահմանների ճշտումը և համապատասխան ձևակերպումները:

3. Սույն որոշումն ուժի մեջ է մտնում 2000 թվականի մայիսի 26-ից: