041.0295.300500
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ
ՈՐՈՇՈՒՄ
30 մայիսի 2000 թվականի N 295
ԿԱՌՈՒՑՎԱԾՔԱՅԻՆ ԲԱՐԵՓՈԽՈՒՄՆԵՐԻ ՉՈՐՐՈՐԴ ՎԱՐԿԱՅԻՆ ԾՐԱԳՐԻ ՆԱԽԱՊԱՏՐԱՍՏՄԱՆ ԵՎ ԻՐԱԿԱՆԱՑՄԱՆ ԱՇԽԱՏԱՆՔՆԵՐԸ ՀԱՄԱԿԱՐԳՈՂՆԵՐ ՆՇԱՆԱԿԵԼՈՒ ՄԱՍԻՆ
Կառուցվածքային բարեփոխումների չորրորդ վարկային ծրագիրը նախապատրաստելու և իրականացնելու նպատակով`
1. Ներդրումների և գործարարության միջավայրի բարեփոխման աշխատանքները համակարգող նշանակել Հայաստանի Հանրապետության արդյունաբերության և առևտրի նախարարի տեղակալ Արա Պետրոսյանին:
2. Օրենսդրության կատարելագործման աշխատանքները համակարգող նշանակել Հայաստանի Հանրապետության արդարադատության նախարարի տեղակալ Գևորգ Մալխասյանին:
3. Հարկային և մաքսային վարչարարության բարելավման աշխատանքները համակարգող նշանակել Հայաստանի Հանրապետության պետական եկամուտների նախարարի տեղակալ Արմեն Ալավերդյանին:
4. Ջեռուցման համակարգի բարեփոխման աշխատանքները համակարգող նշանակել Հայաստանի Հանրապետության ֆինանսների և էկոնոմիկայի նախարարի տեղակալ Մերուժան Միքայելյանին:
5. Համակարգողներին` մինչև 2000 թվականի հունիսի 5-ը համապատասխան նախարարությունների հետ համաձայնեցնել և Հայաստանի Հանրապետության կառավարություն ներկայացնել համապատասխան ոլորտներում առաջիկա 3 ամսում իրականացվելիք միջոցառումների ծրագրերը` դրանք Համաշխարհային բանկ ներկայացնելու նպատակով: