ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ
ՈՐՈՇՈՒՄ
28 նոյեմբերի 2019 թվականի N 1765-Ա
ՄԻՋԳԵՐԱՏԵՍՉԱԿԱՆ ՀԱՆՁՆԱԺՈՂՈՎ ՍՏԵՂԾԵԼՈՒ ԵՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ 2011 ԹՎԱԿԱՆԻ ՀՈԿՏԵՄԲԵՐԻ 4-Ի N 920-Ա ՈՐՈՇՈՒՄԸ ՈՒԺԸ ԿՈՐՑՐԱԾ ՃԱՆԱՉԵԼՈՒ ՄԱՍԻՆ
i
Համաձայն «Կառավարության կառուցվածքի և գործունեության մասին» Հայաստանի Հանրապետության օրենքի 7-րդ հոդվածի 16-րդ մասի և «Նորմատիվ իրավական ակտերի մասին» Հայաստանի Հանրապետության օրենքի 37-րդ հոդվածի 1-ին մասի`
1. «Քիմիական զենքի մշակման, արտադրության, կուտակման, կիրառման, արգելման և դրա ոչնչացման մասին» կոնվենցիայից բխող պարտավորությունների կատարման աշխատանքները կանոնակարգելու նպատակով ստեղծել միջգերատեսչական հանձնաժողով (ազգային մարմին) և հաստատել դրա անհատական կազմը` համաձայն հավելվածի:
2. Հայաստանի Հանրապետության արտաքին գործերի նախարարին` ապահովել կիսամյակային պարբերությամբ միջգերատեսչական հանձնաժողովի (ազգային մարմնի) կատարած աշխատանքների վերաբերյալ հաշվետվությունը Հայաստանի Հանրապետության վարչապետի աշխատակազմ ներկայացնելը:
i
3. Ուժը կորցրած ճանաչել «Միջգերատեսչական հանձնաժողով ստեղծելու մասին» Հայաստանի Հանրապետության վարչապետի 2011 թվականի հոկտեմբերի 4-ի N 920-Ա որոշումը:
Հայաստանի Հանրապետության
վարչապետ Ն. Փաշինյան
2019 թ. նոյեմբերի 28
Երևան
Հավելված
ՀՀ վարչապետի
2019 թ. նոյեմբերի 28-ի
N 1765-Ա որոշման
ԱՆՀԱՏԱԿԱՆ ԿԱԶՄ ՄԻՋԳԵՐԱՏԵՍՉԱԿԱՆ ՀԱՆՁՆԱԺՈՂՈՎԻ (ԱԶԳԱՅԻՆ ՄԱՐՄՆԻ)
Ա. Եդիգարյան - ՀՀ արտաքին գործերի նախարարության միջազգային
անվտանգության վարչության պետ (միջգերատեսչական
հանձնաժողովի նախագահ)
Ա. Եգանյան - ՀՀ էկոնոմիկայի նախարարության արդյունաբերության
զարգացման վարչության պետ
Տ. Գիդաչյան - ՀՀ արտակարգ իրավիճակների նախարարության փրկարար
ծառայության բնակչության պաշտպանության և աղետների
հետևանքների վերացման կազմակերպման վարչության պետ
Ա. Ալեքսանդրյան - ՀՀ շրջակա միջավայրի նախարարության վտանգավոր
նյութերի և թափոնների քաղաքականության բաժնի պետ
Գ. Մարկոսյան - ՀՀ ԶՈՒ ռադիացիոն, քիմիական, կենսաբանական
պաշտպանության զորքերի վարչության ՌՔԿՊ պլանավորման
և էկոլոգիական ապահովման բաժնի պետ
Ա. Սմբատյան - ՀՀ ազգային անվտանգության ծառայության տնտեսական
անվտանգության և կոռուպցիայի հակազդման
դեպարտամենտի բաժնի պետ
Տ. Սարգսյան - ՀՀ վարչապետի աշխատակազմի անվտանգության խորհրդի
գրասենյակի անվտանգային քաղաքականության և
հիմնարար փաստաթղթերի վարչության պետական,
հասարակական անվտանգության բաժնի գլխավոր մասնագետ
Ա. Մելքոնյան - ՀՀ պետական եկամուտների կոմիտեի մաքսային
հսկողության վարչության դասակարգման և ոչ
սակագնային կարգավորման բաժնի գլխավոր մաքսային
տեսուչ
Ա. Սերգոյան - ՀՀ տարածքային կառավարման և ենթակառուցվածքների
նախարարության ջրային կոմիտեի ջրամատակարարման և
ջրահեռացման համակարգերի վարչության պետ
Ն. Բակունց - ՀՀ առողջապահության նախարարության
«Հիվանդությունների վերահսկման և կանխարգելման
ազգային կենտրոն» ՊՈԱԿ-ի տնօրենի տեղակալ
(համաձայնությամբ)
Գ. Քոչարյան - ՀՀ արտաքին գործերի նախարարության միջազգային
անվտանգության վարչության խորհրդական
(միջգերատեսչական հանձնաժողովի պատասխանատու
քարտուղար)