ՊԵՏՈՒԹՅԱՆ ԿՈՂՄԻՑ ԵՐԱՇԽԱՎՈՐՎԱԾ ԱՆՎՃԱՐ ԵՎ ԱՐՏՈՆՅԱԼ ՊԱՅՄԱՆՆԵՐՈՎ ԲԺՇԿԱԿԱՆ ՕԳՆՈՒԹՅԱՆ ...

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՌՈՂՋԱՊԱՀՈՒԹՅԱՆ ՆԱԽԱՐԱՐ
ՀՐԱՄԱՆ

22 հոկտեմբերի 2019 թվականի N 3077-Լ

ՊԵՏՈՒԹՅԱՆ ԿՈՂՄԻՑ ԵՐԱՇԽԱՎՈՐՎԱԾ ԱՆՎՃԱՐ ԵՎ ԱՐՏՈՆՅԱԼ ՊԱՅՄԱՆՆԵՐՈՎ ԲԺՇԿԱԿԱՆ ՕԳՆՈՒԹՅԱՆ ԵՎ ՍՊԱՍԱՐԿՄԱՆ ԾԱՌԱՅՈՒԹՅՈՒՆՆԵՐ ՄԱՏՈՒՑՈՂ ԲԺՇԿԱԿԱՆ ԿԱԶՄԱԿԵՐՊՈՒԹՅՈՒՆՆԵՐՈՒՄ ԱՌՈՂՋԱՊԱՀՈՒԹՅԱՆ ՆԱԽԱՐԱՐՈՒԹՅԱՆ ՄՇՏԱԿԱՆ ՆԵՐԿԱՅԱՑՈՒՑԻՉՆԵՐԻ ԵՎ ԿԱԶՄԱԿԵՐՊՈՒԹՅՈՒՆՆԵՐԻ ՑԱՆԿԸ ՀԱՍՏԱՏԵԼՈՒ ՄԱՍԻՆ

Հիմք ընդունելով Հայաստանի Հանրապետության վարչապետի 2018 թվականի հունիսի 11-ի թիվ 728-Լ որոշման հավելվածով հաստատված Հայաստանի Հանրապետության առողջապահության նախարարության կանոնադրության 18-րդ կետի 20-րդ ենթակետը, Պետության կողմից երաշխավորված անվճար և արտոնյալ պայմաններով բժշկական օգնության և սպասարկման ծառայություններ մատուցման մասին պայմանագիրը և առողջապահության նախարարի 2019 թվականի հոկտեմբերի 22-ի թիվ 3061-Լ հրամանը

ՀՐԱՄԱՅՈՒՄ ԵՄ`

1. Հաստատել «Պետության կողմից երաշխավորված անվճար և արտոնյալ պայմաններով բժշկական օգնության և սպասարկման ծառայություններ մատուցող բժշկական կազմակերպություններում առողջապահության նախարարության մշտական ներկայացուցիչների և կազմակերպությունների ցանկը»` համաձայն հավելվածի:

2. Առողջապահության նախարարության պետական առողջապահական գործակալության պետ Ծաղիկ Վարդանյանին.

1) ապահովել բժշկական կազմակերպություններում առողջապահության նախարարության մշտական ներկայացուցիչների աշխատանքները համաձայն առողջապահության նախարարի 2019 թվականի հոկտեմբերի 22-ի N 3061-Լ հրամանով հաստատված աշխատակարգի,

2) սահմանել բժշկական կազմակերպություններում մշտական ներկայացուցիչների աշխատանքային ժամերը առավոտյան ժամը` 9:00-ից մինչև 18:00, բացի շաբաթ և կիրակի օրերից, հոկտեմբերի 23-ից մինչև դեկտեմբերի 31-ը ժամկետով:

3. Առողջապահության նախարարության հասարակայնության հետ կապերի բաժնի պետ Լիլիթ Բաբախանյանին`

1) ապահովել սույն հրամանի տեղադրումը առողջապահության նախարարության պաշտոնական կայքում:

4. Առողջապահության նախարարության քարտուղարության պետ Զարուհի Դարբինյանին`

1) ապահովել սույն հրամանի առաքումը բժշկական կազմակերպություններին:

5. Սույն հրամանի կատարման հսկողությունը հանձնարարել առողջապահության նախարարության գլխավոր քարտուղարի պաշտոնակատար Արտյոմ Սմբատյանին:

Սույն հրամանը ուժի մեջ է մտնում ստորագրման պահից:

Ա. ԹՈՐՈՍՅԱՆ

----------------------------------------------------------------

ԻՐՏԵԿ -  «Նորմատիվ իրավական ակտերի մասին» ՀՀ օրենքի 2-րդ հոդվածի

1-ին մասի 6-րդ կետի համաձայն ներքին իրավական ակտ` նորմատիվ

իրավական ակտի հիման վրա և դրան համապատասխան ընդունված

իրավական ակտ, որը սահմանում է վարքագծի կանոն այն անձանց

խմբի համար, որոնք դա ընդունող մարմնի հետ աշխատանքային կամ

վարչական հարաբերությունների մեջ են կամ օգտվում են դա

ընդունող մարմնի ծառայություններից կամ աշխատանքներից:

Սույն հրամանը չի ընդունվել ոչ թե նորմատիվ իրավական ակտի, այլ

ներքին իրավական ակտի ակտի հիման վրա: Բացի այդ բժշկական

կազմակերպությունները չեն գտնվում նախարարության հետ

աշխատանքային կամ վարչական հարաբերությունների մեջ:

----------------------------------------------------------------

Հավելված

առողջապահության նախարարի

2019 թվականի հոկտեմբերի 22-ի

N 3077-Լ հրամանի

ՊԵՏՈՒԹՅԱՆ ԿՈՂՄԻՑ ԵՐԱՇԽԱՎՈՐՎԱԾ ԱՆՎՃԱՐ ԵՎ ԱՐՏՈՆՅԱԼ ՊԱՅՄԱՆՆԵՐՈՎ ԲԺՇԿԱԿԱՆ ՕԳՆՈՒԹՅԱՆ ԵՎ ՍՊԱՍԱՐԿՄԱՆ ԾԱՌԱՅՈՒԹՅՈՒՆՆԵՐ ՄԱՏՈՒՑՈՂ ԲԺՇԿԱԿԱՆ ԿԱԶՄԱԿԵՐՊՈՒԹՅՈՒՆՆԵՐՈՒՄ ԱՌՈՂՋԱՊԱՀՈՒԹՅԱՆ ՆԱԽԱՐԱՐՈՒԹՅԱՆ ՄՇՏԱԿԱՆ ՆԵՐԿԱՅԱՑՈՒՑԻՉՆԵՐԻ ԵՎ ԿԱԶՄԱԿԵՐՊՈՒԹՅՈՒՆՆԵՐԻ ՑԱՆԿԸ ՀԱՍՏԱՏԵԼՈՒ ՄԱՍԻՆ

._____________________________________________________________________.

|Կազմակերպության անվանում        |Ներկայացուցիչ                       |

|________________________________|____________________________________|

|«Արաբկիր Բժշկական Համալիր ԵԴԱԻ» |Էդուարդ Մուսինյան - ՊԱԳ փորձագիտական|

|ՍՊԸ                             |գնահատման և  մշտադիտարկման առաջին   |

|                                |բաժնի գլխավոր մշտադիտարկող          |

|________________________________|____________________________________|

|«Էրեբունի Բժշկական Կենտրոն» ՓԲԸ |Մարգարիտա Քոչարյան - ՊԱԳ            |

|                                |փորձագիտական գնահատման և            |

|                                |մշտադիտարկման առաջին բաժնի գլխավոր  |

|                                |մշտադիտարկողի ժ/պ                   |

|________________________________|____________________________________|

|«Նատալի ֆարմ» ՍՊԸ «Աստղիկ       |Հասմիկ Աղինյան - ՊԱԳ փորձագիտական   |

|բժշկական  կենտրոն»              |գնահատման և  մշտադիտարկման երկրորդ  |

|                                |բաժնի գլխավոր փորձագետ              |

|________________________________|____________________________________|

|«Մ. Հերացու անվան ՊԲՀ» հիմնադրամ|Էդգար Գրիգորյան - ՊԱԳ փորձագիտական  |

|                                |գնահատման և  մշտադիտարկման երկրորդ  |

|                                |բաժնի գլխավոր փորձագետ              |

|________________________________|____________________________________|

|«Շենգավիթ բժշկական կենտրոն» ՓԲԸ |Նունե Խաչատրյան - ՊԱԳ պայմանագրային |

|                                |գործընթացի կազմակերպման բաժնի       |

|                                |գլխավոր բժշկի ժ/պ                   |

._____________________________________________________________________.