040.0321.170600
«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ
«17» հունիսի 2000 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
17 հունիսի 2000 թվականի N 321
«ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆՈՒՄ ԱՌԵՎՏՐԻ ՀԱՄԱՇԽԱՐՀԱՅԻՆ ԿԱԶՄԱԿԵՐՊՈՒԹՅԱՆ ՀԵՏ ՏԵՂԵԿԱՏՎՈՒԹՅԱՆ ԾԱՆՈՒՑՄԱՆ ԿԵՆՏՐՈՆ» ՊԵՏԱԿԱՆ ՀԻՄՆԱՐԿ ՍՏԵՂԾԵԼՈՒ ՄԱՍԻՆ
Առևտրի համաշխարհային կազմակերպության (ԱՀԿ) կողմից իրականացվող առևտրատնտեսական քաղաքականության, ինչպես նաև Հայաստանի Հանրապետությունում նշված բնագավառի օրենսդրության մասին տեղեկատվության փոխանակման նպատակով Հայաստանի Հանրապետության կառավարությունը որոշում է.
1. Ստեղծել «Հայաստանի Հանրապետությունում առևտրի համաշխարհային կազմակերպության հետ տեղեկատվության ծանուցման կենտրոն» պետական հիմնարկ` հիմնադրի լիազորությունները վերապահելով Հայաստանի Հանրապետության արդյունաբերության և առևտրի նախարարությանը:
2. Հայաստանի Հանրապետության արդյունաբերության և առևտրի նախարարությանն ու Հայաստանի Հանրապետության ֆինանսների և էկոնոմիկայի նախարարությանը` լուծել «Հայաստանի Հանրապետությունում առևտրի համաշխարհային կազմակերպության հետ տեղեկատվության ծանուցման կենտրոն» պետական հիմնարկի առաջին երեք տարվա գործունեության համար անհրաժեշտ ֆինանսավորման հարցը:
3. Սույն որոշումն ուժի մեջ է մտնում 2000 թվականի հունիսի 17-ից: