Սեղմել Esc փակելու համար:
ՀՀ ՎԱՐՉԱՊԵՏԻ ԱՇԽԱՏԱԿԱԶՄԻՆ ՊԱՏՎԻՐԱՏՈՒ ...
Քարտային տվյալներ

Տեսակ
Գործում է
Ընդունող մարմին
Ընդունման ամսաթիվ
Համար

Ստորագրման ամսաթիվ
ՈՒժի մեջ մտնելու ամսաթիվ
ՈՒժը կորցնելու ամսաթիվ
Ընդունման վայր
Սկզբնաղբյուր

Ժամանակագրական տարբերակ Փոփոխություն կատարող ակտ

Որոնում:
Բովանդակություն

Հղում իրավական ակտի ընտրված դրույթին X
irtek_logo

ՀՀ ՎԱՐՉԱՊԵՏԻ ԱՇԽԱՏԱԿԱԶՄԻՆ ՊԱՏՎԻՐԱՏՈՒ ՍԱՀՄԱՆԵԼՈՒ ՄԱՍԻՆ

 

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

ՈՐՈՇՈՒՄ

 

6 փետրվարի 2020 թվականի N 127-Ա

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԱՇԽԱՏԱԿԱԶՄԻՆ ՊԱՏՎԻՐԱՏՈՒ ՍԱՀՄԱՆԵԼՈՒ ՄԱՍԻՆ

 

i

Ղեկավարվելով «Գնումների մասին» Հայաստանի Հանրապետության օրենքի 2-րդ հոդվածի 1-ին մասի 1-ին կետով` Հայաստանի Հանրապետության կառավարությունը որոշում է.

1. Միջազգային առևտրային պալատի վարույթում 2019 թվականի հունվարի 24-ին մուտքագրված թիվ ARB/19/1 արբիտրաժային գործով Հայաստանի Հանրապետության շահերը պաշտպանելու նպատակով Հայաստանի Հանրապետության արդարադատության նախարարության և «LALIVE» ընկերության միջև կնքված փաստաբանական և իրավաբանական ծառայությունների մատուցման թիվ ARB/19/1 պայմանագրի մասով որպես պատվիրատու սահմանել Հայաստանի Հանրապետության վարչապետի աշխատակազմին, որի վերաբերյալ սույն որոշումն ուժի մեջ մտնելու օրվանից սկսած 30-օրյա ժամկետում Հայաստանի Հանրապետության վարչապետի աշխատակազմի, Հայաստանի Հանրապետության արդարադատության նախարարության և «LALIVE» ընկերության միջև կնքել եռակողմ համաձայնագիր:

2. Հայաստանի Հանրապետության վարչապետի աշխատակազմին` սույն որոշումն ուժի մեջ մտնելու օրվանից սկսած 10-օրյա ժամկետում կազմել և կողմերի հաստատմանը ներկայացնել սույն որոշման 1-ին կետով սահմանված` կնքվող համաձայնագրի նախագիծը:

3. Սույն որոշումն ուժի մեջ մտնելու օրվանից սկսած 10-օրյա ժամկետում Հայաստանի Հանրապետության արդարադատության նախարարությանը` հանձնել, իսկ Հայաստանի Հանրապետության վարչապետի աշխատակազմին` ընդունել սույն որոշման 1-ին կետով սահմանված պայմանագիրը և պայմանագրից բխող փաստաթղթերը (բնօրինակ):

4. Սահմանել, որ սույն որոշումն ուժի մեջ մտնելու օրվանից սկսած Հայաստանի Հանրապետության վարչապետի աշխատակազմին են փոխանցվում սույն որոշման 1-ին կետով սահմանված պայմանագրի շրջանակներում բոլոր դեբիտորական և կրեդիտորական պարտքերը:

 

Հայաստանի Հանրապետության

    վարչապետ                     Ն. Փաշինյան

 

2020 թ. փետրվարի

Երևան

 

 

pin
ՀՀ կառավարություն
06.02.2020
N 127-Ա
Որոշում